قررت خلاص

[المستبدة3]

تعبت من هالريال
بنات هو الحمدلله مصلي ةومسمي من هالنقطة انا مرتاحه الحمدلله ولاحول ولا قوة الا بالله

بس فيه نقاط كثرة اتعبتني معه
انا عندي بنوتة
يعني رسلس اذا جينا نسولف وجي مايطالعني
واذا رجع البيت كله طفشان وكله تعبان من الدوام
انا زهقت اذا جيت اسولف مايعبرني ومايشتهي يسولف كلش

تعبت منه
وغير الطبايخ اللي اسويها اطبخ ذبايح بعد والحمدلله
بس ريلي مايقوللي طبخي ولا يهتم احسه مو عاجبه طباخي مع اني اسئلة يقولي اي طبخج حلو وجي

اشوفه مايستغنى عن اكل بيت امه
واذا جا عندي قال مسوي ريجيم والله تعبت

وغير هالشيء من يومين رحنا شاليه انا وحريم حمواني 3
كل واحد مع مرته يتمشى الا انا قاعده مع خالتي امه مشكلة ودي بس ابيه من نفسه يقوللي تعاللي نتمشى

انا قررت اني ماعطيه وجه اسوي له فطوره وارتب البيت واغسل ملابسه وبس
ماراح احاجيه الين يتسنع
ابيه يحس ماكو فايدة

يابنات ابي الريال من نفسه يحس مو انا اذا قلت له اخاف يجاملني عرفتو كيف

 

[دلوعة صلوح]

شكلج مهتمة فى وايد ومعيشتة ملك طنشى شوى خلى يحس انج متغيرة عشان يتسنع شوى.

 

[ام يوسف2011]

حبيبتي الصراحه برايي انج تبادري يعني مثلا بموقف الشاليه تقدرين تمسكينه

من ايده وتقولين حبيبي بتمشى معاك ودي اعيد ايام الملجه

وطول ماانتوا تتمشون لاتنكدين عليه وتحنين وتسولفين وايد

خليه اهو يسولف بس انتي فتحي موضوع رمنسي يلوق بالموقف

وبعدين حبيبتي ترى جدا عااادي يمر الريال بفترت فتووور

خليه شوي علي راحتك لا تحنين ولا تطنقرين خليه شوي

والله يوفقكم ويهدي سركم ..

 

[توتا حمرا]

أكيد جافج معطتنه ويه وايد واغتر عليج
ثقلي عليه اشوي

 

[مناير ...!]

الله يسخره لج

 

[honey 2010]

اب اب اب

 

[فوفو22]

لاحظتج بس تركزين بكلامج على شغل البيت والطبخ

حتى بعد القرار ذكرتي نفس المواضيع

عزيزتي

الزوج يبي شخصيه حلوه يقعد معاها

مثقفه وثريه بمعلوماتها

تشاركه يومه وتسأله عن حاله مو اكله والطباخ

وزوجج محترم وذرب حيل بدليل انه لما يكون شبعان وانتي مشططه

يعتذر منك بطريقه غير مباشره انه

واذا جا عندي قال مسوي ريجيم

انا فهمتها بس انتي لللاسف ما فهمتيها

غيري من شخصيتج يتغير زوجج

خلي مجلسس عامل جذب له بعيد عن الطبخ وشغل البيت

فوفو

 

[غرور الريم]

الله يسخر لج اغلبيه الرياييل نفس ريلج وانتي بادري قوليله

 

[ام زهقانه]

الله يسخره لج يا رب لا قرارك خلط

 

[لولو كـاتي]

شوفي انتي تقولين انا بحاول اتجاهله وابيه يحس من نفسه

بعطيج نصيحه سواء ويا زوجج او اي شخص غالي عليج

اذا بدر منهم اي تصرف يضايقج لا تقولين بتركهم او اتجاهلهم لين مايحسوون بنفسهم

بتفكيرك ممكن تخسرين اشخاص غالين

لان مو كلهم راح يدورون وراك ومو كلهم تفكيرهم واحد كثير منهم بيقولون مغروره او منفسه او احد فار راسها علينا
او زعلانه من دون سبب تولي ومن هالتفكيرات

الشخص الغالي على قلبك لازم تحافظين عليه اذا انتي تحبينه فعلا وتبينه لازم تفكرين بقدر ماتقدرين انك تحافظين عليه

هو شدراه عن اللي بقلبك لازم تقولين له بكل هدوء وحنان وصوت هادي اهم شي بعيد عن الانفعال
طلعي كل اللي بقلبك ونصيحه لازم يكون هو فاضي مو وراه شغل او مضغوط علشان تخلصين كلامك بجلسه وحده
وابتعدي في اسلوبك عن التهجم وانه مقصر وتجحدين افعاله
حاولي مره تذكرين شي زين هو سواه قولي انا مانكر انك سويت كذا وكذا بالعكس امبسطت واشكريه
ومره قولي الشي اللي ضايقك في تصرفاته

