,,, قصة تخلي العين تدمع ،،،

[omali_store83]

البلد: الكويت

المكان: وحده من عمارات الكويت..
زمان: المغرب ساعه 5.30


كانت خلود جالسه جدام دريشتها وفي ايدها صورة حبيبها محمد وقاعدة تغني في اسم محمد.. وهي سرحانة تسمع صوت من دريشة الشقه اللي جدامها..

جاسم: الله صوتج وايد حلو.. ويفتح الدريشة ولا يطالعها

خلود: ويعه وانت شكو .. تسمع على بنات خلق الله

جاسم: انا اسف انا كنت يم الدريشة ابي افتحها وسمعت صوتج..

خلود: مو انا كنت متوقعه ان الشقه اللي جدامنا مافيها احد فاضيه..

جاسم: اي لانه تونا ساكنين اليوم..

خلود: زين خلاص لا تطولها .. يالله سكر دريشتك..

جاسم: وليش تسكرين علي حياتي..

خلود: شكو دريشة في حياتك؟؟

جاسم: لانه منها القى مابقى في حياتي..

خلود: اووووه شكلك مينون.. انا ابي اسكر دريشتي وارتاح منك .. ( وتسكر الدريشة)

ويبقى جاسم عند دريشته يطالع لي السما وهو سرحان.. وخلود تتابع جاسم من ورا ستار دريشتها وهو ما يدري عنها وتستغرب سرحان جاسم مدة طويلة يطالع السما وهو جالس يكتب في دفتر كان مايفارق ايده .. وبعد اربعه ايام فتحت خلود الدريشة قصده منه تهويه غرفتها وفي ايدها الثانية تليفونها النقال تكلم محمد ..


تابعوني .. بالجزء الياي​

 

[omali_store83]

خلود: محمد شفيك صار لك مدة ماتكلمني شنو الي مغيرك علي

محمد: ( بدون نفس) رد: شنو مافي شي ..

خلود: شنو مافي شي انا مزعلتك محمد..

محمد: اووووه تراج اذيتيني وياج ماعندي غيرج يعني!!!

خلود: محمد انت شقاعد تقول؟؟

محمد: اقول خلود انا مشغول مع السلامة..

خلود: بس محمد .. ( ويسكر التلفون) ( ويفتح جاسم الدريشه وهو حاط على ظهره بطانية صوف وبايده المرتعشة ماسك دفتره ويطالع السما ويكتب في دفتر وملامح ويهه تبين عليه التعب) وخلود ( ماسكه في ايدها التلفون وايدها الثانية حطتها على راسها وتفكر)

جاسم: ( يطالع خلود وبصوت ضعيف ) صباح الخير..

خلود: ( اطالعه ) نعم..

جاسم: اسف على الازعاج بس حسيت من المفروض علي اصبح على جارتنا..

خلود: هذا انتوا يالشباب ماتشوفون بنت الا.. ويقاطعها صوت مسج محمد وتفتحه بسرعه ( خلود خلاص انسيني انا لقيت غيرج مع السلامة) وتنصدم خلود من محمد وتحاول تدق عليه ويقاطعها صوت مسج ثاني .. ( خلود تراني عطيت خطي حق ولد خالتي لا تحاولين تدقين عليه) ومن هول ما شافت يطيح التلفون من ايدها الى ارض العمارة ويتكسر .. وتنزل الدمعه من عين خلود وهي ساكته ماتعرف شنو تسوي!!

جاسم: عسى ماشر شنو السالفة؟؟

خلود: ( بنظرات الحقد ) انتوا كلكم نفس بعض الله ياخذكم ويحرقكم مثل ماحرقتوا قلبي

جاسم: بس انا .. ( وتسكر دريشة غرفتها بقوة لي درجة انه تسكر زجاج الدريشة)

زاد تعب جاسم شوف خلود جذي .. وحس انه يضايقها وعزم انه مايفتح الدريشة لما يشوفها .. علشان مايضايقها .. وتم على هذا مدة مو قصيرة .. ومن ناحيه ثانية كانت خلود حزينة على الي سواه محمد فيها وكانت تفكر وتراجع كلامه خافت انه في كلمة قالتها له وضايقته فيها.. بس ماقلت شي ماعمره طلب منها شي وما عطته .. بدون حدود.. ولا كانت تنطر منه كلمة شكر وكان بعد بخيل فيه لها..

وبعد فتره حست بعدم خروج جاسم لي دريشته الي كان متعود عليها وكانت تطره فتره على اقل تتاسف له .. بس ماشافته وصارت تنطره عند الدريشة فترات طويلة من النهار بس ماطلع ولا اقترب من الدريشة..

وفي يوم كانت مستعجلة تبي تلحق على باص المدرسة فتحت دريشتها ولقته توه فاتح دريشته ولما شافها كان يبي يسكرها..




يتبع​

 

["مغروره بس معذوره"]

يمااااي


وين الدريشه اللي تطلع على ولد الجيران



انا اللي بناااشبه بس على شرررط يكون مزيووون




بانتظار التكمله تسلمين عالقصه

 

[kha6eri]

ههههههههه واااي اندمجت حدي ..


ننطر التكمله حياااتي

 

[..هموسه..]

لا يوقف لا يوقف لا يوقف
يعطيج العافيه حبيبتي
وننتظر ابتكمله.......

 

[السهل الممتنع]

ههههههههههههههههههههههههههههههاي مغروره تبين ولد الجيران هههههههههههههههههاي كملي حبيبتي لاهنتي

 

[cute cat q8 ack]

وين باجي القصه

 

[jonum]

لالالالا يوقف يله كملي مايصير لا لاتعلقينا

 

[al3o0oba]

وين الباجي ؟!

 

[ŦSЩД3УФИУ]

گ ـملــــي گ ـملـــي ,,, نـآإطرينــج خيتــي ,,,,, اااب اااب اااب
و ـلآإ يـؤؤقـف ـلآإ يـؤؤقـف خخخ << حديـ اْندمجت

 

[ღرحت فيهاღ]

kmly 5ete alrwaya shklha waaaaayd zooo'3a go head

 

[شقرديه كويتيه]

لاااااا يووووقف <<< اندمجت مو حرام عليج << يعني تكسر الخاطر