قصة علاجي في امريكا..

[ام حمود الغالي]

بسم الله الذي لا اله الا هو سبحانه ..
قال سبحانه وتعالى ( هو علي هين ).. سورة مريم.
خواتي شلونكم؟
انا اختكم المتغربه في امريكا (ام الغالي) اللي بعدني ماشفته.. لكن املي بالله كبير سبحانه يرزقني..
انا صارلي بأمريكا 5 شهور وتبهدلت اخر بهدله..
والله ياخواتي انا ماودي احبطكم لكن هذي الحقيقه.
انا زوجي عنده الحيوانات المنويه صفر.. وبالكويت كل المختصين قالوا لنا مالكم علاج الا بامريكا.
وجينا امريكا وفي الشهر الاول بس تحاليل والشهر الثاني قرروا يسون حق زوجي .. تكرمون.. عملية للخصيه يربطون الدوالي
وياحذون عينه بالمره والحمدلله نجحت ربطوا الدوالي لكن العينه صفر حيوانات منويه وقال الدكتور ربط الدوالي
راح يساعد الخصيه انها تنتج حيوانات منويه.. وبعد 3 شهور راح اسويله عمليه ثانيه ناخذ عينه جديده ..
ووفقنا وقلنا ان الله مع الصابرين..
وصارت المفاجأه .. المستشفى اعتذر انه يكمل علاجنا !!! واحنا للحينا ماكملنا الشهر الثاني من جيتنا لامريكا.. طيب ليش؟
قالوا اكتشفنا ان الزوج عنده التهاب معدي واحتمال اذا اخذنا منه العينه بعد 3 شهور ولقحنا البويضات راح يعدي البويضات اللي في باقي المختبر !!! طيب والحل؟ قالوا شوفوا مستشفى ثاني .. يكون عنده تقنيات التعقيم اقوى.. بحيث ماتنتقل العدوى..
خاطبنا السفاره وجزاهم الله خير غيرونا المستشفى وطبعا هالسالفه خذتلها شهرين..
ورحنا ولايه ثانيه.. ولما رحنا لطبيب الجديد قال باقي شهر وتكملون 3 شهور من العمليه الاولى وراح اسوى عمليه
ثانيه للخصيه وناخذ عينه ومافي غير هالحل.. سلمنا امرنا لله ونطرنا شهر .. وفي هذه الاثناء كنت انا اراجع دكتور اطفال الانابيب
وسوالي تحاليل كلها طلعت سليمه ولما سولي مسحه لعنق الرحم وقعدت انطر النتيجه 3 اسابيع وشاءت الصدفه ان اليوم اللي سوى فيه زوجي العمليه هو نفس اليوم اللى اطلعت فيه نتيجته المسحه.. كانت نتيجة العينه اللي خذوها من زوجي صفر مره ثانيه والحمدلله على كل حال والمفاجأه عاد ان المسحه طلعت نتيجتها...ان عندي فايروس الورم الحليمي البشري النوع اللي يسبب سرطان عنق الرحم..
اللهم لا اسالك رد القصاء انما اللطف فيه..يارب . واللحين انا كنت رايحه لامريكا عشان العقم وصرت الحين اعالج لسرطان بامريكا...
اللهم احمدك واتوب اليك ياارحم الراحمين..
ولايس من رحمة الله... انه خير الوارثين.
اسفه على الاطاله..

 

[RAIN FALL]

الله يوفقج و يعوض صبرج خير توكلي علي الله و من توكل علي الرحمن ما خاب
ان شاء الله ينولج كل الي في بالج يا رب

 

[ماي الورد]

لا حوله ولا قوة الا بالله خلي ايمانج كبير شفتي رحمة رب العالمين عليكي يبيكي تتعالجي انتي اول عشان ما يكون عليكي ضرر بعدين روحتك لي امريكا كانت في صالحكم والله

وعسى الله ما ترجعون من هناك الا وانتي حاملة حمود واخوان واخوات حمود لا تضيقي خلقج استانسي هناااك والله بيفرجها في ساعة من ساعته

 

[om_jsoom]

حيااتي والله الله يعوظج ياااااااااارب
وتحملين من غير هالمستشفيات والتعب قولي اميين

 

[hadooya_ali]

الله يشفيج ويرزقج بالذرية الصالحة بحق محمد وال محمد

 

[نــعــوومــه]

ياحياتي الله يشفيج إن شاءالله.........ولايضيع لكم تعب.....ويشفي زوجج..... ويرزقج باللي تتمنينه.......

