bettyboop q8
New member
- إنضم
- 4 ديسمبر 2009
- المشاركات
- 782
- مستوى التفاعل
- 0
- النقاط
- 0
( ليالي و فهد )
ليالي فتاة جميلة جدا آية في الجمال عمرها 18 سنة ، فهد فارس كثير من الفتيات شاب يبلغ من العمر 25 سنة وسيم جدا وطويل جدا ، مريم صديقة ليالي لا تحب ليالي تريد أن تدمرها بأي طريقة لأن تفكير مريم يقول أن ليالي الشابة الجميلة دمرت علاقة صديقتها بشاب بسبب جمال ليالي ، كانت ليالي مع مريم في غرفة ليالي ...
مريم : ليالي شرايك نروح المرينا باجر
ليالي : ما أدري تدرين لازم أستأذن من أمي
مريم : مو لازم تستأذنين من أمك
ليالي : شنو إلي تقولينه إهي أمي يا حماره
مريم : سمعي باجر لازم نروح المرينا
ليالي : إن شاء الله أقول حق أمي تدرين إن أبوي مات من ست سنين
مريم : خلاص قولي حق أمك الحين لازم أترخص
ليالي : على وين ؟
مريم : بعد وين البيت
ليالي : قعدي أبسولف وياج
مريم : نعنبوك الحين الساعة 11ونص يلا باي
ليالي : باي
بعد روحت مريم راحت ليالي عند أمها عشان الطلعة
أم ليالي : حيا الله بنيتي ليالي تعالي يمه
ليالي : يمه باجر أبروح مع مريم المرينا
أم ليالي : المرينا بس يا بنتي المجمعات هذه فيها شباب
ليالي : يمه شسوي يمه كل مكان فيه شباب الجمعيات ، الأسواق ، المستشفيات كل مكان يعني ما روح مكان، يمه أنا بنتك تربيتك لاتخافين علي
أم ليالي : يمه أنا واثقة فيك بس الحرص واجب خلاص يمه باكر الخميس روحي بس لا تتأخرين لأنك عزيزة علي ما عندي إلا أنتي .
بكت ليالي وضمت أمها : يمه لا تبكين
يوم الخميس الساعة 7و ربع خطت مريم جاهزة راحت عند بيت ليالي أخذت ليالي سواقهم وراحم المرينا يوم دخلن المرينا راحت مريم و ليالي عند المحلات يشفون الملابس دخلن المحل ليالي راحت تشوف البديات و القمصان
مريم : ليالي أنا بروح محل قريب و برجع لا تروحين أي مكان
ليالي : إنزين بس بسرعة
راحت مريم وليالي تشتري بدلات يعجبنها طلعت من المحل تذكرت كلام مريم بس قالت في نفسها " أوه مليت من كثر ما أنتظرها أروح أدور عليها أحسن لي
راحت ليالي تدور على مريم لما إنصدمت يومن شافت مريم تكلم شباب استغربت قربت من مريم بدون محد يحس سمعت .....
مريم : اسمعوا رفيجتي داخل المحل أبيكم تخلعون ملفعها و تصورنها بالكاميرا
وتركبون صورتها على جسم وحده ثانية .
سمعت ليالي كل شي و بكت يوم سمعت كلام رفيجتها مريم مو متوقعه إن رفيجتها تكون بهذي الأخلاق ، ركضت ليالي علشان محد يصورها ويفضحها كانت تركض وهي مغمضه عيونها .
يوم كانت تركض اصطدمت بشاب لما فتحت عيونها كانت تبكي كان هذا الشاب فهد شافها كانت جميلة بمعنى الكلمة ....
فهد : شفيك ليش تبكين
ليالي : منو تكون علشان أقولك ؟
فهد : اسمي فهد سالم الهاجري ليش تبكين إختي
ليالي : مدام إنك قلت كلمة أختي رفيجتي ربيعة عمري قالت حق شباب إنهم يخلعون ملفعي علشان يصوروني و يفضحوني . تمت تبكي
فهد : خلاص إختي بس إهي ليش تسوي جذي ؟
ليالي : مأدري يمكن كانت تحقد علي
فهد : خلاص إختي روحي بيتك وخلي هالصديقة الفاسدة تولي.
