قروبات (( الفضاء )) اوروبا 2012

[غلا امي]

السلام عليكم ورحمة الله وبركاته

شلونكم بنات وشلون الصيف معاكم طبعا على هالجو العجيييب محد قاعد بالديره

المهم انا حجزت هالصيف بسفريات الفضاء وللامانه اول مره اروح معاهم وحيييل متخوفه

وخاصة ان زوجي موحاب القروبات بس انا اللي غصبته والله يستر

منو مجربه الفضاء ومنو اللي بتسافر معاهم هالصيف وشنو تحضيراتكم خنستفيد من

بعض

انا رحلتي 1|7 فيينا زلمسي كابرون ميلانو


يلا يابنات همتكم

 

[غلا امي]

up
up

 

[خشف بدو]

سافرت معاهم قبل سنتين خوش سفريات ثقه وأراحنا معاهم حيل كان قائدنا عجيب اسمه خالد

 

[اخت خالتهم]

سامعـه عنهم لا تحاتيـن و خاصة النمسـا لو مع سفريات تلوع الجبد بتستانسين
لا تحاتيـن
و تقدرين ما تطلعين معـاهم روحي تمشي بـروحج

 

[غلا امي]

الله يريحكم
وينكم بنات مافي احد بيروح مع هالسفريات

 

[غلا امي]

زين بنات جم ماخذين معاكم مصاريف

عادي اخذ معاي جوله كهربائيه صغيره حق القهوه واذا بسوي اكل حق بناتي

 

[ام مهاوش]

اذا فنادق ممنوع تطبخين اما شقق عادي

 

[عيش و ملاس]

أهلي حاجزين بسفريات الفضاء تاريخ ٨/٢٢ ( بروكسل_كولون_امستردام ) أسبوعين

 

[zqertya]

انا حاجزه سفريات الفضاء واول مره اروح معاهم فيينا وكابرون وميونخ تاريخ 3-7 انا الرحله الثانيه المهم ما احاتي لان واايد من اهلي مسافرين معاهم ويمدحونهم

انا ماخذه مصروف 1200 كويتي طبعا وقتها اليورو نازل حييل فطلع علي اكثر من الدبل انشالله نشوفج هناك

 

[غلا امي]

كنت بروح بهالرحله بس فضلت ميلانو على ميونخ

فرصه سعيده زقرتيه

 

[خشف بدو]

ممنوع الطبخ بالفنادق هناك صمونهم وكرواسان يهبل اشتري وخلي عندج بالفندق. حق بناتج،،والقهوة عادي اذا عربيه سوئها بالغلاية

 

[أم روونه]

أنا رحت معاهم ميلان - نيس صراحه خوش سفريات ثقه وما عندهم مشاكل ونفس الفنادق اللي قالولنا عنها. وايد ارتحت معاهم والله يسهل عليج. وتكتبين لنا رايج عنهم

 

[_زينه_]

رحت معاهم لا تحااااااااااااتين

 

[@ام يوسف@]

اااب

 

[spicial gift]

حبيبتي توكلي على الله وروحي معاهم وحدة من صديقاتي تمدحهم وايد خاصة المسئول عن الرحلات محمد البغلي خووش واحد ، أنا العام رحت مع الدبوس قروب حق " أسبانيا " القروب عجييييب بس القايد خواره ما يعرف شئ وتوهقنا فيه ولما حجزنا وخلصنا غير ترتيبات الرحلة طرنا من الكويت على الملكية الأردنية وبعدين نمنا ليلة وبعدين رحنا مطار ميلانو وبعدين برشلووونة . تخيلي الرحلة وفوق هذا طلع القايد ما يعرف شئ احنا دبرنا أمورنا ، ما نقول إلا حسبي الله ونعم الوكيل .

 

[SILVER ROSE]

رحت معاهم قبل جم سنة
السفريات روووعة وناس راقية

 

[Nonita-q8]

انا رحلتي تاريخ 7/7 وحدي احاتي اول مره اروح اوروبا ومع قروب
بس الكل يمدحهم ان شاء الله نستانس بالرحله معاهم

 

[^عنقود عنب^]

انا انشالله بروح معاهم تاريخ 22/8 فيينا ، كابرون ، زلامسي ، ميلان

قوليله عن رحلتج مغاعم ان رحتي باذن الله ورديتي ،،

 

[الكادي 1981]

بنات حجزتوا لبعد العيد؟؟؟ عاد مفكرة امرهم اشووف عروضهم للقروبات العيد !!!! شكل القروبات سكرت����

 

[mo0on-q8]

حبيبتي روحي وانتي مطمئنه انا رحت معاهم قبل جم سنه وااايد زينه وكان المرشد ولد اشكناني على ما اظن جاسم

رحله موفقه وسعيده