ليلة خميس .. وانا انطرك ليلة خميس
هام فيك قلبي وحبتك عيني وباقي
انا انطرك .. ليلة خميس
قمري وعمري اذا منتي مرتبطة بمرك الليلة بعد صلاة العشاء ممكن ؟
حياك ياقلبي البيت بيتك
لا تسوين شيء ولا تتعبين بشتري حلى جاهز وفطاير واجيبه معي بس سووي قهوة وشاي ما استغني عن ريحة عطرك فيهم ولا تكثرين السكر لان حلاوة شفاهك تكفيني !!
ضحكت ريمية وهي تقرا كلام حموود ومرها ليلة الخميس وسوااليف ووناسة مع بعض وكانت تبي تقول له عن الحرمة اللي قابلتها بس تناست الموضووع وأخرته لوقت ثااني
وكعادة حمود يوم طلع دز لها ظررف فيه مبلغ
وهدية خاتم المااس يجنن
اليوم الخميس دخلت ريمية المنتدى الا وتلقى الرسائل 6 غير مقررروءة
دخلت قرت الاولى طلعت من زميلة لها والثانية طلب حذف موضووع والربعة من شاعرنا المتيم
قرت المسج الاول والثاني طلعوا نفس المسج والثالث والرابع
استغربت ريمية ليش يرسل لها نفس المسج اربع مرات والمسج فيه طلب ورجاء بنفس الووقت
" عزيزتي مشرفتنا المحترمة خنقني الشووق
لو سمحتي انا عندي مشكلة هي ممكن بسيطة شووي بس منغصة علي عيشتي وما اقدر ابووح فيها لحد غيرك لانك غريبة وما تعرفيني عشان كذا اقدر افضفض لك بس مدري وين اكتب لك معاناتي وآهاتي وكل الشوق فيني يرسم لي خطاك ويدفن فيني لهفة الشوق لعيوونك "
استغربت ريمية من المسج راحت ردت عليه :
اخوي المحترم : لا زلت احبك ولا زلت ابيك
اقدر لك ثقتك فيني بس ما اقدر اساعدك الا عن طريق المسجات ارسل لي المشكلة وانا اقرر اذا اقدر احلها لك وحلها راح يكوون بقسم المشاكل الخاصة واعطيك رقم الكوكيز وتدخله وحتى اسمك ما راح تلقاهـ موجود بس راح تلاقي الحل وللعلم فقط رقم الكوكيز يتغير كل فترة حتى اي عضو قد دخل القسم ما يقدر يدخله مرة ثاانية تحياتي لك اخوي العزيز ,,
خنقني الشوق ,,
مسويه فيها ثقيلة ومحترمة هين والله لاطين عيشتك يا بنت فلان ويضحك شاعرنا ويبدى يكتب قصايد ونثر وغزل وشد انتباهـ اغلب البنات بالمنتدى خصوصا العاشقات الولهاانات
حلى مميز ورووعة ويجملك قدام ضيووفك
كان عنوان موضووع ريووف ونزلت الحلى بالمقادير والطريقة وكان شكله يجنن
وردووا عليها الاعضاء والعضواات ومن ضمن الردود رد الشاعر :
اقوول اعطووني عنوان بيتكم الليلة مسير عليكم وبذووق الحلى الله لا يعووق بشرر هع هع هع
يمه منه يا ريمية كلامه يمووت ضحك اقوول احذفي ردهـ لا يقراهـ راشد ويفضحني يابنت
طنشي يا شيخة هذا نت واذا راشد العاقل الفهماان ما يعرف هالشي فهذي مشكلته
مرررررررررررت فترة ماهي بسيطة حدود ست شهوور تخللتها بعض الاحداث العادية اللي تتخلل اي بيت واي عائلة
بيووم دق حموود على ريمية
حبيبتي ما تبين نحدد وقت الزوواج ترى مليت والله ابي اطق ويضحك
وش مستعجل عليه خليني اتوونس معك يابن الحلال واعيش جووي وبعدين بدري ع النكد
الله يسامحك بس يعني وجودك معي تسمينه نكد ؟
عفوواً والله ما اقصد اللي اقصدهـ بدري ع الزواج والمسئوولية بس
اهاا كنت بزعل اوول بس لو زعلت شلوون تراضيني ؟
اممممم بحطك داخل عيووني واقفل عليك بس لا ما اقدر
وليش ؟
اخااف لا غمضت عيووني تجرحك رمووشي
لا ما اقدررررررررر انا خلاص طحت من طوولي اقوول تدرين بكرة الزواج وانتهينا اخر كلام خخخخخخ
ريمية اتكلم معك من جد لازم نحدد وقت الزواج ترى بنكمل سنة واحنا مخطوبين وانا الحمد لله مقتدر ومبسووط
طيب طيب ولا يهمك ياقلبي انت فصل وانا البس وش تبي بعد ؟
بعد هذا تبيني اطلب شي ؟ خلاص هذا اللي ابيه
حددوا وقت الزواج بعد ثلاث شهوور بالضبط
ريووف انتي متى شهررك بالضبط ؟
يووهـ يا ريمية ليش السؤال هذا ؟
لان زوااجي تحدد بعد ثلاث شهور وبشووف اذا يمديك تحضرينه والا تكونين بغرفة الولادة تتولدين خخخخخخخ
صادقة بعد ثلاث شهوور !!
