قد يكون تاخر الحمل من هالسبب تعالو يابنات .. الى كل وحده متاخره بالحمل

[نونو جين]

السلام عليكم ورحمة الله وبركاته

شلونكم ياكويتيات وغاليات ؟؟


حبياتي الغاليات ترى في دراسات وانا شفت حريم وعرفتهم وقالولي بنفسهم

انا لوبقول يابنات ان يمكن يكون خيره لكم وماتدرين يمكن هالولد او البنت قد تكون عاقه وتكرهج حياتج
يمكن موالكل يستوعب او يقتنع استغفر الله

بس بقولكم ان الي تبي تحمل وتاخرت بالحمل واهيه دايم تفكر في هالشي عمرها ماراح تحمل يابنات يابعد عيني
لازم تنسين هالموضوع عشان تحملين والله والله انه في وااااايد ماقدرو يحملون لانهم دايم يفكرون واول ماخلو التفكير حملو

اعرف وحده ماحملت سنتين
وبعدها انتقلت من بيتها ولهت والله مايتها الدوره في بيتها اليديد واحملت
انتو شوفو حتى ممكن يكون نفس من بيتج ا مكانج اقري قران
او لاتفكرين
وباذن الله تحملين
وهذا كلام دكاتره وكلام حريم مجربين
انا والله بعد ماحطيت هذاك الموضوع حبيت افيدكم لاني جد افكر فيكم ورحت وسألت وهذا الي طلعت فيه
ومثل ماانا تعبت عشانكم اتعبو عشان نفسكم ولهو نفسكم وسو الي قلتلكم


تحياتي للكل
نونوجين​

 

[محتارة]

صح كلامج ........ النفسيه تاث على الهرمونات وجذي ...

 

[بنت بلادي]

كلامج صحيح 100% واعرف ناس بعد جذي يوم وقفوا عن التفكير حملوا سبحان الله .... بس المشكله كل شي ابهالدنيه يذكرنا لو بننسى ما نقدر ومتى ما الله شاء بيرزقنا انشاء الله .... مرات اقول لو الوحده اتهاجر لديره ثانيه يمكن هالشي يخليها اتحمل لأن ما اتشوف ناس اتذكرها واتقولها فلانه حامل والا ليش ما حملتي والا اشصار عالعلاج.....والعلاج ابروحه يخلينا انفكر.

مشكوره حبيبتي عالموضوع ويزاج الله خير.

 

[-Bello-]

مشكوووره نونو جين وايد ياعمري..وهالشي مو بيد الوحده انها تمنع نفسها انها تفكر فيه هذا شي غصبن عليها يصير والله كريم

 

[جارة القمر]

مشكوووره نونو جين وايد ياعمري..وهالشي مو بيد الوحده انها تمنع نفسها انها تفكر فيه هذا شي غصبن عليها يصير والله كريم

نفس كلام البنوته

الوضع اللي حوالينج ما يخليج تنسين

الضغوطات والكلام

مشكووووره

 

[أحلى عيون]

فعلا والله كلامج صحيح 200% وهذا الشي صار معاي

سمعوا قصتي

تعرفون بنات ايام البر والفقع وتعرفون ايام الكشتات بصراحه قبلها كنت اتحلم بالحمال وماادري شنو يعني كنت كل يوم يمر علي ابكي ليما الصبح والله وكل يوم اقول يارب تزرقني مثل ما رزقت فلانه مثل ما رزقت علانه

وبعدها قطعت على نفسي اني اسوي رجيم لانه كان وزني وايد متينه وبعدين طلعنا للبر كشتات ووناسه مع بنات عمي وعقبها نزلت تقريبا 15 كيلووو وبعدين رحت للمستشفى وسويت عمليه التلقيح الصناعي وانا ما كنت راضيه يعني اجباري علي من زوجي تخيلوا بر وكشتات ووناسه رحت سبحان الله سويت العمليه وانا عادي عندي ورجعنا مره ثانيه للبر وقعدت اناقز مع البنات والعب حجلا (لوووووووول) والعب وكانت بنت عمي تقولي شفيج يمكن حامل او شي قعدت اضحك عليها اقول لها والله مصدقه اني احمل وعقبها سبحان الله نروح للسعوديه ونركض وندور على الفقع ومنو الي ياخذه قبل والله يا بنات نسيت شي اسمه حمل

