اسـمـحـيلي يـالغـرام
New member
الســــــــلام عـــــلـــــــــيـــكم:ggdw:
قصة للفرح حكـــــــــــايـــه
الجزء الاول
.. في جميرا..وبالتحديد في بييت علي محمد ..صاحب اكبر شركة عقارات في دبي..هذا غير المحلات التجاريه الي يمتلكها ...
الساعه 7 ونصف الصبح ..بطلت عيونها بصعوبه وشافت ساعتها..فزت من نومها وعقت اللحاف وقلبها كان يدق بسرعه..وراحت تركض صوب الحمااام ..دشت عووشه حجرتها وشافت الليتات مسكره والمكيف شغااال..يعني توها ناشه من الرقاد..تمت تنبش في اغراضها..ولقت مجموعة اوراق كاتبه فيهم اشعار وقصص ..تمت عوشه تقراهم وتضحك على اختها..طلعت مريم من الحمام وكانت لافه المنشفه على راسها ..انتبهت على عوشه الي كانت ميوده اوراقها وتضحك بصوت عالي .. بس عوشه ماكانت منتبهه انه مريم طلعت من الحمام وكانت يالسه بطريقه انها معطيه ظهرها لمريم..عاد مريم استغلت هالشي ..مشت شوي شوي صوب عوشه وضربتها على جتفها وصارخت ..شو تســــــوين..!!!!
عوشه نقزت من مكانها وعقت الاوراق من الزيغه : بسم الله الرحمن الرحيم..اشفيييييج انتي اشفييييج..من وين طلعتي؟؟
مريم: ههههههههههه والله شكلج نكــــــــــته وانتي زايغه..عيل قاعده اتنبشييييين في خصوصياااتي وتضحكيين هاااا
عوشه: ههههههه والله كاتبتلي اشعار وقصص حب وغرام..اشلج انتي بهالسواااالف ..انا ابغي افهم انتي شقايل اتحصلييين وقت تكتبين هالخرابيط..
مريم: هههههه اتعرفيين انه هاا الي كتبتهم كان على ايام الثنويه العامه..اااه على اياام الراحه بالنسبه لي مب الحين حليلي متبهدله..
عوشه: انا اقووول بعد..بنت تدرس طــــب وتكتب هالخرابيط ما يصير..وبعدين منو قص عليج وقالج ان ايام الثنويه العامه راحه..ااه يا قلبي ثرج مااتعرفين المعاناه الي انا اعانييها..والله اتصدقييين اليوم عندي امتحانيين فيزياء وكيمياء..والله يستر
مريم: يالله ما علييه شدي حيلج ونبا نسبه عاليه هااا شراتي ..وبالنسبه للتعب الي قاعده اتعبها الحين ..أحس انه تعب الثنويه العامه ولا شي..وفجــاه تشهق..عوشووووووه يالله نشي اتأخرت عالكليه..وانتي بعد اتأخرتي على مدرستج..
عوشه: انا من متى اترياج انتي الله يهدييج ساعه لين ما تظهرين من الحمام..
مريم: انزين يالله طلعي برع وسيري اتريقي ..وانا بزهب وبنزل تحت اباج اتكونيين جاهزه..
عوشه: خلااص اوكييك..يا كيييك..
مريم: ههههه يالله..
طلعت عوشه من عند اختها ونزلت تحت ..شافت امها وابوها واخوها راشد..يالسيين يتريقون..
عوشه: صباااااح الخيييير
الكل: صبااح النور..
فاطمه: هلا ..هلا بنتي عوشه ..هلا بالنور كله ..اشحالج اليوم ..كيف اصبحتي
عوشه تسير تحب راس امها: اهلييين ..الغاليه انا بخييير ربي يعافيج ..وتسير صوب ابوها وتحبه على راسه..اشحالك ابوي؟؟
بو راشد: الحمدالله بخيير يا بنتي..
راشد: احم احم..وانا!!!!!
عوشه: هلا هلا رشووود شخبارك..
راشد: مســــودة الوييه..اصغر عيالج تقولين رشووووود..انا الشيخ راشد..
عوشه: ههههه مشكله الي يتخققون..وتسير تقعد عالكرسي الي يم امها..
راشد: عيل مريم وين..؟؟
مريم وهي نازله من الدري: كـــاني يييت..
كانت آيه من الجمــــال ..كانت حاطه آيشدوو((ظل العيون)) وردي خفييف وتحت عيونها راسمه خط بآيشدوو وردي غامج وكانت حاطه جحال داخل عيونها والشي المميز في مريم ان عيونها وسااع وهالشي مخلنها تحلى اكثر ..وكانت حاطه جلوس وردي يلمع عالشفايف....وكانت حاطه شيلتها بطريقه مرتبه على اساس ان ما يظهر ولا شعره وكان عليها نقوش ورديه..وكانت لابسه عباه بعد عليها نقوش ورديه خفيفه على الاكمام وتحت العباه كانت لابسه قميص وردي قصير وتنوره لونها عنابي.. هي دايما جييه تحب الكشخه وماتحب تهمل عمرها.. وكانت ميوده شنطة ديور ورديه كبيره شوي حاطه فيه كتبها واغراضها....
راشد: يا سلاااااام كل هالجمــــال تمتلكها اختي انا!!!
عوشه: هههه صايره شرى النمر الوردي كلها وردي على وردي اليوم..
مريم: سخييفه عوشوووو..فديت اخوي انا.. الجمال كله من صوبك انت يا توأمي العزيز
تسير تسلم على عمتها..
مريم ((تحبها على راسها)): عمتي اشحالج؟؟
فاطمه: بخير ربي يسلمج..
وتسير صوب ابوها..
مريم((تحبه على راسه)): ابوي اشحالك
بو راشد: الحمدالله..شخبارج انتي؟؟
مريم: بخيير ابوووي ربي يسلمك..عوشووو يالله بسج اتأخرنا خلنا انسير..
عوشه: يالله يالله خلصت انا..
فاطمه: وييين ما كلتي شي يا عوشه..؟؟
عوشه: بس امي شبعت..مريم انتي ما تبيين شي..؟؟
مريم: لاا لاا انا بتريق في الكليه يالله..
بو راشد: مريم يا بنتي مب محتاجه فلوس؟؟؟
مريم: لا ابوووي مشكوور عندي الي يكفيني ..الله يخليك لنا..يالله نشي عوشووو..انا بسبقج ..يالله يا جماعه مع السلامه
الكل: مع السلامه
سارت عوشه ورا اختها على طوول..ومن بعد ما ساروا نش بو راشد..
بو راشد: يالله يا راشد نش خلنا انسير نحن بعد..
راشد: ابويه يعني لازم ايي الشركه وياك اليوم افف مالي خلق..
بو راشد: اشووو بعد مالك خلق ..يالله جدامي اشوف بلا دلع..
راشد وهو حايس حلجه: انزين ..انزين..مع السلامه عمتي..
فاطمه: مع السلامه يا راشد..
ويطلعون بو راشد وراشد..
فاطمه: وانا شو مقعدني اهني ..خل اسير بيت ام مايد اشوف شو اخبارها احسن لي..
مريم وراشد توم ..عمارهم 24 سنه..مريم..تدرس طب في كلية دبي الطبيه وهاي آخر سنه لها ..راشد خلص دراسته وهو يداوم في الشركه ويا ابوه..عوشه اختهم من الابو..عمرها 17 سنه وهي الحين في الثانويه العامه..
.............................
صوتها كان منتشر في كل أرجاء البييت..وهي واقفه عالدري ببجامتها وشعرها كشـــــه.. ,,((يمــــــــــــــــا ..يمــــــا ويــــــنج))..ومن الصوب الثاني ..خديجه فزت من نومها وشافت ســـــاعتها (((وااااي يا ربييي انا شو مرقدني لين هالوقت)))..وعلى طول نشت واتجهت ناحية الصوت الي قومها من الرقاد والي لولاه خديجه ماكانت بتقوم..
خديجه ((وهي تتثاوب)): هاااا يما اشفييييج ..؟؟ شو بغيييتي..؟؟اخوج واختج وينهم..ابوج وينه..
دلال: لا ماكو شي يما بس قاعده اجرب صوتي خخخخخ..يمـــا صباح الخييير ..ابوي من زمان طلع وراح الشركه بس تدرين بعد قيسج يحبج ويحاتيج ما حب يقومج من الرقاد..خخخخ فديتني دمي خفييف صح يما..
خديجه: حسبي الله عليج دلالوووووو..وانا على بالي صاير شي ..وبعدين شنو قيسج وما قيسج استحي على ويهج كبرنا على هالسوالف..ماادري شو صار فيني اليوم العاده اكون قاعده من بعد صلاة الفجر ..بس اليوم خذاني النوم والله يهدييه ابوج المفروض يقومني..
دلال (( تغمز لها )): مو قلنـــــالج ..يحبج ويخاف علييييج
خديجه: ههههه حسبي الله عليج يا دلالووووو اصلا من يييتوا انتوا نحن نسينا الحب..
دلال: هاااااااااااا يعني قبل مااني كان شي حب متبادل خخخخخ حلوه هذي حب متبادل
خديجه: بس عاااااد دلالووووو..مالي خلقج..قوليلي اختج واخوج نشوا والا بعدهم..
دلال: منال قاعده تتزهب عشان الجامعه..ونوافووووو في سابع نوووومه..
خديجه ((تشهق)): لييي الحين ما نش!!!...وخري زييييين خل اسير اشووفه..
دلال: انزييييييييين يما وانا..!!!
خديجه: اشفيج انتي بعد..
دلال ماده بوزها: خلااص خلااص ماكو شي ..ماابي شي
خديجه: يالله عاد دلووووله قولي اشفيج بسرعه خلصيني بلا دلع..
دلال تمد بوزها بعد مره: خلااص آنا زعلت سيري عند حبيبج نواف ..اصلا آانا محد يحبني في هالبيت
خديجه(( تسير وتبوسها على راسها وتلوي عليها وتبتسم لها)): قولي يما شو بغيتي..
دلال: اييييه جذي اوكي..يما صارلي ساعه ادور مريولي مال المدرسه ما حصلته ..يعني مو لازم اسير المدرسه اليوم..وهي تبتسم ابتسامه عريضه..
خديجه: وانا اقول هالصراخ كله اشحقه..يالله روحي زيييين ما عندج سالفه بتروحين المدرسه يعني بتروحين واسئلي ماريا عن مريووولج بسرعه ترى الوقت متأخر اكيد بطوفكم الحصه الاولى انا خل اسير اقوم هالولد الي لي الحين راقد
وعلى طول خديجه تسير صوب حجرة نواف..
دلال وهي حايسه حلجها: ايييه زيين بعد ..نعمه نطوف اول حصه ..
في حجرة نواف..كان رااااقد في سابع نووومه ..ولا حاس بالدنيا..ومتغطي باللحاف عدل من البرد ..بطلت خديييجه البااب بالقووو ودشت ..وبطلت الستاره وبندت المكيف..بس ماشي فايده نواف لين الحين نايم ..تسير خدييجه صوبه وتهزه..
خديجه: نوااااااف يمـــا يالله قووووم اتأخرت على مدرستك..
بس نواف ما سوالها سالفه وصد الصوب الثاني..
خديجه: يا ربييي على هالولد بيننني..تهزه بالقوووو..نوااااااااف يالله قوووووووووووووم..
نواف توه انتبه ان في حد يزقره كان مبطل عين ومسكر عينه الثانيه..
نواف((بصوت خشن)): هااا يما شو تبين؟؟؟
خديجه: يا بروووودك يا نوافووووووه..نش وراك مدرسه يالله
نواف: اوووووه يما ما بروح المدرسه اليوم خليني انام ..يما بس اليوم
خديجه: يالله عااد نوافووو بلا كسل..دايما اتقولي بس اليوم..
نواف: اففففففففف زين زين كاني نشييييت..
خديجه: ايييه عفيه عالشاطر ياالله حبيبي سير اغسل ويهك وانزل اتريق بسرعه..
نواف: زين
وتطلع خدييجه عنه وتسير صوب غرفة منــال..فتحت الباب على طــــول ..انصـــدمت من الي شافته ...
منال ((مرتبكه)): ي..يمـا!!!! .. ص ..صباح الخير..اشلونج؟؟
خديجه ((بعصبيه)): عيل قالولي انج قاعده تتزهبيين..قاعدتلي من صباح الله خير مجابل هالكمبيوتر!!!!..
منال تبغي تبرر موقفها: مو ..مو ..اييه ايييه اتذكرت ..مو انا يما ..تبلع ريجها..سلمج الله ..كانوا طالبين مني اسوي بحث ..ونسييت اسوييه البارحه..فقلت انش من وقت واسويه..
خديجه: الله يهدييج يا يما..لا تهمليين دراستج وسوي كل شي بوقته..يالله حبيبتي روحي اتلبسي ونزلي عشان تتريقين ..اتأخرتي على جامعتج..
منال: ان شاء الله يمـــا..
وتطلع خديجه عنها واتسير صوب حجرتهم عسب تغسل ويهها وتعدل شعرها..لان ما لحقت اتسوي كل هاااا ..من سمعت صراخ بنتها دلال..
منال ((بارتياح)): افففف الحمدالله عدت على خير..
اما تحت فكانوا يالسين نواف ودلال يتريقووون..
دلال: نوافوووو وناسه بتطوفنا الحصه الاولى اليوم ويمكن الثانيه بعد
نواف: هه وايد عليج الصراحه ..آنا ما كنت ناوي احضر ولا حصه اليوم ..بس تدرين بعد امج وطبايعها..آانا ربعي يغيبووون ثلاث ايام في الاسبوع وما يقولون لهم شي ..وانا من يوم ما بدت المدرسه ما غبت الا يوم واحد وهذا بعد لاني كنت مريييض..
دلال: ههههههه..تصدق آنا كم دعييت اني امرض عشان اغيييب بس ماكو فايده..عاد انت على الاقل غبت يووم آانا ولا يوم
نواف ((بعصبيه)): بس عاااااد دلالوووو..عطيتج ويييه ..شنو تدعين عشان تغيبين ..ينيتي انتي..!!!
دلال(((حايسه حلجها)): افاااا..انت كنت وياي..شو الي جلبك علي...!!!
نواف: بس عااااد..آنا اخوج العود..
دلال: زين زين..ما قلنا شي..وهي تتحرطم..مسوي روحه كبير علي ..كلهم ثلاث سنوات بيني وبينه
نواف: نعـــــــــــم..قلتي شي..!!!!
دلال: لاا لاا وآنا أتجرأ اتكلم واخوي الكبير موجود ما يصير ..!!!
نواف: اييييه جي ابغيج..وهو في خاطره وده ينقع من الضحك عليها ..ايعيبه وايد لما يلعوز دلال..وهي مسكينه تخاف منه لانها اتعرف اذا نواف عصب ما بيستوي خير..بس بنفس الوقت نواف يحبهااا ويعزهــــا وااايد..ودلال بعد نفس الشي..وحتى لو اضاربوا ..يردون شرات ماكانوابعد خمس دقايق..
تنزل لهم خديجه وتشوفهم يتريقووون..
خديجه والابتسامه مرتمسمه على ويهها: حبايبي والله..اشحلاتكم وانتوا تتريقون..ها خلصتوا؟؟
نواف: ايييه للاسف آانا شبعت..والا كنت بتأخر زود..
