قرقيعان حق العايله

[zoba]

[

CENTER]السلام عليكم ورحمة الله وبركاته

شلونكم شخباركم

بنات انا هالسنه اول مره اسوي قرقيعان حق بنتي وشفت افكاركم بالمنتدى وايد حلوه بس اغلبية المواضيع اذا مو كلها مسوين فيها قرقيعان حق الانفار مو العوايل
وانا بنتي توها بالاشهر ف حابه اسوي قرقيعان حق كل عايله بروح لانها صغيره وماراح توزع شي, يعني قصدي اذا العايله فيها 5 انفار ما اسوي قرقيعان حق كل نفر لء اجمع قرقيعانهم واحطه اب صندوق مثلا او شي من هذا القبيل واعطيه حق الابو او الام


ابي افكاركم حق قرقيعان العوايل

وانا بصراحه ماعندي خبره بالمحلات والاسواق الشعبيه لاني اول مره بسوي وماعرف وين اروح ادور فاذا ممكن تنوروني عشان اعرف وين ادور


وسلامتكم وتعيشون[/CENTER​

]

 

[sky]

وعليكم السلام ورحمةالله وبركاته انا اعرف مكان واحد هو بياع الورد الي بحولي في السرداب هو مقابل مستشفى دار الشفا

 

[ساره ستايل]

بياع الورد عنده كل شي

بس انا ما احب اخذ منه كل شغلي

لأن كل الكويت تشتري منه

انا احب اروح اي سوق
لاند مارك - ايكيا - اسواق شعبيه او جمعيات
وافتر فيهم وانا حاطه في بالي اني ابي شغله حق القرقيعان
لأني ماحب اسوي شي .. وانصدم كل الكويت امسويته

روحي بياع الورد وشوفيه

واذا تحبين تتميزين .. سوي اللي قلت لج عنه

 

[مدام زيزو]

لما تروحين بياع الورد راح تلقين اشياء كبيرة تنفع
او تقدرين تشترين مبخر زجاجي او شي حلو كشخه وتحطين فيه
تقدرين تشترين صندوق مبيت صغنون مع اني اقول انها فكره مستلكه
عندج فكرة الفوانيس هم بعد ممكن تستخدمينها
اتمنى اكون افدتج

 

[zoba]

ثاااانكس ايفري بودي
يبيلي اروح افتر عشان اخذ فكره
مشكورين على ردودكم

 

[تمبوشا]

انا مع اختي مدام زيزو و تقبوا مروري

 

[كيت كات]

صج بياع الورد كل الكويت تعرفه بس ترا التركيبات تلعب دوووووور
واهو بعد ترا مو رخيص غالي في اماكن واااايد ارخص منه الاسواق الشعبية المحاميد ييب شغلات وتخلص بسررررعه

 

[ألولو78]

ومنكم نستفيد

 

[جرح الليالي]

انا عندي افكار اذا تحبين تشوفينها حياج الله

 

[brbecan]

تقدرين بسلال متوسطه يعني تشيل كميه حلوه من الحلويات وتغلفينها بطريقتج الحلوه وتصير حق عايله وحطي داخلها شويه اشياء غريبه خرده فلوس لعبه او ب مطبق او زبيل من الاشياء القديمه يعني

او صندوق مبيت صغير داخله شويه بخور ودهن عود ومخلط الغرف ولوشن معطر الي تحصلينهم من نعمة او القرشي او اجمل كل محلات العطور اخذي بالسعر الي يناسبج وتربطين بالصندوق بكشه فيها القرقيعان وايد حلوه الفكره لما سويتها الكل سالني عنها
وموفقه انشاءاللله

 

[zoba]

مشكورين حبايبي

جرح الليالي ياريت والله توريني افكارج اكون شاكرتلج جدا

 

[anaar]

حبيبتي انا مسويه فكرتين حق تصلح حق اللي تبينه وحق كبار العايله وسويتها لناس وايد ماشاء الله والكل استانس منها واذا حابه راسليني عالخاص
موفقه

 

[maryam_q8]

بنات ايهو احلى محاميد تاخذون منه سوالف القرقيعان

 

[ضحكة الدنيا]

صج بياع الورد كل الكويت تعرفه بس انتى تقدرين تتفنتقين وتسوين شغلات مميزه
مع اضافات وتعديلات ويصير شغلج مميز