ان شاء الله يالله تجهزي وفصلي فستاان ابيك تطلعين احلى وحدة فهمتي
ما اظن انا لي الحين ست شهوور ومع ثلاثة بتكوون تسعة يعني اكون وقتها ازحرر واصاارخ
ابي امي ابي ابووي ابي زووجي ههههه
يا ثقل دمك وانتي تمزحين خلاص بخليه بالصيفية عشانك
لا والله ما يصير ما تغيرينه لو ايش حلفت عليك يا بنت الحلال علي الطلاق ههههه
صدقتي انتي ووجهك اني بغير الموعد ؟ بس دامك حلفتي ماراح اكسر حلفانك خخخخخ
كل يوم يمر تتعلق ريمية بشاعرنا المميز وكل يووم يعدي تحس بشووق لقراية اخر قصيدة ومتى دخل ومتى طلع وايش كتب واخر رد وكل يووم يتقرب لها اكثر بكتابة الشكاووي ويشكي اليتم والعجز وانه تربى عند اخوهـ الكبير وكانت مرت اخوهـ تعذبه وطلع شاعر زي ابووهـ وحاول يشترك بشاعر المليوون بس باقي ما اخترعووا البرناامج
قرت ريمية ردهـ وضحكت
قفلت ريمية اللاب تووب حقها وانسدحت ع السرير وقامت تفكر وتفكر :
شكلي تعلقت فيه معقوولة ؟مستحيل افكر بواحد مثل هذا وش ابي بووهـ يارربي بس اشتاق له ولمواضيعه ولقصايده حتى ضحكته اللي يكتبها صاارت احساس احسه منه وفيه اعتدلت بنوومتها : وحمود ؟ وحبه لي ؟ وزوواجي اللي ما بااقي عنه شي ؟ وفستاني واهلي واعمامي وخوالي اللي قاعدين يجهزوون وابوي وامي وفرحتهم لا مستحيل مستحيل اسووي كذا
انسااهـ احسن لي صدق الواحد احيانا يهووجس قبل لا يناام اعوذ بالله من الشيطان الرجيم وقرت آية الكرسي ونامت ع الجنب الايمن
وتحلم احلام وكووابيس وناار وكلاب سوودا تلاحقها وبحر واموواج تضرب ببعضها
ونااس يضحكوون وناس يبكوون والعالم كله حولها بس محد يناظرهاا ولا احد يشووفها وشووي الا قطووة سوداا تطاردها وتطاردهاا وتنادي : حموود امي ابوي خالد
محد سمعها ولا احد انقذها رغم ان كلهم حولها ويشووفونها بس محد ساعدهاا ليش ؟
قامت ريمية من النووم مفزووعة بصقت عن شمالها ثلاث وتعوذت من ابليس ثلاث وكبرت ثلاث وقامت توضت وصلت ركعتين
بس عقلها قام يودي ويجيب
يمكن اني بمووت قبل زواجي !! او حمود يصير له شي !! او امي او ابووي لا اعوذ بالله الا ابووي ما اتخيل اعيش بدونه
يمكن ريووف ! لا ياربي اعوذ بالله من الشيطان استغفر الله يارربي
تعووذي من ابليس هذا من كثر قعدتك ع النت والخرابيط اللي تسوينها على وجهك كل يووم
يمه الله يخليك لي وش دخل النت والخلطات بالحلم هههههههه ؟ ياعليكي افككار يا امي
مدري عنك كل يوم اشووف زبادي ومرة خياار ومره برتقال ومررهـ عسل وكل ساعة ودقيقة مقابلة المعفن هذاا
يا ميمتي ياربي تخليك لي هذا حلم يعني كابووس بس شكلي كثرت من العشاء البارح تخبرين يوم فكر خويلد يعشينا جابه لنا ثقيل مررهـ
وتعشيت ونمت ما سويت سبوورت عشان كذا شكله ثقّل علي وقامت افكاري تحوس وتسوي افلام اكشن بمخي خخخخخخخخخخخ
طيب وانا ابووك مرة ثانية ما تاكلين عشاء يجيبه خويلد ابد فهمتي ويضحك ابو خاالد
طيب هذا جزاتي اني عشيتكم امس ؟ هين ان شفتووا مني فخذة دجااجة مرة ثانية
اللي يسمعك يقوول من راتبك مالت عليك كل يوم تقط وجهك على امي وتاخذ منها قرووش الا على طااري خويلد ترى حمودي يقول
والعيلة كلهاا بققت عيوونها بريمية يوم تقول حموودي ) .. احم احم قصدي حموود يقوول لك وظيفة عندهـ بوحده من محلات ابوهـ يبي
محااسب وبنفس الوقت يثق فيه عشان الحساابات والفواتير وش رايك ؟
وكم راتبها ذي الوظيفة ؟ لا يكون الف والا الفين ترى ما ارضى الا باربع او فووق
يا بقعى تصووعك خويلد احمد ربك ان وافق الرجال يوظفك لا وتتشرط بعد عميا وتبي نظارة
لا يكون شمسية بس يمه خخخخخخخخخخخخخخخخ
خويلد اقوول انقلع انت وخشتك وافق ع الوظيفة لاني من اليوم وطالع ماراح امد لك ولا ربع رياال فهمت
يمه ترانا باقي ما توظفنا وتسوين بنا كذاا ؟ اجل اذا استلمت الوظيفة وش تسووين ؟
اجل اتفقنا يا ابو الخلد من بكرررة تداوم عندي واسلمك كل شي بس اتمنى الثقة اللي بيننا تبقى مثل ماهي
ولو ابو رحم ابشر بعزك ........ وقام خالد يحك رقبته : ابو الشباب ما قلت لي كم الراتب ؟
انت حددهـ وابشر بعزك ؟
ولو حمودي انت اللي تحدد راعي الحلال خالد اطلع وصك الباب وراك
طلع خاالد وباقووى ماعندهـ : طراااااااااااااااااااااااااااا خ
وش بك ع الولد كان خليتيه يكمل كلامه خخخخخ
ترى هذا اخووي اعرفه اكثر منك طمااع وما ينعطى وجه انتبه !!
هزي لي سااقك شووي وش فيه تحت رجوولك ؟
ضحكت ريمية بدلع : ولا شي وهزت رجلها
الا شووفي وش تحتك شكله صرصوور والا ايش ؟
قاامت ريمية تصاارخ وووع يمه وينه وحضنت حموود وجات عيوونهم ببعض وضمها لصدرهـ وضحك وقال خليني اشووف رجولك
لا يكون تعوررت ؟
لا ما تعورت ولا شي وقامت ترتب نفسهاا
اقول خليني اشووف صدقيني انك تعوررتي
ونزل حمود لرجوول ريمية ( الرجال يبي يشووف الخلخال )
خلاص مافيك شيء
حمود قلي الصدق وش فيك ؟
ولا شي قهرتيني طوول منتي قاعدة تهزين برجوولك وفيه شي يلمع واذا دققت وانتي هزيتيهاا قلت خليني اسوي فيهاا خطة حتى ادقق
باللي يلمع ذا وشوووو
يوووووهـ يا حموودي كان سالتني وجاوبتك طوولت المشوار والسكة قريبة هههههههههههه يعني مافيه لا صرصوور ولا شي طيب انا
زعلت
ولفت ريمية وجهها عن حمود مسويه زعلانة
جاء حمود من وراهاا وضمها لصدرهـ : ولبسها عقد ذهب عليه فراشة ملوونة شكله طالع خياال عليك ياقمررر عمري وحيااتي
ضحكت ريمية بدلع : مشكوور حياتي كلك ذووق
لا انا ولا انا اخر انسان .. يهجر حبيبه ويترك اوطان
نزف جرحي وجفت الوديان .. انتحرت اقلامي وشيعت انا الجثمان
مسابقة اكتب وانا أُكمل :
وووي يا ريمية هذا مررهـ شاايف نفسه على وش مدري !! كش عليه
ريووف مالت على خشتك وش عرفك انتي بالشعر والرومنسية خليك بحملك وولادتك وببنتك واتركي الشعر لاهله
عشتوووووووو ومن متى ان شاء الله ؟
من اليووم اسمعي ترى صورت العقد والخاتم اللي من حموود وارسلته لك وساائط شووفيها واعطيني رايك اووكيه !!
اوووكيه !!
شاركت ريمية بالموضووع وصار الموضووع بس لها وللشاعر هو يكتب وهي تكمل وصارووا الاعضاء بس يدخلوون حتى يقررون
ردودهم الاثنين ومحد تجرأ يشارك معهم ..
كان ودي اكتب لكم الاشعاار بالتفصيل بس اعذرروني احتفظ فيها لنفسي
يالله بااقي اسبوعين ان شاء الله وتكونين عرووس مو تشوفين حالك علينا انك اعرستي واحنا لا !!
ياربيه يا صيته يا تطلعين بافكاار امووت واعرف من وين تجيبينهاا غبااااااااار خخخخخخخخخ
طيب انتي جهزتي كل شي متأكدة مو ناقصك شي ؟
ابد الناقص بس العريس يجي هع هع هع
وش مستعجلة عليه الحمد لله والشكرررر لاحقة ع النكد ..