 

[بطة رشيقة]

الحمدالله لحقتي على عمرج سبحان الله والله الله يحبج سبب لج الاسباب عشان تعرفين وتلحقيين على عمرج

الله يردج بالسلامه ان شالله

 

[mosta7eel]

ما عليه ياقلبي الله يعوض صبرج خير يااااااااكريم
ويرزقج الذرية الصالحه المعافاة وماترجعين الديره الا وانتي حامل

 

[* رُقِي *]

الله يصبرج ويشافيج ويعافيج ويرزقج حمود الغالي

حبيبتي لاااااااااااااا تقولين (( اللهم إني لا أسألك رد القضاء ولكن أسألك اللطف فيه ))

نعم نحن عباد الرحمن نسأل الله رد القضاء

وفي الحديث ((( لا يرد القضاء إلا الدعاء )))

شوفي هذا الرابط

http://www.islamway.com/?iw_s=Lesson&iw_a=view&lesson_id=26381

 

[$غــ(ز)ــل$]

لاحول ولاقوة الا بالله
الله يعوووضج يااارب ويرزقج الذريه الصالحه
ويشفيج من كل الامراض..ماتدرين ياختي الخيره لج وين سبحان الله رايحه عشان شي وطلعلج شي ثاني

انتو راجعتو عند اي دكتور؟؟

 

[ما في مثلهااا]

الله يشافيج حبيبتي


لا تياسين من رحمه الله

الله رحمته واسعه


عليج بذل الاسباب من قيام الليل والاستغفار والصدقه وصدقيني

العلاجبيد الله سبحانه وتعالى من بيد الاطباء


والله سبحانه اذا حب عبده ابتلاه

الله لا يحرمج الاجر يارب ويرزقج بالذرية الصالحه

 

[ام تركي2008]

الله يشافيج ويرزقج من اوسع ابوابه
امين

 

[ريحة الحنه]

الله يشافيج ويشافي زوجج ويرزقج بالذريه الصالحه
بس ممكن تقولين وين كنتم تعالجون اي دكتور

 

[ام_مرام]

يا عمري
الله يشفيج و يشفي زوجج
و يرزقكم و يرزقنا بالذريه
طمنينا عليج يالغاليه

 

[WaChoCha]

رب العالمين يحبج اللي خلاج تكتشفين هالشي والحمدلله ان شاء الله في بدايته وعساج ان شاء الله ما تشوفين الشر والعافية يا رب جدامج
انتي في اختبار كبير ومثل ما قالو لج البنات ما يرد القضاء الا الدعاء ... عسى يا ربي يسخر كل عباده بغربتج ويسكن قلبج وقلب زوجج وينزل رحمته عليكم ولا يردكم خايبين اللهم آمين... اكثر الصدقات حبيبتي بنية الانجاب وبنية العلاج وتقدرين تسوين هالشي عن طريق موقع خير اونلاين

ويا ربي يا حبيبي يا مبدل الاحوال من حال الى حال ويا مجيب للدعاء ويا جابر خاطر المنكسرين منا يشفيج ويشفي زوجج ويرزقكم باحلى ذرية تقر فيها عيونكم

اللهم آمين اللهم آمين

 

[ملاك-77]

لاحول ولاقوة الا بالله

لاتزعلين هالشي مقدر ومكتوب والحمدلله ان الله سبب الاسباب

علشان يتم علاج بسرعه والله كريم يعوض صبركم خير


اللهم رب الناس أذهب البأس عن أم حمود الغالي واشفها وزوجها أنت الشافي لا شفاء إلا شفاؤك شفاء لا يغادر سقما"

اللهم رب الناس أذهب البأس عن أم حمود الغالي واشفها وزوجها أنت الشافي لا شفاء إلا شفاؤك شفاء لا يغادر سقما"

اللهم رب الناس أذهب البأس عن أم حمود الغالي واشفها وزوجها أنت الشافي لا شفاء إلا شفاؤك شفاء لا يغادر سقما"

 

[كندوش]

الحمدالله على كل حال قدر الله وماشاء فعل حبيبتي الله يشافيكم والخيره في ماختاره الله والله يرزقج بالذريه الصالحه

 

[أثير الورد]

لا اله الا الله سبحانه قادر على كل شئ
ولا تقنطوا من رحمة الله

 

[ام حمود الغالي]

الله يجزاكم خير ياخواتي.. الله يرزقنا جميع انشالله..

 

[ام يوسف القمر]

الله يارب يرزقج بالتؤام ويشافيج ويشافي ريلج حبيبتي قولي الحمدلله كثري حمد الله يارب يبرد على قلبج ويحفظكم من كل شر