قررت طلب الطلاق

[بنت المهجر]

السلام عليكم و رحمه الله و بركاته
عزيزاتي عضوات المنتدى هذه اول مشاركه لي بس انا متابعه للمنتدى من زماااااااان حتى قبل مااسجل فيه
باختصار مشكلتي الي اتمنى منكن تشيرون علي فيها
انا متزوجه من 3 سنين و نص ام لطفل كرهت زوجي و ما عاد في قلبي له ذره حب ابدا ابدا ابدا
السبب بخله ماديا و عاظفيا
المهم قررنا ننفصل وعبيت استماره الطرق و عطيته اياها ماناقص الا توقيعه
اخواتي المطلقات كيف شعوركن لمن تطلقتم و ايش تنصحوني

 

[^^Mo0oNy^^]

نصيحه مني اختي استخيري ...ولو بتحصلج فرصه للزواج مره ثانيه حطي بالج ان احتمال كبير يكون مطلق او متزوج يعني نص رجل ...والرجال الزمن يغيره واغلب الرياجيل فيهم بخل وحرص واحنا عاطفيات بس اهم يدورون الجنس فقط ..... الله ييسرامرج حبيبتي ويعينج

 

[امـ خــزامـى]

الله يفرج عليك ويسر امرك ويكتبلك الخير

 

[توتة UAE]

عامة الزوجة اللي أول ماتتطلق حتى لو هي المظلومة تعيش حالة كآبة
خاصة اللي ماتبا تتطلق بس عقلها والمنطق يقول طلاقها هو الأحسن لصلحتها
عقب فترة تطلع من هالحالة وشوي شوي تعيش حياتها مرة ثانية . .
أهم شي يكونون أهلها واقفين وياها والحرمة نفسها تطلع تسوي شي المهم
تشغل نفسها . . هذا اللي دوم أشوفه

لكن أعرف وحده لما شافت انه حياتها صعبة ويا زوجها وهي من أول ماتزوجت
حزينة وفمشاكل . . طلبت الطلاق مع انه عندها بنت منه . . لكن أبدا ماشفتها
زعلانه أو ويهها شاحب من الحزن بالعكس تحسينها مستانسة وتبا تعيش حياتها
مرة ثانية ! ما شا الله عليها هي قوية . . ما أثر فيها الطلاق ولا انكسرت . .

هذا اللي أعرفه عاد هل انتي تحسين انا بطلب الطلاق لكن فداخلي اتمنى
مايستوي هالشي كنت أبا أنا وزوجي نعيش ويا بعض ويانا عيالنا . . ؟
أو لمصلحتي أنفصل عنه الحين قبل لا اييب عيال أكثر ويكونون الضحية
الحياة سهلة وكل شي تغير أروم أعيش حياتي نفس قبل . . ؟

ماعرف كيف الوضع عندكم إذا نفسنا انتي شوفي نفسج بداخلج
هل مقتنعة بالانفصال واستخرتي ؟ انا ماحب أشجع حد بالانفصال
انتي براحتج وشوفي موضوع ولدج بعد

ربي يسعدج وايسر أمورج

 

[الأميرة جوري]

فكري توج بدايه الطريج يمكن يتعدل ...ابغض الحلال عند الله الطلاااااااق .....

 

[مشتاقه لعيونه ~]

استخيري ، والمفروض تحاولين تصلحين حاله وتحببينه فيج وعيوبه تصلحينها ..


عموماً انتي ابخص والله يوفقج ويسعدج

 

[نونه المنكوشه]

اذا انتي حييل متضرره وتعبانه اللزم ماعليج نفسج لكن اذا في منه رجااا وفي شغلات ثانيه اتغطي ع عيوبه تحملي بس بالنهايه صحتج ونفسج اهم من كل شي لاتخافين من طلاق وغيره محد حس فيج وانتي مقهوره ف لاتعبرين احد لكن مثل ماقتلج اذا في مجال للاصلاح حاولي والله يريح بالج ويختالج الخيره

 

[sona87]

بعد قلبي ربي يفرج همج

مثب ماقالوا البنات

استخيري

وذا لقيتي الموضوع ماتقدرنؤي تتحملين الزم ماعليج نفسج
والطلاق موعيب

لكن الناقصين عقل يفسرون انه المطلقه فيهاا عيب
ولا يقولون العيب من الريال

بالعكس المطلقه تقدر تعيش حياتها حالها حال البنات

لكن استخيري ورربي يفرجها عليج

 

[جوري الصالح]

اســـتخــيري
بخصـــوص الطــلاق يعتمــــد عـــلى نــــوع شخصـــيتك

 

[نسيم المحبة]