ليالي : بس قبل لأروح مشكور
فهد : العفو إختي
راحت ليالي تم يراقبها فهد ليمن راحت علشان يتأكد من أن أحد ليلحقها
دخلت ليالي غرفتها وطاحت على السرير و تمت تبكي أما فهد فكان يفكر بليالي و يقول : آه يا دنيا صدق صدفه حلوة و الأحلى هذيك البنت الحلوة
اتصل فيه رفيجه مبارك القطري : ألو فهد شفيك ما ترد علي
فهد : لا سلامتك ما فيني شي
مبارك : علينا أقول لايكون تحب
فهد : الصراحة حب من أول نظرة
مبارك : ههههههه والله نكته حلوه
فهد : تستخف دمك إنت وهالويه
مبارك : الصراحة أضحك يوم أسمع حب من أول نظرة
فهد : ليش حرام الواحد يحب
مبارك : لا بس البنات إلي عندكم كلهم حلوات
فهد : بسك عاد ما سألتني شلون حبيتها
مبارك : إي صح شلون يا الكويتي العاشق
فهد عصب : أقول احترم نفسك ترى الكويتيين فوق راسك
مبارك : شفيك الكويتيين فوق راسي بس قولي شلون ؟
فهد : أقولك اليوم كنت بالمرينا اصطدمت فيني
قطعه مبارك : ههههههه هذا الحب إلي تقوله
عصب فهد : يا حمار إنطر لمن أخلص باقي الموقف
مبارك : قول كمل
فهد : اسمع كانت تبكي وهي تبكي قالتي إن رفيجتها اتفقت مع شباب يصورونها ويفضحونها قلت لها إن تروح قبل لا يلحقونها الشباب
مبارك : الله الله أقول تعرفتم على بعض
فهد : لا بس قلت لها إن اسمي فهد
مبارك : قول والله
مبارك : ليش ما تصدقني
مبارك : لا بس ما قالت لك اسمها
فهد : لا تعرف ليش ؟
مبارك : ليش ؟
فهد : لأنها بنت محترمه
مبارك : بهذي صدقت أقول ياي باجر الكويت عندك
فهد : حياك الله بأي وقت يا القطري
مبارك : احم احم
فهد : مالت عليك يا الله باي
قفل فهد موبايله وقعد يفكر بالبنت إلي شافها اليوم
في الصباح كانت ليالي قاعدة مع أمها في الصالة
أم ليالي : يمه شفيك من أمس كنتي تبكين في شي
ليالي تورطت شتقول حق أمها تقول إن رفيجتها تبي تخرب مستقبلها : لا يمه بس كنت تعبانه
شهقت أم ليالي : يا مصيبتي بنيتي تعبانه كل من الناس الحسودة منك يا بنيتي
ليالي : لا يمه أنا مو حلوة علشان تقولين جذي أنا بروح أذاكر تبغين شي يا الغالية
أم ليالي : لا يمه
راحت ليالي غرفتها قعدت تبجي رن موبايلها تتوقعون منو ؟
إلي متصل كانت مريم ما غيرها ....
