قصة حياتي ياحياتي بيدينك<<قصه كويتيه تقطع القلب

[فـــرح...]

سلام عليكم ورحمة الله وبركاته

بكتب قصه حدثت مجريتها في الكويت <<=يعني فصحى هههههههههه

القصه واقعيه مع خيال من عندي يعني دمج بس في احداث حقيقيه

<<<ياليت الي تكتب القصه وتنقلها تذكر اسمي يعني عشان الجهد مايضيع >>

عام 2007
ام محمد ..قلت لج انسى سالفه شيلها من راسج ..تهاني يمه ليش ليش كل رفيجاتي عندهم شمعنى انا ..ام محمد تربية رفيجاتي غير عن تربيتي ومثل ماقلت لج انسي سالفه وماكو تلفون
تهاني صعدت تركض على الدرج معقديييييين
تهاني عمرها 17سنه اخر سنه لها وتخرج من ثانويه مقررات اكبر خواتها واساسا ماعندها اخوت كله اخوان شكله عادي وايد شبهوه بزينب العسكري نفس طول الشعر ونفس الطول بس جسمها كان احلى بوايد
ام محمد ..والله بنات هاليومين طالعين بسالفه جديده بين كلمه وثانيه معقدين ومعقدين ..ابو محمد ليش شصاير شفيج..ام محمد بنتك تهاني تبي تلفون هذا الي ناقصنا ..ابو محمد وليش تخلين بنفسها شي اشتري لها تلفون ..ام محمد لااااااا اذا تخرجت يصير خير وبعدين تلفوني 24ساعه بايدها
ام محمد شخصيته وايد قويه وايد متحكمه بالبيت لدرجة انه حتى الابره لو طاحت بالبيت اعيالها يقولون لها انها طاحت وايد جافه بالتعامل وعمرها ماقالت لاعيالها كلمه حلوه عندها بيتهم اوامر ونواهي وانتهى الموضوع عمرها 40سنه
ابو محمد عكسها تماما الاختلاف العمر وانه تزوجها على كبر وجاب منها 4اعيال الي هم تهاني و3صبيان اصغر منها بوايد
طيب وحبوب ومايحب يرد اي احد عمره 60سنه
تهاني كانت تكلم رفيجاتها تلفون ..من صجج والله ياليت امي ترضا ودي اروح معاكم منتزه الشعب
منى :كلميها ولي يعافيج شفيها امج هذي بس تتحكم
تهاني :اسكتي بسس وربي لايعه جبدي روحي يمين وروحي يسار جنه دميه بايدينها
منى : هههههههههههه يالله شنو نسوي امهتنا ولازم نراعيهم
تهاني .والله انتي ماتدرين عن شي امي ماتحبني تعرفين شنو يعني ماتحبين كل كلمه وثانيه تقول انتي بنت وانتي تغلطين وانتي ..تحسسني اني انسانه خلقت عشان اغلط
منى يبا طوفي طوفي طوفي بنعيش ونشوف (منى رفيجة تهاني روح بروح عاشوا طفولتهم مع بعض وامهاتهم رفايج بس عكس بين ام منى وام تهاني لدرجة انه تهاني مرافجه ام منى وتقولها كل سوالفها منى وايد عاديه وضعيفه وايد وهي ماتبي تمتن تقول انه ناس في امريكا يذبحون عمرهم ع الضعف ) يلا الحين بخليج كلميييي امج واذا ماوافقت بخلي امي تكلمها
تهاني ..مالي خلقها مابي اكلمها خلي امج تكلمها وردي لي خبر
منى انتي خبله في احد يزعل على امه ....مالت بس يلا باي
تهاني :ايه انا بايات