دلال: عاد يما آنا تعرفيني ما آكل بسرعه..بعدني ما شبعت ..وآنا اعرفج ما اهون عليج اسير المدرسه وآنا يوعانه
خديجه: يالله عاااد عن العياره يا دلووول..نشي وخذي السندويجه وياج..وانت يا نواف سير اركب السياره ويا الدريول وانطر خواتك لين ماايوون
نواف: ان شاء الله يمــا..بس لايتأخرون .. منالووو وييين..؟؟..لين متى اقعد انطرها آنا في السياره!!..
منال: كـــاهي كـــاهي منالووو نزلت..
منال من النوع الي تبالغ في وضع الميك اب على ويهها..مع انها حــــلوه وجميله من دونه ..بس هي عاد تتفنن فييه..كانت حاطه آيشدوو اسود وفوقه احمر..وكانت حاطه جحال داخل عيونها وتحت عيونها راسمه خط بالجحال..وكانت حاطه بلاشر احمر خفيف عالخدود ..وجلوز احمر على شفايفها....وكانت لابسه قميييص احمر طويييل وبنطلون احمر بعد..وحاطه شيله حمرا مكركشه ولافتنها بطريقه مرتبه .. كانت صدق ملفته للانظــار
خديجه: منـــال!!!..كل ها حطته على ويهج اشحقه!!!!..يالله روحي جدامي امسحي اللي على ويهج ..
دلال: لاا لاا يما حــــرام عليييج طالعه حلوه منـــال..منالوو الله يخليج ..سويلي مثلج عشان اكون احلى وحده بالمدرسه و البنات كلهم يناظروني ..جني عروس خخخخخ
نواف: دلال !!!!!!!!!!!!!!
دلال: خ..خلااص خلااص آنا اسفه يا اخ نواف..
نواف: ايييه جي ابغيج..وانتي ماشاءالله عليج ((يأشر على منال))..رايحه عرس والا جامعه!!!..يالله اشوف جدامي امسحي هالصبغ الاحمر الي حاطتها على ويهج
منال ((باستهزاء)): شنــــــــــــــو!!!..ما باقي الا انت بعد تتأمر علي..
خديجه: صدقه نواف يا منـــال انتي رايحه عرس والا جامعه..!!..يالله اهوو جدامي امسحي عالاقل خففي بس
منال: موو يما الحين ماكو وقت ..وماباقي على اول محاضرتي غير عشر دقايق واحنا لي الحين ما طلعنا من البيت ..يبيله وقت يما لين ما امسح..
خديجه: زين خلااص ...بس يكون في علمج هذي آخر مره اتحطين كل هذا على ويهج فاهمتني!!
منال: ان شاااااااااء الله يمـــا..وانا كم خدوووج عندي ((وهي تغمز لها))..
خديجه: هههه..ايي عفيه يما يالله روحو ..ربي يحفظكم..
نواف: يما من صجج انتي اتخلينها تروح جذي!!!
منال: وانت شكووو فيني ..!!!!
نواف((بعصبيه)): آنا أخوووووج
منال: ايييه بس الحمدالله انك اصغر عني ..
خديجه: ما عليييه يا نواف ..اليوم لان متأخرين بمشيها لها بس المره اليايه لاء
نواف: خلااص راح اسامحج هالمره بس المره اليايه نوووووو وااااااي
دلال: خخخخخ حلوه هذي نو وااااااااي
منال: خلااص مشكووووور عالرخصه يااخووووي نواف ..ممكن نمشي الحين
نواف يمشي وراسه مرفوع ويتبختر..: يالله يا بنات.. وراي
الكل: هههههههههههههههههه
خديجه: يحلييييله ولدي اشحلاته ..يالله حبيباتي روحوا وراه ..وانت يا نواف دير بالك عليهم مااوصيك
نواف: ان شااااء الله يا امااااااه..سأدير بالي عليهم
منال: هههههههههههههه حلوه هذي
دلال: هههههههههههههههههه اااه بطني مااروم ..تكفى تكفى نواف عيدها
نواف: بس عااااد..!!!..احترميني آنا اخوج العود
دلال وهي تقلد الضباط: حاضر سييدي..
الكل : ههههههههههههه
خديجه: الله يخليكم لبعض يا عياااال..يالله حبايبي روحوا وديروا بالكم على عماركم
منال+نواف+دلال: ان شاء الله يمــــا ..يالله مع السلامه
خديجه: مع السلامه الله يحفظكم..
عائلة مشعل محمد..عائله كويـــتيه وعايشين في الكويت ..منال..عمرها 19 سنه ..نواف..عمره 15 سنه ..دلال عمرها 12 سنه..وخديجه امهم..
.........................................
في بيت صغير جــــدا في حجمه.. تقريبا نقدر نقول عنه مااافييه شي..يعني ما فيييه الاشياء اللي كل بيت تنعم فييه..بيت متواضع جــــدا..ما فيه غير صــاله وحده صغييره وحجرتين ومطبخ وحمام بس ..عايشين فيه ام وولد وبنتين..
في صالتهم الصغيره..الي سقفه شويه وبتطيح عليهم ...يالسه وشايله هموم الدنيـــا كلها على راسها..والدموع ما تفارق عيون هاي الانســـانه..يـــــاربي ..ليش جي يستوي فيـــنا ليش..آآآآه يا دنيــــا ..لييييش ظلمتيني انا وعيالي جيييه ..شو تبييين منـــــا شـــو..قوليلنا عشان نعطيج ايااه وانعيش مثل ما يعيشون باقي النــــاس..ااه يا دنيا..ليش كل شي ينقاس بالبيزات..اذا عندي مليون اسوا مليون..واذا عندي فلس اسواا فلس..!!ااه يا ربي ليش جيه..ليش وليش ..الف سؤال داير في بالي ولا لاقيه لهم جواب..لـــــكن مااقول غير الله يرأف بحالنا ..يقطع حديثها النفسي صوت ولدها ..يوسف
يوسف: امـــــي..!!!
عايشه((تمسح دموعها)): هلا يوسف هلا امي..ليش رديت من المدرسه !!
يوسف يتجرب من امه ويقعد عندها: امي رخصونا بسرعه ..اساتذتنا كان عندهم اجتماع..الغاليه ممكن اعرف شو سبب هالدموع..؟!!
عايشه تتنهد تنهيده قويه..
يوسف: امي اشفيج شايله هموم الدنيا كلها على راسج..رب العالمين ويانا ..
عايشه: ونعـــم باالله..!! خلااص فديتك سير ارتاح الحين..
يوسف: لا الغـــاليه ..ما بسير الا لما اشوف الابتسامه على هالويه الحلو..
عايشه تبتسم ابتسامه خفيفه..
يوسف: لاا لاا مااقبلها..
عايشه كبرت الابتسامه شوي علشان خاطر ولدها..
يوسف: هييييه الحين ارتحت انا ..
عايشه: انزين فديتك مب يوعان؟؟
يوسف: تبين الصدق ياامي ميت من اليوع..في شي؟؟؟
عايشه: هي فيه خبز وروب ..
يوسف: اممم والغدا...!!
عايشه: لا تحـــاتي الغدا ..ام احمد يارتنا يزاها الله خير يابت لنا يونية عيش وطبخت لكم منه شوي ..
يوسف: امي وبعدين وياج يعني..!!..انا الف مره قايلج لا تاخذين شي من حد..
عايشه: مااخذ شي من حد!!!..عيل من وييين ااكلكم !!!..وبعدين يارتنا ام احمد مب اي حد ..هي من زمان يارتنا ومب انا الي اطلب منها ..هي اللي اتيب يزاها الله خير..
يوسف: اوفففف تراني اقولج بشتغل مب طايعه
عايشه: لاا لاا يا يوسف الا هذا ماارضى فييه ..اهم شي دراستك ..وبعدين اتقولي بتشتغل!!!..ههه إظاهر ناسي انــك بــــــــدون!!
يوسف وصوته بدا يعلى: اوفففففففف بــــــدون..بـــــــدون ..ليش !! والبــدون مـــالهم رب ..انا مولـــــود اهني ومتـــربي اهني..يـــا ربــي ليش انا انوجدت في هالدنيا ليييييش..واتقوليـــــلي اهم شي دراســــتك..شو أبــــغي في الدراسه يوم اني مااقدر اشتــــغل..وبعـــدين تبيني أدرس عشان انتي تتجحتين من الناس..!!
عايشه: شو هالكلام يا يوسف!!!!
يوسف ينش من مكانه: اوووووه انا ساير ارقد..
عايشه: يوسف...يوسف..
بس يوسف راح عنها ولا كأنه يسمعها..
وعايشه هالمره تمت تصيح بصوت مسموووع..ومن الخاطر بعد..اااه يا ولدي شو تباني اسوي ..شووو..غصبا علي يا يوسف غصبا علي..ومن الصوب الثاني ..يوسف في الحجره ذابح عمره من الصيااح وندمــــان من الطريقه الي رمس امه فييه..بس شو بيسوي ..ما يبغي النـــاس يشفقون عليهم ..بــــوده هوو الي يصرف على عايلته بحكم انه ريال البيت..على الرغم من انه عمره 18 سنه بس ..يفكر في هالتفكير..الي في هالسن ما يفكرون الا تتحقق رغباتهم واهلهم هم الي يصرفون عليهم ..لكن يوسف غيـــر ..يا ما يشوف شباب في المدرسه يتباهون بالسيايير الي عندهم وانواع الموبايلات ..ما ينكر ان هالشي يأثر فيييه ..بس متحمـــــل وصابر بس علشان امه وخواته ..مقدر الحاله الي هم فييه ودايما يحمد ربه ويشكره على الي عطاهم اياه ..وعايش على امل ان وضعهم هذا اكيد بيتغير ..لا بد انه بيي يوم وبيعيشون عالاقل مثل ما يعيشون الناس الي حالتهم المــاديه متوسطه..بس هذا الي يبونه وما يطمحون بالمزيد..
........................
خلصـــــت الدوامات وكل حد رد بيته..يدخل البيت وهو ينادي امه..امـــــــــــــي ..امـــــــــــــي وينج..؟؟!!
موزه:هلا ..هلا بشيخ الشباب..
محمد: واا فديت روحج انا يا اامي..اشحالج
موزه: بخير الله يسلمك..انت اشحالك
محمد: الحمدالله بخير ..قوليلي ياامي شو الغدا اليوم ترى وياي ضيف..
موزه: مجبوس سمج..لا ومسوتنه بيدي بعد..بس قولي من هالضيف الي وياك..
محمد:يم يميييي مجبوس سمج ومن ايدج..لاا لاا اكيد غدانا اليوم اسبيشل..يا امي الي وياي راشد ولد علي ..يبا يسلم عليج
موزه: هيييه راشد حيااه الله ..قوله خله ايي راشد مب غريب..
يسير محمد ويزقر راشد الي كان يالس في السياره..ويأشر عليه عشان ينزل..ويدخلون الصاله..
راشد: السلام عليكم..
موزه: وعليكم السلام ..هلا ولدي راشد شخبارك؟؟
راشد: بخير عموو ..شخبارج انتي عساج طيبه..
موزه: انا بخير ربي يعافيك..وشخبار عمتك وخواتك ..ان شاءا لله كلهم زينين؟؟
راشد: كلهم بخيير..
محمد: انزين يا امي بسرعه الله يخليج حطيلنا الغدا ترى راشد امأذيني في السياره..يوعان ويوعان
راشد: طاع والله جذاب عووووود..الحين انا الي كنت اقووول جيه والا انت الي اتحن علي يوووعان ويوعان ..تصدقين عمووو..بغى ياخذله غدا من المطعم بس ما خليته
محمد: ما عليييييه رشوووود ..عيل كشفتني هاااا..
موزه: هههههههه..هي هاللي قاصر بعد تاكل اكل مطاعم ..زين سويت في يا راشد..
محمد: هههه فديت هالضحكه انا ..المهم يالله بسرعه امـــي حطيلنا الغدا تراني ميت من اليوع والا بسير مطعم..
موزه: زين زين الحين بسير
راشد: هههه يحليلها امك..
محمد: هي والله فديتها عساني ماانحرم منها ..كل شي ابغيه مااتقولي لا
راشد يتنهد: يا حظك..!!!
محمد: اشفيك يا راشد..ترى انت بعد ابوك مو مقصر عليك بشي..
راشد: انا ماارمس عن البيزات ..ارمس عن الحنان الي فقدتنه ..الله يرحمج ياامايه..
محمد: الله يرحمها..انت الحين لا تكدر بخاطرك وخلنا نستانس ونخطط حق طلعة الويكند..
راشد: اسمعني..ابغي هالويكند يكون غير ..وصي ربعك خل يكثرون من ....وهو يغمز له
محمد: ههههه افا عليييك يالغالي ..موصنهم اييبونهن من جميع انحاء العالم..لا وكل وحده احلى عن الثانيه..
راشد: ههههه تعجبني يا حمووود..تعجبني..
محمد ..وحيد امــــه ابوه تاركله خير وثروه ..وهو الي يداري شركة ابوه الله يرحمه..راشد ومحمد ربع من ايـــــام الدراسه..بس محمد أكبر من راشد بسنه ..يعني عمره 25 ..
........................................
في بيت علي سلمان..مريم ردت من الجامعه ومن التعب رقدت على طوول ..وعلي وفاطمه بعد ما تغدوا رقدوا..مافي غير عوشه الي مستانسه عشان باجر ما عندها امتحان..وياسه اتحاول ترقد بس مب ياينها رقاد..
عوشه: افففففففف يعني باجر لا عندي امتحان ولا واجبات ..ليش مايايني ارقاد مااعرف..افف شو هالحظ..ويوم عندي امتحان عيوني مااقدر افتحهم..عيل دام انه مب يايني رقاد خل اسير اتصل حق حمدوووه..اممم لا اكيد منخمده هاي الحين..يلست اتفكر شوي شو اتسوي ليين ما لقتها..هييه وانا شقايل راحت عن بالي هـــاي خل اسير اتصل حق حبـــــــــــــيبي..
شلت موبايلها ودقت على رقم حبيبها في بريطانيا..تم يرن ليين ما رد..
جاسم: هــــلا والله هــــلا..
عوشه: يا حــــي هالصوت ..شخبارك يالقاطع؟؟
جاسم: عوشووه اتريي الصوت يقطع بطلع برع ..وينش جاسم من عند ربعه ويسير برع..
جاسم: يا مرحبا والله ..
عوشه: مرحبتييين..شو الحين اوكيه؟؟
جاسم: هيي الحين اوكيييه..
عوشه: فديت هالحس انا..عساني ماانحرم منه..وينك انت والله لك وحشه افف متى بترجع؟؟
جاسم: والله انتوا اكثر..انا ابغي ارجع اليوم قبل باجر بس ما باليد حيله..
عوشه: يالله ما علييه ان شاء الله بترد وراسك مرفوع بشهادة الدكتوراه
جاسم: هههههههههه دكتوراه مره وحده
عوشه: هييييه ليش لاااا!!!
جاسم: ان شاااااء الله ..اتمنى هالشي عقبالج انتي..ذاكري عدل
عوشه: اففففففف انا بس ابغي افتك من المدرسه بعدين بفكر في هالشي
جاسم: يالله عااااد ويا راسج لا تقولين جييه ..ان شاء الله بتفتكيين
عوشه: ان شاء الله ..وشو الدراسه وياك..
