قرب موعد تلقيحي أبي نصايحكم الله يرضى عليكم

[سمسومه]

السلام عليكم و رحمة الله و بركاته


حبيات قلبي أنا أعالج في مستشفى الصباح صارلي فتره بس وايد مواعيدهم الطول و تحاليلهم ... بعد ماسويت التحاليل كلها و السونارات والأشعه المصبغيه ... و كلها الحمدلله بفضل ربي سليمه و الحين قاعدين يعطوني كورس أبر و فولك أسد ومعطيني أقل جرعه من الأبر الحمدلله الحين لي أربع أيام من الأبر باقيلي يومين و بعدين عندي سونار أخير يشوفون حجم الرحم وعدد البويضات و بعدها يسولي التلقيح إن شالله ...


طيب سؤالي يا بنات أنا سويت تلقيح مرتين في الخاص وما ظبط


هل بعد التلقيح بحتاج إن ما أتحرك و أنام على ظهري و لا شنو أسوي و الله موعارفه لأن صارلي 6 سنين متزوجه و وكوراضين يسوولي طقل الأنبوب يقولون كل تحاليلي ممتازه أخاف من الحركه و الشغل فشل هالمرتين إلي سوتهم ؟؟؟

إلي سوت و ظبط معاها اتفيدني و ربي يوفقها دنيا و آخره قولي آمييييييييييييين !!!!!

و كل وحده ترفع موضوعي بدعوه حلوه منكم

:yaaaaaarb::yaaaaaarb::yaaaaaarb::yaaaaaarb::yaaaaaarb:

 

[رووحي لغاليها]

رد : قرب موعد تلقيحي أبي نصايحكم الله يرضى عليكم

الله يرزقج ياااارب

ولاتنسيم الاستغفارررر والدعاء والصدقة والاذكار

يارب لايخيب التعب

 

[woman81]

رد : قرب موعد تلقيحي أبي نصايحكم الله يرضى عليكم

الله يرزقج انشاااء الله حبيت استفسر انا مثلج عطوني ابر مونرال قوطي ابيض 75 مل انتي اي دكتور او دكتوره تعالجين ؟؟؟؟

 

[*ماي الورد*]

رد : قرب موعد تلقيحي أبي نصايحكم الله يرضى عليكم

عيشي حياتج عادي بس لا تتسبحين بماي حار حيل

 

[يا عيون سمي]

حبيبتي كثري الاستغفار واقري سوره البقره ولا تحاتين وريحي نفسيتج وتفائلي دااااائما


وعسى اللله يرزقج بالاحلى توام يااااااااااااااااارب

او لاتتحركين وااااااااااااااااااايد وغذي نفسج عدل

 

[iLLuMinaTion]

حبيبتي كثري الاستغفار

 

[خشف بدو]

حبيبتي كثري استغفار ..ولا تشيلين شي ثقيل ولا تحركين واجد....والله يرزقج ويرزقنا يارب

 

[شمووعه]

الله يرزقج يارب ويرزقني معاج
توكلي علي وحاولي تريحين نفسج كثر ماتقدرين

 

[شمووعه]

الله يرزقج يارب ويرزقني معاج
توكلي علي وحاولي تريحين نفسج كثر ماتقدرين

 

[صخر جلمود]

انا سويته من 12 يوم

رحت بيتي آهلي وحطيت لي فراش وما أتحرك واجد وما أصعد درج

حتى جماع ماكو

و أشرب اي بارد مبعده عن الحار

لآني أمي من قبل كانت مسويته وبسبتة الحركه ماثبت سقطت

عشان جذي انا خايفه ومريحه نفسي

واللي كاتبه ربي بيصير

وخلي الاستغفار بلسانج وتصدقي

اللهم لآتذرني فردآ وأنت خير الوارثين

 

[سمسومه]

يابعد قلبي للجميييييييييييييع

قولو آآآآآمين ربي يرزقنا كلنا الذريه الصالحه يارب إلي يقر عينكم فيها

يا حبيبات قلبي

ربي ما يحرمني من ردودكم الروعه

 

[سمسومه]

رد: رد : قرب موعد تلقيحي أبي نصايحكم الله يرضى عليكم

الله يرزقج انشاااء الله حبيت استفسر انا مثلج عطوني ابر مونرال قوطي ابيض 75 مل انتي اي دكتور او دكتوره تعالجين ؟؟؟؟

إي حبيبتي أنا نفسج معطيني هذي الأبر و نفس الكميه 75 مل

و لا صايره شطوره أنا أغو نفسي الأبر الحمدلله با قيلي أبرتين

دكتوري في الصباح أسمه عادل الصرعاوي خوش ريال والله

إنتي متى موعد تلقيحج ؟ و جم أبره عطوج ؟

قولي آآآآآآآآآآآآآآآآآآمين عسى الله ايسر أمرج و يرزقج من فضله و يرزقج بالبشاره الساره إلي تسعد قلبج يارب

 

[درة أهل الطولات]

رد : قرب موعد تلقيحي أبي نصايحكم الله يرضى عليكم

الله يفرح قلبج

 

[الزيـــــ^^ـــــن]

رد : قرب موعد تلقيحي أبي نصايحكم الله يرضى عليكم

الله يرزقج

 

[عــود كمــبودي]

الله يرزقج يااارب

 

[سمسومه]

آآآآآآآآآآآآآآآآآآآمين أجمعيييييين يارب يا حي يا قيوم

 

[passion.666]

يارب اتحملين بتوأم ياكريم
ريحي عمرج لاتبذلين مجهود
وان شاءالله اتحملين
لاحقه على الويه والشغل لازم ترتاحين

 

[kitty eyes]

الله يرزقج يا رب

 

[دمثة]

ثقي تماما ان رب العالمين مو ناسيج واهو الوحيد بيرزقج باذن الواحد احد يارب

كثري الاستغفار والصدقات

وعليج بقراءة سورة البقرة والمعوذات

 

[lovemyself]

انا ما سويت تلقيح انا سويت انابيب عزيزتى بس انتى سالى الدكتورة افضل اهى تعلمج بس بعد انتى اكلى عدل واهتمى بصحتج ولا تبذلين مجهود وايد واهتمى بصحتج النفسية حيل وخليج بذكر رب العالمين وادعى ان الله يرزقج واقرى قران على رحمج كل يوم من يسوونلج التلقيح واتكلى على الله