واثري انا حامل لي خمس ايام واتوحم على البفك الكتكو وانا ماادري عن نفسي

واخر شي اتصلوا فيني المستشفي يقولون لي يوم التحليل ويااحليلها السستر السوريه تقولي صار على موعد التحيل تخيلوا بنات والله 5 ايام وانا ماادري وبعدين قالت لي والله انك حامل والله يا بنات انا نايمه على الفراش واقول لها لا ماابي احلل كل مره انصدم ابي يمر على التحليل شهر تضحك علي ويسمعني زوجي ويقولي الحين نروح نحلل ونروح احلل ونطلع وبعدين تخرب علينا سياره زوجي ونروح للكراج وتعرفون التاير لي بنجر يرفعون السياره وانا داخل ويرفعها وينزلها حيل عادي وانا ماادي اني حامل

وعقبها اتصل علينا المختبر يبشرنا وانا بالسياره واشوف زوجي بره يضحك ومستانس ويوم دخل علي بالسياره يحبني ويقولي الف الف الف مبروك يا غاليه عاد تعالوا سمعني الصراخ والبجي واربع شهور ما علمت احد ولله الحمد الله ثبت حملي ورزقني ببنتي


ادري قلت لكم قصه حياتي بس ابي اقول لكل وحده تبي تحمل تنسى فكره الحمال وتسلي نفسها بكل شي والله يرزقها يارب

 

[bnt q8 in usa]

فعلا الغده النخاميه تلعب دور بالحمال لكن مو بيد الوحده ماتفكر حتي لونسيتي ييونج هالفضولين ويغثونج

الله يرزق كل محرومه يارب هو السميع العليم

 

[غدو السعوديه]

غاليتي نونو جين

كلامك صحيح وهذي الحقيقه ولكن وين نروح من ها الموضوع اللي عايش فينا

كل دقيقه مو كل يوم ....بس رب العباد كريم يرزقنا أنشاء الله ,,,,,,,,,

غدو

 

[كويتية أصيلة]

سبحان الله الشي نفسي وكلامج عدل

بصراحه انا وضعي شوي مختلف

انا ما ابي احمل وحيل خايفه من هالشي ان يصير الحين .. لكن والله العظيم ما اخذت شي ولا سويت شي .. وعلى اعصابي في كل مره .. .. وما حملت .. لان النفسيه تلعب دور مهم

الحمدلله رب العالمين اهو ادرى بعباده واهو عارف الرزق متى ايي
الف الحمدلله رب العالمين على كل حال

الله يرزق كل من يبي يحمل ان شاء الله

 

[نونو جين]

حياكم الله كلكم من دون استثناء
والله يرزق كل محروم يارب

زهرة الربيع يارب يخليلج بنيتج ويحفظها ويهديها يارب

ويرزق كل محرومه من الذريه ذريه صالحه تفرحها وتفرح نظرتها يارب

تحياتي لكم
شرفني تواجدكم​

 

[نونو جين]

حياكم الله كلكم من دون استثناء
والله يرزق كل محروم يارب

زهرة الربيع يارب يخليلج بنيتج ويحفظها ويهديها يارب

ويرزق كل محرومه من الذريه ذريه صالحه تفرحها وتفرح نظرتها يارب

تحياتي لكم
شرفني تواجدكم​

 

[نونو جين]

استغفر الله استغفر الله استغفر الله استغفر الله
اكثرووو من الاستغفار

وادعو حق بعض ترى دعاء المسلم للمسلم بظهر الغيب مستجاب

الله يرزقكم يااااااااااااااارب ​

 

[لازوردي]