جاسم: زيينه انمشي الحال..اخبرج عوشووو عقب بتصل بج مشغوول شوي..
عوشه: اوكي حبيبي بس عاد لا تقاطع
جاسم ان شاء الله فديتج سلـــــــــــمي..
عوشه: يبلغ..يالله باي
جاسم: باي..
فواز((يغمز له )): هااا يالشيطان اشوفك سكرت عنها لمــا شفتني جدامك ..وطلعت من عندنا وحاجيتها ..شو السالفه..!!..واتقولي مااحاجي بنات هاااا
جاسم: لا حول ولا قوة الا بالله..اشفيييك انت اتخبلت ..رضيعتي هااااي
فواز((مبقق عيونه)): شنو!!!!!!..شنو يعني رضيعه بعد ..يعني النونو !!..اشلون جيه!!!!..ينيت انت !!!!
جاسم نقع عليه من الضحك: ههههههههههههههههههههههههههههههههههههههههههههههههه. . رضيعتي يعني اختي يالاهبل..
فواز وهو قافط ويحك راسه: هاااه ..ايييه..يعني الي كنت اتحاجيها اهي اختك..سامحني جاسم ما....
جاسم يقاطعه: افااا عليك يا فواز ماصار شي وانت ما كنت اتعرف ..يالله يا معـــــود خلنا اندش داخل..
فواز: ههههههه حلوه منك يا معود
جاسم: هههههه شو اسوي فيك قمت ارمس مثلكم يالكوتيين
فواز: هههه زين يالله يا ريال خلنا ندخل داخل الربع بيرمسون علينا رمسه مب زينه
جاسم: هههههههههههههههههههههه باجر نرد عند اهالينا انت ترمس اماراتي وانا ارمس كويتي
فواز: هههههههه اييه والله
جاسم: هههه ياالله امش
فواز: هههه يالله..
..........
الجزء الثاني..
نشت مريم من الرقاد وكانت حاسه بنشاط غير طبيعي هالمره..كانت قاعده عاالمكتب ووتتصفح كتبها وتراجع الي خذوه اليوم في الكليه فجــأه تذكرت امـــها..صح انها في حياتها كلها ما شافتها بس بعد حاسه انها فاقده اعز انســانه..حاسه انها محتاجه حق هالانسانه..صح ان مرت ابوها مب مقصره وياها بس بعد ما تاخذ مكان أمها..تنهدت..الله يرحمها.. وغصـــبا عليها نزلت دمعه من عيونها ..على طول قررت تنزل تحت تقعد ويا اهلها شوي لانها حست بضييج ..طلعت من غرفتها وبندت الباب..ونفس الشي عوشه كانت توها طالعه من حجرتها ..
عوشه: مريمووو الدبه ..جان ما نشيتي من الرقاد ..بعده وقت
مريم: انا من زماان ناشه ويا ويهج..بس تميت ادرس واراجع الي خذناه اليوم..
عوشه: خخخخخ مفييييييييجه!!!
مريم: هي شو تتحرين اكيد بتفيج ..هـــذا طب مب لعب عيال..انتي شو كنتي اتسوين
عوشه: انا اقولج مستااااااانسه ما عندي امتحان ولا واجبات باجر..
مريم: وطبـــعا استغليتي هالشي ولا فتحتي كتاب واحد..
عوشه تهز راسها: نعم نعم هذا ما حصل يا اختاه..
مريم: عوشووووه انتي ثنويه عامه وعلمي بعد لازم تذاكرين اول باول يا حظــــي
عوشه: افففف مريوووم والله تعبت الاسبوع هذا كله عنا امتحانات ما عدا باجر..خخخ على سالفة باجر ..ابلة الاحياء كانت بتعطينا امتحان بس البنات قصوا عليها وقالوا عنا امتحان عربي ..جان تأجله
مريم: لا ومستانسه بعد قاصين عالابله!!
عوشه: انا ما يخصني ..البنــــات بعد تعرفينهم..والله انتي مب حاسه فينا مريووم كل يوم امتحان حشـــا ما يريحونا ابد ..يا ربيي متى بفتك !!
مريم: ان شاااء الله بتفتكيييين انتي بس ذاكري عدل الله يخليج يا عوشووه نبا نسبه حلوه..
عوشه: ان شااااااء الله يالدكتوره مريم..
تحت كانوا يالسين بو راشد وفاطمه ..
بو راشد رفع راسه فوق وشاف عوشه ومريم واقفات في الممر ويسولفون : مريم..عوشه..تعالوا قعدوا ويانا
عوشه: لا لا ابويه ما نبا انخرب عليكم القعده الرومانسيه خذوا راحتكم خخخخ
الكل: ههههههههههه
فاطمه: ههههه ابوج ويين والرومانسيه وييين خلااص شيــــب
بو راشد: نعـــــم نعـــــم..شو قلتي يالعيوز!!!..الحين انا شيبت !!!..فديتني بعدني شيخ الشباب انا ..انتي الي خلااص التجاعيد بدت تظهر على ويهج ..احم احم
فاطمه: لااااا عيوووووني انت نسيت يوم انك ماخذني كان عمري 16 سنه وانت عمرك 25 ..يالله يا بنات احسبوا ابوكم كم اكبر عني !!!
بو راشد : الريال مب بعمره يالعيوووز ..الريال بشكله ..بذمتكن بنااات شكلي مو شباااب
عوشه: خخخخ تبغي الصج ابويه ..الصراحه اذا ما كنت بنتك كنت بقردنك
بو راشد يطالع ام راشد وهم مب فاهمين آخر كلمه قالتها عوشه..
وعوشه ومريم يضحكووون على اشكالهم
مريم: صخي حسبي الله عليج يا عوشووه خلينا ننزل
عوشه: ههههههههههه يالله
ونزلوا مريم وعوشه وقعدوا وياهم ..بس عوشه لين الحين تضحك
فاطمه: عوشوووه!!!!..بس عاد صخي ..اشله هالضحك بعد
مريم: ما عليج منها عمتي اتذكرت شي وقاعده تضحك علييه
فاطمه: حشا!!!..شو هالشي الي مضحكنها هالكثر..
عوشه: هههههههه..لالا ماشي امي المهم بخبركم تدرون اليوم اتصلت في منو
فاطمه: اتصلتي في منو؟؟؟
عوشه: اتصلت في جـــــاسم
فاطمه: فدييييته ولدي شخباره والله اني متولهه عليه
عوشه: الحمدالله بخيير ..قالي بيتصل عقب بس مااتصل ليين الحين
فاطمه: اتصلي فييه الحين خليني ارمسه
بو راشد: شو اترمسينه الحين يا حرمه يمكن الولد مشغول ..خلااص قالتلج روحه بيتصل والحمدالله ان اطمنا عليه
فاطمه: زين زين خلااص..
بو راشد: المهم اليوم اتصل فيني اخوي سلطان وقال لازم انسير نتعشى بيتهم فزهبوا عماركم بعد صلاة العشا بنسير
مـــريم استانست من خاطرها ..يعني بتشوف حــــمد اليوم..
عوشه: الله ونــــاسه بيت عمي سطان بشوف حمدوووه ..وبعد عالاقل نطلع انغيــــر جو
بو راشد: مريم اتصلي في راشد قولييله ايي بعد
مريم: ان شاء الله ابوي بتصل فيه..
بو راشد: انزين عيل شكله اذن المغرب انا بروح المسيد..
فاطمه: هي يالله ونحن بنروح انصلي بعد
….......
يوسف من الصياح الي كان يصيحها ما حس بعمره الا وهو في سابع نومه حتى من غير لا ياكل شي..وعايشه كل دقيقه كانت تطل عليه وتشوفه راقد..والحين قررت انها تسير تقومه لانه اذن المغرب ولام ينش يصلي..قربت منه ويلست عداله عالسرير
عايشه بحنان: يوسف حبيبي يالله قوم بسك رقاد..
يوسف بطل عيونه بصعوبه ..
عايشه بابتسامه: يالله قوم حبيبي..
يوسف مسك ايد امه وباسها: امي سامحيني على اللي صار الظهر
عايشه: يا بعد عمري والله مسامحتنك ربي لا يحرمني منك
يوسف: امي حاس اني دايخ..
عايشه: يما قلبي..بسم الله عليك يا ولدي شو فيك ..قوم قوم خل اوديك المستشفى..
يوسف: لاا لاا مافي داعي ييبيلي قلاص ماي بس..
عايشه: ان شاء الله..
طلعت عايشه تركض صوب المطبخ..
مروه: اميييي بلاج؟؟؟!!
عايشه: اخوج يا مروه اخوج ماادري اشفيه..وهي اتبطل باب الثلااجه..وين المااااي؟؟؟!!
مروه: امي خلص ما عنا ماي ..كان فيه شوي وشربته شيخه
عايشه: يا حســـرتي على ولدي..وهي تصارخ..سيري اتحركي سيري بيت قوم ام احمد خل يعطونج دبة ماي
مروره: انزين انزين امي..
شلت عايشه تفاحه من الثلاجه وقطعتها عالسريع عشان تعطي يوسف ياكلها..لانها اتذكرت انه هو راقد على لحم بطنه من الصبح مو ماكل شي..
وركضت صوب الحجره..وقربت صوبه على طوول..
عايشه تصيح: يوسف حبيبي نش خل كل هالتفاح
يوسف: ماابغي اميي..ييبيلي ماااي
عايشه: يا يوسف الله يخلييك علشان خاطري نش وكل التفاحه الي يايبتنلك..
نش يوسف واتساند وتمت عايشه تأكله التفاح لين ما دشت مروره وكان وياها دبة الماي..
مروه: هذو الماي امي
يوسف بعصبيه: من وين يايبتنه؟؟؟!!
مروه: من وين يعني.!!!..من بيت قوم ام احمد
يوسف تم يطالع امه والشراره تطلع من عيونه..
عايشه: شو اسوي يا يوسف خلص المــاي اللي عنا وقلتلها اتسير اتيب من بيت قوم ام احمد مافيها شي يعني الا هو مــاي
يوسف: حتى ولــــو ماي..امــــي شوفي انا بدبر مبلغ بسيط وبسوي تجاره
عايشه: اي تجـــاره يا يوسف الله يهديك انت خلك بدراستك والله بيفرجــها علينا..
مروه: بس اميي نحن حالتنا صعبه ..ملينا ونحن انسير الجمعيات الخيريه وهم بعد ملوا منا ومن طلباتنا الي مااتخلص..امي ليش احنا جيه ليييش..مريولي مال المدرسه قصر علي..وكل البنات في المدرسه يضحكون علي وعلى شكلي ..دموعها بدا ينزل..امي والله حراام الي قاعد يصير فينـــا..تدرين الحين يوم سرت اييب الماي من بيت قوم ام احمد..ساره بنتها قالتلي ..استحوا على ويوهكم حتى الماي قمتوا تاخذونه منا ..صج ناس فقر..امي يرضيج!!!..يرضيج ينقال لنا هالكلام..
عايشه وهي تصيييح بحرقه: بس بس يا مروره بس..لا تعذبيييني الله يخليج..طبــعا ما يرضيني بش شو نسوي يا بنتي هاي حكمت ربـــــج ..وهذا الي هو كاتبه لنا ..
ويوسف غصبا عليه دمعت عيونه..حس انه عاجز على انه يسوي شي..خاطره يرفع اهله فوق ويسكت الناس الي يقولون عنهم هالكلام ..بس ما بيده شي يسويه..
يت شيخه تركض صوب الحجره..
شيخه: امي ..امي .. تلفووووون
عايشه نشت بصعوبه وسارت اتشوف من عالتلفون..ويوسف نش عشان يصلي المغرب ..
عايشه شلت التلفون: الو
ام احمد: الووو..
عايشه: هلا..هلا ام احمد
ام احمد: اهليين ..شخبارج عساج طيبه؟؟
عايشه: بخير ربي يعافيج..انتي شخبارج
ام احمد: الحمدالله بخيير..عندي لج بشاره
عايشه: صــــدق والله؟؟..شوووو هووو..تكفين قوليلي من زمااان ما سمعت خبر حلو
ام احمد: لقيييت لج شـــغل..
عايشه استاست: ام احمد من صجج؟؟؟!!
ام احمد: هييييه والله ..
عايشه: انزين قوووليييلي شو هالشغله؟؟؟
ام احمد: سمعيني وقالت لها ام احمد عن الشغله.......
..........................
في الكويت..الجــــو كان عجيب عندهم اليوم..وبــــــراد..ودلال حاشره امها وابوها الا يودونها الملاهي..
خديجه: اوفففف دلالوووو ..اذيتيني ..عندج امتحان باجر روحي درسي
دلال: يبــــــــا ..تكفى اقنعــــها..والله اني دارسه حق الامتحان
مشعل: اييه يالله خلنا انروح يا خديجه اتقول دارسه حق الامتحان
خديجه: واذا درجتج ما كانت زينه في الامتحان.؟؟؟
دلال: طقيني ..زفييني ..سوي فيني اللي تبينه
خديجه: خــــلااص اتفقنا..
مشعل: يالله عيل دام انكم اتفقتوا آانا بروح اشغل السياره وبنطركم ..منال ونواف بييون؟؟
دلال: هييييييييييه وناسه ..ما بخلي لعبه ما بركبها..الحين بروح أسألهم آنا
وراحت تركــــــض
خديجه: شوي شوي يمـــا عن تطيحييين..
مشعل: اتصدقين يا خديجه..احس اني صاير مهمل هالايام..من زماااان ما طلعت العيال برع..لما شفت دلال اشلون مستانسه اني بطلعها حسيت بقصوري اتجاههم
خديجه: انت الله يهداك يا مشعل ..الشغل ماخذ كل وقتك ..
مشعل: شو اسوي بعد تدرين هذا راس المال ومايصير اهمله بس ان شاء الله بحــاول اوفق بين عيالي وشغلي
خديجه: احم احم وآانا يعني مالي حق عليك
مشعل: انتي الخير والبركه..
خديجه: ههههه ربي لا يحرمنا منك يا بو نواف
مشعل: يا وييييييييلي ..من زمان ما سمعت حجي حلو ..تكفين يالله قوليلي ..
خديجه: ههههه شنو اقولك ..يالله روح شغل السياره لين مااتحر ..
مشعل: اييي يالله وانتي روحي اتزهبي
خديجه((تبا تتغلى)): اممم لا آنا ماراح ايي معاكم روح انت والعيال
مشعل: ايييه مب مشكله ..بتصل في زوجتي الثانيه بشوفها يمكن اتي
خديجه والشراره طالعه من عيونها: نعـــــــــــــم!!!!....اي زوجــــه هاااااي ومتى اتزوجـــتها وكييف و.....
مشعل يقاطعها: هههههههههه اشفيج يا بنت الحلال امزح معاااااج..وفيييه حد عنده هالقمر ويشوف غيرها
خديجه: ايييه حسبالي بعد..اتعرف اشلون خل اسير اتزهب وايي معاكم..انتوا الريايييل ما منكم امان
مشعل: ههههههههه الله يسامحج يا خديجه..يالله روحي
دلال نازله من الدري: يمـــــا ..يبـــــا..ترى منال ما راح اتي معانا ..بس نواف قال بيي
خديجه: وليش ان شاء الله ما راح اتي..؟؟..يعني تقعد بروحها في البيت!!
