قرقيعان وقرقيعان>>تعالي خلينا انسولف كل وحده شنو فنتقت حق القرقيعان اللي طاف>>

[الفنانه79]

قرقيعان وقرقيعان>>تعالي خلينا انسولف كل وحده شنو فنتقت حق القرقيعان اللي طاف>>

السلا م عليكم
طبعا الموضوع امبين من عنوانه؟؟؟؟؟؟

خلينا انتشارك ونسولف كل وحده من الخوات تقولنا
شنو سوت حق القرقيعان من فناتق السنه اللي طافت
يعني شنو لبستي؟؟؟
شنو لبست اعيالها؟؟ شنو سوت لهم القرقيعان؟؟

اشلون اعرضت القرقيعان؟؟(يعني طبق عربانه سله الخ الخ الخ )


موضوع حلو واتمنى من الخوات المشاركه تدرون نحب التميز وارمضان شرفه الله في من الاشياء الحلوه اللي نحبه والحمدلله متمسكين فيها واهي القرقيعان يالله يالله بس سولفت وايد وروني همتكم معاي خلينا انهذر وانسولف اشوي:eh_s(6):

 

[الفنانه79]

رد: قرقيعان وقرقيعان>>تعالي خلينا انسولف كل وحده شنو فنتقت حق القرقيعان اللي طاف>>

اشدعوووه كل هذي نحاسه:eh_s(14):

ترى مانبي شي نبي انسولف

وانا قلت السنه اللي طافت مو هالسنه

جم وحده ادخلت وماردت موخابرتكم جذي انا زعلت من صجي:eh_s(11): :eh_s(11):

 

[Miss_Tiger79]

رد: قرقيعان وقرقيعان>>تعالي خلينا انسولف كل وحده شنو فنتقت حق القرقيعان اللي طاف>>

اول شي انشالله يبلغنا رمضان انشالله ونصومه
وثانى شي انا سويت السنه الى طافت بس حق الكبار بس بصندوق كبير وعيالى وعليه ما يقدرون يشيلونه فشلنا انا وريلى لانه كان وايد عود ولبست عيالى فنيله البيضة الى تنلبس تحت الدشداشه ويبت وزار كبير وخيطته على شكل تنوره لف وفيه من فوق سير وصروال مكسر وصج حلو شكلهم وغترة بعد
صج يضحكون بس شكلهم غريب محد لابس مثلهم

 

[Miss_Tiger79]

رد: قرقيعان وقرقيعان>>تعالي خلينا انسولف كل وحده شنو فنتقت حق القرقيعان اللي طاف>>

وانا لبست دراعه

 

[Harmony]

رد: قرقيعان وقرقيعان>>تعالي خلينا انسولف كل وحده شنو فنتقت حق القرقيعان اللي طاف>>

عسى الله يبلغنا رمضان و يعينا على زيادة الطاعات فيه و يتقبل منا و يغفر لنا
و العام يا طويلة العمرعيالنا كانو معاريس الله يسلمج يعني كشخة المعرس و العروس ايام اول ربي يخليهم و ينشيهم و يصلحهم ان شاء الله

 

[*الافنـــدر*]

رد: قرقيعان وقرقيعان>>تعالي خلينا انسولف كل وحده شنو فنتقت حق القرقيعان اللي طاف>>

هلا والله
احنا ما سوينا قرقيعان كان عندنا وفاة..
هالسنة الله كريم للحين ما ندري
عاد عندنا بنت وولد الله يعينها على الخساير..

 

[دهن عود مبخر]

رد: قرقيعان وقرقيعان>>تعالي خلينا انسولف كل وحده شنو فنتقت حق القرقيعان اللي طاف>>

موضوع وايد حلو..:eh_s(15):
احنا ماسوينا شي غريب.. بس كل القرقيعان اللي للكبار والصغار حطيناه بكورنر نفس اعياد الميلاد .. واليهال من كل عايله لبسوا لون يعني البنات بخانقهم الوانهم مختلفه واليهال جياسهم وقحافيهم نفس الوان البنات يعني كل عايله لون وهذا كان اتفاق طبعا.. بس القرقيعان كل ام وفناتقها.. الكبار طبعا لهم اشياء مميزه مثل الصناديق الحلوه المزينه والصواني الفضيه يكون داخلها مبخر ومرش وبخور ودهن عود وموزع على الصينيه ككاو وقرقيعان.. هذا طبعا لوحده من الامهات..
ووحده ثانيه حاطه داخل صندوق شيله وثوب صلاة ومسباح ودهن عود مع القرقيعان.. هذا للام العوده والابو العود ..اذكر وحده يابت له صندوق فيه مسباح وعطر وقرقيعان.. ووحده يابت صندوق فيه غتره وقحفيه ودهن عود وقرقيعان مع ككاو.. واليهال من كل عايله اهم اللي يقدمو للجدان القرقيعان ..
وطبعا شغلنا اغاني قرقيعان وصفقه وهيصه ووناسه:eh_s(9): :eh_s(9): .. ولبسنا دراريع وفوقهم ثياب مسرحه .. ووايد شغلات سوويناها بس ماذكر الحين .. لان اسم الله عليهم كانوا اربع عوايل مع عيالهم وكان احلى قرقيعان .. وسلامتكم
هذرت وايد عشان الفنانه ماتزعل ...وهذي ورده عشانك:eh_s(17):