اعذرووني راح يكون دخوولي المنتدى قليل بسبب ظرووف شخصية دعواتكم لي يا احلى اعضااء " خنقني الشوق "
وش تقولين انتي ما اسمعك ؟
اقولك تعال شكلي بوولد اسررع يمه يا ثقل دمك
متأكدة ترى عندي شغل يا بنت الحلال تأخري شووي يمديك تنتظرين نص سااعة بس
رااشد هو على كيفي انتظر نص ساعة اقولك اسررع والا باتصل ع الهلال الاحمر واقوول زوجي مو راضي يوصلني المستشفى
لا افاا وش الهلال وش الخرابيط جايك الحين بس امززح خخخخخخخ
بعد اربع ساعات
مبروووووووووووك جالك ولد
الحمد لله توني اصير اب يبتسم رااشد
بالله احلف واوول وش انت ؟ جد والا خاال
ضحك راشد وهو يمسك يد ريووف ويبوسهاا : الف الحمد لله ع سلامتك ياقلبي ومبروك ما جبتي
الله يبارك فيك ياقلبي
الووو .. يا دبه انتي وولدك غير قبل زوواجي بيومين يشررف اوريك به هالورع من اولها مو بالع العافية طالع لابووهـ يا ثقل دمه
الله يبارك فيك ريمية وعقبالك يارب وتسلمين ع الكلام الحلوو يهبل كش عليك قال تمززح ياثقل دمك
امي تقولك طبيعي والا عملية ؟ رووعة سووالف الحريم ياحليلها امي
لا الحمد لله طبيعي بس تعبت يا ريمية و.....
قاطعتها ريمية : ريووف اقول لا تدخلين بسووالف الحريم ترى ماعرف طبيعي والا قيصري لا حملت ان شاء الله علميني بالتفاصيل
سمت ريووف وراشد ولدهم زايد على اسم جدهـ ابو رااشد
ريمية : معقوولة بكرة يكوون لقاءنا مع بعض ونعيش تحت سقف واحد ماني مصدق !!
الا صدق باقي اربع وعشرين سااعة ويمكن اقل بعد
اي والله اخيراً تحقق حلمي شووفي ياقمرر انا برووح ........ تبين اجيب لك شي معي ؟
يووهـ وين ترووح بعيد عليك وش الشيء المهم اللي يخليك تطق مشووار ؟
يووهـ ياقلبي كلها 230 كيلوو اروحها بساعتين رايح وساعتين رااد انتي بس لا تشيلين هم ياقلبي
ترووح وترجع بالسلامة ياقلبي وانتبه لنفسك ولا تسووق اذا نعست و...
خلالاص يا امي الثانية ترى امي صجتني بالنصايح انا ابي اسمع كلمة احبك من شفاهك وهالكلمة تكفيني
احبك بكل لغات العالم احبك وامووت عليك
وانا بعد من كثر حبي لك صرت اعشقك ياعشقي انتي يالله انا مااشي بااايات
بامان الله
يووهـ حاسه اني بعالم ثااني وبكرة بتزووج ياااي
قطعت عليها النقااشة افكارها : ادخل يا اختي ؟
ايه تفضلي يا ام راضي انتظرك من العصرر
وبدت ام راضي تشووف شغلها بالنقش وبالسووالف ما قصرت وخلصت نقش واخذت قرووشها ومشت والحناا بااقي بيدين ريمية ورجوولها
شووي الا تسمع صرااخ وصيااح ونيااح
ما استوعبت ابداً تسمرت بمكانهاا الا تجمدت ماهي قادرة حتى تتحرك تبي تسأل وش فيه ؟؟
ياربي وش ذا الحظ ترملت حتى قبل لا اتزووج
ايووهـ اللي في بالكم صح
حموود صار له حادث وتوووفي واللي نقل الخبر الحاارة كلها تتكلم والعالم وقفوووا على باب ابووهـ كل واحد يقول للثاني انت خبرهـ
محد تجرأ يعلم ابو حموود ان ولدهـ مات بحاادث وهو راجع من مشووارهـ طلع بوجهه جمل وصدمه وتووفي
ماني مصدقة ماني قادرة استووعب يعني خلاص مات حموود بكرة مافيه زوواج ؟ والحناا وش اسووي فيه ؟
انهارت ريمية وماهي قاادرة تستووعب اللي حصل وبكرة الزوواج ويدينهاا حنا ونقش ورجولهاا ياربي وش هالمصيبة
انا حظي كذا يمه منحووسة تعيسة طوول عمري كذا شيلوووووووووووووا عني الحناا تكفوون شيلوووهـ مني احرقووني حتى يطلع
من يديني تكفووون ابي اشق هدومي ابي اموووت خلاص انحرررقت ماني قادرة استوعب يا نااس انا ارملة
مر اليووم كئيب جداً وتعيس والناس بدال ما تحضرر للزواج تحضر للعزى والله المستعاان
ثالث يووم بالعزاء كأن ريمية لمحت البنت اللي قابلتها بالديووان قربت البنت وعزت ريمية ودعت ان ربي يعوضها
خيررر
بعد اربع شهوور وعشر ايام لملمت ريمية شتات نفسها وبدت رتجع شووي شووي لحياتها الطبيعية وقررت مع امها
ترووح تزووووور ابو حمود وام حموود
مساء الخير ياعمي
من شافها ابو حمود نزلت دمعة من عينه وتذكر فرحة ولدهـ ووناسته ليلة عررسه وكيف صارت الان ذكرى يبكيها
الصغير قبل الكبيرر
عمي وخالتي قدركم على عيني وراسي ومدت لهم ريمية كيس كبيرر
ناظرها عمها : وش هذا يا بنتي ؟
هذي الهدايا والفلووس اللي كان حمود يجيبها لي ويوم راح الغاالي قلت ارجعها لكم خذووها
لا والله وانا ابوو حمود ما يرجع شين جابه لك حموود وانا عمك هذا حقك ومحد راح ياخذ لك حق وبااقي لك حقوق
من الوورث بعدين نتكلم فيهاا
عمي من الحين بكتب لك تناززل عن كل شي تركه حمود ويكون ورث لي انا مابي شي خلاص اللي عندي يكفيني
ياعمي ترى المهر اللي اعطيتووني اياهـ حق الشبكة هنا والهدايا ماعدا فلووس الزواج قضيت بهن جهازي و....
يابووك خلاص اسكتي اوجعتي قلبي ترى انا موجووع خلقه حلال زلال عليك كل ريال اعطاك اياهـ حموود
رجعت ريمية وهي تخنق دمعة بداخلهاا ماتبيها تطلع ماتبي تحسس اللي حولها بضعفها ما تبي تعور قلب امها وابوها اكثر
الوووو
ايوهـ يابنيتي مين ؟
خالتي كيف حالك اعطيني ريمية لو سمحتي !!