دلال: ماادري يمـــا قعدت اترجاها اتي معانا ..ما رضت
خديجه: خل اسير اشوفها
مشعل: ايييي يالله لا تتأخرون ..وانتي يا خديجه لا تضغطين على البنت يمكن عندها امتحان او واجبات
خديجه: لا ان شاء الله ماراح نتأخر بس مااتهون علي اخليها يالسه روحها بالبيت ..آنا بروح اشوف شنو فيها
مشعل: ايييه يالله دلووووول ..خلينا نروح احنا
دلال: يالله
فوق في حجرة منال..طبعا منــال كالعاده..مجابله شاشة الكمبيوتر وقاعده عالنت..تدخل عليها خديجه
خديجه: منال يمـــا!!
منال: هلاااااا..يمــــا
خديجه: ليش ما تبين اتين معانا
منال: يما مالي خلق روحوا انتوا آنا بقعد ..تدرين يما عندي امتحانين باجر وواجبات وايده
خديجه: والله ماادري شو اقولج يا يمــا بس قلبي ما يطاوعني اخليج بروحج في البيت
منال: لا تحاتين يما مابيصير شي ان شاء الله وآنا قاعده في غرفتي
خديجه: اييه وآنا بوصي الخدم اييون يقعدون في الصاله اللي فوق..
منال: لا تحاتين يما مابيصير شي ان شاء الله وآنا قاعده في غرفتي
خديجه: اييه وآنا بوصي الخدم اييون يقعدون في الصاله اللي فوق..
منال: خــلااص اللي تشوفينه
خديجه: يالله حبيبتي ديري بالج على عمرج
منال بابتسامه: ان شاء الله يما
وتطــــلع خديجه من عند منال..ومنـــال لا عندها امتحانات ولا واجبات بس النت ماخذ كل وقتها !!!!
اول ما تطلع خديجه من عند منال اتشوف نواف طالع من حجرته..
نواف بابتسامه عريضه: يمـــا ..شو رايج فيني
خديجه: يا ربييي شو هالجمال ..ماشاءالله ماشاءالله بسم الله عليك يا ولدي تف تف عن الحسد...اتهبل يما
نواف: ههههه ما بخلي بنيه ما بطيحها غشيانه اليوم من جمالي
خديجه: هههههه ايييه لااا اكيد بتيننهم بعد
نواف: ههههه ايييه اكيييد
خديجه: يالله يمـــا خلنا انروح ابوك ينطرنا في السياره
نواف: يالله يما مشينا
..................
..أمــــــي ..انتي اكيييد اتخبلتي!!!..انتي اف وعيــــج !!..لاا لاا مستحييييل ..انا لين الحين مب قادر استوعب اللي سمعته منج ياامي..انتي شووووو!!!..مااتحسييين فينا ..تبين اتنزلييييين كرا....
تقاطعه عايشه: يوسف!!!!
يوسف: شوووووو يوسف ...شووووو!!!..خليني اقوووول الي في خاطري خليني..امييي والله حرام عليج مب كفايه الشباب اللي يعايروني في المدرسه ..انت ما عندك ونحن عندنا..والحين بعد تبين يقولون لي يا ولد الـــ....امي ما لقيتي غير هالشغله!!!
عايشه بهدوء وحزن: قولي انت ..لقيت غيرها وقلت لا!!!..يعني شو تبوني اسوي قولولي ..يعني حسبالك واااايد سهله علي اني اسير واشتغل هاي الشغــــله ..صوتها بدا يعلى..يعني ما تعرف ان كل هااا انا اسوييه علشاااانكم ..اهم شي انها شغله شريفه واحصل فيهم بيزتييين اعيشكم فيييه..
يوسف نزل راسه وتم يصيييح ما عرف شو يرد على امــــه..يوسف ضعيف جدا في هالمواقف وما عرف شو يرد..
يوسف كسر خاطر ومروه وقربت منه ولوت علييه وقعدت اتواسيه وهي بعد ما قدرت تحبس دموعها: يوسف حبيبي ..ترى الناس ما عندهم شي غير الرمسه ..واللي مثلنا لازم مايفكر في كلام الناس..يالله عاد فديتك امسح دموعك..امـــي بتشتغل شغله شريفه عالاقل تمنعنا من انه نطلب احتياجاتنا من الناس ....
يوسف ما حس بعمره الا وطيح عمره في حضن مروه وتم يصيح بحرقه..حس انه محتـــــاج حد يخفف عنه ويواسييه و هي الوحيده اللي ترفع من معنـــوياته ..على الرغم من انه مروه اصغر عنه بسنتين بس قـــويه في هالمواقف وتقدر تتحمــل..على عكس يوسف ..وعايشه بعد كالعاده ..اتصيح من الخاطر..نش يوسف من حضن مروه وراح قرب من امه وباسها على ظهر ايدينها وراسها ولوى عليها وحط راسه على جتفها ..امييي سامحيييني الله يخليييج
عايشه حضنت يوسف وهو كان قاعد يصيح بحرقه شرات اليهال ..المفروض انه يكون اقوى من جيييه بوااايد ..وكان قاعد يحـــاول انه يهدااا بس مب قادر ..
دشت عليهم شيخه وشافتهم كلهم يصيحون ..وجان تدمع عيونها
شيخه: ماما ..يوسف...مروه..ليش اتصيحون؟؟
نش يوسف من حضن امه ومسح دموعه..
عايشه وهي تمسح دموعها: ما فينا شي حبيبتي تعالي امي قعدي عندي
شيخه : ماما انا يوووعانه وشفت الثلاجه ما في شي
نشت عايشه بصعوبه: لااا حبيبتي شي العيش اللي زاد مال الغدا وقلت بخليه حق العشا الحين بحطه لكم
يوسف: امي انا ماابغي شي..كلوا انتوا
عايشه: لا فديتك لازم تاكل انت حتى ما ااتغديت..
يوسف: والله مب مشتهي امي
عايشه: حتى لو قلتلك عشان خاطري
يوسف: خلااص فديتج علشان خاطرج بس
عايشه: يالله مروه فدييتج نشي ساعديني
مروه: ان شاء الله امي..
...........
في بيت سلطـــان اخو علي..متيمعييين كلهم في الصاله الكبيره..عائلة سلطان محمد مكون من..حمـــد عمره 25 سنه ..يشتغل في الشركه مع ابوه..أميره..عمرها 23 سنه..متخرجه من جامعة زايد من سنه وقاعده في البيت بطـــــاليه لانها مب محتاجه شغل..ابوها مب مقصر عليها..آخر العنقود حمده عمرها 17 سنه وهي ثنويه عامه كبر عوشه..وهم وايد ويا بعض..
الكـــل كان مستانس ما عدا راشد ..اللي موول مب مستلطف ولد عمه حمد..حمد من الصبح يسولف وياه وهو كله ساكت واذا رد ..ردوده كلها مختصره..وهذا كله بصوب ونظرات بنت عمه اميره بصوب..من الصبح قاعده تتطالعه ..وده يزغدهــــا..اخس شي عنده يوم حد يطالعه ..فموول ماكان مرتاح...
راشد يوقف: خلااص عيل انا بترخص منكم الحين
سلطان: ويين ويين يا راشد..اقعد اتعشى معانا
راشد: لا عمي اسمحلي مااروم ..مره ثانيه ان شاء الله
علي: مااتقولي وين تبا اتروح انت
راشد: ابوي امواعد ربيعي انسير نتعشى مع بعض
علي: الله يهديك يا راشد ..انا قايلك ان اليوم العشا عند عمك
سلطان: ما عليه يا علي خله الولد بكيفه ..مرخوص يا ولدي
راشد: يالله عيل مع السلامه
الكل: مع السلامه
اميره مبوزه: اوففففففففففففففففففففففففففففف
مريم: اشفيييييييييييييج؟؟؟
اميره: زييييييييين جيييه الحين..راااح..وانا اللي كنت مستانسه انه بيقعد ويانا اليوم..والله من الصبح كنت قاعده اطالعه ..عالاقل كنت ابغي منه ابتسامه بس..وهو ولا جنه يشوفني ..والله اسمحيلي اقولج ترى اخوج وايد خقاق
مريم: هههههههههههه..ويييييييي من حقه يتخقق جمــــــال وأخــــــلااق وشخصيه و.......
اميره تقاطعها: انزين بس بس فكينا الله يخليج..اااه يا قلبي وانا شو اللي محببني فيه غير جماله..
مريم: ههههههه الله يخسج اميرووه صخي عن حد يسمعج..
من راح راشد ..حمد استغل الفرصه وكان قاعد يأشر على اميره انها اتقول حق مريم عن الاتفاق..
اميره: اقول مريم
مريم: هاا قولييييي
اميره: اممممممم..حمد يبا يرمسج..
مريم ارتبكت وويهها احمر وحمد كان قاعد يطالعها: شووو !!!..شو اتقولين انتي ..لاا لاا استحييي
اميره: يالله عاد مريوووم شو تستحين..ولد عمج هذا ..وهي تغمز لها..وزوج المستقبل
مريم استحت ونزلت راسها تحت وما عرفت شو ترد على اميره..
اميره: ماااالت عليج ..الحين احمدي ربج انه اخوووي يحبج ويبيج ..مب انا مالت علي محد مسويلي سالفه
مريم غصبا عليها انفجرت من الضحك على اميره..
اميره: هي هي اضحكي شو وراج..المهم يالله ترى اخوي يتريا
مريم: ماادري اميره اخاف ابوي يحرج..
اميره: عمي ما بيقول شي لا تحاتييين وبعدين هذا مب ريال غريب ..هذا ولد عمج يا ماما عادي..شوفي انا وانتي الحين بنطلع بنتمشى في الحديقه وهو بيي ورانا..
مريم: ماشاءالله متفقييين على كل شي
اميره: ههههههه هييه طال عمرج
مريم: اميره والله خايفه..انا استحيي
اميره: جب لاااااا اللي يقول الحين اول مره ترمسه ..يالله يالله امشي
مريم: اففف زيين يالله
وطلعوا اميره ومريم وتموا يتمشون في الحديقه..صدت مريم وراها ..
مريم: اويييي اميره هذووو يااااي..انا برد داخل والله استحي
اميره: سكتي سكتي لا اصفعج الحين...اخوي تعال الله يخليك شوفلي صرفه وياها تراها رافعه ضغطي..
حمد: هيييه اتخسين تصفعينها وراسي يشم الهوااا
مريم منزله راسها تحت ومستحــــــيه..
اميره: خلااص عيل انا مالي مكانه اهني خل ادش داخل احسن لي
مريم سحبتها من ايدها عشان ترد
حمد: مريم ..شو تبين فيها خليها اتسير..
اميره: هييه والله صدقه اخوي شو تبين فيني خليني اسير ..وراحت اميره عنهم ..وتموا مريم وحمد مجابلين بعض..طبعا مريم منزله راسها تحت وويهها محمر..
اميره تصد عليهم: هههههههههههههههههههههههه والله اشكالكم تضحك..وتكمــــل دربها لين الصاله..
ومريم في خاطرها ..انا براويج يا اميروووه الدبه..
حمد: اشحالج مريم..؟؟
مريم: الحمدالله انت اشحالك
حمد: بخير الله يسلمج..يالله عاد ارفعي راسج خل اشوفج..
مريم رفعت راسها ..
حمد: هي جييه اوكي يالله خلينها نمشي...
مريم مستحيه: يالله..
حمد: امممم شو الدراسه وياج؟؟
مريم: الحمدالله ماشي الحال..
حمد:مشتــــــــاقلج حيل يا مـــــريم
مريم: ................
فوق في حجرة حمده..هي وعوشه كانوا يطالعون من الدريشه حمد ومريم وهم يتمشون ..
عوشه: ههههههههههه حمدووووه تعالي شوفي شكل اختي كيف صاير والله اتضحك اسميني بقطعها في البيت
حمده: هههههههه والا اخوي فديته ..شوفي شكله يهـــــبل واختج يحصلهـــا الشرف تكون زوجته
عوشه: لاااااا عيوني الا اخوج الي يحصله شرف يكون ريل الدكتوره مريم
حمده: انزين انزين ذليتيينا تراج..المهم شو رايج نزقرهم من فوق..وانزيغهم خخخخخ
عوشه: ههههههههههه هي هي فكره حلوه والله..
أميره: احـــم احـــــم
عوشه وحمده يطالعون بعض وهم قافطين..
عوشه: هاي كله من حمدوووه قالتلي اسوي جيييه
اميره: هيييه وانتي ماشاءالله عليج وافقتيها وقلتيلها فكـــره حلوه..
عوشه: حمدووه هاي سمعت كل شي
حمده: هههههههههههههه هييه
اميره: يالله خلوا عنكم هالخرابيط ونزلوا ..العشـــــا زاهب
حمده: انزين وانا بسير بزقر مريم وحمد..
عوشه: لا انا بسير
حمده: لا انا
اميره: لا انتي ولا هيي..انا اللي بسير..
وراحت عنهم اميره..ولحقوها حمده وعوشه..بينزلون تحت..راحت اميره الحديقه تزقر حمد ومريم..
اميره: اييييييه انتوا بعدكم ما مليتوا..يالله تعالوا العشا زاهب
حمد: افففففففف الوقت مر بسرعه ولا حسييت فيييه..وطبعا بعد العشااا عمي بيردكم البيت وما بشوفج الا بعد شهر..انتو موول مااتونا
مريم: هههه لا ان شاء الله..المره اليايه انتوا تعالوا
اميره: لا عيوني المره اليايه انتي بتينا بفستانج الابيض ان شاء الله
مريم: ههههه يعني بعد سنـــــه
حمد: لاا واللــــــــــه..سنـــــــــه وايد ..حرام عليج..
مريم: لين مااخلص دراستي..
حمد: انزين عالاقل ملجه الحييين وعقب العرس
مريم: يصير خير
اميره: اونه بعد تتغلى مرت اخووووي..حمد ترى ما عليك منها هاي مستعيله اكثر عنك بس ما تبا تبين لك
حمد: هههههههه فديتها والله
اميره: انزين يالله ..خلونا انسير تراهم يتريونا
حمد+مريم: يالله
..................
اليوم الثاني ..الصبح..نشت من الرقــاد وهي اتصيح ..وعلى طول فتحت سدتـــها وشلت الصوره..وتمت تتطالعها..ووتذكر ذكرياتهم ويا بعض..
بو راشد كان متزهب عشان بيروح الشركه ...وتوه صد صوبها ويبا يرمسها يشوفها قابضه الصوره واتصيح..
بو راشد: لا حول و لا قوة الا بالله..قلتلج انسييها خــــــلااص
فاطمه: مااقدر يا علي مااقدر..
بو راشد: اوهوووو لا اتخليني ايي واطر الصوره الحين
فاطمه: كــــله منك يا علي انت اللي حرمتني منها والحين بعد تبا اتطر صورتها عشان ما يبقالي شي من ذكراها..مستحيييييل..
بو راشد: اووووه فكينا الله يخليج..
ويطلع بو راشد من الحجره..وهو نازل عالدري يشوف البشكاره يايه صوبه..
بو راشد: خييير انتي الثانيه شو تبين
ماريا: بابا فيه حرمه واقفه برع ..ماادري شنو تبي
بو راشد: حــــــرمه!!!!انا بسير اشوفها الحين
وراح بو راشد صوب الباب عســـب يشوف منو هاي اللي يايه هالوقت.فــتح الباب ..
