قرقيعان بنتي 2010

[قمري]

حياكم بنات ادري متأخره بس شفت نفسي فاضيه قلت انزل صور قرقيعانها و تشاركوني رايكم لاني و الله تعبت و انا ادور و افكر لين ما خلصته :s141:

بسم الله الرحمن الرحيم

قرقيعان امي و خالتي : صينيه خشب و فيها جدور مختلفه احجامهم و داخلهم القرقيعان



قرقيعان ابوي : ريال يقرا قرآن و قاعد على كرسي خشب وواه يكون جين فيه قرقيعان



قرقيعان جدي و جدتي: مجسمين على ريال و مرته و داخل الجدر اللي شايلينه عصيده و قرص بيض حبيت اغير مابي اعطيهم قرقيعان



و حطيتهم داخل صينيه خشب و زينتها بالورد المجفف و القش بعدين غلفتها



و هذا قرقيعان عمي نفس مجسم جدي بس حطيت له معاه بيت لان عجبوه البيوت الخشبيه انا شاريتهم حق الحريم



هذا القرقيعان اللي نحط داخل الاشكال اللي بحطتها و هم معاه حطيت ماكنتوش بس ماصورته حسافه



قرقيعان الحريم : بيت خشب و داخله القرقيعان ينفع ينحط منظر باي مكان اشكالهم عجبتني



و هني شكل البيوت من ورا و طريقتي بحطت القرقيعان



و هذي اشكال ثانيه بعد



بعد التغليف



و هذا قرقيعان الصبيان



و حق الباجي طلب كب كيك و هني لما وصل



بكمل بس بنات لاتردون بلييييييييييييييييييييييييييييييييز :RoadRunner:

​

 

[قمري]

قرقيعان البنات الصغار: كب كيك العروسه طبعا انا زينت العلبه بالورده اللي فوق



و طيعا ترى في اشكال تهبل و عليها اكسسوارات بس ماصورتهم من العفسه حسافه




هذا الشكل حق البنات الكبار شوي و الشباب المراهقين يعني لوووووووووووووووول



و هذا الشكل عطيته حق اخواني و حمواني و ريل اختي



و هذا عطيته حق اليهال كلش الصغار و هم في ناس ماعرفهم عطيهم بعاد يعني



هذا قرقيعان سويته حق الخدم استاااااااااااانسوا عليه يحليلهم



صوره جماعيه



بعدين كنت بفرارتي و لا القى هالمجسم حده عجبني لان ريي يموووووووووووووووووت بمسلسل درب الزلق شريته بدون تفكير



و رحت دسمان حطيت تحته فلين و خليتهم يكتبون اسم بنتي عشان احط عليه القرقيعان لاوديته بيت يدي



صوره جماعيه ثانيه



و هني حطيت فيه الكب كيك



طبعا ماكفى كل القرقيعان اكيد شريت لي جم زبيل و عطبيتهم و زينتهم و هذا شكله



و هذا شكله النهائي




و هم شريت لي بلونات عليها مكتوب قرقيعان و قرقيعان حق اليهال

بكمل بنات لاتردون​

 

[قمري]

صديقتي عنها يهال 4 و معاها اهيه المجموع 5 قلت اسوي لها زبيل حقها لان بوديه لها بيتها بس الباجي على ولد واحد فوديت لهم باليد



و ريلي حبيبي قالي ابي اتنقص حق رفيج عمري و توهقت مخلص عندي الزبيل رحت سويت له هالاختراع لووووووووول كرتون الكب كيك غلفته له حقه وحق مرته





و هذا جيس القرقيعان مال بنتي



و هني حنيتها قبله بيوم ماشاء الله الحنه عفسه بس ترى بنتي صغيره 6 شهور بالهوشه محنيتها هههههههههههههه



و هذا الحلو طلبته ووديته معاي حق بيت خالتي و يدي



و هذي بنتي تتهاوش مع الجيس مالها عادي ههههههه



و المفاجأه اللي محد يدري عنها ههههههههههههههههههههههه

لما دشيت بيت خالتي ريلي كان هناك وماكان يدري بشي دشينا انا وبنتي لابسين نفس الشي حده استانس و ضحك علي طبعا بس كان مفاجاه حلوه بس انا مغيره الالوان طبعا