ابشري يا بنيتي
هلااااااا مين ؟
اكيد ما تعرفيني انا اللي شفتك بالديووان مبرووك الوظيفة
ايش ؟ اي وظيفة ؟
ما دريتي ؟ اسمك نزل ووظيفتك بالديرة الفلانية انا وانتي مع بعض والله فرحت لك الف مبرووك
ريمية زمان ما دخلت النت ولا تدري عن شي وسالفة الوظيفة هذي ما تقدر تبلغ فيها احد الا لما تتأكد منهاا
ريووف بالله تأكدي لي وردي لي خبر مدري احسها تمزح علي والا قارية اسم ثااني
بعد ساعة او اقل بشووي
ريمية مبروووووووووووووووووك ياقمرررررر والله قريت اسمك صادقة انتي تعينتي الف مبروووك
راحت ريمية وبشرت امها وابوها وزارت ابو حمود وام حمود واخذت لهم هدايا وحلويات وقالت لهم ان فلانة ( من قرابتهم )
هي اللي بشرتني بالوظيفة
ومتى الدوام يابنتي ؟
والله يا يبه مدري بس ان شاء الله قريب او على بداية السنة الدراسية ان شاء الله
الله يوفقك يا بنيتي تستاهلين تعبتي بحياتك والله يعووضك
رجعت ريمية تمارس حياتها طبيعي ورجعت للنت والمنتديات والاخذ والعطاا وكل الاعضااء تحمدوا لها بالسلامة
وكانووا منزلين لها موضووع خاص كل يوم يدعوون لها بالتوفيق وان الله يجبر مصاابها واخونا الشاعر كل يوم
يدخل ويدعي لها
مرت الاجازة عادية جداً جداً بس الجديد فيها ان ابو حمود صار يثق بخالد مررهـ وصار يعتمد عليه بكل صغيرة وكبيرة
لدرجة انه عرض عليه يزووجه وحده من بناته لانه حسب كلامه ما يقدر يستغني عن خالد صار بدال حمود عندهـ ولان
ابوو حمود حس ان ظهره انكسرر بعد ولدهـ فصار لا يطلع ولا يرووح زي اوول وبس قاعد بالمجلس حقه ويناظر
صوورة ولدهـ
الف مبروووووك خويلد والله وكبرت وصرت رجاال وتبي تتزوج بعد ههههههههههههههه
اقول غبرية انثبري عني احسن لك انا رجال غصباً عنك سمعتي
يقال تبي توريني العين الحمرا هااهـ ؟ وشفت نفسك علينا ؟ ربي يرزق ناس من نااس وتمتمت بينها وبين نفسها :
الله يرحمك ياحموود
تزووج خالد من اخت حموود : بدررية وكانت بنووته هادية ورزينة وعاقلة خلصت الكلية وجلست بالبيت مالها سنة
مخلصة بس جميلة ومزيوونة
الحمد لله اللي عدت هالليلة على خيررر يا امي اخيراً خويلد تزوج !!
اقوول انتي لا عاد تقولين له خويلد فهمتي خلاص كبر وصار رجاال
ردت ريمية على امها وهي تشلح صندلها : ووي يا امي من متى ان شاء الله ؟ بقووله خويلد لين اشووف عياله خخخخخ
طلعت ريمية لغرفتها وهي ماسة صندلها وتفكر .. لو اني متزوجة الحين يمكن حامل يمكن يعني مثلا اكوون مبسووطة
ومرتااحة .. الله يعوضني ياارب
وطلعت نامت بغرفتهاا من التعب وللعلم كان زوواج خالد تقليدي جداً وعائلي بعد ببيت اهل ابو حمود تقديراً لظرووفهم
وعدت الاجاازة وبدت الدوامات وطلبووا من ريمية تداووم بالمدرسة وراحت ريمية وامها وابوها وشافت الديرة وشافت
اهلهاا وسألت المعلمات عن السكن لانه صعبة تجر امها وابووها معاها ويتركوون اشغالهم وبيتهم عشانها خصوصاً
الديرة اللي تعينت فيها ريمية تبعد عن ديرتها بحدود 150 كيلوو بس ابوها رفض انها تركب باص تروح وترد بنفس
اليووم خايف عليها والمصايب كثيررة
ايوهـ ريمية احنا مجموعة معلمات المغتربات ساكنات بشقة وعندنا شغالة وحدة من المعلمات بس هذي ساكنة هنا ترسل
لنا شغالتها من المغررب الين الساعة 11 ونعطيها اجرها تكوي وتغسل لنا وآجار الشقة والشغالة والكهرباء وكل شي
بالنص تبين حياك الله وش قلتي ؟
خلاص ماعندي مشكلة اتفقنا
راحت ريمية مع اهلها وشرت لها سرير ودولاب واغراض لغرفتها اللي قاعدة فيها هي وثلاث معلمات معاهاا وانبسطت
وكل اربعاء ينزلهم عم وحدة من البنات بالثانووي ويرجعهم السبت الفجرر
تغيرت نفسية ريمية مررة ورجعت زي اوول واحسن وانشغلت بالمدرسة والطالبات وكانت المعلمة اللي تقرب لحمود
معاها بنفس المدرسة بس مو بنفس السكن وصارت تتقرب لها وتسوولف ومن ضمن السوالف سألتها عن كلام الحريم
وانه منى عينها بس تفهم وش اللي صار وهي ماعندها علم فيه
وبدت اختنا نسميها نجوووى تحكي لريمية :
يوم حمود الله يرحمه يدرس بثاني متووسط تورط له بساالفة مع شباب واشتكاهم ابو الولد ودخل حمود الاحداث ويوم
طلع وهو مخلص ثالث متووووسط بس هذي السااالفة ومن يومه كل ما يخطب عند احد يرفضوون وما كمل دراسته
درس اول ثاانوي والعيال يعايررونه ويسبوونه وترك المدرسة وما صار يطلع من البيت ابد وبس هذي السالفة
حسبي الله عليهم بنات ابليس الحين قلت وش مسووي الرجاال ؟ طلعت هذي السالفة
ياربي يارريوف وهذي ماتعدينها ساالفة ؟
الا يا ريمية بس عادية طيش شبااب وبعدين كان صغيرر ماهو كبيرر طايش يعني يوم كبر وعقل ترك هالخرابيط
عااد اللي يسمعك ما يقوول كل الشباب مثله !! بس محد يدرري عنهم قدام الناس ررزة ومن وراهم الله العالم
ايه يا ريووف الله يسامحهم بس يوم سمعت كلامهم قلت اكيد الولد فيه عيب والا صاير شي مخبيه عني الله المستعان بس
ومرررررررررررررررررررررررررررر رت الاياام وتعلقت ريمية بالشاعر وصارت ما تشووف الا هوووو
بالدنيا وبالعالم كله وتطورت علاقتهم واخذ ايميلها وصارت محادثااتهم ع المسن سووالف وضحك لدرجة انها صارت
تشاورهـ بكل شي حتى بطلعتها وبمشاويرهاا
ما قريتي الايميل اللي ارسلته لك ؟
اي ايميل ريمية ؟ ترى من امس ما فتحت الايميل حقي ليه وش فيه ؟
ارسلت لك اخر قصيدة نزلت ومكتووبة باسمي بعد اقريها وقوولي لي رايك !!
من حبيب الهنا مدري حبيب العناااا !!
ريووف حرام عليك لا تقولين عنه كذاا ترى ازعل وربي
يااااااي ترى ازعل !! ازعلي وطقي راسك بالطووفة على قوولة اخواننا الكوايته
ووووي ووووي كل هذا يطلع منه ؟
هااهـ وش رايك ؟ قصيدة تجنن صح !!