بو راشد: نعـــم اختي ..فيه شي؟؟
يــــــــلا ابــــــي تـــــــــفـــــــاعـــــــــل واكـــــمــــــــــــل
قصة للفرح حكـــــــــــايـــه
الجزء الاول
.. في جميرا..وبالتحديد في بييت علي محمد ..صاحب اكبر شركة عقارات في دبي..هذا غير المحلات التجاريه الي يمتلكها ...
الساعه 7 ونصف الصبح ..بطلت عيونها بصعوبه وشافت ساعتها..فزت من نومها وعقت اللحاف وقلبها كان يدق بسرعه..وراحت تركض صوب الحمااام ..دشت عووشه حجرتها وشافت الليتات مسكره والمكيف شغااال..يعني توها ناشه من الرقاد..تمت تنبش في اغراضها..ولقت مجموعة اوراق كاتبه فيهم اشعار وقصص ..تمت عوشه تقراهم وتضحك على اختها..طلعت مريم من الحمام وكانت لافه المنشفه على راسها ..انتبهت على عوشه الي كانت ميوده اوراقها وتضحك بصوت عالي .. بس عوشه ماكانت منتبهه انه مريم طلعت من الحمام وكانت يالسه بطريقه انها معطيه ظهرها لمريم..عاد مريم استغلت هالشي ..مشت شوي شوي صوب عوشه وضربتها على جتفها وصارخت ..شو تســــــوين..!!!!
عوشه نقزت من مكانها وعقت الاوراق من الزيغه : بسم الله الرحمن الرحيم..اشفيييييج انتي اشفييييج..من وين طلعتي؟؟
مريم: ههههههههههه والله شكلج نكــــــــــته وانتي زايغه..عيل قاعده اتنبشييييين في خصوصياااتي وتضحكيين هاااا
عوشه: ههههههه والله كاتبتلي اشعار وقصص حب وغرام..اشلج انتي بهالسواااالف ..انا ابغي افهم انتي شقايل اتحصلييين وقت تكتبين هالخرابيط..
مريم: هههههه اتعرفيين انه هاا الي كتبتهم كان على ايام الثنويه العامه..اااه على اياام الراحه بالنسبه لي مب الحين حليلي متبهدله..
عوشه: انا اقووول بعد..بنت تدرس طــــب وتكتب هالخرابيط ما يصير..وبعدين منو قص عليج وقالج ان ايام الثنويه العامه راحه..ااه يا قلبي ثرج مااتعرفين المعاناه الي انا اعانييها..والله اتصدقييين اليوم عندي امتحانيين فيزياء وكيمياء..والله يستر
مريم: يالله ما علييه شدي حيلج ونبا نسبه عاليه هااا شراتي ..وبالنسبه للتعب الي قاعده اتعبها الحين ..أحس انه تعب الثنويه العامه ولا شي..وفجــاه تشهق..عوشووووووه يالله نشي اتأخرت عالكليه..وانتي بعد اتأخرتي على مدرستج..
عوشه: انا من متى اترياج انتي الله يهدييج ساعه لين ما تظهرين من الحمام..
مريم: انزين يالله طلعي برع وسيري اتريقي ..وانا بزهب وبنزل تحت اباج اتكونيين جاهزه..
عوشه: خلااص اوكييك..يا كيييك..
مريم: ههههه يالله..
طلعت عوشه من عند اختها ونزلت تحت ..شافت امها وابوها واخوها راشد..يالسيين يتريقون..
عوشه: صباااااح الخيييير
الكل: صبااح النور..
فاطمه: هلا ..هلا بنتي عوشه ..هلا بالنور كله ..اشحالج اليوم ..كيف اصبحتي
عوشه تسير تحب راس امها: اهلييين ..الغاليه انا بخييير ربي يعافيج ..وتسير صوب ابوها وتحبه على راسه..اشحالك ابوي؟؟
بو راشد: الحمدالله بخيير يا بنتي..
راشد: احم احم..وانا!!!!!
عوشه: هلا هلا رشووود شخبارك..
راشد: مســــودة الوييه..اصغر عيالج تقولين رشووووود..انا الشيخ راشد..
عوشه: ههههه مشكله الي يتخققون..وتسير تقعد عالكرسي الي يم امها..
راشد: عيل مريم وين..؟؟
مريم وهي نازله من الدري: كـــاني يييت..
كانت آيه من الجمــــال ..كانت حاطه آيشدوو((ظل العيون)) وردي خفييف وتحت عيونها راسمه خط بآيشدوو وردي غامج وكانت حاطه جحال داخل عيونها والشي المميز في مريم ان عيونها وسااع وهالشي مخلنها تحلى اكثر ..وكانت حاطه جلوس وردي يلمع عالشفايف....وكانت حاطه شيلتها بطريقه مرتبه على اساس ان ما يظهر ولا شعره وكان عليها نقوش ورديه..وكانت لابسه عباه بعد عليها نقوش ورديه خفيفه على الاكمام وتحت العباه كانت لابسه قميص وردي قصير وتنوره لونها عنابي.. هي دايما جييه تحب الكشخه وماتحب تهمل عمرها.. وكانت ميوده شنطة ديور ورديه كبيره شوي حاطه فيه كتبها واغراضها....
راشد: يا سلاااااام كل هالجمــــال تمتلكها اختي انا!!!
عوشه: هههه صايره شرى النمر الوردي كلها وردي على وردي اليوم..
مريم: سخييفه عوشوووو..فديت اخوي انا.. الجمال كله من صوبك انت يا توأمي العزيز
تسير تسلم على عمتها..
مريم ((تحبها على راسها)): عمتي اشحالج؟؟
فاطمه: بخير ربي يسلمج..
وتسير صوب ابوها..
مريم((تحبه على راسه)): ابوي اشحالك
بو راشد: الحمدالله..شخبارج انتي؟؟
مريم: بخيير ابوووي ربي يسلمك..عوشووو يالله بسج اتأخرنا خلنا انسير..
عوشه: يالله يالله خلصت انا..
فاطمه: وييين ما كلتي شي يا عوشه..؟؟
عوشه: بس امي شبعت..مريم انتي ما تبيين شي..؟؟
مريم: لاا لاا انا بتريق في الكليه يالله..
بو راشد: مريم يا بنتي مب محتاجه فلوس؟؟؟
مريم: لا ابوووي مشكوور عندي الي يكفيني ..الله يخليك لنا..يالله نشي عوشووو..انا بسبقج ..يالله يا جماعه مع السلامه
الكل: مع السلامه
سارت عوشه ورا اختها على طوول..ومن بعد ما ساروا نش بو راشد..
بو راشد: يالله يا راشد نش خلنا انسير نحن بعد..
راشد: ابويه يعني لازم ايي الشركه وياك اليوم افف مالي خلق..
بو راشد: اشووو بعد مالك خلق ..يالله جدامي اشوف بلا دلع..
راشد وهو حايس حلجه: انزين ..انزين..مع السلامه عمتي..
فاطمه: مع السلامه يا راشد..
ويطلعون بو راشد وراشد..
فاطمه: وانا شو مقعدني اهني ..خل اسير بيت ام مايد اشوف شو اخبارها احسن لي..
مريم وراشد توم ..عمارهم 24 سنه..مريم..تدرس طب في كلية دبي الطبيه وهاي آخر سنه لها ..راشد خلص دراسته وهو يداوم في الشركه ويا ابوه..عوشه اختهم من الابو..عمرها 17 سنه وهي الحين في الثانويه العامه..
.............................
صوتها كان منتشر في كل أرجاء البييت..وهي واقفه عالدري ببجامتها وشعرها كشـــــه.. ,,((يمــــــــــــــــا ..يمــــــا ويــــــنج))..ومن الصوب الثاني ..خديجه فزت من نومها وشافت ســـــاعتها (((وااااي يا ربييي انا شو مرقدني لين هالوقت)))..وعلى طول نشت واتجهت ناحية الصوت الي قومها من الرقاد والي لولاه خديجه ماكانت بتقوم..
خديجه ((وهي تتثاوب)): هاااا يما اشفييييج ..؟؟ شو بغيييتي..؟؟اخوج واختج وينهم..ابوج وينه..
دلال: لا ماكو شي يما بس قاعده اجرب صوتي خخخخخ..يمـــا صباح الخييير ..ابوي من زمان طلع وراح الشركه بس تدرين بعد قيسج يحبج ويحاتيج ما حب يقومج من الرقاد..خخخخ فديتني دمي خفييف صح يما..
خديجه: حسبي الله عليج دلالوووووو..وانا على بالي صاير شي ..وبعدين شنو قيسج وما قيسج استحي على ويهج كبرنا على هالسوالف..ماادري شو صار فيني اليوم العاده اكون قاعده من بعد صلاة الفجر ..بس اليوم خذاني النوم والله يهدييه ابوج المفروض يقومني..
دلال (( تغمز لها )): مو قلنـــــالج ..يحبج ويخاف علييييج
خديجه: ههههه حسبي الله عليج يا دلالووووو اصلا من يييتوا انتوا نحن نسينا الحب..
دلال: هاااااااااااا يعني قبل مااني كان شي حب متبادل خخخخخ حلوه هذي حب متبادل
خديجه: بس عاااااد دلالووووو..مالي خلقج..قوليلي اختج واخوج نشوا والا بعدهم..
دلال: منال قاعده تتزهب عشان الجامعه..ونوافووووو في سابع نوووومه..
خديجه ((تشهق)): لييي الحين ما نش!!!...وخري زييييين خل اسير اشووفه..
دلال: انزييييييييين يما وانا..!!!
خديجه: اشفيج انتي بعد..
دلال ماده بوزها: خلااص خلااص ماكو شي ..ماابي شي
خديجه: يالله عاد دلووووله قولي اشفيج بسرعه خلصيني بلا دلع..
دلال تمد بوزها بعد مره: خلااص آنا زعلت سيري عند حبيبج نواف ..اصلا آانا محد يحبني في هالبيت
خديجه(( تسير وتبوسها على راسها وتلوي عليها وتبتسم لها)): قولي يما شو بغيتي..
دلال: اييييه جذي اوكي..يما صارلي ساعه ادور مريولي مال المدرسه ما حصلته ..يعني مو لازم اسير المدرسه اليوم..وهي تبتسم ابتسامه عريضه..
خديجه: وانا اقول هالصراخ كله اشحقه..يالله روحي زيييين ما عندج سالفه بتروحين المدرسه يعني بتروحين واسئلي ماريا عن مريووولج بسرعه ترى الوقت متأخر اكيد بطوفكم الحصه الاولى انا خل اسير اقوم هالولد الي لي الحين راقد
وعلى طول خديجه تسير صوب حجرة نواف..
دلال وهي حايسه حلجها: ايييه زيين بعد ..نعمه نطوف اول حصه ..
في حجرة نواف..كان رااااقد في سابع نووومه ..ولا حاس بالدنيا..ومتغطي باللحاف عدل من البرد ..بطلت خديييجه البااب بالقووو ودشت ..وبطلت الستاره وبندت المكيف..بس ماشي فايده نواف لين الحين نايم ..تسير خدييجه صوبه وتهزه..
خديجه: نوااااااف يمـــا يالله قووووم اتأخرت على مدرستك..
بس نواف ما سوالها سالفه وصد الصوب الثاني..
خديجه: يا ربييي على هالولد بيننني..تهزه بالقوووو..نوااااااااف يالله قوووووووووووووم..
نواف توه انتبه ان في حد يزقره كان مبطل عين ومسكر عينه الثانيه..
نواف((بصوت خشن)): هااا يما شو تبين؟؟؟
خديجه: يا بروووودك يا نوافووووووه..نش وراك مدرسه يالله
نواف: اوووووه يما ما بروح المدرسه اليوم خليني انام ..يما بس اليوم
خديجه: يالله عااد نوافووو بلا كسل..دايما اتقولي بس اليوم..
نواف: اففففففففف زين زين كاني نشييييت..
خديجه: ايييه عفيه عالشاطر ياالله حبيبي سير اغسل ويهك وانزل اتريق بسرعه..
نواف: زين
وتطلع خدييجه عنه وتسير صوب غرفة منــال..فتحت الباب على طــــول ..انصـــدمت من الي شافته ...
منال ((مرتبكه)): ي..يمـا!!!! .. ص ..صباح الخير..اشلونج؟؟
خديجه ((بعصبيه)): عيل قالولي انج قاعده تتزهبيين..قاعدتلي من صباح الله خير مجابل هالكمبيوتر!!!!..
منال تبغي تبرر موقفها: مو ..مو ..اييه ايييه اتذكرت ..مو انا يما ..تبلع ريجها..سلمج الله ..كانوا طالبين مني اسوي بحث ..ونسييت اسوييه البارحه..فقلت انش من وقت واسويه..
خديجه: الله يهدييج يا يما..لا تهمليين دراستج وسوي كل شي بوقته..يالله حبيبتي روحي اتلبسي ونزلي عشان تتريقين ..اتأخرتي على جامعتج..
منال: ان شاء الله يمـــا..
وتطلع خديجه عنها واتسير صوب حجرتهم عسب تغسل ويهها وتعدل شعرها..لان ما لحقت اتسوي كل هاااا ..من سمعت صراخ بنتها دلال..
منال ((بارتياح)): افففف الحمدالله عدت على خير..
اما تحت فكانوا يالسين نواف ودلال يتريقووون..
دلال: نوافوووو وناسه بتطوفنا الحصه الاولى اليوم ويمكن الثانيه بعد
نواف: هه وايد عليج الصراحه ..آنا ما كنت ناوي احضر ولا حصه اليوم ..بس تدرين بعد امج وطبايعها..آانا ربعي يغيبووون ثلاث ايام في الاسبوع وما يقولون لهم شي ..وانا من يوم ما بدت المدرسه ما غبت الا يوم واحد وهذا بعد لاني كنت مريييض..
دلال: ههههههه..تصدق آنا كم دعييت اني امرض عشان اغيييب بس ماكو فايده..عاد انت على الاقل غبت يووم آانا ولا يوم
نواف ((بعصبيه)): بس عاااااد دلالوووو..عطيتج ويييه ..شنو تدعين عشان تغيبين ..ينيتي انتي..!!!
دلال(((حايسه حلجها)): افاااا..انت كنت وياي..شو الي جلبك علي...!!!
نواف: بس عااااد..آنا اخوج العود..
دلال: زين زين..ما قلنا شي..وهي تتحرطم..مسوي روحه كبير علي ..كلهم ثلاث سنوات بيني وبينه
نواف: نعـــــــــــم..قلتي شي..!!!!
دلال: لاا لاا وآنا أتجرأ اتكلم واخوي الكبير موجود ما يصير ..!!!
نواف: اييييه جي ابغيج..وهو في خاطره وده ينقع من الضحك عليها ..ايعيبه وايد لما يلعوز دلال..وهي مسكينه تخاف منه لانها اتعرف اذا نواف عصب ما بيستوي خير..بس بنفس الوقت نواف يحبهااا ويعزهــــا وااايد..ودلال بعد نفس الشي..وحتى لو اضاربوا ..يردون شرات ماكانوابعد خمس دقايق..
تنزل لهم خديجه وتشوفهم يتريقووون..
خديجه والابتسامه مرتمسمه على ويهها: حبايبي والله..اشحلاتكم وانتوا تتريقون..ها خلصتوا؟؟
نواف: ايييه للاسف آانا شبعت..والا كنت بتأخر زود..