 

[الفنانه79]

رد: قرقيعان وقرقيعان>>تعالي خلينا انسولف كل وحده شنو فنتقت حق القرقيعان اللي طاف>>

مشكورين خواتي على المروووور ونبي تفاعل من الخوات

دهن عود امبخر ماشاء الله افكاركم اتهبل وعسى الله يهنيكم ويعطيج الف عافيه على الرد اللي يبرد القلب

 

[Miss_Tiger79]

رد: قرقيعان وقرقيعان>>تعالي خلينا انسولف كل وحده شنو فنتقت حق القرقيعان اللي طاف>>

انزين انتى الفنانه ليش ما اتحطين شنو سويتى السنه الى طافت والا ماسويتى

 

[وين^العهود]

رد: قرقيعان وقرقيعان>>تعالي خلينا انسولف كل وحده شنو فنتقت حق القرقيعان اللي طاف>>

ماشاءاللة عليج دهن عود مبخر قرقيعانكم وايد حلووووووو ويونس , اما انا فماسويت قرقيعان لاني كنت بالاربعين

 

[أمواج البحر]

رد: قرقيعان وقرقيعان>>تعالي خلينا انسولف كل وحده شنو فنتقت حق القرقيعان اللي طاف>>

احنا قرقيعانه كان نفس قرقيعان عود مبخر تقريبا

لبست عيالي دشداشه و السديري و القحفية

وسويت تقريبا خمس اشكال حق القرقيعان غير قرقيعان اليهال

وصفيناهم بالعرباين و حطيناهم بزاوية الصالة

و علقنا الفوانيس على كبر الصالة و خلينا ديكور الصالة يصير جنه قديم

و حطينا اغاني القرقيعان :eh_s(9):

و الحريم الكبار ( العيايز ) حطوا يمهم الزبيل و اليهال قعدوا يفترون على

وحدة وحدة و يقرقعون عليها :eh_s(9): و شغلات وايد والله سوينه

وانا لبست دراعة و شريت جيس قرقيعان حقي و كل قعد يسألني عنه


وماشاء الله استانسنا و هيصنا و اهم شي اليهال استانسوا

​

 

[الفنانه79]

رد: قرقيعان وقرقيعان>>تعالي خلينا انسولف كل وحده شنو فنتقت حق القرقيعان اللي طاف>>

مشكوره اخت امواج البحر على قرقيعانكم الحلو الصراحه

 

[الفنانه79]

رد: قرقيعان وقرقيعان>>تعالي خلينا انسولف كل وحده شنو فنتقت حق القرقيعان اللي طاف>>

(مس تايجر)
انا كنت ابي تفاعل اكثر من جذي علشان تطلع السوالف
علشان خاطرج بقولج انا شنو سويت حق اعيالي واذا لقيت تفاعل بقول انا شنو لبست واشلون عرضت القرقيعان وشنو سويت حق الحريم الكبار
رحت شريت حق اعيالي غتر يمنيه املونه
وخيطتها على شكل اصديري ووزار واجرينبه(الغتره)
من نفس خام الشماغ وكان فيه لون عنابي وحطيت فيه اشياء امعلقه ماراح اقول لان انا قاعده ابيع منهم >>نحيسه
وبعد في رسومات من ورى الصديري
ولبستهم دشداشه اماراتيه بس شنو مو العاديه (عنابيه) فصار شكلهم غريييييب وكل من يسأل عن لبسهم والله انا ماكنت متوقعه بيكونون جذي
واذا لقيت تفاعل من الخوات راح اكمل :eh_s(8):

 

[دهن عود مبخر]

رد: قرقيعان وقرقيعان>>تعالي خلينا انسولف كل وحده شنو فنتقت حق القرقيعان اللي طاف>>

الفنانه.. الله يعافيك ياقلبي..
وين العهود... حسافه ماكنتي موجوده..

تصدقين يالفنانه شكلي ببوق افكار لبس الصبيان.. خخخخخخخخخخ
يالله كملي شسويتي بعد..

