السلام عليكم
شلونكم بنات
ما شاء الله قرقيعان فطوم حلو ... الله يخليها لج و تسوين لها كل سنه
الحمدلله خلصنا من القرقيعان
يوم السبت 21/8/2010 سويت في بيت اهلي يعني يوم 11 رمضان ... مبجر بس قلت مره وحده لان خالتي كانوا بيزورونا
و يوم الاثنين 23/8/2010 سويناه في بيت اهل زوجي .. يعني 13 رمضان
الله يخلي لنا امي هي اللي تكلفت بدفع كل شي
و الحين اخليكم مع الصور ...
هذي ملابسه : باب الحاره
عنده لبس اماراتي بغيت البسه بس لما شفت باب الحاره عجبني و قلت الاماراتي للعيد ان شاء الله
ملابس باب الحاره لقيتهم بقسم الملابس التنكريه للاطفال بسوق شاهبندر الامارات بالجهراء ... عنده ملابس اشكال و الوان تهبل
الحب و المكسرات من مطحنة الفوز ... حلو ونظيف
حطينا داخل قطعة تور حلوه و ملفوف بشريطه
و حلويات مشكله ... بفك و حلاو صغير بصفاره و كاكاو مشكل و علج و غيره واجد
و احلى حركه هي اننا حطينا العاب صغيره بالقرقيعان من ابو 100 فلس .. كانت فكرة امي
و الجهال استانسو حيل عليها
هذي علب قرقيعان الجهال
و هذا قرقيعان زوجي و اختي و اخوي
على شكل عربانة جمعية
و قرقيعان حمواتي المتزوجات و حريم حمواني و خالاتي
مبخر و فوقه المكسرات و الحب
والله مصورتهم بس موجودين بالتلفون القديم ... عاد متى ما نزلت الصور عالكمبيوتر احطهم لكم
هذا الصحن حطيت فيه قرقيعان امي و خالتي ام زوجي ..
و هذا هو
قرقيعان حماي و حمواتي الصغار اللي مو متزوجات
حطيت علب القرقيعان بأكياس حلوه من ابو 100 فلس
قرقيعان عمي ابو زوجي ... كنت ابيه لامي و خالتي بس قالوا الصحن احسن
هو دوى صغيره و فوقها غوري سدو
نسيت اصوره من غير التور
لا تنسون الفوانيس بكل قرقيعان حطيته ... من ابو 100
ترى فيه اشياء واااااااااااجد تمنيت اسويها و افكار روعه جمعتها من منتدانا الحلو
بس قلت مابي اكلف على امي و ان شاء الله اسويله باقي الافكار السنين الجايه
عطوني رايكم بامانه بالقرقيعان
و شنو اللي كان ناقص
نسيت اقولكم ... الحمدلله كان قرقيعان ولدي احلى من الباقيين حتى كل الجهال استانسوا و قالوا ولدي المركز الاول
يا حليلهم