​

وبس

 

[هنـــد]

رووعه مشاءالله

 

[@ دهن العود @]

ماشاءالله رووووووووووعه


عساج اجهزينها يوم عرسها

 

[أوكسجين]

ماشالله واااايد حلو
وشكلج وايد تعبتي عليه
تسلم ايدج

 

[أباجورة محترقه]

رد : قرقيعان بنتي 2010

روووووعه من وين البيوت الخشب والكب كيك؟؟؟؟؟

 

[ام اغلى الناس]

ما شاء الله رووووووووووعه
الله يخليها لج و تسوين لها كل سنه
من وين مجسم مال جدج و جدتج؟ اللي ماسكين جدر .. و بكم؟
و الكب كيك من وين و بكم؟

 

[مسك81]

ماشاءالله روووعه الله يخليلج البنوته وتشوفينها عروس

 

[meen_ana]

عليكم بالف عافيه يارب الجيسه وايد حلووة من وين ماخذتها حبووبه

ونفنووف بنتج بعد حلوو عليج بالف عافيه

 

[قمري]

رووعه مشاءالله

مرورج الاروع ياقلبي

ماشاءالله رووووووووووعه


عساج اجهزينها يوم عرسها

مشكوره حبيبتي

ماشالله واااايد حلو
وشكلج وايد تعبتي عليه
تسلم ايدج

اي و الله تعبت حيييييييييييييييل نفسيا و جسديا و كل شي :cxxxp: بس الحمدالله مت من الوناسه لما شفت البسمه على الكل و شلون الكل استانس من القرقيعان التعب كله راح و فدوه حق عذوبتي
و مشكوره على الرد الحلو

روووووعه من وين البيوت الخشب والكب كيك؟؟؟؟؟

حياج حبيبتي و البيوت الخشبيه من لاكشيت و الكب كيك من العضوه gawa

ما شاء الله رووووووووووعه
الله يخليها لج و تسوين لها كل سنه
من وين مجسم مال جدج و جدتج؟ اللي ماسكين جدر .. و بكم؟
و الكب كيك من وين و بكم؟

حياج و يسلمج حبيبتي و اثنينهم من العضوه gawa

ماشاءالله روووعه الله يخليلج البنوته وتشوفينها عروس

تسلمين حبيبتي و مشكوره على المرور الحلو

عليكم بالف عافيه يارب الجيسه وايد حلووة من وين ماخذتها حبووبه

ونفنووف بنتج بعد حلوو عليج بالف عافيه

الله يعافيج و تسلمين حبيبتي الجيسه مسويتها بالصفاة عند محلات الكلف

 

[قمري]

بنات المجسم اللي على ريال ومرته و الكب كيك كله من الاخت العزيزه العضوه "gawa" و الطعم ولا اررررررررررروع

 

[سفرجل]

ايييييييييييييييييينن عليكم بالعافيه حبيبتي

 

[Q8_QT]

ماشاءالله الله يخليها لج وتفرحين فيها عروس

 

[زلابيا]

ماشاءالله شغلج مرتب وحلووو

الله يحفظ بنيتج ويخليها لج

ويبلغج فيها عرووس

 

[أم حمادين]

ماشالله يعطيج العافيه واتسوين لها عروس ان شالله

 

[قمري]

ايييييييييييييييييينن عليكم بالعافيه حبيبتي

الله يعافيج حبيبتي و مشكوره على المرور الحلو

ماشاءالله الله يخليها لج وتفرحين فيها عروس

و يخليج و شكرا على المرور

ماشاءالله شغلج مرتب وحلووو

الله يحفظ بنيتج ويخليها لج

ويبلغج فيها عرووس

حبيبتي مشكوره و الله يسلمج و يخلي لج اغلى ناسج :jbdwjbd:

 

[&شواقة الكويت&]

مشالله شغلج حلو وروووووووعه
الله يهنيج فيها يارب

 

[حرم_طيار]

رد : قرقيعان بنتي 2010

ررررررررررررروعه:ggdw:

 

[بواسم]

عليكم بالعافيه والله يخليها لج وان شاء الله تجهزين لها يوم تخرجها ويوم عرسها قولي امين .