اي والله تاخذ العقل بعد .. اقووول ريمية الى متى ووضعكم كذا ؟ يعني عاجبك الحب بالطريقة هذي ؟
ريووف يسعد لي هالخشم تكفين لا تفتحين سيرة الموضووع هذا ترى اموووت منه مابي اتكلم فيه
ليش يا ريمية تمووتين ماتبين احد يفاتحك بالموضووع ؟ لانه غلط وبدايته غلط ولين نهايته وهو غلط ؟ وانتي عارفة
الشي هذا بس ماتبين تعترفين صح ؟
مدري ياريووووف عمره ما فتح معي سيرة الزواج والبيت دايم يقولي مستقبلنا مع بعض حياتنا مع بعض بس كلام وعمره
ما جاب لي طاري الزواج تبيني انط ع الولد من الشاشة واقوله الا تتزوجني ؟
ايه تنطين عليه والا يلعب فيك كذا ؟ ما يخااف ربه هذا ماعنده اخووات ؟
ريووف : هالادمي صار عشقي الاول والاخير صار نبضي وعمري وقمري وسماي وكل شي بحيااتي ومابي افتح
معه الموضووع حتى ما يزعل مني تكفين تكفين مابي ازعله
طيب ريمية عندي لك خطة ننفذها مع بعض ونتفق عليهاا لعل وعسى تجيب نتيجة وش رايك ؟
قوولي اشجيني يا فوزية الدريع على غفلة والله حاله صارت ريووف تنصحني الله يا الدنياا خخخخخخخ
اقول والا اسكت ترى خطة جهنمية والله ياريمية لي اسبووع وانا اعصر مخي والمخيخ لما وصلت للنخااع المستطيل بعد
كل هذا !! انتي تخترعين الذرة والا تولدين لك بقررة ؟ للدرجة هذا وصلتي بتفكيرك للنخاع المستطيل لا اجل السالفة
يبا لها فضااوة بس اصبري بفقل الباب حتى المدرسات ما يدخلوون علي الا بستأذان
قامت ريمية وقفلت الباب وانسدحت ع السرير وتوازنت وتضبطت : يالله وش خطتك ؟
اسمعي اليوم اذا تكلمتي معه ع المسن ابيك تقولين له انك انخطبتي !!
طيب وبعدين ؟
بس قولي له كذا
ريوووف
هاااهـ وش يا ريمية وش تبين ؟
الحين لك اسبووع تعصرين المخ والمخيخ وبالاخير بس ع هالكلمتين !!
ايه قولي له انك انخطبتي وشووفي ردة فعله فهمتي الحين ؟؟
اليوم الثاني بعد المغرررب محادثة ريمية مع الشااعر
تدري وش صار امس بالليل ؟
خير ان شاء الله وش صااار ياقلبي ؟
لا ولا شي بس واحد من عياال خوالي تقدم لي
ايش ؟؟تقدم لك
ايه تقدم لي ومترددة مدري اواافق والا ... لاااا
قسماً بالله لو توافقين لاجيكم البيت واذبح الولد واذبحك وبعدين انتحرررررررررر
جاته ضحكت ريمية : هههههههه لا يا شيخ خوفتني اجل بتذبحني وبعدين تنتحر !!
اي والله اسويهاا
طيب وبرايك وش الحل ؟
الحل عندي بكرة اجيكم البيت واخطبك من ابووك وش رااايك ؟
ريمية وهي بعقلها : ربي يسعدك ياريووف ع الخطة الجهنمية ... احم براحتك بس خليها الخميس احسن الاربعاء تتعرف
ع اهلي والخميس تكوون الخطبة وعلى فكررة يا ويلك لو تجيب طاري النت ترى انا اللي بذبحك فهمت
واذا سألوني شلون تعرفها وش اقوول ؟
اممممممم جات في بالي فكرة مو انت بتجيب اهلك معك ؟ بقولهم ان اختك صديقتي بالمدرسة وبالشقة ومن هنا عرفنا بعض
وحلفت الا تخطبني لاخوهاا اللي هو انت
ماشاء الله ذكية تعرفين تدبرين حاالك امووووووواهـ بوسة ع الراس اللي يعرف يفكر
وقفل الشاعر وقفلت ريمية وبلغت ريووف باللي صاار
تستعد ريمية اليوم الاربعاء وتجهزت لانهم يبون يسافروون مع البنات وبراسها بكرة بيتحقق كل شي
ياربي وين انااا ؟ وش اللي صاااااار ؟
الحمد لله ع سلامتك انسة ريمية
مين انتي ؟ وايش اللي حصل ؟
جاهم صوت قاطع النيرس:
احم انا الدكتوور حمود اهلين اختي الحمد لله ع سلامتك
اهلين دكتوور بس وش اللي صار مدري عن شيء ؟ انا مرره مصدعة ماني قادرة اتحررررك
ولا شي شدة وزالت بس لالاتحركين كثيررر لان الحركة خطررة عليكي اهلك برى ممكن ادخلهم وهم بيقوولون لك
كل شي
الحمد لله ع سلامتك يا بوووك ما تشوفين شررر
هلا يبه .. وين امي ..
هنا يابعد قلب امك ياربي مدري متى يقووم حظك .... وتجلس ام خالد تندب حظ بنتها واللي قاعد يصير لهاا
خالد وزوجته وبنتهم الصغيرة واعمامها وخوالها زاروها وتحمدووا لها بالسلامة
بكل الحزن نبلغكم بتعرض مشرفتنا " خنقني الشووق " لحادث سيارة وهي ترقد الآن بالمستشفى بس ان شاء الله تكون
بخيرر وزميلتها ( زارني طيفك ورحل ) راح تزودنا باخر اخباارها بما انها هي المقرربة لهاا ..
ريووف ترى والله اني الحمد لله بخيرر بس علمي بنفسي يووم البنات صرخووا لاني كنت مغمضة عيووني بناام شوي
الا صرخووا البنات واسمعهم يقووولوون للسايق : امش شووي شووي بالهداووة وبعدها صحيت وانا هناا
ريووف كانت مررهـ متأثرة وكلامها ما يقل عن كلام ام خالد نعي وندب ونحيب
انا كتبت لهاا اجازة يا ابو خاالد شهر كامل لان رجلها مكسوورة ولازم تبقى بالجبس وبالنسبة لزميلاتها اللي توفوووا
مدري اذا تبوون تبلغوونها والا انا ابلغها بطريقتي وش رايك ؟
انت دكتور وابخص مني اللي تشووفه صح اعمله وانا وابووك والله اني يوم اشوفها كذا احس الدنيا تسوود بعيني البنت
هذي مالهاا حظ ابدا ابدا
ولو ياعمي ابو خاالد انت رجل مؤمن بالله وبالقضاء والقدر ومهما صار الواحد ما يجززع وش ذا ياعم انا اجلس اعزيك
واصبرك وانت اللي قبل كم شهرررر تعزيني وتصبرني بوفاة زوجتي وولدي !!
والله يابووك يا حموود مدري وش اللي قااعد يصيرر مع هالبنت من جرف لدحديررة حظها معيي يقووم
ايه بنتك فيهاا بلى اسمعي كلام ام صويلح وديها لفلانة تفتش عليهاا بنتك اكيد احد مسوويلها بلى !!
