قررت اني اصبغ غرفه بنتي بنفسي:)

[الغــ مرت ــالي]

السلام عليكم

شلونكم كويتيات

بنات طبعا الحين حامل بالشهر الثامن وبعد شهر انشالله ارزق بإذن واحد احد ببنوته

وبغيت اصبغ غرفتها

وقررت اني اصبغها بروحي بديني شرايكم بنات تشجعوني ولا لا


وشنو الالوان الي تنصحوني احطها

ياريبت تشاركوني خبراتكم

وشنو حركات ممكن اسويها بالطوفه يالله لابتخلون علينا بآرائكم

 

[بشه المنفشه]

ريحة الصبغ مو قوية عليج ؟؟

خلي أحد يصبغ اللون الأساسي وإنتي كملي الديكورات اللي بخاطرج .. عن التعب والريحة

 

[حبنا الله عليه]

تدورين التعب الله يهداج خلي الصباغ يصبغها

وانتي الله يعينج على تجهيزات البيبي وغرفته .. وتقومين بالسلامه ان شاء الله

 

[Nawara]

في صبغ الجوثن مائي ومافي ريحة وتقدرين تمسحينه بماي إذا تخربطتي بس قبل لا ينشف طبعا

آنا أشجعج جربي منتي خسرانه وإذا ماعجبج يبي واحد يصبغلج عقب ..

نصيحتي ابتعدي عن الألوان البناتيه سوي شي يوني سيكس يمكن ربي يرزقج بأخو حقها عقب ..

ونبي نشوف الصور

 

[MaYoOoma]

انا كلش ما انصحج تصبغين الغرفه بروحج
انا جربت صج تعب مو شويه
خلي اي صباغ يصبغها لج وانتي سوي فيها حركات بس

الله يسهل عليج ان شاءالله

 

[فيلسوفة زماني]

وانا رايي مثل راي الاخت اللي فوقي
شلج بالتعب يا صديقتي الصدوقة
وانتي تكفين مو ناقصج تعب بروحه اللي فيج
مكفيج مو....
حطيلج صباغ يصبغلج وريحي روحج وانتي اشتغلي بالديكورات
وانشاء الله تولدين بالسلامة

 

[الغــ مرت ــالي]

مشكووووورين حبيباتي على نصايحكم الحلوهه

والله احس انكم مثل خواتي الا خواتي واكثر


بسمح نصيحتكم وايب صباغ وانشالله بعد مااخلص الغرفه بصورها واحط صورها

 

[Stylist]

يبي صباغ احسن او خلي ريلج يصبغها تعب عليج
وفي ستيكرات على ورود وفراشات تلقينها في محلات الديكور بحولي يعطون الغرفه منظر حلو وطفولي
والله يتمم عليج

 

[مخروووشة]

متل ما قالوا البنات اهتمي بالديكورات

 

[عروس الدنيا]

انت الحين بمرحله ممن الحمل ما تخليج تتحركين براحه
لو كنتي بالرابع يمكن اهون
الحين صعب
الافضل اتيبين صباغ ... لان بتحتاجين تصعدين السلم عشان تضبطين الطوفه من فوق
و بتجندسين عشان تضبطينها من تحت
انا اقول يبي صباغ اريح بوايد

 

[ام خالد 78]

شوفي محلات الديكور بحولي مقابل مجمع البحر سنتر عنده شغلات وايد حق غرف الاطفال وتينن

 

[الغــ مرت ــالي]

مشكورين بنات حبيباتي وااااااااي تهبلوووووون

 

[ام كتكوت]

عقب ماتصبغين الغرفة وتولدين بالسلامه وتطلعين من الاربعين بدعي فيها

مكتبه جرير خل تكون توجهج الاول والله يوفقج ويقومج بالسلامه انتي وبنيتج