اول شي خل الاهل يتدخلون لحل المشكلة و استخيري
ترى ابغض الحلال عند الله هو الطلاق
و الطلاق بيضيع الاولاد
بس في حالة ان ما في امل ان يعتدل ريلج و تحسين ان حياتج وياه بتأثر ع مستقبلج و مستقبل اولادج تطلقي

 

[اذوب بكلامه]

والله الطلاق صعب بس اذا انتي ثلاث اسنين عايشه بمشاكل وحاولتي معاه بكل الطرق ومافاد استخيري قبل الطلاق
والله يكتب لك الي فيه خير

 

[merrynice]

والله في مثل انا مقتنعة فيه وهو نارك ولا جنة هلي
يااختي الم الوحدة تراه صعب حاولي تستحملين واحتسبيها عند الله وربج اكيد يصلح الحال انشالله وبعدين عندج طفل تخيلي باجر يصير بالمدرسة حاله مو مثل حال اللي عايشين مع امهم وابوهم وترة مافي بيت مافيه مشاكل من هالنوع وتقربي له وحببيه فيج اكو رجال يضربون حريمهم وسكيرين وغير هذا كثير وصابرات ومحتسبات والله يفرج هم الجميع دامه صايم مصلي اصبري عليه واقري له ايات الانفاق عسى الله يهديه
ارجو تسامحوني اذا في كلمات قاسية وبروني الذمة بس والله الطلاق شي صعب كثير ومو هين وهو ابغض الحلال عند الله اما اذا ماتامنين على نفسج وولدج معه تطلقي هو حل جعله الله لمثل هذه الحالات ولايهمج كلامي الفوق لان الله لن يتركك انشالله بسم الله الرحمن الرحيم وان تفرقا يغن الله كلا من سعته صدق الله العظيم

 

[المبدعة]

الله يكتب لج الخيرة في كل امورج

 

[بنت المهجر]

جزاكن الله خير خواتي و الله كلامكن بلسم بس الي مزعلني اني ما عاد احبه و خايفه اظلمه لا صرت ما اطيقه اسعد وقتي لمن يروح الشغل احاول قدر الامكان اتهرب من النوم معه اصلا هو من زمان ينام بالصاله يقول يرتاح بالصاله اكثر جنب لابتوبه و التلفزيون
يعني شفت ان حياتي معه مالها معنى كل يوم و الثاني مشاكل بسبب الصرف و ما يعطيتي مصروف تعرفو احنا النساء نحتاج مصروف جيبي و لو قليل ايش اقول اشياء كثيره ما لي نفس اتذكرها حتى تجعلني اكرهه
هل هذا سبب يخلي الله ما يغضب علي اذا طلبت الطلاق؟

 

[قاهره عذالي]

مافي وحده تطلق وهي تضحك

حتى لو كانت مقتنعه وراضيه بالطلاق ..

اهم شي انج مقتنعه بطلاقج ومرتاحه لهالقرار ..

 

[بنت المهجر]

بعد ما رجع من الشغل قبل ش ى وقع ورقه الطﻻف و جاء رماها في وجههي حسيت انه خنجر و غرسه بصدري اﻻن انا بغرفه النوم و هو بااصاله و الله ماني عارفه ايش اسوى

 

[قمرية الفيس]

صلي ركعتين ياقلبي وستودعي نفسج وبنتج وربج كريم
انت طلبتي منه الطلاق وهم هذا الشي جرحه بعد
بس ماعليج نام هذا ختيارج فكوني قد قرارج
وصدقيني ماراح يصيرلج الا الي الله كاتبه

 

[طريق السعاده]

كل شيء خيره الله يصبرك ويفرج همك ماعرف وش اقول بس اتمنى تكوني قويه وتتحملي قرارك

 

[Pinky -cat]

حبيبتي انتي مفروض ما تياسين بسرعة وترا ثلاث ارباع الحريم يعانون النقص العاطفي شي طبيعي بس البخل لا طبعا

شي لا يحتمل ، قرارج بيعود عليج وفكري عدل اذا للحين ما سويتي شي واستخيري

 

[أدعج غنج]

بعد ما رجع من الشغل قبل ش ى وقع ورقه الطﻻف و جاء رماها في وجههي حسيت انه خنجر و غرسه بصدري اﻻن انا بغرفه النوم و هو بااصاله و الله ماني عارفه ايش اسوى

الله يكون في عونج...وييسر امرج

لكن ردة فعله تدل على انه بااايع..واللي بهالبرود والجحود ماعليه حزن ...
العوض بربج الكريم القادر
خلج قويه...اذا شاريج رح يعدل من نفسه ويتفاهم معاج علشان ترجعون...غير جذي لا تضعفين وتنكسرين.خلج قويه .ذكية. قادره على تحمل قرارج