قدمت أستقالتي ومحتاجه مشوره

[يالله الخيرهـ]

السلام عليكم خواتي الحبيبات قصتي بختصار قدمت أستقالتي من أربع سنوات

وخدمة 5 سنوات سبب أستقالتي لايخفى عليكم التعب والكراف اللي ماينتهي

واللحين محتاجه مشورتكم احس ماعدت اسمع شكوى هل تغيرت متاعب معلمة الرياض

هل قل الشقى وهل وظيفتكم لالحين تلحقج للبيت وبره البيت لالحين ابتكري ابدعي اخترعي

وحياتكم كله مكتبات بمكتبات تكفوووون نصيحه الكل يقول حرام لازم ترجعين وانا مونادمه

وحاسه لو كل شي يطور مهنه معلمة الرياض ماتتغير كرااااااااااااااف بكراااااف :bbbiu:

السؤال لكم وامانه جواب بأمانه :eh_s(2):

 

[اشلون يعني &]

ماتغير شيء
نفس الكراف ونفس التعب
وبعض الروضات طبقوا المنهج الجديد ويشتكون
منه
عندج مركز رعايه الامومه بالعمريه
يقبلون رياض الاطفال مريح. مافي كراف

 

[يالله الخيرهـ]

الله يجزاج خير على النصيحه

 

[بعيني اشتياقي]

نفس الشي كله مكتبات بمكتبات وابتكارات ومو شي جديد رياض الاطفال جذي من عمر من قبل لا اشتغل واسمع هالكلمه من الابلات بس كل وحده وحسب شغلها في ناس مايتعبون نفسهم وناس يشدون حيلهم

 

[Angel_store]

اب اب اب

 

[MshMshya]

لوووووووووووووووعة جبد ليلحين وشروطهم اللي ماتخلص

ويبون افكار من الفضاء والمريخ عشان تعجبينهم ...

والله المهنه سهله وتهبل وحلوه وممتعه مع الأطفال

بس مادري ليش مصعبينها مادري عيالنا بيطلعون عباقرع وانه مادري ... !!!

 

[nero]

الكراف يزيد ما يقل

 

[terenaam]

يا اختي على حسب الروضة اخذيها مني في روضات وااايد ما يعترفون بشي اسمه لاصفي

فتوكلي على الله و طنشي و ارجعي للتدريس و اختاري روضة سهالات و اذا على الموجهه قدمي اللي عليج

باسلوب حلو و التزمي بالحضو و مستحيل يعطونج اقل من جيد جدا

بالنسبة للكراف انتي سوي اللي عليج و لا تزيدين و اذا قالوا شي اسمعي و طنشي ,

اهم شي انج تقدمين الحلقة بشروطها العادية اللي اهي :

( منبه - تحقيق الاهداف - العاب عادية - تعذية راجعه )

و اما الاصفيات اختاري اللي يريحج ،

انا اختار ( عروض لان اسهل و ما يكلفني شي و مرات قصة )

و التعليقات اسمعي و طنشي منهم ,,

 

[يالله الخيرهـ]

الله يجزاكم خير يارب على نصايحكم

terenaam كلامج شجعني بتوكل على الله واستخير والله يارب

يكتب اللي فيه الخير

 

[مس عسولة]

الله الخيره كوني معلمه روضه
صج في تعب بس معقول وللامانه بقولج شي كل وحده تذمر الي موعاجبها الرياضيات وتصحيح ودفاتر
والي مو عاجبها العربي والشرح وووو
اما الروضه عشان اكون ايجابيه لان اكثر الناس صاروا سلبين صج في شغل بس هين العاب ومنبه وبس
اما الصفي اختاري الابسط والاصفي يتراوالي ثابت
وشوفي رياض فيها ابلتين
والنظام اليديد احنا عندنا بروضتنا احتمااااال كبير يتكنسل

 

[lolowawa1234]

ردي لوظيفتج .. التعب اهو التعب بروضه والا مدرسه والا غيره

كل من عنده هم


مالج شغل بحجي احد لج شغل بحلقتج وتحقيق اهدافج فقط
والانتقادات طوفي

الحياة كلها لازم تطوفين


وضحكة الاطفال والقعده معاهم تسوئ الدنيا ومافيها

 

[شباصه ريش]

خطوه جريئه منج بس لمصلحتج اهنيج عليها انت عرفتي طريجج من الاول مو انا راح عمري والحين مو عارفه اطلع منها
الصراحه اصبح رياض الاطفال كريه حيل ومتعب لابعد حد ومافي اشراف يخلص عمرج وانتي معلمه لا والحين صار اصعب من اول ولاتقدرين تكشتين وماتقدمين راح تسمعين حجي وزف علي شنو يبا نصيحتي ا\ا خاطرج بالشغل دوري لج مكان مريح غير مهنة الشقا والكراااااف

 

[الوميض]

وأنا بعد بفكر بالإستقاله لأن تعب وماكو تقدير أعصابي تحترق بالعمل بحاول أهدى بس ماأقدر ساعات أقول قعدة البيت وأجابل أمى وأبوى وأشتغل بالنت أسوى دروس للمعلمات واتعلم جم طبخه وأطبخ أبرك لى من هلهم​

 

[ليدي غاده]

ما انصحج ترجعين للتدريس
وانا بخاطري استقيل
هم ما يخلص
الحين الجامعي وصل راتبه الاداري تقريب 900 ادا مو اكثر ببعض الوزارات

 

[أميرة 22]

اخذي دورات خاصه وحاولي تشتغلين باي وزارة او منطقة تعليمية

لأنج ما تنلامين دوام رياض اطفال او مدارس مرض نفسي صراحه

 

[بيلسسان]

تدرين وين تروحين .!!
الاوقاف "السراج المنير"
اعرف وحده تخصصها رياض اطفال وهي بالسراج المنير
دوامها من 4 الى 7ونص
ورااااااااااحه
لها حصه بالاسبوع

بس دوريلج واااااااااااااااااااااسطه قويه قويه قويه


ونصيحه اذا عيالج كبار بالمدراس لاتروحين دوام عصصصر
بس حبيت اقولج عن السراج

 

[درة أهل الطولات]

ماعليها حسافة

 

[ريومة~]

حرام عليكم ليش تحبطون البنت ؟

حبيبتي إذا عالكراف ترى الدنيا ماهي خالية

أنا معاج إن الروضة كرف × كرف

بس صدقيني على حسب الروضة والإدارة

أنا شخصيا فكرت أحول إدارية من أول سنة
بس مالقيت واسطة

ياحبيبتي الحياة مستلزماتها صعبة ومتطلباتها واجد

ولازم توفرين لج ولعيالج الحياة الكريمة والمناسبة بالتعاون مع الزوج

يالله قوليلي . الحين بتفصلين بدلة
بذمتج بجم الأسعار ؟

تبين وتبين وتبين ...........إلخ


ما يرزّج إلا وظيفتج



عيشي بــإذن من طين وإذن من عجين وطنشي


معاشج ماشي ماشي


ودوريلج روضة مرييييحة ومافيها كراف وبالتوفيق