اكيد سحر والا عين والا مس والا نفس
جاء كلام جارات ام خالد زي السم عليهاا وتبي تصدق وتبي تكذب بس اللي قاعد يصير لبنتها شيء مو طبيعي كل ما قالت
يا حظ وش بك مرتكي قووم قال اسكتي لا نسدح
ايه هذا حظي يا ريووف انا وحدة مالي حظ بالدنياا ابداً والا تعالي اسمعي جارات امي مصرين الا اروح افتش على
قولتهم اكيد فلانة والا فلاانة عاملين سحر والا فيني نفس والا عين والا ..... راسي صدع منهم يارريوف
ريمية يمكن صاادقين روحي شووفي منتي خسرانة شي
ريووف اذا انتي العاقلة المثقفة الفاهمة تقولين كذا اجل ما اشرررهـ ع الجهله مثل جارات امي اقوول واللي يرحم والدينك
اسكتي عني بس
بشرينا عنك يا ابله ريمية ان شاء الله بخيررررر ؟؟
الحمد لله دكتووور احسن من اوول بس مدري بتفك عني الجبس اليووم والا كيف ؟
اكيد بنفك الجبس عنك وان شاء الله تكونين احسن بس يوم ورى يوم بيكون لك موعد حتى اتطمن على يدك اليمين و
بسووي لك اشااعة ثانية للعظام ولرجلك لاني شااك بشي !!
ياربي يادكتوور تكفى لا تخرعني ترى والله اللي فيني مكفيني وش شاك فيه ؟
بنفك الجبس اليوم وبكرة نتكلم برواقه احسن وش رايك ؟
اووكي ماعندي مشكلة ؟
ماني فاهمة يا دكتوور تعطيني كمان شهر اجازة ليش ؟ الحمد لله فكيت الجبس وانتهيت من المواعيد وكل شي اووكي
لا يا ابله ريمية انتي معلمة ولازم توقفين كثيررر واللي فهمته انك معلمة رياضيات يعني عملك يتطلب منك الوقفة
المستمرة عشان كذا بعطيك اجازة منها ترتاحين ومنها نشووفك ( واعطاها الدكتور نظررة وفسرتها نظرة حب والا شفقة )
اقوول اتركي هالغبي اللي ماعنده غير القصايد وحطي عينك ع الدكتوور شكله ارجل منه !!
ريووف تعرفين اني ازعل عند حبيبي عشان كذا لا تحاولين تشوهين صووورته قدامي تكفين
الا يا اشووهـ صوورته هوانتي شفتيه اصلاً ماتدرين عنه لو يطلع بنغالي متجنس
ما سمعتي المثل اللي يقوول :
المرأة اذا عشقتك تعشق بجنوون واذا كرهت تكررهـ بجنوون
هذا انا يا ريووف ما كنت احب حمود ويوم ربي حط حبه بقلبي عشقته لحد الجنوون وش صار بعدها ؟ راح مني بغمضة
عين .. وما كنت اتوقع بيووم اني احب شخص مثل احمد ( اسم الشاعر ) وهذا انا حبيته واخلصت له بكل مافيني
طيب والحل يا دكتوور ؟ تجلس كذا يعني لا مدرسة ولا شي !!
اووف ياعم ابو خالد طفشت من بنتك ماتبيها ؟؟ خخخخخخخخ
لا يا ابووك هذي ما اطفش منها هذي نور عيووني الثنتين بس تخبر مدرستها وتووها جديدة مانبي مديرتها وخوياتها
ياخذوون عنها سمعة شينة انها ماهي راعية مسئوولية
ولا يهمك ياعمي اذا انت حاس انها طيبة وبخيرر الغي اجازتها اليووم والسبت خلها تدااوم بس الطريق ياعم يخووف
الواحد ..
انا حلفت يا دكتوور حمود انها ماعاد تجي الربووع ابد مره انا انزل لها ومره اخووها وهي ما تجيناا ابداً
عمي ابو خاالد ؟
سم يا وليدي
سم الله عدوووووووك تعرفني انا حمود ولد ابو فلان وعيلتنا الفلانية وتدري ان زوجتي وولدي توفوووا من ثلاث شهور
بحاادث وانا الحين ارمل وعزووبي لحاالي واذا ماعندك مانع اجيكم اليوم او بيوم انتم حددوهـ وابي بنتك على سنة الله
ورسووله .. وش قلت ياعمي ؟
لا مابيه !!
ليش ماتبينه ؟ رجال وما يعيبه شي ولا تنسين انك كبيررررررررررررة منتي صغيرة بتعدين الثلاث وثلاثين
فكررري وانا ابووك وبعدين اجي واتكلم معك بعد صلاة العشاا وانادي اخوانك وعمك وخوالك
ريووف مابيه خلاص مابيه يعني مابيه
ريمية اكيد انتي غبية والا مجنوونة فيه وحدة ترفض واحد مثل الدكتوور حمود ؟
ايه انا ارفضه ياريووف مابيه افهميني والا نسيتي حبي الاول والاخير ؟ يعني بصير انا خاينة وغداارة وابيع حبي و
حيااتي عشان واحد مثل الدكتوور حمود مستحيل
قلت لاااا
مو على كيفك تقولين لا
الا يا خالد اجل على كيف مين قوول على كيف مين ؟؟
مرت الليلة بين الاخذ والعطى والسب والشتم وكانت لغة اللعن والصرراخ تعطي جوو مجلس الرجاال
وبكت ام خالد وبكت ريمية وأصرت على رايها ماتبي الدكتوووور
يالله ياعمي صار خيرر كان ودي بنسبكم بس الخيره فيما اختارهـ الله
والله ياوليدي انك رجاال وتنشرى بالذهب بس يابووك تخبر الشوور ماهو شووري وحاولت و...
قاطعه الدكتوووور : صار خير ياعم ولا تزعل كل شي قسمة ونصيب
سببت لي مشكلة مع الكل .. الكل قاطعني وزعلان مني والسبب انت
اناااااااااااااااا وش سوويت والله جالس لحاالي مقابل النت والمسن انتظر منك بس اشاارة
اسمع يا احمد الخطيب هذا ما اقدر ارفضه اذا تبيني بكرة الساعة سته تكوون موجود وبس ..
ريمية هيه انتي اسمعيني يااا بنت
قفلت ريمية المسن وهي تبكي وقفلت الجووال وحطت راسها وناامت ونست الدنيا باللي فيهاا
اليوم الثاني قامت الساعة اربعه ورتبت مجلس الرجال وبخرته مرت عليها بدرية زوجة خالد واستغربت منها
ريمية فيكي شي صاير شي ؟
ريمية وهي تبووس بنت اخوهاا : دُنــى .. لا ياقلبي مافيه شي بس وحدة من زميلاتي تبي تمرني المغررب وتخبرين
اخااف احد يجي معاها قلت ابخر البيت كله مرة وحدة وش عندك لابسه عبااتك ؟
ابد يالغالية ابي امرر السووق بكرة عندنا مناسبة لوحدة من بنات خووالي تبي تنخطب وقلت بشتري لها هدية وباخذ لخالتي
هدية بعد ابي اقولك تجين معي بس شكلك مشغوولة
اي والله مشغوولة وشكلك بتورطيني بدنووو عشان كذا ماتبين تحلفين علي صح ههههههههههههه
اللي يعجبني فيكي تقرين الافكاار بسررعه يالله خذي بنت اخووك بروح لا تشوفني وانا طااالعة بااي
باااي وتمد دنووو يدها لامها بااي
الساعة سته وصلووا رجاال ومعازيم والمجلس حق الرجاال تعبى رياجيل وحلويات ونسووان مافيه
يمه ما قال لك ابووي مين عندهم ؟
لا والله ماقال بس شكله محد غررريب
شلوون محد غريب الا غررريب ونص بعد !!