وبس والله يوفقكم

وفي شي ثاني دايم لا تنتظرين من الرجال يبادر اذا جلستي تقولين كذا

صدقيني بتصير فجوه بينكم لان طبيعه الرجل ماتهمه عواطفه فعادي عندهم

لكن حنا يالحريم نتاثر لو اقل موقف نشوفه يهز عواطفنا ونتمنا رجالنا يسوون لنا

مافيها شي بادري انتي اكثر من مره لين يتعود عليك اصلا هو بيفقدك اذا انتي لهيتي عنه

,,
بقولج موقف صار وياي مثال يعني

كان زوجي يمر بظروف وانا عارفتها ومقدره وبنفس الوقت انا مريضه وطلعت من عند الدكتور مطمني بحالتي اني الحمدلله صرت زينه طبعا المرض اللي فيني الله يبعده عنكم مو هين

بس الحمدلله يارب

اللي حز بخاطري ماحسيت ان زوجي مبسوط رده فعلا جدا عاديه قالي زين الحمدلله على سلامتج بكل برود

انا حز بخاطري سكت فترره يوم جاء يمي بالبيت قلت ماهقيتها منك ماحس انك امبسطت لي ماضحكت ولا حتى حضنتي اي شي يحسسني انك مبسوط من نتايج العلاج

الحلو بالموضوع انه عرف شنو بداخلي ومره ثانيه لو صار شي يبادر بالاهتمام حتى لو مو من اول مره ثاني وثالث بس اهم شي مايصير فيه حواجز

واذا انتي خايفه من المجامله صدقيني المجامله ماتدوم يعني

اذا يجامل راح يبان لان ماحد يتحمل يجامل فتره طوله لكن من الظروري يعرف شنو فيج لاتخلين حواجز بينكم في شي بقلبج قوليه بهدوء بدون ازعاج والحاح

 

[OM BARAK]

لاحظتج بس تركزين بكلامج على شغل البيت والطبخ

حتى بعد القرار ذكرتي نفس المواضيع

عزيزتي

الزوج يبي شخصيه حلوه يقعد معاها

مثقفه وثريه بمعلوماتها

تشاركه يومه وتسأله عن حاله مو اكله والطباخ

وزوجج محترم وذرب حيل بدليل انه لما يكون شبعان وانتي مشططه

يعتذر منك بطريقه غير مباشره انه



انا فهمتها بس انتي لللاسف ما فهمتيها

غيري من شخصيتج يتغير زوجج

خلي مجلسس عامل جذب له بعيد عن الطبخ وشغل البيت

فوفو

نفس اللي بقوله بالضبط و حبيبتي عطي نفسج وقت ! يعني لا تحسسين الريال انه كل حياتج و انج مجرد زوجه و ام له و لعياله وناسيه انج انثى لج وقتج و لج راحتج.​

 

[roobee]

مادري حبيبتي ...بس شكلچ ملوله
يعني يمكن زوجچ يشوف فيچ زوجه فقط
واهوا يبي عشيقه او حبيبه
حاولي تغيرين من طبعچ
يعني خلي الطبخ اخر اهتماماتچ
شكل زوجچ مل منچ
يبي وحده تونسه وتهتم فيه من ناحيه
ثانيه مو طبخ ونفخ شخباااااري للحين تطبخين
ذبايح هههههه
اهتمي بنفسج وقوي شخصيتچ
وثقفي نفسج وحاولي تسولفين معاه بمواضيع
يحبها مثل رياضه او سياسه او بالدين
وخليچ خفيفه دم
وبسسسس

 

[| تفاصيل |]

الله يسخركم لبعض

 

[المستبدة3]

متاااااااااااابعه

 

[قطوووة]

شاركيه اهتماماته

 

[LADY~O$CAR]

الله يسخرلج ريلج ان شاء الله

 

[عبالي حبيبي]

الخوات ماقصروا

الله يسخركم لبعض يارب

 

[om MaRyooM]

محملة نفسج فوق طاقتج وفوق ماهو طالب منج

وهالشي غلط ..


نصيحة سوي واجبج وبس ..
طبخي اوكي بس مو شرط ذبايج !!

سوي الاكلات اللي يحبها وبس ..

وان كان على السوالف شوفي شاللي يحبه وسولفي معاه

وثقلي عليه شوي يمكن يحس ويبلش اهو اللي يسال !

وحاولي تغيرين من اهتماماتج شوي . . صدقيني بيتغير معاج


ولاتنسين الدعاء

وعسى الله يسخره لج انشالله

 

[Miss^NeozZ]

عايشه عشانه انتي شنو ؟

لاتطبخين له دام جي خل يروح ياكل عند امه :/ طنشيه طنشيه عيشي لنفسج بالاصح

 

[قل علها خيره]

آآآآآآآآآآآآآآآآآآآآآآآب