مشكوره حبيبتي على الموضوع الحلو وفعلا كلامج صح النفسيه تأثر على الحمل بدرجه كبيره و ياكرهي اللي يقولون ها ماكو شي مو حامل ها مافي شي بالطريج استغفر الله شي يقهر انا قبل لا احمل ما كنت احب الزواره و السبه هالسؤال صج كريه و يحسس الوحده بالعجز و يتعب النفسيه اكثر من ما اهي تعبانه الله يعينكم لأني صج مريت بنفس ضروفكم و بنفس هالأسأله بس الحمد الله الله انعم علي ورزقني بولدي الله يخليه لي انشالله و انشالله ربي يرزقكم بالذريه الصالحه يارب و الله يا بنات اني لما كنت حامل و لما كنت اطلق اني كنت وايد ادعي لكم و دعيت انشالله ربي يرزق بنات المنتدى ويرزق كل محرومه بالذريه الصالحه و ليلحين ادعي لكم و انشالله قريب نفرح فيكم يارب

 

[AL Aristocraticya]

ياااااااااااااااارب يرزق كل محرووووووووووومه ويرزقني و يرزقكم بالضنى الصالح باقرب وقت يااااارب العالمين

 

[نونو جين]

مشكوره حبيبتي على الموضوع الحلو وفعلا كلامج صح النفسيه تأثر على الحمل بدرجه كبيره و ياكرهي اللي يقولون ها ماكو شي مو حامل ها مافي شي بالطريج استغفر الله شي يقهر انا قبل لا احمل ما كنت احب الزواره و السبه هالسؤال صج كريه و يحسس الوحده بالعجز و يتعب النفسيه اكثر من ما اهي تعبانه الله يعينكم لأني صج مريت بنفس ضروفكم و بنفس هالأسأله بس الحمد الله الله انعم علي ورزقني بولدي الله يخليه لي انشالله و انشالله ربي يرزقكم بالذريه الصالحه يارب و الله يا بنات اني لما كنت حامل و لما كنت اطلق اني كنت وايد ادعي لكم و دعيت انشالله ربي يرزق بنات المنتدى ويرزق كل محرومه بالذريه الصالحه و ليلحين ادعي لكم و انشالله قريب نفرح فيكم يارب

يابعد عمري والله ماقصرتي
امين الله يرزق كل محروم يارب

وترى لما يسألون بس جذي خبال لاتردون عليهم يعني اذا مو من صج وتحبج وودها تفرح بخبر انج حامل
احقروهم ولايهمونكم
وخاصه بهالشي مايتشمت الواحد لانه من الله لو منو كانت لو عدوتي لانه حوبتها قويه وجايده

تحياتي لج
شرفني تواجدج واسعدني كلامج ​

 

[نونو جين]

ياااااااااااااااارب يرزق كل محرووووووووووومه ويرزقني و يرزقكم بالضنى الصالح باقرب وقت يااااارب العالمين

امين يارب أسأل الله الكريم رب العرش العظيم ان يرزقج ويرزق كل من يبي الضنى يااااااااااااااااارب

تحياتي لج
شرفني تواجدج​

 

[الريشة]

انا ودي ما افكر بهالموضوع بس ما أقدر ، لأنه .... يا أما الناس كل ساع يسألوني أو ألاحظهم بنظراتهم إني لما أمشي جدامهم يقعدون يطالعون بطني ، أو أكون ماشية بالسوق او الجمعية و أشوف جدامي وحدة حامل ....فغصبٍ علي اقعد افكر و أسرح بالموضوع.
اعرف وحدة كانت تفكر بالحمل بس همن حملت عادي ...لأنه كل شيء مكتوب و الله.
اللهم ارزقنا الذرية الصالحة و الطبيعية آمين.
" ربنا هب لنا من أزواجنا و ذرياتنا قرة أعين و اجعلنا للمتقين إماماً"

 

[فن وذوق]

والله صاجه اختي الريشه .. حتى لو نسيتي او تناسيتي ماكو لازم في شي يذكرج

بس والله قاعده افكر بهالموضوع بجد وودي اشغل نفسي بشي يخليني ما افكر على الاقل عشان ما تتعب نفسيتي بآخر الشهر لما الحلوة تنزل والا تتأخر

 

[نونو جين]

ياحبايب قلبي
ريشه وفن وذوق

تحياتي لكم
وعسا الله ان شاء الله يفرحنا بخبر حمالكم يارب
شرفني تواجدكم​

 

[love love]

شكراً