تلفون البيت تهاني تركض عند الدرج بتشووف ردت فعله امها شنو ..
ام محمد :هلاااااااااااااا
ام منى (ماعندها غير منى وزوجها توفاه ):هلا شلونج شخبارج يالقاطعه
ام محمد بخير الله يسلمج انتي اخبارج واخبار منى
ام منى :والله بخير وباجر ناويه اطلع منى بوديها الشعب فدقيت عشان اذا اقدر امر تهاني ..
تقاطعها ام محمد: لا حبيبتي ماتقصرين والله باجر بنجتمع بيوم البحار احنا وخالتها تعالوا هناك
ام منى تاشر لابنتها يعني لا ...اوكي بسال منى واردلج خبر ..ام محمد:وانتي كل شي تقولينه لمنىخلي لج كلمه
تهاني واقف على الدرج وتكش على عمرها وتجر شعرها منغثه من امها وتدخل دارها وتغطاء وتسحب البطانيه حيييل من القهر زهقت والله زهقت اعيش بيت مافيه حنان مافيه حب امي الا هي امي ماعمرها حضنتني بس زف وابوي اهني نزلت دمعتها اه يايبا ماحد مصبرني على امي غيرك ياحلى ابو ليتني ماكنت بنت ياليت كنت صبي ياليت

ام محمد توقف عند باب تهاني دقايق يمكن تسمع شي او تسولف بتلفون كله تفكيرها جذي بطلت الباب :تهاني بروح جيرانا ديربالج على اخوانج..تهاني..انزين بينها وبين نفسها ودها امها تجي تحضنها تقول يمه ديربالج على اخوانج ياعمري انتي بس ويين

تهاني تمشى تحت بصاله رن تلفون البيت يؤؤؤ من داق ساعه 11بالليل ..الوو
.........:الو
تهاني ...:منو معاي
.........:اممم تهاني .؟؟
تهاني ..: ايه نعم منو معاي ؟
.....:لهدرجه نسيتي صوتي ؟
تهاني الي بحياتها ماتذكر كلمة صبي وحست انها حركه من امها لانها تخاف وايد منها ..:لاااااا ولو سمحت لا تدق على الرقم
.....:ابطال الديجتال
تهاني :نعم ؟
...:ماتذكرين لما كنتي تقولين لي يلا مع سلامه بروح اشوف ابطال الديجيتال
تهاني لا شعوريا :هههههههههههههههههههههه امبيه انت منوووو شفيك اخوي غلطان
......:اكيد بتنسيني لانج ماكلمتيني الا يومين وبعدها مادري شصار فيج قعد ادورج سنين وسنين قعد ادور اول حب بحياتي مرت 3سنين وانا اطلعلج من بعيد لبعيد حبيتج كان عمري 17سنه والحين عمري تدرين جم 20سنه توقعين نسيتج والله العظيم انه مجرد اشوف عتبة بابكم تكفيني
تهاني خنقتها العبره :امبيييييييه انت منو انا ماعرفك والله ماعرفك
......:انا الي حذفتيه وراج بنظرج انتي كان مجرد يومين بس تدرين بنظري انا كاني عرفتج سنتين حبيت برائتج طفولتج كنتي تسولفين لي عن امج وايد وقلت لي اسمج الحقيقي حتى ماتذكرين سالتج شكلي عجبج ولا لا جاوبتني ماذكرج معنى من يومين فما بالج 3سنين
تهاني:امبيييييييييييييييييييييييييييييييه انتي شكلك اليوم بتينن شوف انا مو فاضيه لك اوكي واذا بتسوي لك افلام هنديه شوف لك غيري
....:تهاني انا من 3سنين انطر اكلمج واليوم ماصدقت امج طلعت ودقيت عليج ..تهاني قربت من دريشة صاله الي تطل ع الشارع وفعلا لقت واحد واقف لابس بنطلون جنز وبلوزه سوداء طويل مجسم بس مو حيل شعره سبيكي عيوونه كبار عسليه سيارته لكزس موديل سنه ..
تهاني :شفتك بس والله ماعرفتك
..اكيد مابتعرفيني ماتذكرين الشعب والولد الضعيف ..اممممم تذكرين الدب الي اهدته لج
تهاني .طاااااااااااااااااااااااارق

منو يكون طارق وشنو يطلع وشنو قصته ؟؟ولهدرجه شكله تغير عشان جذي ماعرفته تبون تعرفون كل السالفه شجعوني هههههههههههه
بنات هذي اول قصه لي اذا شفت تشجع منكم بكمل واذا ماشفت بنسحب​

 

[nandeny]

كمللللللللللللللللللللللللللللللللللللللللللللللللللللللي اندمجت بسرررررررررررررررررررررعه

 

[فـــرح...]