شالت ليالي التلفون
مريم : ألوووو ليالي يا الحمارة ليش تركتيني أمس ورحتي أنا تورطت تعرفين إن كان سايقكم أهو إلي موصلنا
ليالي : مريم كنت أمس تقدرين أحد يوصلج أحد الشباب إلي موصيتهم يخلعون ملفعي ويصورني
مريم تفاجأة من كلام ليالي وقالت بقلبها " هذي شلون عرفت "
مريم : إنت عرفتي
ليالي تبكي : ليش يا مريم تسوين فيني جذي ؟
مريم : حاسبي نفسك أنا ليش سويت جذي ؟
ليالي : ليشششششششش
مريم : لأنك خربتي حياتي فهمتي
ليالي استغربت : شنو خربت حياتك
مريم :أنا أقولك قبل شهرين كنا طالعين من مدرستنا كان عمر حبيبي ينطرني لمن
أطلع يومن طلعت معك تفاجأ منك بعد روحتي البيت كان أهو وصلني للبيت قال لي إنه ما يحبني يومن شافك ومن ذاك الوقت كنت أبكي وأفكر بخطة علشان تدمر حياتك ولمن فكرت وجدت الخطة بس غلط بسيط إنك رحتي قبل يصورونك
ليالي : بس يا مريم حياتك ما تهدمت بالعكس إنت أخذت خبرة من الموقف إلي صارلك مريم أنا رفيجتك أنا احبك
مريم تفاجأة : هههه أنت تحبيني
ليالي : إي يا مريم أنت رفيجتي
مريم : باي
قفلت مريم الموبايل على ليالي كانت ليالي تبكي موت أما مريم حست بغلطتها تجاه ليالي قالت في نفسها : أنا ليش أسوي جذي هذي رفيجتي ليالي بس عمر اعترف لي إنه يكلم غيري أنا السخيفة إلي سويت مع ليالي جذي لازم أعتذر لها خلني أدز لها مسج .
أما فهد استقبل مبارك القطري وراح معه لمطعم " Frauds" إلي فالسالمية
مبارك : إنزين شنو راح تسوي الحين
فهد : ما أدري راح أسوي أي شي علشان ألقاها
مبارك : صج مجنون
فهد : ما أدري تساعدني يا القطري
مبارك : أبشر يا الكويتي راح ندور عليها حتى لو في باطن الأرض
فهد : شرايك يا القطري ندور من الحين
مبارك : صج مجنون يلا قوم ندور على حبيبة القلب
ركب فهد ومبارك السيارة وراحوا يدورون على ليالي
أما ليالي كانت تبكي رن التلفون فشافت مسج من مريم فتحته بسرعة وقرته ....
" ليالي أنا آسفة سامحيني يا الغالية مدري شنو إلي يصير لي من فراق عمر بس أنا غبية فضلته على حبيبة قلبي ليالي أنا آسفة ممكن أشوفك باجر بالمدرسة و أعتذر لك صدقيني يا ليالي "
استانست ليالي من المسج من مريم وكانت تنتظر باجر بسرعة ، فالمدرسة تسامحت مريم من كل قلبها لليالي ورجعوا رفايج مثل قبل وأكثر وتواعدوا إن يتغدون برى كل وحده فيهم إستذنت من أمها وطلعوا يتغدون ، كان فهد تعبان حيل وكان في مطعم "JAD " إلي في السالمية من الصدف إن مريم وليالي راحوا مثل المطعم، كان فهد قاعد يفكر ويا مبارك القطري دخلت ليالي ومريم وجلسوا بعدين طلبوا من الجرسون غدى التفت فهد حق صوت ليالي لأنه حافظ صوتها مثل اسمه ....