دلال: عاد يما آنا تعرفيني ما آكل بسرعه..بعدني ما شبعت ..وآنا اعرفج ما اهون عليج اسير المدرسه وآنا يوعانه
خديجه: يالله عاااد عن العياره يا دلووول..نشي وخذي السندويجه وياج..وانت يا نواف سير اركب السياره ويا الدريول وانطر خواتك لين ماايوون
نواف: ان شاء الله يمــا..بس لايتأخرون .. منالووو وييين..؟؟..لين متى اقعد انطرها آنا في السياره!!..
منال: كـــاهي كـــاهي منالووو نزلت..
منال من النوع الي تبالغ في وضع الميك اب على ويهها..مع انها حــــلوه وجميله من دونه ..بس هي عاد تتفنن فييه..كانت حاطه آيشدوو اسود وفوقه احمر..وكانت حاطه جحال داخل عيونها وتحت عيونها راسمه خط بالجحال..وكانت حاطه بلاشر احمر خفيف عالخدود ..وجلوز احمر على شفايفها....وكانت لابسه قميييص احمر طويييل وبنطلون احمر بعد..وحاطه شيله حمرا مكركشه ولافتنها بطريقه مرتبه .. كانت صدق ملفته للانظــار
خديجه: منـــال!!!..كل ها حطته على ويهج اشحقه!!!!..يالله روحي جدامي امسحي اللي على ويهج ..
دلال: لاا لاا يما حــــرام عليييج طالعه حلوه منـــال..منالوو الله يخليج ..سويلي مثلج عشان اكون احلى وحده بالمدرسه و البنات كلهم يناظروني ..جني عروس خخخخخ
نواف: دلال !!!!!!!!!!!!!!
دلال: خ..خلااص خلااص آنا اسفه يا اخ نواف..
نواف: ايييه جي ابغيج..وانتي ماشاءالله عليج ((يأشر على منال))..رايحه عرس والا جامعه!!!..يالله اشوف جدامي امسحي هالصبغ الاحمر الي حاطتها على ويهج
منال ((باستهزاء)): شنــــــــــــــو!!!..ما باقي الا انت بعد تتأمر علي..
خديجه: صدقه نواف يا منـــال انتي رايحه عرس والا جامعه..!!..يالله اهوو جدامي امسحي عالاقل خففي بس
منال: موو يما الحين ماكو وقت ..وماباقي على اول محاضرتي غير عشر دقايق واحنا لي الحين ما طلعنا من البيت ..يبيله وقت يما لين ما امسح..
خديجه: زين خلااص ...بس يكون في علمج هذي آخر مره اتحطين كل هذا على ويهج فاهمتني!!
منال: ان شاااااااااء الله يمـــا..وانا كم خدوووج عندي ((وهي تغمز لها))..
خديجه: هههه..ايي عفيه يما يالله روحو ..ربي يحفظكم..
نواف: يما من صجج انتي اتخلينها تروح جذي!!!
منال: وانت شكووو فيني ..!!!!
نواف((بعصبيه)): آنا أخوووووج
منال: ايييه بس الحمدالله انك اصغر عني ..
خديجه: ما عليييه يا نواف ..اليوم لان متأخرين بمشيها لها بس المره اليايه لاء
نواف: خلااص راح اسامحج هالمره بس المره اليايه نوووووو وااااااي
دلال: خخخخخ حلوه هذي نو وااااااااي
منال: خلااص مشكووووور عالرخصه يااخووووي نواف ..ممكن نمشي الحين
نواف يمشي وراسه مرفوع ويتبختر..: يالله يا بنات.. وراي
الكل: هههههههههههههههههه
خديجه: يحلييييله ولدي اشحلاته ..يالله حبيباتي روحوا وراه ..وانت يا نواف دير بالك عليهم مااوصيك
نواف: ان شااااء الله يا امااااااه..سأدير بالي عليهم
منال: هههههههههههههه حلوه هذي
دلال: هههههههههههههههههه اااه بطني مااروم ..تكفى تكفى نواف عيدها
نواف: بس عااااد..!!!..احترميني آنا اخوج العود
دلال وهي تقلد الضباط: حاضر سييدي..
الكل : ههههههههههههه
خديجه: الله يخليكم لبعض يا عياااال..يالله حبايبي روحوا وديروا بالكم على عماركم
منال+نواف+دلال: ان شاء الله يمــــا ..يالله مع السلامه
خديجه: مع السلامه الله يحفظكم..
عائلة مشعل محمد..عائله كويـــتيه وعايشين في الكويت ..منال..عمرها 19 سنه ..نواف..عمره 15 سنه ..دلال عمرها 12 سنه..وخديجه امهم..
.........................................
في بيت صغير جــــدا في حجمه.. تقريبا نقدر نقول عنه مااافييه شي..يعني ما فيييه الاشياء اللي كل بيت تنعم فييه..بيت متواضع جــــدا..ما فيه غير صــاله وحده صغييره وحجرتين ومطبخ وحمام بس ..عايشين فيه ام وولد وبنتين..
في صالتهم الصغيره..الي سقفه شويه وبتطيح عليهم ...يالسه وشايله هموم الدنيـــا كلها على راسها..والدموع ما تفارق عيون هاي الانســـانه..يـــــاربي ..ليش جي يستوي فيـــنا ليش..آآآآه يا دنيــــا ..لييييش ظلمتيني انا وعيالي جيييه ..شو تبييين منـــــا شـــو..قوليلنا عشان نعطيج ايااه وانعيش مثل ما يعيشون باقي النــــاس..ااه يا دنيا..ليش كل شي ينقاس بالبيزات..اذا عندي مليون اسوا مليون..واذا عندي فلس اسواا فلس..!!ااه يا ربي ليش جيه..ليش وليش ..الف سؤال داير في بالي ولا لاقيه لهم جواب..لـــــكن مااقول غير الله يرأف بحالنا ..يقطع حديثها النفسي صوت ولدها ..يوسف
يوسف: امـــــي..!!!
عايشه((تمسح دموعها)): هلا يوسف هلا امي..ليش رديت من المدرسه !!
يوسف يتجرب من امه ويقعد عندها: امي رخصونا بسرعه ..اساتذتنا كان عندهم اجتماع..الغاليه ممكن اعرف شو سبب هالدموع..؟!!
عايشه تتنهد تنهيده قويه..
يوسف: امي اشفيج شايله هموم الدنيا كلها على راسج..رب العالمين ويانا ..
عايشه: ونعـــم باالله..!! خلااص فديتك سير ارتاح الحين..
يوسف: لا الغـــاليه ..ما بسير الا لما اشوف الابتسامه على هالويه الحلو..
عايشه تبتسم ابتسامه خفيفه..
يوسف: لاا لاا مااقبلها..
عايشه كبرت الابتسامه شوي علشان خاطر ولدها..
يوسف: هييييه الحين ارتحت انا ..
عايشه: انزين فديتك مب يوعان؟؟
يوسف: تبين الصدق ياامي ميت من اليوع..في شي؟؟؟
عايشه: هي فيه خبز وروب ..
يوسف: اممم والغدا...!!
عايشه: لا تحـــاتي الغدا ..ام احمد يارتنا يزاها الله خير يابت لنا يونية عيش وطبخت لكم منه شوي ..
يوسف: امي وبعدين وياج يعني..!!..انا الف مره قايلج لا تاخذين شي من حد..
عايشه: مااخذ شي من حد!!!..عيل من وييين ااكلكم !!!..وبعدين يارتنا ام احمد مب اي حد ..هي من زمان يارتنا ومب انا الي اطلب منها ..هي اللي اتيب يزاها الله خير..
يوسف: اوفففف تراني اقولج بشتغل مب طايعه
عايشه: لاا لاا يا يوسف الا هذا ماارضى فييه ..اهم شي دراستك ..وبعدين اتقولي بتشتغل!!!..ههه إظاهر ناسي انــك بــــــــدون!!
يوسف وصوته بدا يعلى: اوفففففففف بــــــدون..بـــــــدون ..ليش !! والبــدون مـــالهم رب ..انا مولـــــود اهني ومتـــربي اهني..يـــا ربــي ليش انا انوجدت في هالدنيا ليييييش..واتقوليـــــلي اهم شي دراســــتك..شو أبــــغي في الدراسه يوم اني مااقدر اشتــــغل..وبعـــدين تبيني أدرس عشان انتي تتجحتين من الناس..!!
عايشه: شو هالكلام يا يوسف!!!!
يوسف ينش من مكانه: اوووووه انا ساير ارقد..
عايشه: يوسف...يوسف..
بس يوسف راح عنها ولا كأنه يسمعها..
وعايشه هالمره تمت تصيح بصوت مسموووع..ومن الخاطر بعد..اااه يا ولدي شو تباني اسوي ..شووو..غصبا علي يا يوسف غصبا علي..ومن الصوب الثاني ..يوسف في الحجره ذابح عمره من الصيااح وندمــــان من الطريقه الي رمس امه فييه..بس شو بيسوي ..ما يبغي النـــاس يشفقون عليهم ..بــــوده هوو الي يصرف على عايلته بحكم انه ريال البيت..على الرغم من انه عمره 18 سنه بس ..يفكر في هالتفكير..الي في هالسن ما يفكرون الا تتحقق رغباتهم واهلهم هم الي يصرفون عليهم ..لكن يوسف غيـــر ..يا ما يشوف شباب في المدرسه يتباهون بالسيايير الي عندهم وانواع الموبايلات ..ما ينكر ان هالشي يأثر فيييه ..بس متحمـــــل وصابر بس علشان امه وخواته ..مقدر الحاله الي هم فييه ودايما يحمد ربه ويشكره على الي عطاهم اياه ..وعايش على امل ان وضعهم هذا اكيد بيتغير ..لا بد انه بيي يوم وبيعيشون عالاقل مثل ما يعيشون الناس الي حالتهم المــاديه متوسطه..بس هذا الي يبونه وما يطمحون بالمزيد..
........................
خلصـــــت الدوامات وكل حد رد بيته..يدخل البيت وهو ينادي امه..امـــــــــــــي ..امـــــــــــــي وينج..؟؟!!
موزه:هلا ..هلا بشيخ الشباب..
محمد: واا فديت روحج انا يا اامي..اشحالج
موزه: بخير الله يسلمك..انت اشحالك
محمد: الحمدالله بخير ..قوليلي ياامي شو الغدا اليوم ترى وياي ضيف..
موزه: مجبوس سمج..لا ومسوتنه بيدي بعد..بس قولي من هالضيف الي وياك..
محمد:يم يميييي مجبوس سمج ومن ايدج..لاا لاا اكيد غدانا اليوم اسبيشل..يا امي الي وياي راشد ولد علي ..يبا يسلم عليج
موزه: هيييه راشد حيااه الله ..قوله خله ايي راشد مب غريب..
يسير محمد ويزقر راشد الي كان يالس في السياره..ويأشر عليه عشان ينزل..ويدخلون الصاله..
راشد: السلام عليكم..
موزه: وعليكم السلام ..هلا ولدي راشد شخبارك؟؟
راشد: بخير عموو ..شخبارج انتي عساج طيبه..
موزه: انا بخير ربي يعافيك..وشخبار عمتك وخواتك ..ان شاءا لله كلهم زينين؟؟
راشد: كلهم بخيير..
محمد: انزين يا امي بسرعه الله يخليج حطيلنا الغدا ترى راشد امأذيني في السياره..يوعان ويوعان
راشد: طاع والله جذاب عووووود..الحين انا الي كنت اقووول جيه والا انت الي اتحن علي يوووعان ويوعان ..تصدقين عمووو..بغى ياخذله غدا من المطعم بس ما خليته
محمد: ما عليييييه رشوووود ..عيل كشفتني هاااا..
موزه: هههههههه..هي هاللي قاصر بعد تاكل اكل مطاعم ..زين سويت في يا راشد..
محمد: هههه فديت هالضحكه انا ..المهم يالله بسرعه امـــي حطيلنا الغدا تراني ميت من اليوع والا بسير مطعم..
موزه: زين زين الحين بسير
راشد: هههه يحليلها امك..
محمد: هي والله فديتها عساني ماانحرم منها ..كل شي ابغيه مااتقولي لا
راشد يتنهد: يا حظك..!!!
محمد: اشفيك يا راشد..ترى انت بعد ابوك مو مقصر عليك بشي..
راشد: انا ماارمس عن البيزات ..ارمس عن الحنان الي فقدتنه ..الله يرحمج ياامايه..
محمد: الله يرحمها..انت الحين لا تكدر بخاطرك وخلنا نستانس ونخطط حق طلعة الويكند..
راشد: اسمعني..ابغي هالويكند يكون غير ..وصي ربعك خل يكثرون من ....وهو يغمز له
محمد: ههههه افا عليييك يالغالي ..موصنهم اييبونهن من جميع انحاء العالم..لا وكل وحده احلى عن الثانيه..
راشد: ههههه تعجبني يا حمووود..تعجبني..
محمد ..وحيد امــــه ابوه تاركله خير وثروه ..وهو الي يداري شركة ابوه الله يرحمه..راشد ومحمد ربع من ايـــــام الدراسه..بس محمد أكبر من راشد بسنه ..يعني عمره 25 ..
........................................
في بيت علي سلمان..مريم ردت من الجامعه ومن التعب رقدت على طوول ..وعلي وفاطمه بعد ما تغدوا رقدوا..مافي غير عوشه الي مستانسه عشان باجر ما عندها امتحان..وياسه اتحاول ترقد بس مب ياينها رقاد..
عوشه: افففففففف يعني باجر لا عندي امتحان ولا واجبات ..ليش مايايني ارقاد مااعرف..افف شو هالحظ..ويوم عندي امتحان عيوني مااقدر افتحهم..عيل دام انه مب يايني رقاد خل اسير اتصل حق حمدوووه..اممم لا اكيد منخمده هاي الحين..يلست اتفكر شوي شو اتسوي ليين ما لقتها..هييه وانا شقايل راحت عن بالي هـــاي خل اسير اتصل حق حبـــــــــــــيبي..
شلت موبايلها ودقت على رقم حبيبها في بريطانيا..تم يرن ليين ما رد..
جاسم: هــــلا والله هــــلا..
عوشه: يا حــــي هالصوت ..شخبارك يالقاطع؟؟
جاسم: عوشووه اتريي الصوت يقطع بطلع برع ..وينش جاسم من عند ربعه ويسير برع..
جاسم: يا مرحبا والله ..
عوشه: مرحبتييين..شو الحين اوكيه؟؟
جاسم: هيي الحين اوكيييه..
عوشه: فديت هالحس انا..عساني ماانحرم منه..وينك انت والله لك وحشه افف متى بترجع؟؟
جاسم: والله انتوا اكثر..انا ابغي ارجع اليوم قبل باجر بس ما باليد حيله..
عوشه: يالله ما علييه ان شاء الله بترد وراسك مرفوع بشهادة الدكتوراه
جاسم: هههههههههه دكتوراه مره وحده
عوشه: هييييه ليش لاااا!!!
جاسم: ان شاااااء الله ..اتمنى هالشي عقبالج انتي..ذاكري عدل
عوشه: اففففففف انا بس ابغي افتك من المدرسه بعدين بفكر في هالشي
جاسم: يالله عااااد ويا راسج لا تقولين جييه ..ان شاء الله بتفتكيين
عوشه: ان شاء الله ..وشو الدراسه وياك..
جاسم: زيينه انمشي الحال..اخبرج عوشووو عقب بتصل بج مشغوول شوي..