استغربت ام خالد من ردة فعل ريمية ناظرتها : تعرفين شي وماتبين تقولين لي !!
لا يمه وش دعووة اعرف ابد ماعرف شي
راحت ريمية وفتحت جووالهاا لقت احمد متصل فيها 55 مكاالمة بس من العصر لين المغررب
ضمت ريمية جوالها لصدرهاا وفتحت ع الرساائل ولقت احمد مرسل لها مسج يوم سألته انت تحبني رد عليها :
أنا ما أحبك من قال إني أحبك لا تفسر كلامي على كيفك
لا تزيد بهمي وآلامي كل الحكاية "إنك وضعت لحزني نهاية
وصرت الحلو بحياتي وأغلى أمنياتي وبالأخير تقول إني أحبك
أنا ما أحبك أنا أمووووووت فيك
تنفست ريمية وحست انه الحب الاول والاخيرر بحياتها وماراح ابداً تفرط فيه مهما كان ومهما صاار وحست ان الحقيقة
قرربت واتصلت ريمية ع جووال الحبيب لقته مغلق
استغربت منه واتصلت مرة ثاانية لقته مغلق تنهدت ويوم تبي تعيد الاتصاال الا :
اميرة قلبي.. يتصل بك
هلا رييمية بشررري صار شي ؟ وش الجديد ؟ وصل الحبيب المجهوول ؟
ريووف شوي علي يا بنت الناس فيه رياجيل عند الوالد وعند خاالد ولا احد جاني ولا احد رد لي خبرر واحمد جواله
مغلق وماني عاارفة وش اسووي ؟
اسكتي حتى انا طفشاانة حدي راشد راح برحلة عمل له يومين واحس اني مرة طفشاانة
يا شيخة علي انا ؟ الا قوولي مبسووطة انه مو فيه حتى تفرفرين انتي وخلوود بالاسوواق وش اخبار زايد وجنووو ؟
بخير بس اسكتي ياهي مجننته تجنن الله لا يوريك
خليها ترجله ولدك مدلع هذي بنت خالتها احم احم عن الفين رجاال هع هع هع
مالت عليك انتي وياهاا اقول ريمية ....................
ريووف بعدين ابووي يناديني
طيب بااي لا تنسين تكلميني تبلغيني بالاحداث بااي
هلا ابووي تامرني بشي ؟
ليش رفضتي الدكتوور حمود ليش ؟
ولا شي يبه ماله نصيب معي وبس ؟
بس !!
ليه يبه شااك فيني فيك شي ؟
مسكها ابوهاا مع ذراعهاا وجلس يصرخ عليهاا : وهذا وش يسووي بمجلسي قوولي لي يا بنتي المتربية العاقلة
اللي ما ساويتك باحد ابد عمري ما مديت يدي عليك قوولي هذا وش يسووي بمجلسي ؟؟
ابووي ترى ماني فاهمة وش قصدك ؟ ومن هوو هذا اللي تتكلم عنه ؟
ابو خالد حط يدينه على راسه وجلس ع الارض القرفصاء وقام يهز نفسه : وفضيحتي وفضيحتي وش اسووي
وش اقوول حتى عمك قام يطش علي حكي وخالك طلع وما بقى الا هو مسنتر بالمجلس يقوول ما ارضى الا بكتب
الكتااب وافضيحتي فضيحتااهـ ياليتك متي بالحادث ولا احتريتي هاليووم ياليتك
ام خالد ياعيني تبكي ودمووعها على وجهها ماهي دارية عن شي وريمية قلبها وقف طااح بين رجولها وتجمدت بمكانها
ولا صحاهاا غير صرراخ خالد وتهديدهـ وبدرية وهي تحلف عليه وحست نفسها تتفرج على فيلم ماهي مستووعبه
شووي الا تجيها بدرية وتسحبهاا بقووة وتجرهاا تعالي معي امشي لغرفتك تحرركي
دخلتها بدرية غرفتها وقفلت الباب : وش اللي سويتيه انتي صااحية والا مجنوونة ؟
بدرية ماني ناقصتك انتي الثانية ومسكت ريمية الجووال واتصلت على احمد ورد عليهاا
احمد وينك انت ؟
بمجلسكم حق الرجاال
احمد مين انت يا احمد وش اللي قلته لابووي عني وجلست تصررخ :
مين انت يا احمد مين انت ؟
سحبت بدرية منها الجووال وقفلته قالت لها : تدرين احمد العااشق الولهان طلع مين ؟
طلع راشد زوج ريووف راشد تعرفين مين راشد ومين ريووف ؟
تتخيلووووو الصدمة اللي عاشتها ريمية لا وغير كذا صدمها صدمة ثانية غير انه راشد راح وبلغ ابوهاا بكل شيء
وقال ان علاقتهم عن طرريق النت ولهم سنة ونص مع بعض من قبل حمود يمووت وهم يعرفوون بعض وهي راضية
فيني ومحادثاتها وسوووالفها وكل شي مسجل عندي ومعي بالسيااارة لو تبي اجيبه اوريكم اياهـ حتى تصدقووني
انفجر خالد وكان يبي يضرررربه وسأله عمهاعادل : وزوجتك وعيالك ؟
زووجتي طلقتهااا وهي هنااك وانا ببقى مع ريمية لاخر العمر يا ناااااس انا ابيها احبهاا امووت فيها تفهموون والا لااا
طيب واذا ما زوجنااك وش بتسووي يا راشد ؟
ولا شي ياخاالد بآخذ كل المحادثاات والرساائل وانشرها للعالم كله واقولهم شلوون ربيتووا بنتكم وبس
الله يلعنك يا ابن ............