كمللللللللللللللللللللللللللللللللللللللللللللللللللللللي اندمجت بسرررررررررررررررررررررعه

زين في احد عبرني يلا بس عشانج بكمل هههههههههههههههههههههههههههههههه :dddds:

 

[فـــرح...]

قبل 3سنين

تهاني بنااااات تعالوا خالونا نروح هناك تأشر بدون لا تشاف منو مار
طارق :اه بطيتي عيني
تهاني (وقتها كانت لابسه تنوره بيج قصيره وقميص بني ):سوري سوري
مها (من رفيجة تهاني وايد تعلق على الناس وشايفها نفسها حيل كبر تهاني بس دخلت العامه) :امبيه اذا بطيته عينه شيبقى فيه هو بليه مايترقع...........تهاني قرصتها ..اه اه وجععع
طارق نزل راسه :على العموم انا اسف بعد.....تهاني :لحظه اخووي وتلف على مها وتكش عليها :اخوي اخوي انا اسفه من كلام مها والله والله هي جذي وايد تعلق على شكل الناس متخلفه
طارق :حصل خير.... وبعدين عادي متعود على هالتعليقات البايخه ..تهاني كسر قلبها ..:المفروض انت ماتعطي مجال لاحد يتمادى ولازم تكون ثقتك بنفسك عاليه ((كان عمرها تقريبا 14سنه ))
طارق كان شكله حيييييييل ضعيف وكلشششششش مايتقرع يعني جيكر ..تهاني نست نفسهها ولقت نفسها تسولف معاه لين خذاهم الوقت وهم يسولفون كانت بريئه وماتعرف سوالف شباب وغيره وكانت تلعب معاه وقروا يتحدون ....
طارق ياشر على الدب شوفي اذا فزتي بتاخذينه ومانكلم بعض بعد..واذا فزت انا باخذه وبتدقين علي
تهاني :..ادق عليك امي بس تحداها اوكيييييييك
لعبوا لعبه وكان مهار فيها وبين يلعبها وايد وفاز على تهاني
طارق سيده مو مصدق كتب رقمه..وعطاها ..تهاني تضحك بشووف ..طارق اذا مو قدي التحدي ليش قبلتي فيه ..تهاني هههههههههههه لا قده ونص ..وهي تمشي طارق ..تهانييييييييييييييييييي..تهاني:هلا ..طارق مد الدب وكان وايد مرتبك:اخذي هذا الدب يمكن يذكرج فيني
خذت تهاني الدب وخذت رقمه فعلا كلمته بس بعد اسبوع بس كلمته يومين وبعده امها رجعت من سفر وقطعت عنه واصلا نست انه في احد اسمه طارررق ...................