فهد: مبارك شوف حبي قاعدة مع وحدة
مبارك : وين ما أشوف ؟
فهد : يا الحمار شوف على اليمين البنتين إلي على اليسار حبي
مبارك : إي شفتها يلا خلنا نروح نتعرف عليهم
فهد : يا الخبل إنطر لمن يروحون نلحقهم بعدين و راح أخطبها من أهلها وجذي راح تكون لي
مبارك : إنزين اسكت لا تفشلنا قدام الناس
كانت ليالي ومريم يتغدون وأهم من جذي يسولفون ويضحكون
مريم :ليالي خلصتي بسرعة علشان لان نتأخر
ليالي : يلا الحمد الله خلصت
سمع فهد كلام مريم وليالي وقال : حبيبتي عرفت اسمها
مبارك : يلا قول شنو اسم حبيبة القلب
فهد : ليالي
مبارك : اسم على مسمى
فهد : أقول قوم ليالي الحين تبي تطلع
مبارك : يلا
طلعت ليالي ومريم من المطعم وركبوا السيارة وركب فهد ومبارك سيارتهم ولحقوهم وصلت ليالي مريم عند بيتها ووصلت لبيتها عرف فهد مكان بيت ليالي وقال : مبارك اليوم بكلم أمي ونروح باكر نخطبها من أهلها
مبارك : صج لو قالوا ومن الحب ما فعل
في بيت فهد
راح فهد يكلم أمه عن موضوعه
فهد : يمه
أم فهد : ها يمه بغيت شي
فهد : يمه تعرفين إني في سن الزواج
أم فهد : ما بغيت تتزوج خلاص يمه راح أخطبك إلي تبي بس إنت أشر وأنا أروح أخطبها من أهلها
فهد : صج يمه إلي أبغي
أم فهد : إي يا فهد تعرف إني ما عندي إلا غيرك وأبيك تتزوج وأنت مستانس
فهد : يمه أنا أحبها من كل قلبي
أم فهد : يحليل وليدي يحب الله يهنيك فيها بس أنت قول آمين
رفع فهد إيده : آمييييييين
ضحكت عليه أمه
في الصبح كانت النتائج الفصل الثاني نجحت ليالي بنسبة 98.9% ومريم بنسبة 90.9% وكانت كل وحده فيهم مستانسات بعد المغرب راحت أم فهد لبيت أم ليالي
أم ليالي : هذي الساعة المباركة
أم فهد : يأم ليالي كلمي البنت وردي علي علشان ني نخطبها رسمي من خالها
أم ليالي : إنشاء الله بس كم رقم بيتكم
أم فهد :*******
راحت أم فهد لبيتها ، نادت أم ليالي لبنتها ليالي راحت ليالي عند أمها ...
أم ليالي : حي الله بالعروس
ليالي مستغربه : عروس !!
أم ليالي : إي عروس
ليالي : لمنو ؟
أم ليالي : لفهد سالم الهاجري
ليالي : فهد سالم الهاجري بس يا يمه
أم ليالي : أدري شنو تبين تقولين إن عايلتهم غير عنا
ليالي : يمه حنا عوازم
أم ليالي : يعني شنو ترفضين الرجال بس إنه غير عن عايلتنا
ليالي : مو قصدي جذي بس خلني أفكر
أم ليالي : هاج خذي
ليالي : شنو هذي صورة
أم ليالي : روحي فوق وشوفي صورة حق زوج المستقبل
ماشافت الصورة راحت لدارها قعدت على السرير وقالت : ليالي قبل لا تقلبين الصورة سمي بالرحمن
قلبت ليالي الصورة وشافت صورة فهد
ليالي : فهد إلي بالمجمع يايييييييييييييي راح أتزوجه بس شلون عرف عنوان بيتي ؟
الصبح راحت ليالي عند أمها وقالت لها إنها موافقة على الزواج
فرح فهد يومن سمع موافقة ليالي من أمه أن فهد إنخطبوا بعد أسبوعين كانت الملجة
كانت ليالي متوترة بس مريم هدته من توترها
ليالي : مريم أنا متوترة حيييييييييييل
مريم : بسك عاد خلاص لقيتي حبيب قلبك
ناد خال ليالي على ليالي علشان تطلع تقعد مع خطيبها فهد
دخلت ليالي وقعدت طلع خلها محمد من الصالة علشان ياخذون راحتهم
كانت ليالي متوترة حيل قطع فهد الصمت إلي بينهم
فهد : ليالي تعرفين شلون دليت بيتك
ليالي : لا
يأشر على قلبه : قلبي أهو إلي خذني عند بيتك
تضحك ليالي : ههههههههههه
فهد : ليالي أنا أحبج
ليالي ماتت من الحيا : وأنا أحبك
فهد: أخيرا حسيتي فيني راح نعيش أحلى عيشه مع بعض
تزوج فهد ليالي وبعد زواجهم بشهرين خطب مبارك
تتوقعون منو إلي خطب مبارك
خطب رفيجة ليالي مريم وعرفت مريم أن الحب أحلى بعد الزواج
النهايه
منقول
