قررت اقرا سورة البقرة كل يوم ساعدوني بتوقيتها

[Sara988]

السلام عليكم بنات

انا قررت اقرا كل يوم سورة البقرة لتيسير الحال والفرج ولكن ابي اعرف متى ينتهي اليوم للقراءة!!
يعني لازم اقراها واخلصها بين اي ساعة لأي ساعة في اليوم قبل ما ادش باليوم الثاني؟
هل يصير اقراها من 11 الصبح مثلا لي 12 بليل بشكل متقطع لانها طويلة وايد وتنحسبلي قراءة يوم!!؟
ساعدوني

 

[الجوهرا]

هلا حبيبتي انا كنت اقراها من ادري اني حامل لما يوم ولادتي اهم شي انج تقرينها قبل مايخلص اليوم اول شي كانت صعبه وبعدين قمت اخلصها بنص ساعه والله العظيم لوتسألني عن اي ايه فيها اقولج شنو رقم الايه وباي صفحه وكانت من احلى الايام اللي شفت فيها الراحه واللحين افكر اني اقراها والله يثبتج انشاالله ويزيل همج ويفرجها عليج وعلى كل مسلم يارب

 

[أم سم سوم]

وأنا بعد وياااج sara988

 

[أم سم سوم]

أب أب أب أب أب يالله بنات وينكم
الله يجزااااكم خير​

 

[زَهر تِشرينْ]

◈|❀|◈

أنا بعد أبي أكون معاكم ,,
الله يوفقنا جميعاً ويكتب لنا الخير
​

 

[ام الشهد راك]

فضل سُورةِ البَقرةْ

منْ دآومَ علىَ قِرآءتَہآ أتَحدآھْ إذآ لمْ يَحصُل علىَ مآ يريدھُ بآلضَبط وبآلكَيفيةِ آليّ يَتمنآهَآ ..
ربي سَوفَ يسُوق لھُ آلأقْدآر سَوقاً

أحْيآناً نَحنُ لآ نَعلمُ مَآذآ يَحصُل لنَآ?
ولكنَ ربي يَعلمْ ..
قَد تُصيبنآ عَين ، سِحر ، ونَحنُ لآ نَدريّ !!
وتَتعطل مَصآلحُنآ ، وكل هَذآ وعُمرنآ يَمضيّ

سُورةُ آلبَقرة هيّ آلحَل بإذن الرحمَن لِكُل ?

- مَہمُوم
- مَسحُور
- مَريّض
- من يُريد آلنَجآح
- منْ يريدُ آلسَعآدة
- من لمْ ينجِب
- منْ يريّد آلزَوآج
- من فَقد شيّء كآن يُميزھ

آبْدأ آلآنْ وآجني ثِمآرهَآ قَريّباً

قآل رسُول اللّہِ صَلىَ اللّہُ عليّھ وسَلمَ ? ( اقرَءوا سُورة البَقرة فإنَ أخذَها بَركة وتَركها حَسرة ولا تَستطيعُها البَطلة )
رَوآھُ مسْلم ..


بعد الفجر أقر الى أية 58
بعد الظهر أقر الى أية 118
بعد العصر أقر الى أية 176
بعد المغرب أقر الى أية 233
وبعد العشاء الى آخر السورة

وبهذا التقسيم تستطيع قراءة السوره.
گـــلْ يوم بيسر وسهوله

* آنْ أحبَبتَ سآهِم بآلنَشر ..
لعَل اللّہ يَفتحُ بصيرةِ شَخص يَحتآجُہآ بِشدةٍ فَيُضآعَفُ لك آلأجِر بإذن آللّہ .. O

 

[الغنج والدلع]

حبيبتي انا كنت اقراها ساعه كامله بعدين مع الوقت قمت اخلصها بنص ساعه والحمدلله صج راحه مابعدها راحه

 

[آعذرونيـۓ]

من زماان حاابه اقرااهاا وكل يووم اجل بكرة بكرة


الله ييزااهاا خير ام الشهد ماا قصرت بسووي اللي قاالت عليه

 

[Sara988]

مشكورين بنات على مروركم الكريم بس ماعرفت متى ينتهي اليوم ؟؟؟
يعني لو قريتها من 11 الصبح لي 11 بليل تنحسبلي قراءة؟ ام ان اليوم ينتهي مع صلاة المغرب؟؟؟

ساعدوني تطفون

 

[حــــــلآ]

برافو عليك قلبووو الله يثبتك ان شاءالله

نهاية اليوم مع المغرب ويبداء مساء الليله الجديده

 

[Sara988]

مشكورة اختي حلا
ولكن هل معقول ان اليوم الجديد يبدأ مساءا من بعد صلاة المغرب ؟؟

ساعدونا بنات تكفون

 

[لك الحمد ربي]

مافهمت !!
في حديث لفضل قراءة سورة البقرة بيوم ولا كيف يعني !!