تهاني :امبيه انت شذكرك فيني وبعدين ..
طارق يقاطعها ويتنهد :وانا متى نسيتج انتي ماتدرين شصار فيني اه بس لو تدرين
تهاني :بس وايد تغيرت واييييييييييييييد
طارق هم يتنهد :كل هذا عشانج والله والي خلقني عشانج ابي لا شفتج بعد 3سنين يفز قلبج لا شفتيني انتي ..وسكت..انتي تذكرين الموقف الي صار قبل وشلون رضيتي فيني وانتي كنتي اجمل مني بوايد
تهاني :انا عمري ماهتمين بالجمال بالعكس انا احس انك وايد مؤدب
طارق :زيييييييييييييييييييين ليش ليش خليتني شنو صار يومين وتقطعين ياخي على اقل شي قولي بابتعد عنك قولي شي لمحي مو تخليني لا على الارض ولا على السماء انتي عذبتيني والله عذبتيني
تهاني ماتدري شتقول :انا..انا ظروفي بالبييييييييت وايد صعبه انت ماتصوور امي لو تدري اني اكلم صبي شيصير والله تذبحني
طارق ضاق خلقه زياده:تهاني ابيييييييج والله احببببببج لا تقولين شالخبل هذا من يومين يحب انا حبيتج من اول ماشفتج بالشعب .....
تهاني قلبها قام يعورها اول مره احد يقول لها هالكلام :طارق بس انا ماقدر ارتبط باحد اخاف والله اخاف
طارق :ليش منو شنو ؟تخافين من امج ..؟من ابوج ؟اوعدج ماكلمج الا لما هم يطلعون
تهاني :هههههههههه شنو بتصير حارس عند بابنا
طارق :ههههههه والله وعد ماكلمج الا اذا طلعوا
تهاني الي ماتدري شتسوي : بس انا ..اخاف .....سكتت شوي ولحظه صمت بتلفون ..اخاف احب
طارق :وانا اخاف اخاف اخسرررج وتضيع سنين عمري من دونج عطيني فرصه ياحياتي
تهاني تحط ايدها على خدها :وبعدين حبيتك وحبيتني شيصير .......طارق :بتخرج واجي واتخرجين هالسنه وانتزوج واعيشج احلى عيشه
طارق :يلا امج باااااااااااااااااي وسده بوجهها
تهاني قعدت تفكر خايف علي؟؟؟؟؟ وشكله وايد تغير عن اول من عرفته بس ليش رجع بعد كل هالسنين شنو يبي معقوله يحبني ؟يحبني شنو ماعرفني غير ساعه الا اقل من ساعه وماكلمته غير دقايق وكل سوالف عن رسوم ومتحركه وغيره ؟يمكن لاني حبيته مثل ماهو ؟
ام محمد:سرحانه بشنو بعد
تهاني ..:ولا شي يمه
ام محمد :الله يستر منكم بنات هاليوم تخوفون
تهاني :اايه صح ييييييييمه وتمشي تخليها
ام محمد شفيها بنتي شنو اي صحححححح

طارق وصل بيتهم ..... نوره نوره (اخت طارق كبر تهاني بالضبط وهي الي ساعدة اخوها ودقت على بيت ابو محمد وخذت العنوان)
نوره :هلااااا شفيييييييييييييك
طارق يمسك ايد نوره :كلمتهاااااااااا كلمتهااا مو مصدق مو مصدق
نوره منصدمه من اخوها:صجج!!
طارق :اييييييييييييه صج مشكوره مشكوره ياحلى اخت

طارق هو المسؤال عن اخوانه عندهم نوره ورهف وعثمان وعبدالله وطارق وايد شديد معاهم بس بنفس الوقت حنون عليهم

تهاني الي نايمه بالفراش وتفكر معقوله بيدق باجر ..ليش ماحب حالي حال البنات ليش اخاف ..بجرب شي الوحيد الي امي حاولت تمنعه عني بشوووووووووف شنو سبب خوفها من هذا شي؟؟شنو بيصير وهو وعدني مايكلمني الا اذا امي مو موجوده بالبيت.....؟؟؟

ام محمد الي تفتش بتلفون البيت وبانفعال :تهانييييييييييييييييييييييييييييييييييييييييييييييي .........

 

[Om sh'haBii]

كملييييييييييي بليييييييييييييييييييييييز

 

[فـــرح...]