عوشه: اوكي حبيبي بس عاد لا تقاطع
جاسم ان شاء الله فديتج سلـــــــــــمي..
عوشه: يبلغ..يالله باي
جاسم: باي..
فواز((يغمز له )): هااا يالشيطان اشوفك سكرت عنها لمــا شفتني جدامك ..وطلعت من عندنا وحاجيتها ..شو السالفه..!!..واتقولي مااحاجي بنات هاااا
جاسم: لا حول ولا قوة الا بالله..اشفيييك انت اتخبلت ..رضيعتي هااااي
فواز((مبقق عيونه)): شنو!!!!!!..شنو يعني رضيعه بعد ..يعني النونو !!..اشلون جيه!!!!..ينيت انت !!!!
جاسم نقع عليه من الضحك: ههههههههههههههههههههههههههههههههههههههههههههههههه. . رضيعتي يعني اختي يالاهبل..
فواز وهو قافط ويحك راسه: هاااه ..ايييه..يعني الي كنت اتحاجيها اهي اختك..سامحني جاسم ما....
جاسم يقاطعه: افااا عليك يا فواز ماصار شي وانت ما كنت اتعرف ..يالله يا معـــــود خلنا اندش داخل..
فواز: ههههههه حلوه منك يا معود
جاسم: هههههه شو اسوي فيك قمت ارمس مثلكم يالكوتيين
فواز: هههه زين يالله يا ريال خلنا ندخل داخل الربع بيرمسون علينا رمسه مب زينه
جاسم: هههههههههههههههههههههه باجر نرد عند اهالينا انت ترمس اماراتي وانا ارمس كويتي
فواز: هههههههه اييه والله
جاسم: هههه ياالله امش
فواز: هههه يالله..
..........
الجزء الثاني..
نشت مريم من الرقاد وكانت حاسه بنشاط غير طبيعي هالمره..كانت قاعده عاالمكتب ووتتصفح كتبها وتراجع الي خذوه اليوم في الكليه فجــأه تذكرت امـــها..صح انها في حياتها كلها ما شافتها بس بعد حاسه انها فاقده اعز انســانه..حاسه انها محتاجه حق هالانسانه..صح ان مرت ابوها مب مقصره وياها بس بعد ما تاخذ مكان أمها..تنهدت..الله يرحمها.. وغصـــبا عليها نزلت دمعه من عيونها ..على طول قررت تنزل تحت تقعد ويا اهلها شوي لانها حست بضييج ..طلعت من غرفتها وبندت الباب..ونفس الشي عوشه كانت توها طالعه من حجرتها ..
عوشه: مريمووو الدبه ..جان ما نشيتي من الرقاد ..بعده وقت
مريم: انا من زماان ناشه ويا ويهج..بس تميت ادرس واراجع الي خذناه اليوم..
عوشه: خخخخخ مفييييييييجه!!!
مريم: هي شو تتحرين اكيد بتفيج ..هـــذا طب مب لعب عيال..انتي شو كنتي اتسوين
عوشه: انا اقولج مستااااااانسه ما عندي امتحان ولا واجبات باجر..
مريم: وطبـــعا استغليتي هالشي ولا فتحتي كتاب واحد..
عوشه تهز راسها: نعم نعم هذا ما حصل يا اختاه..
مريم: عوشووووه انتي ثنويه عامه وعلمي بعد لازم تذاكرين اول باول يا حظــــي
عوشه: افففف مريوووم والله تعبت الاسبوع هذا كله عنا امتحانات ما عدا باجر..خخخ على سالفة باجر ..ابلة الاحياء كانت بتعطينا امتحان بس البنات قصوا عليها وقالوا عنا امتحان عربي ..جان تأجله
مريم: لا ومستانسه بعد قاصين عالابله!!
عوشه: انا ما يخصني ..البنــــات بعد تعرفينهم..والله انتي مب حاسه فينا مريووم كل يوم امتحان حشـــا ما يريحونا ابد ..يا ربيي متى بفتك !!
مريم: ان شاااء الله بتفتكيييين انتي بس ذاكري عدل الله يخليج يا عوشووه نبا نسبه حلوه..
عوشه: ان شااااااء الله يالدكتوره مريم..
تحت كانوا يالسين بو راشد وفاطمه ..
بو راشد رفع راسه فوق وشاف عوشه ومريم واقفات في الممر ويسولفون : مريم..عوشه..تعالوا قعدوا ويانا
عوشه: لا لا ابويه ما نبا انخرب عليكم القعده الرومانسيه خذوا راحتكم خخخخ
الكل: ههههههههههه
فاطمه: ههههه ابوج ويين والرومانسيه وييين خلااص شيــــب
بو راشد: نعـــــم نعـــــم..شو قلتي يالعيوز!!!..الحين انا شيبت !!!..فديتني بعدني شيخ الشباب انا ..انتي الي خلااص التجاعيد بدت تظهر على ويهج ..احم احم
فاطمه: لااااا عيوووووني انت نسيت يوم انك ماخذني كان عمري 16 سنه وانت عمرك 25 ..يالله يا بنات احسبوا ابوكم كم اكبر عني !!!
بو راشد : الريال مب بعمره يالعيوووز ..الريال بشكله ..بذمتكن بنااات شكلي مو شباااب
عوشه: خخخخ تبغي الصج ابويه ..الصراحه اذا ما كنت بنتك كنت بقردنك
بو راشد يطالع ام راشد وهم مب فاهمين آخر كلمه قالتها عوشه..
وعوشه ومريم يضحكووون على اشكالهم
مريم: صخي حسبي الله عليج يا عوشووه خلينا ننزل
عوشه: ههههههههههه يالله
ونزلوا مريم وعوشه وقعدوا وياهم ..بس عوشه لين الحين تضحك
فاطمه: عوشوووه!!!!..بس عاد صخي ..اشله هالضحك بعد
مريم: ما عليج منها عمتي اتذكرت شي وقاعده تضحك علييه
فاطمه: حشا!!!..شو هالشي الي مضحكنها هالكثر..
عوشه: هههههههه..لالا ماشي امي المهم بخبركم تدرون اليوم اتصلت في منو
فاطمه: اتصلتي في منو؟؟؟
عوشه: اتصلت في جـــــاسم
فاطمه: فدييييته ولدي شخباره والله اني متولهه عليه
عوشه: الحمدالله بخيير ..قالي بيتصل عقب بس مااتصل ليين الحين
فاطمه: اتصلي فييه الحين خليني ارمسه
بو راشد: شو اترمسينه الحين يا حرمه يمكن الولد مشغول ..خلااص قالتلج روحه بيتصل والحمدالله ان اطمنا عليه
فاطمه: زين زين خلااص..
بو راشد: المهم اليوم اتصل فيني اخوي سلطان وقال لازم انسير نتعشى بيتهم فزهبوا عماركم بعد صلاة العشا بنسير
مـــريم استانست من خاطرها ..يعني بتشوف حــــمد اليوم..
عوشه: الله ونــــاسه بيت عمي سطان بشوف حمدوووه ..وبعد عالاقل نطلع انغيــــر جو
بو راشد: مريم اتصلي في راشد قولييله ايي بعد
مريم: ان شاء الله ابوي بتصل فيه..
بو راشد: انزين عيل شكله اذن المغرب انا بروح المسيد..
فاطمه: هي يالله ونحن بنروح انصلي بعد
….......
يوسف من الصياح الي كان يصيحها ما حس بعمره الا وهو في سابع نومه حتى من غير لا ياكل شي..وعايشه كل دقيقه كانت تطل عليه وتشوفه راقد..والحين قررت انها تسير تقومه لانه اذن المغرب ولام ينش يصلي..قربت منه ويلست عداله عالسرير
عايشه بحنان: يوسف حبيبي يالله قوم بسك رقاد..
يوسف بطل عيونه بصعوبه ..
عايشه بابتسامه: يالله قوم حبيبي..
يوسف مسك ايد امه وباسها: امي سامحيني على اللي صار الظهر
عايشه: يا بعد عمري والله مسامحتنك ربي لا يحرمني منك
يوسف: امي حاس اني دايخ..
عايشه: يما قلبي..بسم الله عليك يا ولدي شو فيك ..قوم قوم خل اوديك المستشفى..
يوسف: لاا لاا مافي داعي ييبيلي قلاص ماي بس..
عايشه: ان شاء الله..
طلعت عايشه تركض صوب المطبخ..
مروه: اميييي بلاج؟؟؟!!
عايشه: اخوج يا مروه اخوج ماادري اشفيه..وهي اتبطل باب الثلااجه..وين المااااي؟؟؟!!
مروه: امي خلص ما عنا ماي ..كان فيه شوي وشربته شيخه
عايشه: يا حســـرتي على ولدي..وهي تصارخ..سيري اتحركي سيري بيت قوم ام احمد خل يعطونج دبة ماي
مروره: انزين انزين امي..
شلت عايشه تفاحه من الثلاجه وقطعتها عالسريع عشان تعطي يوسف ياكلها..لانها اتذكرت انه هو راقد على لحم بطنه من الصبح مو ماكل شي..
وركضت صوب الحجره..وقربت صوبه على طوول..
عايشه تصيح: يوسف حبيبي نش خل كل هالتفاح
يوسف: ماابغي اميي..ييبيلي ماااي
عايشه: يا يوسف الله يخلييك علشان خاطري نش وكل التفاحه الي يايبتنلك..
نش يوسف واتساند وتمت عايشه تأكله التفاح لين ما دشت مروره وكان وياها دبة الماي..
مروه: هذو الماي امي
يوسف بعصبيه: من وين يايبتنه؟؟؟!!
مروه: من وين يعني.!!!..من بيت قوم ام احمد
يوسف تم يطالع امه والشراره تطلع من عيونه..
عايشه: شو اسوي يا يوسف خلص المــاي اللي عنا وقلتلها اتسير اتيب من بيت قوم ام احمد مافيها شي يعني الا هو مــاي
يوسف: حتى ولــــو ماي..امــــي شوفي انا بدبر مبلغ بسيط وبسوي تجاره
عايشه: اي تجـــاره يا يوسف الله يهديك انت خلك بدراستك والله بيفرجــها علينا..
مروه: بس اميي نحن حالتنا صعبه ..ملينا ونحن انسير الجمعيات الخيريه وهم بعد ملوا منا ومن طلباتنا الي مااتخلص..امي ليش احنا جيه ليييش..مريولي مال المدرسه قصر علي..وكل البنات في المدرسه يضحكون علي وعلى شكلي ..دموعها بدا ينزل..امي والله حراام الي قاعد يصير فينـــا..تدرين الحين يوم سرت اييب الماي من بيت قوم ام احمد..ساره بنتها قالتلي ..استحوا على ويوهكم حتى الماي قمتوا تاخذونه منا ..صج ناس فقر..امي يرضيج!!!..يرضيج ينقال لنا هالكلام..
عايشه وهي تصيييح بحرقه: بس بس يا مروره بس..لا تعذبيييني الله يخليج..طبــعا ما يرضيني بش شو نسوي يا بنتي هاي حكمت ربـــــج ..وهذا الي هو كاتبه لنا ..
ويوسف غصبا عليه دمعت عيونه..حس انه عاجز على انه يسوي شي..خاطره يرفع اهله فوق ويسكت الناس الي يقولون عنهم هالكلام ..بس ما بيده شي يسويه..
يت شيخه تركض صوب الحجره..
شيخه: امي ..امي .. تلفووووون
عايشه نشت بصعوبه وسارت اتشوف من عالتلفون..ويوسف نش عشان يصلي المغرب ..
عايشه شلت التلفون: الو
ام احمد: الووو..
عايشه: هلا..هلا ام احمد
ام احمد: اهليين ..شخبارج عساج طيبه؟؟
عايشه: بخير ربي يعافيج..انتي شخبارج
ام احمد: الحمدالله بخيير..عندي لج بشاره
عايشه: صــــدق والله؟؟..شوووو هووو..تكفين قوليلي من زمااان ما سمعت خبر حلو
ام احمد: لقيييت لج شـــغل..
عايشه استاست: ام احمد من صجج؟؟؟!!
ام احمد: هييييه والله ..
عايشه: انزين قوووليييلي شو هالشغله؟؟؟
ام احمد: سمعيني وقالت لها ام احمد عن الشغله.......
..........................
في الكويت..الجــــو كان عجيب عندهم اليوم..وبــــــراد..ودلال حاشره امها وابوها الا يودونها الملاهي..
خديجه: اوفففف دلالوووو ..اذيتيني ..عندج امتحان باجر روحي درسي
دلال: يبــــــــا ..تكفى اقنعــــها..والله اني دارسه حق الامتحان
مشعل: اييه يالله خلنا انروح يا خديجه اتقول دارسه حق الامتحان
خديجه: واذا درجتج ما كانت زينه في الامتحان.؟؟؟
دلال: طقيني ..زفييني ..سوي فيني اللي تبينه
خديجه: خــــلااص اتفقنا..
مشعل: يالله عيل دام انكم اتفقتوا آانا بروح اشغل السياره وبنطركم ..منال ونواف بييون؟؟
دلال: هييييييييييه وناسه ..ما بخلي لعبه ما بركبها..الحين بروح أسألهم آنا
وراحت تركــــــض
خديجه: شوي شوي يمـــا عن تطيحييين..
مشعل: اتصدقين يا خديجه..احس اني صاير مهمل هالايام..من زماااان ما طلعت العيال برع..لما شفت دلال اشلون مستانسه اني بطلعها حسيت بقصوري اتجاههم
خديجه: انت الله يهداك يا مشعل ..الشغل ماخذ كل وقتك ..
مشعل: شو اسوي بعد تدرين هذا راس المال ومايصير اهمله بس ان شاء الله بحــاول اوفق بين عيالي وشغلي
خديجه: احم احم وآانا يعني مالي حق عليك
مشعل: انتي الخير والبركه..
خديجه: ههههه ربي لا يحرمنا منك يا بو نواف
مشعل: يا وييييييييلي ..من زمان ما سمعت حجي حلو ..تكفين يالله قوليلي ..
خديجه: ههههه شنو اقولك ..يالله روح شغل السياره لين مااتحر ..
مشعل: اييي يالله وانتي روحي اتزهبي
خديجه((تبا تتغلى)): اممم لا آنا ماراح ايي معاكم روح انت والعيال
مشعل: ايييه مب مشكله ..بتصل في زوجتي الثانيه بشوفها يمكن اتي
خديجه والشراره طالعه من عيونها: نعـــــــــــــم!!!!....اي زوجــــه هاااااي ومتى اتزوجـــتها وكييف و.....
مشعل يقاطعها: هههههههههه اشفيج يا بنت الحلال امزح معاااااج..وفيييه حد عنده هالقمر ويشوف غيرها
خديجه: ايييه حسبالي بعد..اتعرف اشلون خل اسير اتزهب وايي معاكم..انتوا الريايييل ما منكم امان
مشعل: ههههههههه الله يسامحج يا خديجه..يالله روحي
دلال نازله من الدري: يمـــــا ..يبـــــا..ترى منال ما راح اتي معانا ..بس نواف قال بيي
خديجه: وليش ان شاء الله ما راح اتي..؟؟..يعني تقعد بروحها في البيت!!