 

[الفنانه79]

رد: قرقيعان وقرقيعان>>تعالي خلينا انسولف كل وحده شنو فنتقت حق القرقيعان اللي طاف>>

تصدقين يالفنانه شكلي ببوق افكار لبس الصبيان.. خخخخخخخخخخ

حبيتي دهن عود عليج بالف عافيه بس مافي تفاعل من البنات ولا كنت امسويه قرقيعان الكبار عجيييب لحد الحين ماشفت احد سواها او ذكرها بالمنتدى

عطونا افكار واعطيكم افكار>>>حدي حدي نحيسه:eh_s(9):

 

[ام الكتكوته]

رد: قرقيعان وقرقيعان>>تعالي خلينا انسولف كل وحده شنو فنتقت حق القرقيعان اللي طاف>>

يالله عاد الفنانه كملي

انا سويت حق بنتي نفنوف موديل ياباني اهو حفر وفوقه جاكيت قصير ولف والكم ياباني وسيع

ومشيت على كل النفنوف والجاكيت شريطه ستان مكتةب عليها شعر باسمها (طبعا من تأليفي) وبالاخير قرقيعان ...........اسمها بالكامل

بس شنو طلع عجيييييييييييب كل من يسألني من وين نفنوفها


ومن نفس خام النفنوف سويت كياس للقرقيعان حق اليهال وسكرتهم بنفس الشريطه الي على اهدومها

والكبار سويت لهم عربانات صبغتها وحطيت عليها من الشريطه وفوانيس ولفيتهم بنفس الخام مال نفنوفها بعد

وامي وخالتي شريت من بوابة الهدايا علب منسقه واااااااااااااايد حلوه وحطيت فيهم القرقيعان ولفيتهم بنفس الخام

وابوي وعمي شريت صينيه فيها واحد يقرا قران ويمه فانوس وسياده وربطة فيها زبيل صغير حطيت القرقيعان داخله وربطتهم بنفس الخام والشرايط

بس بصراحه كااااااان شي مميز قرقيعانها وايد وايد حلو والكاكاو كله كشخه والحب من الرفاعي

ايييييييييييي وما قلت لكم قرقيعان ريلي كان غير كل الناس

يبت مجسم زجاجه زلزقة عليه صورة بنتي بهدوم القرقيعان وكتبت له بيت شعر يعني من بنتي بزري احمر صار

ولفيته له بخام حلو

وسلامتكم

 

[فراشه1]

رد: قرقيعان وقرقيعان>>تعالي خلينا انسولف كل وحده شنو فنتقت حق القرقيعان اللي طاف>>

انا ما سويت الرمضان الي طاف قرقيعان كنت حامل وعلى وشك ولاده وما قدرت ..

ويله الفنانه كملي

 

[بدوره]

رد: قرقيعان وقرقيعان>>تعالي خلينا انسولف كل وحده شنو فنتقت حق القرقيعان اللي طاف>>

انا العام سوت لي وحده قرقيعان حلو وايد
دوه صجيه بس عنونه حيل والقرقيعان بوسطها
وعليها ديكورات روعه ومبخر صغيرون حطتلي فيه بخور
والله كل من قام يسألني عنه​

 

[QUMAR]

رد: قرقيعان وقرقيعان>>تعالي خلينا انسولف كل وحده شنو فنتقت حق القرقيعان اللي طاف>>

أنا بنتي العوده شريت لها من اليشمك كانو مسوين دراريع لبنات صغار خذيت لها والصغيره كان فيه معرض شريت لها نفنوف عجيب لونه وردي مع ربطه للراس وجيس القرقيعان وياه وأما ولدي سويت له وزار بحري طقم مع الجيس والجريمبه عند وحد بجنوب السره سوته لي علي 8 علي ما أعتقد
والقرقيعان مال اليهال أجياس خام وردي للبنات وأزرق للصبيان وحاطته بزبيل عود
أما خالتي وأمي وأبوي سويت لهم من باتشي لأني ماكنت فاضيه أفتر بصلي وبتعبد ربي :eh_s(2): يعني شئ راقي وعالسريع بس وايد حلو
أما مدرسات بنتي يبت لهم صناديق وحطيت فيها بخور ودهن عود وككاو من باتشي لأنهم أمريكيات
وبس وهالسنه مادري شسوي
اللي عندها أفكار تعطينا يمدينا نجهز قبل لا يدخل علينا رمضان
وسلامتكم :eh_s(9):

 

[الفنانه79]

رد: قرقيعان وقرقيعان>>تعالي خلينا انسولف كل وحده شنو فنتقت حق القرقيعان اللي طاف>>

مشكورين خواتي على مروركم وافكاركم الحلوه وانا بعد عندي افكار عجيييييييييييييييييييييبه بس اسمحولي اغيب عنكم الجمعه>>لاني برجع الكويت وارجعلكم اول الاسبوع الجاي اذا الله احيانا
واتمنى تفاعل وافكار اكثر من جذي ماادري ليش صايرين ابخله اشدعوه ياحافظ:eh_s(15): :eh_s(8): :eh_s(8):