الجزء الثالث
تهاني الي قعدت ماسكه البطانيه خافت خوف مو طبيعي تمسكها وتضغطها بايدها ياويلي ياويلي
ام محمد :منووووووووو كنتي تكلمين 1ونص ورقم غريب
تهاني :يـ مـ ه هذي رفيجتي وتقعد تبجي .ام محمد تسحب ايدها رفيجتج ها على بالج انا غبيه تعالي معاي ..وتدق على رقم من تلفونها النقال ...
طارق ..الوووووووووو..........سدته سيده :وقامت تكفخ بتهاني هذا نهاية تربيتي فيج ادري والله قلبي ناغزني
تهاني تبجي وتشهاق :خليني اكلمها واللله فاهمه غلط والله ..
ام محمد جانها لقتها فرصه بشووف شلون فاهمه غلط خووو الصوت صوت رجال شنو بعد ناقص .تهاني يمه تلفون اخوها..
ام محمد :تحذف تلفون عليها دقي على الرقم ..تهاني ماعرف اهي داق علي منه ..وتحذف عليها نعل شووف الجذب دقي على اخر رقم يالبريه ..تهاني تشهاق من البجي ..الووو
طارق :هلا اختي تهاني الي صوتها مبين انه تبجي :اخوي..........طارق يقاطعها :اختي نوره دااقه على هالرقم لحظه اناديها ....ام محمد نطت عيونها وحست وده الارض تنشق وتبلعها ...طارق :نوره نوره رفيجة بتلفون
نوره :منو رفيجتي ..طارق يغمز لها ويهمس باذنها :تهاني
نوره :تهاني هلا امري حبيبتي توني وياشره بايده طارق ساعه ونص .. توني من ساعه ونص مكلمتج
تهاني حذفت تلفون على امها :شفتييييييي هذي نهاية شكوكج انتي مو ام طبيعيه انتي شمسويه بحياتج اذا انتي تربيتي على الشك لا تربين هالتربيييييه اكره هالبيت اكررررهه
طارق سمع هالكلام قلبه تقطع تقطع انه هو سبب ....ام محمد راحت نامت ومتضايقه حيل بس ماتعرف تعبر عن مشاعرها قعدت تفكر لين نامت من تعب ساعه 2بالليل
طارق مانام واقف جدام بيت تهاني وده يروح يتاسف وده يقول لامها يبيها عندي وانا حطها بعيوني وده اشياء وايد قعد ينطرها لين تعب ورد البيت نام
تهاني مانامت تبجي تبجي بس مع هذا مستانسه مستانسه وايد ليش ماتدري يمكن لانه اخت طارق تعرف وحده بحياته اسمها تهاني استانست حييل بس مع هذا ترد تبجي وقررت ماتكلم طارق تخااف امها تشك بالوضع

الصبح ساعه 7
ميري :مدام تهاني مايبي يروح مدرسه
ام محمد متضايقه :ليش تعبانه فيها شي
ميري :هي يقول قول لامي يبي ينام
ام محمد :اوكي

