قذف في الدوام

[blackcat2010]

السلام عليكم
خواتي انا وحدة اقذفت فيني بالدوام يعني تكلمت عني وتصارخ بصوت عالي عشان اسمع قالت لي مينونه رسمي جدام البنات وبصراخ و انا واجهتها جدام المراقب واعترفت وتضحك ضحكة استهزاء فانا ابي اعرف اذا رحت المخفر و رفعت قضية عليها شنو التعويض الي قانونيا اقدر اطلب منها يعني جم مبلغ يصير اطلب منها مع العلم هي مهندسة وراتبها بالعلالي مو قاصرها شي

 

[fatma A]

حقريها الحقران يقطع المصران

 

[كويتيه فرنسيه]

ههههههههه يحليلج تفكرين بالفلوس ياختج اهم شي توقفينها عند حدها اهم من الفلوس

وشخصيا ماتوقع تقدرين ترفعين قضيه لان مافي اثبات يعني كلام بكلام

 

[عاشقة الككاو]

ادري منقهرة منها

بس ممكن تتجاهلينا وتكونين جدامها قمة البرود وممكن تنبط جبدها زيادة منج لانها ما قدرت تخرب مزاجج
ولو حطيتيها براسج ممكن تستانس لانه الشي الي تبية صار ..


طلبي تحويل او نقل من القسم وعطيها طاف

وقولي حسبي الله ونعم الوكيل فيها
اكيد وحدة مريضة وماعندها ثقة بالنفس وادور مشاكل تبي الشهرة والهذرة

 

[عاشقة الككاو]

وموفقة يارب
وطمنينا عنج
.











.

 

[منيره آل ثاني]

تجاهليها بقدر ما تقدرين وجذي بترفعين ظغطها اكثر ودائما قولي حسبي الله ونعم الوكيل سيؤتينا الله من فظله انا الى الله راغبون​

 

[Shinexo]

بترفعين عليهآ قضيه عشآن تبين فلوس ؟ آلفلوس وصخ دنيآ ترى محد يقدر يعوضج عن سمعتج لو دفعتلج ملآين

 

[ماكواسم2]

حزتها جان مسحتي فيها الارض علشان ما اتعيدها ولا اتحسب روحها سوت شئ

 

[blackcat2010]

هلا بنات اسفه انشغلت مع المخافر انا ودي أدبها عشان تتعظ مو هامني بس اذا قالو لي تعويض جم اقدر اطلب منها و هذه الي تكلم عني في شاهد اعترف بالمخفر عنها و ما يقدر يغير اقواله

 

[blackcat2010]

انا مو هامني الفلوس بس اذا قالو لي تعويض جم اقدر اطلب منها لان تدرون الاهل ما يرضون بالمحاكم

 

[!الجادل الصعب!]

مادري استشيري محامي افضل

 

[بحر الرمال]

حسب علمي التعويض عن ضرر نفسي 5000 الاف دينار
و زين تسوين عشان تحطين لها حد, و هي مو سالفه فلوس بس عشان يكون لها رادع و كل ما تفكر تغلط عليج تدري انه وراها قضايا و بهذله

 

[dalo0oa121]

التدخلين نفسك بمتاهات قانونية

 

[مذهلة2013]

وايد ناس جذي لا اخلاق ولاشيء

حقريها

 

[ليليان ..]

_




ترا مو حل اذا بتقعدين تسحبين كل شخص يغلط عليك بالمخافر .!
اذا بتاجرين شي ثاني خخخ
اذا سوت كذا حبيبتي كوني باااااارده , ولا تناظرين فيها , وقولي هذي وش فيهآ تصيح .؟ جتها الولاده .!
هههههههههههههههه صدقيني رآح تموت قهر !!!!!!
ولا تعطين كل شي بمحمل الجديه , اشياء كثيره يستحق للشخص انه يتجاهلها ويستغبي فيها .!​

 

[عادت ذكرياتي]

قولي حسبي الله ونعم الوكيل وادعي إن الله يشغلها بنفسها

 

[جميله جدا]

ثلث ارباع حسن الخلق في التغافل

 

[Huda alotaibi]

للاسف صادفت عقول متخلفه وصغيره تحاول تكرهني بالمكان
وتهز وضعي الاجتماعي هي واشكالها لاكن المؤمن اقوى من المومن الضعيف
هذه اسمها صغائر امور اي قله وعي توافه الدوام يعني


كبري عقلج وعطيها طاف لان الحقران جدا جميل لمثل هؤلاء الحشرات
بس اذا تطاولت اكثر سوي لها كتاب او ضبط واحضار او اي قانون يهدد حياتها الاجتماعيه
انا صادفتني وحده تقدرون تقولون اهي مجنونه او فاقده الوعي بس شنو سويت انا

هدى بنت حمدان بن سعيد بن العتيبي​

ششششرشششحتها بطريقه ذكيه وكان القانون معاي وتم فصلها من محاكم وزاره العدل لسؤء اخلاقها وقله مستواها
والحين انا بكامل شخصيتي الاجتماعيه الكل يحترمني ويقدرني ولي هيبتي وكلمتي من كل فرد في محكمه الاحمدي
والحمد الله والشكر على ذكائي الاجتماعي الذي جعلني اتجاهل صغائر الامور الذين يحاولون ولا زالوا يخربون حياتي
لاكن حلم بليس بالجنه

 

[زوجة عزيز]

الحقران يقطع المصران الف مره انقول

 

[حمام شاقني فنه]

طقيها وخلاص مو لازم مخافر لوووووووووول ولله لاتدشين مخافر عشان ناس حثاله هالاشكال ماتسنعهم الا الطراقات