والله خوش موضوع....كوني في الميدان,,,
وانا دم ظروسي اشوف طالب في المدرسة يبجي....واي....قلبي يعورني
المهم...فكرتج وايد حلوة وعجبتني.....وايد وايد...اصلا راح تخلق روح الاحترام والانظباط...لكلا الطرفين المدرس والطالب...وفكرة رئيس مجلس اولياء الامور هم حلوة...يعني كلامج كله عدل×عدل
تدرين مع احترامي للكل يعني...بس الملاحظ جدا وحط تحت جدا خطين....@@
ان اللي يطقون الطلبة هم ((الوافدات))...مو كلهم حرام...بس الأغلب...وتلاقين لسانها بالصف..اللهم ياكافي....يكون يعني تربوية!!! حرام تطون بالمكان هذا....وجدام الأدارة....هي الشغولة العسل...اللي تحب اليهال....
مادري عن باقي المدارس...بس انا اللي شفته من خلال تجربتي 5سنين في المجال هذا...انهم مايتحملون شي...واعصاب..ولسانهم زفر
والله والله والله
اتذكر مرة كنت داشة احتياط....
قلت حق الصبيان...يلا...تبون نلعب؟؟ قالو اي...ولعبنا لعبة تكملة الجزء الناقس من القصة....يعني انااقول البداية واعطيهم المفتاح...وكل طالب اللي ايي دوره يقولي جزء ورفيجه...يكمل..واللي بعده...المهم....كانت القصة عن طالب كسلان...وكملنا كملنا..لما وصلت حق 10طالب...قالي""والأبلة قالتله....يا((قزمة)).. ""ياحيوان""....!!!"""
تدرون.....طقتني البوهة
سألته...منو يقول جذي...ترى عيب احنا في مدرسة ولا مو في مدرسة...عيب نقول جذي..!!
جان يقولي:::"عيل ليش ابلة العربي قالت جذي ذاك اليوم حقه..؟؟""
والله بعيت ادش داخل هدومي مفتشلة من الياهل اللي كان ب4ابتدائي
يعني الله يسامحها....
هذا غير ان في ابلة دين من نفس الجنسية....طاقة صبي...والصبي متعور...ووين طاقته؟؟ بمكان عمليته..!!!
ووووو...نمر في الممرات...نسمع صراخهم ليبرة....وقسما بالله مايهتمون لأي احد...
وتعالو في المناوبة...والله ان احنا نوقف....ونحاتي اي احد يتعور...وهم....ولاكأن في ابلة واقفة...واقفة بس عشان يشوفون الادارة انهاواقفة..بس ماقعدتأدي الواجب....
واي كلامج قلب فيني المواجع....
صحيح اني كارهة التدريس..بس مو لأن التدريس مو حلو....بس لأسباب أخرى....!!!!!! والله يعين الجميع....
ومع ذلك..............بدون مبالغة انالي شعبية بالمدرسة ان قلتلج 90% من الطلاب يحبوني!!! ماكون قاعدة ابالغ....
((((مداح نفسه)))))
هههههه
بس لأن ماعمري زفيت...ولاهنت...ولاجرحت...اي احد...واعامل كل طالب كفرد واحسسه ان مسؤول...ان غلط...
واحسسه ان ملك ان سوا شي صح....ارفع من شانه......والطق طريقة بدائية ماتييب نتيجة....بالعكس....اصلا النتايج تكون عكسية ألف بال%
وتنقلب ظد المعلمة
والصراخ بيظيد عنادهم
في وايد طرق لتهذيب الطالب المشاغب....في الصف....واولها ""الثواب والعقاب""....
او اني امسك الطالب المشاغب واعطيه مسؤولية اي شي اناابيه....مثال.....طالب عندي حركي جدا........اطقه؟؟؟ لأ
اخليه مثلا مسؤول عن نظافة الصف والترتيب....اقوله يا فلان انت اليوم مسؤول عن ترتيب الأدراج...وكل يوم قبل لاتصير حصتي ابي اشوف الأدراج صفتهم حلوة...والكراسي مرتبين....وراقب الطلاب اللي يقطون وصخ...انصحهم انهم يشيلون الوصخ من الأرظ..لأن أبلة فاطمة ماتحب جذي...واعطيه هالصلاحيات...""ان يكتب اسماء الطلاب الشياطين على ورقة...ولما ايي يعطيني اللستة""....
مثال ثاني...طالب عدواني...وايد يطق ربعه...اطقه؟؟؟؟......اكيد لأ.......
اسوي مسابقة في الصف......اللي يحافظ على الأدب والأخلاق في الصف خلال أسبوع...راح يحصل مني شي حلو.....""واعطيهم احساس التشويق""....وعقب ماسوي جذي...انادي الطالب العدواني...واقوله...بيني وبينه....اكيد انت حاب انك تفوز....""عشان اعزز ثقته بروحه""....اقوله حاول انك ماتطق احد كلش...لو انت معصب امسك نفسك وتذكر ان في هدية حلوة راح اييبها لك....وان سويت اللي اقولك عليه...صدقني ماراح انساك...راح اييبلك اللي تبيه....
وجذي...شوي شوي...الطلاب عندي يهدون ويصير في بينهم روح المنافسة الشريفة...والحصة تمشي من اروع مايكون....وحبيت اني اشارك بشي مفيد....
وماكو مشكلة الا ولها حل
ولو كل معلمة تحس ان كل ولد بالصف ولدها.....حسها في الأمومة هو اللي راح يدليها شلون تتعامل معاهم...
الا اذا هي كانت Bad Mom
انا ماعندي تعليق ثاني......
قرقت وايد....ومشكورة على اقتراحج