ساعه 9الصبح دق تلفون قعدت دور وين الكاشف وين الكاشف صعدت فوق غرفة امها لقت حطتها اضغطت كلمة ستوب فور توا هورز ههههههههههه(يعني توقف لمدة ساعتين)
راحت دقت على تلفون طارق ماتدري ليش سوت جذي بس ودها تشكي ودها ترمي همومها على احد
تهاني :الوو
طارق :تهاني شنو...بعد وطى صوته تبين اختي نوره
تهاني :لا ههههههههههههههههههه ابي اكلمك انت اذا ممكن
طارق :شنو شنو صار امس قلبي تقطع من امس شسالفه
تهاني :امي ....جان تبجي بجي يقطع القلب .امي امي ماتحبني واييييييييييد تكرهني معنى والله احبها دور الزله علي وتسوي لي سالفه
طارق صوته تغير :تهاني ياحياتي انتي تعوذي من الشيطان ومافي ام تكرهه بنتها قومي صلي ركعتين وبعدها دقي علي
تهاني :انا محتاجه اسولف..بصوت حيييييل يقطع القلب :ودي احد يسمع لي ودي احد يعبرني ودي احس اني موجوده
طارق :انااااااااااااا والله اناااااااا احس فيج قبل واعرف شنو بتقولين قبل لا تكلمين ..تهاني :هههه صجج ريايل توقع بصدق
طارق :بس بيجي اليوم الي بتصدقين وتتاكدين اني مو جذاب بس عطيني فرصه
تهاني :طارق .انا .....فكرت امس انه (كان كلامها متقطع ومرتبكه)البنات كلهم يحبون و..سكتت
طارق :ايه كملي بس دزه
تهاني :هههههههههههههههههههههههههههههههه ودي..هم رجعت سكتت
طارق :لا تقولين بتحبيني ترى وراي وايد اشغال مو فاضي للحب
تهاني :لاا ماتوصل للحب ودي اكلمك بس
طارق :هههههههههههههههههه اوكي بس تكلميني ياحلوج بريئه اذا ماخليتج تعشقين الارض الي امشى عليها
تهاني استحت :ماحد قدر يوصل قلبي للحين ولا احد..
طارق يقاطعها :الا انا بقدر
تهاني الي تلعب بشعرها :بنشوووووف
طارق :تدرين انا ابي شي واحد منج وبعدها بتركج........تهاني الي عدلت قعدتها :شنو شنو قصدك..؟
طارق..:أبي قلبج بسس
تهاني استحت ونزلت راسها ..مستانسه طايره من الفرحه ماودها تصكر منه اول انسان يحسسها بوجودها او شخص يقول ياتهاني ترى انتي بنت ......
طارق:امم سرحانه بشنو
تهاني :ولا شي افكر وبس
طارق :اوكي اقدر اشوفج اليوم
تهاني مادري اليوم بيطلعون اليوم البحار
طارق :تهاني انا شفتج اخر مره سنة 2005تغيرت ولا لا ؟
تهاني هههههههههههههه ويه حدك مغبر وهذا تقول لازق جدام بيتكم بعد يمه منكم ياجذبكم ...طارق تنرفز:جذاب ..تهاني ترى انا كنت مسافر مع الولده علاج
تهاني اوه اسفه ماتشوفون شر.........طارق :الشر ماييج ابي اشوفج بشوف تغيرتي ولا لا ..تهاني بوايد صرت بيضه ههههههه طارق :ايه وبعد ...صرت ضعف شوي من قبل طارق بعصبيه ليششششششش لا يكون؟..جسمج حلو.. تهاني امم يعني شنو..طاررق ههههه لا صرتي مرتي اقولج كملي كملي ..تهاني فهمت قصده ..اوكي اذا صرت .؟؟
طارق شايفه في مانع يمنع هالشي ..تهاني ..ايه القدر لا مو بيدك .. طارق القدر احنا نتحكم فيه وصدقيني لو في دقيقه من بعدج مابي اعيشها ....... تهاني ..((ساكته)) ..طارق :اقدر اشوفج اليوم ؟ ..تهاني :انا برد عليك بعدين ..؟بس اشوف وين بنروح اطرش لك تلفون من امي مو ترد اطرش لي مسج ؟؟؟ طارق :اوكييي
تهاني لازم اصكرررر يلا باي ...طارق :يلا باااااااي

ميري :تهاني هذا كيس من ماما كبير
تهاني :شنو هذا حطيه بغرفتها لمحت لقت فيه تلفون (اه بس طول عمرج ودلعين بنفسج يمه ماتذكرين بنتج بشي )

 

[Om sh'haBii]

كمليييييييييييي

البارتاااااااات صغار بس يعطيج العافيه

 

[MN0oRA]

لا يوقف لا يوقف لا يوقف
بليييييييييييز كملى اندمجت بالقصه
ويعطيج العااافيه

 

[fdeetni]

سامحيني بس القصه مو حييييييل اعجبتني على قولتهم الناس اذواق سووووووووري لا تزعلين

 

[Bnota_q8ya]

كمليييي بليييز
ناطرييين

 

[((انين الروح))]

كملي حيآتي انتي القصه روعه << شوي عليهاا

بس خلي البارتات تكوون اطول شوي
ناطرينج