 

[توت بارد]

الله يجزاك خيير معكم ..

 

[ana moo ana]

حبيبتي

اليوم الجديد يبداء من الساعه 12 am الــــى الساعه am 12 مره ثانيه

يعني لو قريتي بعد صلاه الفجر شوي والظهر شوي والعصر شوي والمغرب شوي والعشاء شوي وخلصتيها تكونين بكذا خلصتيها بيوم واحد

عــااادي بس اهم شي تخلصينها قبل ماتجي الساعه 12 باليل لان بعد 12 يبدى اليوم الجديد

انا جااوبتج بطرريقه تفهمينها لاني عررفت المقصوود من سؤاالج


انتي قسميها بعد كل صلاه اقري شوي منها

بعد كل صلاه اقري 10 صفحات

وهي عدد صفحاتها 49 صفحه

الفجر 10 صفحات
الظهر 10 صفحات
العصر 10 صفحاات
المغرب 10 صفحات
العشاء 9 صفحات

وبكذا تكونين خلصتيها كلها بيوم وااحد

واذا صعبه عليك هالطريقه

اقسميها جزئين 25 صفحه اقريها كامله

وارتاحي

والـ 24 صفحه البااقيه اقريها بااي وقت من نفس اليووم

اتمنى استفدتي من كلاامي ودعواتج لي ان الله يحق الي ببالي ياارب امين

 

[جلكسيه اس 3]

حلوه طريقة العشر صفحات بس انا اقول لو اتقسمون كل عشر صفحات الى خمسه و خمسه

يعني حزة الفير قبل الصلاى تقرون خمس صفحات و بعدها خمسه و كل صلاة مثل هالطريقه. راح يكون احسن و اخف
اشرايكم بالطريقه

و بسالكم بنات اشلون اذا بداوم عليها انا ودي بس في ايااام انكون طالعين فما يمدي. يعني عادي انطوف يوم او يومين ولا ما ينفع

 

[ana moo ana]

حلوه طريقة العشر صفحات بس انا اقول لو اتقسمون كل عشر صفحات الى خمسه و خمسه

يعني حزة الفير قبل الصلاى تقرون خمس صفحات و بعدها خمسه و كل صلاة مثل هالطريقه. راح يكون احسن و اخف
اشرايكم بالطريقه

و بسالكم بنات اشلون اذا بداوم عليها انا ودي بس في ايااام انكون طالعين فما يمدي. يعني عادي انطوف يوم او يومين ولا ما ينفع

حلووه بعد طرريقتج

وبالنسبه لسؤالج اذا بتطوفين يوم او يومين

انا اقولج لو انتي مريضه مثلا مزكمه وعليج حراره والطبيب وصف لج مضاد حيوي وقالج لازم تخلصينهم بـ 7 ايام

وانتي كليتيهم يومين وعقب طوفتي يومين وعقب رديتي كلتيهم وسرتي تقطعين بالعلاج مو مستمره عليه وحده بوحده ؟؟؟

راح يطول المررض عليج صح وماراح تطيبين بسررعه عكس لو التزمتي بكلام الدكتور وكليتي العلاج متواصل لمده سبع ايام راح تطيبين بسرعه

هذا القصد من المداومه على سوره البقره وقرائتها كل يوم

لان اهي علااج للعين والحسد والمس والسحر وغير جذي للزواج للرزق لتحقيق الاماني

واذا تبين فايدتها وبركتها لاتقطعينها خليج مستمره عليها يوم بيوم عشان يتحقق مراادج

حلووه سووره البقره ياليت ارجع اقراءها دعواتكم بنات :eh_s(17):

 

[' #sǎrǎh . . ']

بالتوفيق

 

[معزوفة عشق&]

ماظن فيه وقت محدد لقراءة القران او تحديد سورة ما
انا في البدايه كنت اقراها ع ثلاث ايام لظروف دراستي ماكان عندي وقت
بس بعد ماتعودت الحمد لله صرت يوميا وتشوفين العجب من تفريج الهموم يارب لك الحمد
الله يعينا ويثبتنا ع طاعته يارب

 

[Sara988]

بنات ساعدوني تكفون

 

[جلكسيه اس 3]

حبيبتي سارا معقوله ما فهمتي شي من كلام الردود و البنات ما قصرو معاج