- إنضم
- 22 يونيو 2011
- المشاركات
- 844
- مستوى التفاعل
- 0
- النقاط
- 0
بقولكم قصة ولادتي الي طافت والي الحين عمر بنتي سنة ونص وجم شهر
المهمكنت وانا حامل في بداية الشهر الثامن احس بتعب يعني تعب محتمل من الثقل وجذي يعني تعرفون 8 شهور حمل الواحد يمل وده بسرعة يولد
قلت لزوجي تعبانة تعبانة وايد حاسة اني بموت وطبعا كنت ابالغ اشوي
المسكين خاف وقال بسرعة قومي المستشفى
وانا ابيها من الله ركضه قمت ولا كأني حامل جهزت حالي ووداني
وبالسيارة قلت لا يشك فيني خلني اسوي حالي تعبانة شوي مسكين بآخر الليل ساحبته المستشفى
كل اشوي اون وانا مافيني شي بس جذي دلع يهالوة
<< ملانة تبي تولد
المهم وصلت المستشفى ودخلني طوارىء وانا اقول تعبانة مو قاددرة اوقف ابي كرسي
يابو لي كرسي وجلست وانا فيني الضحكة من الوناسة
<< الحمد لله والشكر
المهم احتاسوا السسترات على بالهم صج فيني طلق وعلى طول ودوني فوق ويابوا لي دكتورة تكشف علي
وانا اقول لها من التعب مااقدر اتكلم لا تسأليني شي :eh_s(2):
قالت الرحم مسكر 100%
حنعملك تخطيط
قلت لها يحتاج؟ :eh_s(10):
قالت لازم نعرف فيك طلق والا لا
قلت تعبانة يعني فيني طلق يمكن :eh_s(22):
ابتسمت ومشت مدري وش قصدها
حطوني بغرفة وسووا لي تخطيط وانا اقول يارب يقولون ولادة :eh_s(9): اول مرة اصير حامل مدري عن شي
المهم اسمع دقات البيبي واي حركة اضغط على الجهاز
كلموا الدكتورة قالوا البيبي سليم وحركتة حلوة
قلت عيل ليش التعب هذا كلة ؟ :eh_s(2):
<< تحب التمثيل
قالت اليوم بنخليك بالمستشفى وبكرة الصباح حنعملك سونار
قلت زين بكل ثقة
زوجي رجع البيت وانا ظليت عندهم والصبح رد مسكين خايف علي حتى مانام زين يستنى شيقولون بالسونار
وتخيلوا الصدمــــة
^
^
^
^
^
^
^
^
^
^
^
^
^
سووا لي سونار وقالت دكتورة السونار اية دة
قلت وشوووو؟ صراحة اخترعت
قلت يمكن الله عاقبني ومات البيبي تذمرت
قالت المي قليل قدا وراس البيبي فوووق ووزنة قليل يمكن المشيمة ماتوصل لة زيين ماتغذية
انا قمت اصييييح صيياااااااااح قلت خلاص بيموت وانا السبب
هذا الي مايصبر
قالت انا حكلم الدكتورة لازم ولادة وفووووورا القضية مابتحتملج صبر خطر على البيبي
كلمت الدكتورة وجاتني قالت لي لازم ولادة قيصرية
قلت يعني البيبي زين؟
قالت هوا كويس للحين بس لو تأخرنا مااتوقع ينفع
قلت خلاص بولد :eh_s(10):
قالت وانا امزح معاكي؟؟ :rgewrg:
النهار دة ولادة
وودوني غرفة الولادة سألتني تبين بنج كامل والا نص
قلت وانا وش دراني كلة نفس الشي بتولدوني عملية
قالت لا طبعا بنج النصفي افضل بكثييير
يعني احنا نولدك وانتي صاحية وماتحسين بشي وعلى طول اول مايطلع البيبي تشوفينة
عكس البنج الكامل ماتدرين عن شي وماتصحين الا البيبي بالحضانة
قلت خلاص عيل ابي نصفي الي هو بأبرة الظهر
دخلت الغرفة وسووا لي البنج وماحسيت بشي كل الي بالغرفة خفيفات دم ضحك وسوالف معاي ما كأني بغرفة ولادة يسألوني وش بتجيبي قلت بنت
وبسميها شهد قالوا اكيد حلوة مثلج وانا اقول انشاء الله :wqedqw:
<< مشكلة الثقة
اشوي والا تقولي مبرووووك قت البيبي قت تشابهك بسم الله ماشاء الله
وانا اضحك من الوناسة بنوتة حدها تهبل ودي ابوسها والا امسكها مدري شعور لا يوصف
تحسين شي صغير طلع منج كأنها قطعة منج ماتدرين وش تسوين
بس صراحة تهبل هالابرة عشت الجو معاهم وشوي الا البيبي في ويهي احسن من بنج كامل
خذوا البنوتة للدكتور لازم اول مايطلع البيبي يشوفة دكتور اطفال يكشف علية
وعلى طول قلت للسستر جيبي موبايلي ورسلت لأمي وزوجي صحيح زوجي طلع من المستشفى لأن مالة داعي وقفتة قلت لة ارجع واذا ولدت بقولك
مامداني رسلت الا اهوا جاي بعد الاب لة احساس حلو خاصة بأول مولود
قلت لة ولدت وجبت بنت
قال رحت الحضااانة وشفتها تهبل
اول مرة اسمع زوجي يقول تهبل ههههههههههههههه من الوناسة صار جذي
ووووووبس هذي قصتي بولادتي في بنتي
اتمنى استفدتوا ماتجذبون وايد :eh_s(22): لأن بتحاتون البيبي اكثر
والله يسهل علي الولادة هذي و اولد طبيعي
لأن القيصرية تعب اول الايام الحركة صعبة شوي
وربي يسهل عليكم انشاء الله
