قررت أشتري خط فواتير .. تنصحوني بالوطنية والاّ زيـــــــــــــــن ؟؟؟

[!! الواصليّـــــة !!]

السلام عليكم

..

ابي اعرف منكم ايهم احسن الوطنية والا زين ؟؟

مليت وانا اعبي كروت .. والمشكلة رصيدي مايخلص الا لما اكون فعلن محتاجته

ياكثر ماصارت فيني مواقف أوعد حالي اني خلاص بشتري فواتير عن الأحراج ويعدّي الموقف وانسى وعدي اللي وعدته ال حالي

..

يلّى بنااات بليز عطوني الأرخص ولو اني ادري ان ال2 نصابات وهات ياشفط _03BA:

..

دمتولي

 

[makhroosha]

والله تبين الصراحه ما انصحج والله بوق اشكرة حتى لو ما تحجين وايد و ما تسولفين تصك فاتورتج ال 40 50 !!! انا على سوالفي بالموبايل والله ما توصل ال 5 دنانير ما اسوووووووولف و اكثر شي مسجات في اسبوعين توصل فاتورتي 60 وانا توني دافعا !! :s انا زين من زمان و اظن انهم نفس الشي و زين مرتحتلهم :eh_s(1):

 

[maram90]

انصحج بالوطنيه سالي عن عرض اسمه هلا معاهم خطوط ذهبيييييييييييه مجانا و 200 دقيقه او اكثر مجانا كل شهر

انا اشتركت و مرتاحه معاهم حييل و رفيجاتي كلهم قلدوني

 

[Me SaRa]

طبعا زين .. الوطنية خدمتهم مو شي :\

 

[فرح العجرف]

والله مت من الفواتير ما اكلم احد وجعصه حييل<<<فتنت علي نفسي هههه


وتصك الفاتوره 40-60 علي شنو مادري مسجات 8 دك<<<وما اطرش لاحد ذبحت عمري سبع مسجات



مكالمات 15 دك محد دق علي وكله من البيت اتكلم؟؟؟

اشتراك 19 دك وعلي الطل اشتراكهم؟؟؟

وراح احول ايزي نهاية الشهر وافتك؟؟

واعبي رصيدي 30 دك احسن لي.....

خلج ايزي ابرك@@

 

[فطفط نجد]

انصحج بالكرووووووووووووت احلى انا جربتهم الاثنين ماااااريحوني بعدين اضطريت احول كرووووووووووووت

 

[سارونه87]

انا زين
خدمتهم عاديه وبتطلعلج فواتير من تحت الارض ماتدرين انتي تكلمتي ولا شسالفه خخخخ
شكلي بحول كروت

 

[عالي مستواها]

اقول ما طاح إلا انبطح ههههههههههههههههههههه

كلهن مثل بعض

اصبري على الشركة الثالثة مالت الإتصالات تطيح سوقهن

بس تبين نصيحتي خليج على الكروت على الأقل تعرفين وين يروح رصيدج إذا فواتير ينهبونج وإنتي ما تدرين .. وبعدين لا تخلين الرصيد يفضى من يوصل نص دينار عبي بالإنترنت او بالتلفون من البنك نفسه وخلاص

 

[~ miss NERD ~]

zain akeed

 

[!! الواصليّـــــة !!]

شكرن حبيباتي

انا نطرت الشركة ال3 بس مليت ماصارت !! والا ادري لي بطّلت بيصير التنافس من مصلحتنا هع هع ... ..

اين باقي الآراء ؟

 

[احبك-مووت]

زيــن نصابين وشفط اكثر من الوطنيه مجربه الاثنين والحين مرتاحه بالكروت وبدال الفلوس الي ينهبونها مني قااعده اشتري فيها اشياء تنفعني .. نصيحه لاتغلطين نفس غلطتي توصل فاتورتج 80 دينار وانتي مو متكلمه باكثر من 20 ..!!
لي متى يستغلونا والله حراميه خيولون ونطري الشركه الثالثه يمكن تكون احسن

 

[@ الحلوة @]

صح كلام الاخت عالى مستواها ما طاح الا انبطح

 

[!! الواصليّـــــة !!]

شكلي بهوّن بنات

كلامكم كلّش مايشجع ..

ياخوفي لاتطلع الشركة ال3 نفس التربية والأخلاق خخخخخخخ

 

[SparK]

انا و الله كنت كرووت و حولت فواتير .. وطنيه

وايد أحسن و أوفر !!

قبل بالكروت توصل مكالماتي عادي 100 بالشهر

الحين أقل بواايد يعني ان كثرت 60

طبعاً وايد انا لأنه اغلبهم مكالمات خارجيه


و لا تفكرين بـ زيييييين .. الوطنيه وايــد أحسن !!

 

[الملكيييية]

سوي طريقتي بعد ما نقرصت من الفواتير

اشتري الله يسلمج 5كروت وطنية ابو 2ونص واحطهم بسحاب البوووك
واعبي الكرت واذا طار بسرعه وماعندي شي ضروووووري طاف اطوف لي يومين ثلاثه اقزرها على استقبال مكالمات فقط

وعقبها اعبي الكرت الثاني اكون بالسوق او مضطره حيييييييييييل يكون موجود عندي
ورتحت حيييل بعد الطريقة هذي طبعا الطريقة فكرتها اخذتها من مدرسة مصرية ذكية جدا جدا ماشاءالله عليها
مو معنى انها بخيلة بس تحسب الفلس صح اللي هو طالع من عرق جبينها مو لاقيته طايح بالشارع

صدقيني لو نفكر تفكيررررها جان التجار والشركات ما استغلونا

 

[MaYoOoma]

صاجين ماطاح الا انبطح

بس هم الوطنيه اهون

 

[!! الواصليّـــــة !!]

الف شكر حبيباتي

الملكية .. احنا وين والمصاروة وين ؟ احنا نفكر باجر اش نلبس ؟ واهما يفكرون باجر شلون يجيبون فلس زياده !!!

مرة حطيت كرت في بوكي علبون اعرف اتصرف يعني !! جتني رسالة من اختي تبي تحويل جان اطرشه لها هههههههههههههه يمه فديتني مقطعني الكرم !!

..

طلب بنات


متى تبطل الشركة الجديدة ؟ ضروووووووووووووووري بعرف الله يخليكم

 

[walah]

انا اقول انج كطالبه تاخذين فواتير بس تحطين ليميت للفاتورة انا كنت اسوي جذي لانج ساعات تتوهقين وتقعدين تفترين تبين رصيد عشان بس تكلمين شوفي عروض زين حلوة وفي كروت فواتير تشترينها واجار الرقم ب3 دنانير ونص
هذا رايي وانشالله افدتج