دلال: ماادري يمـــا قعدت اترجاها اتي معانا ..ما رضت
خديجه: خل اسير اشوفها
مشعل: ايييي يالله لا تتأخرون ..وانتي يا خديجه لا تضغطين على البنت يمكن عندها امتحان او واجبات
خديجه: لا ان شاء الله ماراح نتأخر بس مااتهون علي اخليها يالسه روحها بالبيت ..آنا بروح اشوف شنو فيها
مشعل: ايييه يالله دلووووول ..خلينا نروح احنا
دلال: يالله
فوق في حجرة منال..طبعا منــال كالعاده..مجابله شاشة الكمبيوتر وقاعده عالنت..تدخل عليها خديجه
خديجه: منال يمـــا!!
منال: هلاااااا..يمــــا
خديجه: ليش ما تبين اتين معانا
منال: يما مالي خلق روحوا انتوا آنا بقعد ..تدرين يما عندي امتحانين باجر وواجبات وايده
خديجه: والله ماادري شو اقولج يا يمــا بس قلبي ما يطاوعني اخليج بروحج في البيت
منال: لا تحاتين يما مابيصير شي ان شاء الله وآنا قاعده في غرفتي
خديجه: اييه وآنا بوصي الخدم اييون يقعدون في الصاله اللي فوق..
منال: لا تحاتين يما مابيصير شي ان شاء الله وآنا قاعده في غرفتي
خديجه: اييه وآنا بوصي الخدم اييون يقعدون في الصاله اللي فوق..
منال: خــلااص اللي تشوفينه
خديجه: يالله حبيبتي ديري بالج على عمرج
منال بابتسامه: ان شاء الله يما
وتطــــلع خديجه من عند منال..ومنـــال لا عندها امتحانات ولا واجبات بس النت ماخذ كل وقتها !!!!
اول ما تطلع خديجه من عند منال اتشوف نواف طالع من حجرته..
نواف بابتسامه عريضه: يمـــا ..شو رايج فيني
خديجه: يا ربييي شو هالجمال ..ماشاءالله ماشاءالله بسم الله عليك يا ولدي تف تف عن الحسد...اتهبل يما
نواف: ههههه ما بخلي بنيه ما بطيحها غشيانه اليوم من جمالي
خديجه: هههههه ايييه لااا اكيد بتيننهم بعد
نواف: ههههه ايييه اكيييد
خديجه: يالله يمـــا خلنا انروح ابوك ينطرنا في السياره
نواف: يالله يما مشينا
..................
..أمــــــي ..انتي اكيييد اتخبلتي!!!..انتي اف وعيــــج !!..لاا لاا مستحييييل ..انا لين الحين مب قادر استوعب اللي سمعته منج ياامي..انتي شووووو!!!..مااتحسييين فينا ..تبين اتنزلييييين كرا....
تقاطعه عايشه: يوسف!!!!
يوسف: شوووووو يوسف ...شووووو!!!..خليني اقوووول الي في خاطري خليني..امييي والله حرام عليج مب كفايه الشباب اللي يعايروني في المدرسه ..انت ما عندك ونحن عندنا..والحين بعد تبين يقولون لي يا ولد الـــ....امي ما لقيتي غير هالشغله!!!
عايشه بهدوء وحزن: قولي انت ..لقيت غيرها وقلت لا!!!..يعني شو تبوني اسوي قولولي ..يعني حسبالك واااايد سهله علي اني اسير واشتغل هاي الشغــــله ..صوتها بدا يعلى..يعني ما تعرف ان كل هااا انا اسوييه علشاااانكم ..اهم شي انها شغله شريفه واحصل فيهم بيزتييين اعيشكم فيييه..
يوسف نزل راسه وتم يصيييح ما عرف شو يرد على امــــه..يوسف ضعيف جدا في هالمواقف وما عرف شو يرد..
يوسف كسر خاطر ومروه وقربت منه ولوت علييه وقعدت اتواسيه وهي بعد ما قدرت تحبس دموعها: يوسف حبيبي ..ترى الناس ما عندهم شي غير الرمسه ..واللي مثلنا لازم مايفكر في كلام الناس..يالله عاد فديتك امسح دموعك..امـــي بتشتغل شغله شريفه عالاقل تمنعنا من انه نطلب احتياجاتنا من الناس ....
يوسف ما حس بعمره الا وطيح عمره في حضن مروه وتم يصيح بحرقه..حس انه محتـــــاج حد يخفف عنه ويواسييه و هي الوحيده اللي ترفع من معنـــوياته ..على الرغم من انه مروه اصغر عنه بسنتين بس قـــويه في هالمواقف وتقدر تتحمــل..على عكس يوسف ..وعايشه بعد كالعاده ..اتصيح من الخاطر..نش يوسف من حضن مروه وراح قرب من امه وباسها على ظهر ايدينها وراسها ولوى عليها وحط راسه على جتفها ..امييي سامحيييني الله يخليييج
عايشه حضنت يوسف وهو كان قاعد يصيح بحرقه شرات اليهال ..المفروض انه يكون اقوى من جيييه بوااايد ..وكان قاعد يحـــاول انه يهدااا بس مب قادر ..
دشت عليهم شيخه وشافتهم كلهم يصيحون ..وجان تدمع عيونها
شيخه: ماما ..يوسف...مروه..ليش اتصيحون؟؟
نش يوسف من حضن امه ومسح دموعه..
عايشه وهي تمسح دموعها: ما فينا شي حبيبتي تعالي امي قعدي عندي
شيخه : ماما انا يوووعانه وشفت الثلاجه ما في شي
نشت عايشه بصعوبه: لااا حبيبتي شي العيش اللي زاد مال الغدا وقلت بخليه حق العشا الحين بحطه لكم
يوسف: امي انا ماابغي شي..كلوا انتوا
عايشه: لا فديتك لازم تاكل انت حتى ما ااتغديت..
يوسف: والله مب مشتهي امي
عايشه: حتى لو قلتلك عشان خاطري
يوسف: خلااص فديتج علشان خاطرج بس
عايشه: يالله مروه فدييتج نشي ساعديني
مروه: ان شاء الله امي..
...........
في بيت سلطـــان اخو علي..متيمعييين كلهم في الصاله الكبيره..عائلة سلطان محمد مكون من..حمـــد عمره 25 سنه ..يشتغل في الشركه مع ابوه..أميره..عمرها 23 سنه..متخرجه من جامعة زايد من سنه وقاعده في البيت بطـــــاليه لانها مب محتاجه شغل..ابوها مب مقصر عليها..آخر العنقود حمده عمرها 17 سنه وهي ثنويه عامه كبر عوشه..وهم وايد ويا بعض..
الكـــل كان مستانس ما عدا راشد ..اللي موول مب مستلطف ولد عمه حمد..حمد من الصبح يسولف وياه وهو كله ساكت واذا رد ..ردوده كلها مختصره..وهذا كله بصوب ونظرات بنت عمه اميره بصوب..من الصبح قاعده تتطالعه ..وده يزغدهــــا..اخس شي عنده يوم حد يطالعه ..فموول ماكان مرتاح...
راشد يوقف: خلااص عيل انا بترخص منكم الحين
سلطان: ويين ويين يا راشد..اقعد اتعشى معانا
راشد: لا عمي اسمحلي مااروم ..مره ثانيه ان شاء الله
علي: مااتقولي وين تبا اتروح انت
راشد: ابوي امواعد ربيعي انسير نتعشى مع بعض
علي: الله يهديك يا راشد ..انا قايلك ان اليوم العشا عند عمك
سلطان: ما عليه يا علي خله الولد بكيفه ..مرخوص يا ولدي
راشد: يالله عيل مع السلامه
الكل: مع السلامه
اميره مبوزه: اوففففففففففففففففففففففففففففف
مريم: اشفيييييييييييييج؟؟؟
اميره: زييييييييين جيييه الحين..راااح..وانا اللي كنت مستانسه انه بيقعد ويانا اليوم..والله من الصبح كنت قاعده اطالعه ..عالاقل كنت ابغي منه ابتسامه بس..وهو ولا جنه يشوفني ..والله اسمحيلي اقولج ترى اخوج وايد خقاق
مريم: هههههههههههه..ويييييييي من حقه يتخقق جمــــــال وأخــــــلااق وشخصيه و.......
اميره تقاطعها: انزين بس بس فكينا الله يخليج..اااه يا قلبي وانا شو اللي محببني فيه غير جماله..
مريم: ههههههه الله يخسج اميرووه صخي عن حد يسمعج..
من راح راشد ..حمد استغل الفرصه وكان قاعد يأشر على اميره انها اتقول حق مريم عن الاتفاق..
اميره: اقول مريم
مريم: هاا قولييييي
اميره: اممممممم..حمد يبا يرمسج..
مريم ارتبكت وويهها احمر وحمد كان قاعد يطالعها: شووو !!!..شو اتقولين انتي ..لاا لاا استحييي
اميره: يالله عاد مريوووم شو تستحين..ولد عمج هذا ..وهي تغمز لها..وزوج المستقبل
مريم استحت ونزلت راسها تحت وما عرفت شو ترد على اميره..
اميره: ماااالت عليج ..الحين احمدي ربج انه اخوووي يحبج ويبيج ..مب انا مالت علي محد مسويلي سالفه
مريم غصبا عليها انفجرت من الضحك على اميره..
اميره: هي هي اضحكي شو وراج..المهم يالله ترى اخوي يتريا
مريم: ماادري اميره اخاف ابوي يحرج..
اميره: عمي ما بيقول شي لا تحاتييين وبعدين هذا مب ريال غريب ..هذا ولد عمج يا ماما عادي..شوفي انا وانتي الحين بنطلع بنتمشى في الحديقه وهو بيي ورانا..
مريم: ماشاءالله متفقييين على كل شي
اميره: ههههههه هييه طال عمرج
مريم: اميره والله خايفه..انا استحيي
اميره: جب لاااااا اللي يقول الحين اول مره ترمسه ..يالله يالله امشي
مريم: اففف زيين يالله
وطلعوا اميره ومريم وتموا يتمشون في الحديقه..صدت مريم وراها ..
مريم: اويييي اميره هذووو يااااي..انا برد داخل والله استحي
اميره: سكتي سكتي لا اصفعج الحين...اخوي تعال الله يخليك شوفلي صرفه وياها تراها رافعه ضغطي..
حمد: هيييه اتخسين تصفعينها وراسي يشم الهوااا
مريم منزله راسها تحت ومستحــــــيه..
اميره: خلااص عيل انا مالي مكانه اهني خل ادش داخل احسن لي
مريم سحبتها من ايدها عشان ترد
حمد: مريم ..شو تبين فيها خليها اتسير..
اميره: هييه والله صدقه اخوي شو تبين فيني خليني اسير ..وراحت اميره عنهم ..وتموا مريم وحمد مجابلين بعض..طبعا مريم منزله راسها تحت وويهها محمر..
اميره تصد عليهم: هههههههههههههههههههههههه والله اشكالكم تضحك..وتكمــــل دربها لين الصاله..
ومريم في خاطرها ..انا براويج يا اميروووه الدبه..
حمد: اشحالج مريم..؟؟
مريم: الحمدالله انت اشحالك
حمد: بخير الله يسلمج..يالله عاد ارفعي راسج خل اشوفج..
مريم رفعت راسها ..
حمد: هي جييه اوكي يالله خلينها نمشي...
مريم مستحيه: يالله..
حمد: امممم شو الدراسه وياج؟؟
مريم: الحمدالله ماشي الحال..
حمد:مشتــــــــاقلج حيل يا مـــــريم
مريم: ................
فوق في حجرة حمده..هي وعوشه كانوا يطالعون من الدريشه حمد ومريم وهم يتمشون ..
عوشه: ههههههههههه حمدووووه تعالي شوفي شكل اختي كيف صاير والله اتضحك اسميني بقطعها في البيت
حمده: هههههههه والا اخوي فديته ..شوفي شكله يهـــــبل واختج يحصلهـــا الشرف تكون زوجته
عوشه: لاااااا عيوني الا اخوج الي يحصله شرف يكون ريل الدكتوره مريم
حمده: انزين انزين ذليتيينا تراج..المهم شو رايج نزقرهم من فوق..وانزيغهم خخخخخ
عوشه: ههههههههههه هي هي فكره حلوه والله..
أميره: احـــم احـــــم
عوشه وحمده يطالعون بعض وهم قافطين..
عوشه: هاي كله من حمدوووه قالتلي اسوي جيييه
اميره: هيييه وانتي ماشاءالله عليج وافقتيها وقلتيلها فكـــره حلوه..
عوشه: حمدووه هاي سمعت كل شي
حمده: هههههههههههههه هييه
اميره: يالله خلوا عنكم هالخرابيط ونزلوا ..العشـــــا زاهب
حمده: انزين وانا بسير بزقر مريم وحمد..
عوشه: لا انا بسير
حمده: لا انا
اميره: لا انتي ولا هيي..انا اللي بسير..
وراحت عنهم اميره..ولحقوها حمده وعوشه..بينزلون تحت..راحت اميره الحديقه تزقر حمد ومريم..
اميره: اييييييه انتوا بعدكم ما مليتوا..يالله تعالوا العشا زاهب
حمد: افففففففف الوقت مر بسرعه ولا حسييت فيييه..وطبعا بعد العشااا عمي بيردكم البيت وما بشوفج الا بعد شهر..انتو موول مااتونا
مريم: هههه لا ان شاء الله..المره اليايه انتوا تعالوا
اميره: لا عيوني المره اليايه انتي بتينا بفستانج الابيض ان شاء الله
مريم: ههههه يعني بعد سنـــــه
حمد: لاا واللــــــــــه..سنـــــــــه وايد ..حرام عليج..
مريم: لين مااخلص دراستي..
حمد: انزين عالاقل ملجه الحييين وعقب العرس
مريم: يصير خير
اميره: اونه بعد تتغلى مرت اخووووي..حمد ترى ما عليك منها هاي مستعيله اكثر عنك بس ما تبا تبين لك
حمد: هههههههه فديتها والله
اميره: انزين يالله ..خلونا انسير تراهم يتريونا
حمد+مريم: يالله
..................
اليوم الثاني ..الصبح..نشت من الرقــاد وهي اتصيح ..وعلى طول فتحت سدتـــها وشلت الصوره..وتمت تتطالعها..ووتذكر ذكرياتهم ويا بعض..
بو راشد كان متزهب عشان بيروح الشركه ...وتوه صد صوبها ويبا يرمسها يشوفها قابضه الصوره واتصيح..
بو راشد: لا حول و لا قوة الا بالله..قلتلج انسييها خــــــلااص
فاطمه: مااقدر يا علي مااقدر..
بو راشد: اوهوووو لا اتخليني ايي واطر الصوره الحين
فاطمه: كــــله منك يا علي انت اللي حرمتني منها والحين بعد تبا اتطر صورتها عشان ما يبقالي شي من ذكراها..مستحيييييل..
بو راشد: اووووه فكينا الله يخليج..
ويطلع بو راشد من الحجره..وهو نازل عالدري يشوف البشكاره يايه صوبه..
بو راشد: خييير انتي الثانيه شو تبين
ماريا: بابا فيه حرمه واقفه برع ..ماادري شنو تبي
بو راشد: حــــــرمه!!!!انا بسير اشوفها الحين
وراح بو راشد صوب الباب عســـب يشوف منو هاي اللي يايه هالوقت.فــتح الباب ..
بو راشد: نعـــم اختي ..فيه شي؟؟
يــــــــلا ابــــــي تـــــــــفـــــــاعـــــــــل واكـــــمــــــــــــل