قاطعه صووت ابو خاالد : رووح يا خاالد وانا ابووك هات الملا نبي نكتب كتابهم خلاص
مستحيل يبه ماقدر مستحيل ارضى فيه والله ما اتزووجه مستحيل
بتتزوجينه غصباً عنك ياراعية النت والعلووم هذي اخرة الثقة فيك يا حساافة والله يا ترباتي وثقتي فيك يابنتي
يمه قوولي لهم ما اقدرر اتزوجه مستحيل وليش يطلق ريووف لا ما اتخيل الوضع مستحيل
طبخٍ يالرفلا طبختيه كووليه ابووكي حلف واخوكي راح يجيب الشيخ وتلبسين عباتك وتمشين مع رجلك بسكووت
هذي اخرت عمايلك روووووحي الله يسامحك
ريووف الله يخليكي انتي الانسانة الوحيدة اللي تعرفني الله يخليكي لا تسوين فيني كذا والله ما كنت ادري عن شي
تكفين ريووف .. وقفلت ريووف الجوال بوجه ريمية وهي تترجاها تسامحها
بعد يومين جاب راشد الفستان لريمية والاغراض وراحت بدرية اتصلت ع الكوافيرة وطلبت منها تجي ولبستها بدرية
وريمية عايشة بووادي ثاني لا تسمع ولا تشووف ويوم خلصت بدرية اتصلت على خاالد وجاء اخذهاا ويوم ركبت
السياااارة قامت تصيح وتصررخ وتبي تنزل منها يوم الاشارة كانت حمراا بس بدرية وخالد منعووها لما وصلووا للشقة
اللي راشد كان مستاجرهاا ونزلت ريمية تجر نفسها ورجولها جرر ماتبي تدخل غير بالغصب والسحب يسحبها خالد
وزوجته وبدرية وقفت مع ريمية وقفة ما تنساهاا ريمية ابداً طوول عمرهاا
دخلت ريمية الشقة وما رضت تفك العباية ولا الطرحة وبالغصب نزل راشد عبايتها وشيلتها ويوم جات عينه بعينها
رجمت ريمية بووجه راشد وقامت تصاارخ عليه وتسبه وتلعنه وعلى صووتها دق جررس باب الشقة ويوم فتحه راشد
طلعوا ناس اجانب مأجرين الشقة اللي جنبهم : مساء الخير اخوي سلامات سمعنا صوت صراخ وعياط فيكوون شي ؟
لا اخووي مافيه شي وما كمل راشد كلامه الا ريمية تصررخ ساعدووني هذا خاطفني ويبي يغتصبني ساعدوني
الا الاخ نسميه ابو فراس دف راشد وقام يصارخ على اولاده الشباب تعوووو الحقووا فيه بنت مخطووفة هوون بسررعه
وبثوواني الا الشباب وامهم واختهم عند الباب وراشد يعظ لسانه واسنانه يبي يذبحها بس ما يدري كيف
وشررح لابوو فراس ان هذي زوجته بس معها حاله نفسية وطلب ابو فراس من بنته وزوجته يدخلوون يتطمنون على
العروسة ويتأكدوون من كلام راشد
ثوواني الا طالعة ام فراس وبنتها وريمية معاهم وراشد انجن وقام يصارخ ارجعي يا بنت .. ارجعي
دخلت ريمية مع العائلة هذي داخل شقتهم وارتاحت لهم وطلبت انها تناام لانها تعبت مررة وجابت لها ام فراس بيجامة
قطن ولبستها ريمية وناامت وبالاحرى ما نامت تنيوومت ويووم حست ان البيت هدووء والناس نايمين تسللت المطبخ
واخذت الولاعة والكيروسين ( الكااز ) وشبت بنفسهاا الناار وجلست تصاارخ امووت ولا يصير لريووف شي وحسبي
الله عليك يا راشد سمعوا اهل الشقة الصراخ وانجنووا يوم شافوا البنت موولعة بالنااار واللي اخذ مويا ويررش عليها
واللي بطانية وبالاخير سحبووها تحت الدش وفتحوا الدش عليهاا وراح فراس ونادى راشد ولفها بالبطانية ووصلها المستشفى
حرووق من الدرجة الثانية
يا لطيف وصررخ خاالد وبكت بدرية شلوون نعلم عمي وخالتي يارربي وش هالمصاايب يااربي ارحمنا
الدكتوور حمود ظل سهراان معاها للفجر وكانت حرووقها اكثر شي على يدينها ووجها وشعرها وظهرها وشووي على
رجولهاا
اسمع يا راشد اللي تبيه وصاار وطلاق راح تطلق الحين فهمت والا قسماً بالله اني لآخذ حق ريمية وحق ريووف منك
يالوصخ يابن ..... وبالقووة وياليت الممرضين والسكيورريتي فكووا راشد من يدين خاالد وطلق راشد ريمية وهي باقي
بالمستشفى وكان يبكي عند رجوولها يقولها احبك والله من حبي لك اني كنت ابيك على سنة الله ورسووله ولو حسيت بس
مجررد الاحساس انك تسوين كذا ما فكرت اعذبك وبالنسبة للمحادثات والرسائل مامعي اي شيء بس كنت عارف انك
راح ترفضيني وقلت اسويها خطة حتى ارغمك ع الزوواج مني بس انتي طالق طالق طالق وسامحيني
ولازلت احبك
و
لا زلت ابيك
طلع راشد وهو يبكي ريمية ويبكي ريوف لاهو قدر يحافظ ع الاولى ولا قدر يعيش مع الثانية وخسر الثنتين
ريووووووووووووف ما استوعبت الخبر ابداً مو خبر خطبة راشد لا يا حلوووووووووووووين ريوووف كانت تدري
ان الشااعر هو نفسه راشد وتدري ان راشد راح يخطب ريمية بس من حبها لريمية وكرهها لراشد ما تكلمت وعلى فكرة
هي طلبت من راشد يطلقها قبل يخطب ريمية وصار لها اللي تبيه
ريووف انصدمت بخير حريق ريمية وانشل تفكيرها وبساعتين طيراان كانت ريوف عند رجوول ريمية تبكيها
ناظرتها ريمية : لا تبكين انا خنتك انا خرربت بيتك وهدمتها بيديني وبهباالي وبعجلتي سامحيني يا ريوووووف تكفين
سامحيني
مرررررررررررررررررت الشهوور وبدت ريمية تسترجع قواها شوية شووية
^
^
وهذا اللي صار يادكتووووووور حمود من طق طق للسلام عليكم واذا تبيني بحرووقي وبشكلي فأنا مووافقة بس بشرط
لا تتشرطين يا ريمية صدقيني انا ابيك من لحظة عيني جات بعينك يوم بنت زميلتك وانا بغيتك بس الحظ تعثر وصار
حادثي مع ولدي وزوجتي ونسيت المووضووع والايام جابتك بطريقي مرة ثاانية
والحرووق يا دكتوووور ؟
قابلك انا باللي انتي فيه شكلك كلك على بعضك تعجبيني ابيك باللي فيك وش قلتي ؟ مووافقة
وراح الدكتور وخطب ريمية من ابووها وصار زواجهم الكل يتكلم فيه من ناحية كشخة ريمية ولبسها ومكياجها وفستانها
اللي مخصوووووص طلبه لها حمود من مصممة من لبنان وكان الفرح شي لا يعلى عليه
ريووووف نقلت لديرة اهلها وعيالها معاها وعاشت لهم وعليهم ورفضت كل اللي يتقدموون لها عشان عيالها
وراشد حوبة ريمية ما تعدته فصلووهـ من العمل وطلع برى السعودية يدور له وظيفة وشكله قال بهج من هالديرة احسن
ريمية الان عندها ولدين وبنت ومبسووطة بحياتها بس لازالت هناك فجوووة بينها وبين ريووف لانها دايم تحسسها
بالذنب وريمية دايم تلقي اللوم على نفسهاا لانها السبب بتشتيت عائلة رغم انها مالها يد باللي صاااااااااااااار
وهذي نهاية القصة ياحلووين وريمية وريووف كلهم يسلموون عليكم ويطلبوون دعواتكم واللي تقول ابي منتدى ريمية
ما اقدرررررررر صعبة والحين لها ثلاث سنوات او اكثر ما تكتب وقفت الكتابة بس عضووة تقرا وتستفسر وتطلع
زمان ما كتبت بالمنتديات واولادها ماشاء الله يهبلووون وبنتها الكبيرة السنة الجاية بتدخل رووضة وسمتها ريووف على
اسم صديقة عمرهااا بس قالت لي سرررررررررر بقولكم عليه بس لا تعلموون احد
اخوووووو الدكتوور حمود مطلق زوجته وعنده طفلين ويبي يتزوووج وقال ريمية احتمااال بكلم ريوف ان شاء الله
تووافق ونصير سلاااايف
منقول
