قدمتوا على المناطق اليديده ؟نصحوني

[brettey]

اشلونكم يابنات
حبيبت اسألكم عن موضوع المناطق السكنيه اليديده حق الي متزوجين من سنه 1997 -2006 قدمتوا عليها ؟ وشتنصحوني اخذ ولا لا ؟
المشكله ان المناطق بعيده جابر الاحمد صوب امغره وهي اقرب شي والخيران وعريفجان والوفره والله محتاره شوروا علي ؟ البنات الي بالدوام قالوا لي اخذي ضمني لج بيت مادري شنو اتشورون علي ؟

 

[brettey]

مشاركة: قدمتوا على المناطق اليديده ؟نصحوني

اشدعوه 7 يدخلون ولا اكو رد

 

[أم الغلا والزين]

مشاركة: قدمتوا على المناطق اليديده ؟نصحوني

انا مثلج متوهقة

 

[al0thuraya0n]

مشاركة: قدمتوا على المناطق اليديده ؟نصحوني

اخذى احسن لج من ولا شي

 

[سارا ديور]

مشاركة: قدمتوا على المناطق اليديده ؟نصحوني

حما إختي مهندس ويمدح مدينة سعد العبدالله

 

[نورالدنيا***]

مشاركة: قدمتوا على المناطق اليديده ؟نصحوني

احنا شهر سته دورنا صج انه المناطق اتضيق الخلق بس ايقولون فيه جسور جديده تختصر المسافات شوفي انصحج بجابرالاحمد

 

[brettey]

مشاركة: قدمتوا على المناطق اليديده ؟نصحوني

مشكورين وايد على ردودكم انا سمعت ان اقرب شي مدينه جابر ومقابلها مدينه سعد موقعهم بين الدوحه والجهرا انا بتوكل على الله وبنختار انا وزوجي مدينه جابر واذا ماحصلنا مدينه سعد حتى لو ناخذ البيت ونأجره عشان نأجر بالديره امس زوجي راح المقر الي بجنوب السره وكان زحمه وقالوا له تعال يوم ثاني وحماتي بتختار بالخيران فكه منها وفي مدينه صباح صوب المطلاع او الوفره يمدحونها بس باخر الدنيا

 

[Queen-q8]

مشاركة: قدمتوا على المناطق اليديده ؟نصحوني

بصراحة ضيقوا خلوقنا على هالبعد


يبا احنا الشعب الكويتي مو مثل الباجي مو متعودين على البعد ومهما سنعوا بالمناطق الخارجية ما تصير نفس الديرة

ارض الله واسعة وفي اماكن وايدة اقرب من المناطق اللي مختارينها ...


بصراحة افضل شيء جابر الاحمد ويمكن سعد العبدالله بس همن بعاد حدهم ....


وبعدين نفرض الواحد اختار وفكر يشتري بيت قبل المدة شلوووون ؟؟؟

 

[خبيرة اعشاب]

مشاركة: قدمتوا على المناطق اليديده ؟نصحوني

اي و الله اضمني بيت لج ..

و ممكن اتسوين لج شقتين فوق و اتاجرينهم ...و بعد 5 او 7 سنين تكوني جمعتي لج مبلغ ..و بيعوا البيت و اشتري بالمكان اللي تبين

بس اهم شي لا توهقون نفسكم بالقروض عشان البنيان

 

[jolie_q8]

مشاركة: قدمتوا على المناطق اليديده ؟نصحوني

تم نقله للقسم المختص

 

[brettey]

مشاركة: قدمتوا على المناطق اليديده ؟نصحوني

لا والله احنا بنختار بيت حكومي المهم ان يكون عندي بيت انا وزوجي مانقدر على القسيمه

 

[nono78]

مشاركة: قدمتوا على المناطق اليديده ؟نصحوني

مثلج ماندري وين ناخذ بس اخوي الصغير وعيال اخوي

ينصحوني اخذ بالخيران >>>>>>>> شوفوا منو ينصحني على اخر عمري

يبون يستانسون يوووون الخيران هع هع هع

 

[سبائك]

مشاركة: قدمتوا على المناطق اليديده ؟نصحوني

آنا بعد شكلي بروح الخيران واهلي أيون عندي أربعا وخميس ويمعه

وأحسن فكه من المواجيب واللويه خخخخخخخخخخخخخخخخخخخخخ

 

[nono78]

مشاركة: قدمتوا على المناطق اليديده ؟نصحوني

يقولكم روح بعيد وارجع سالم


احسن كل مابعدنا احسن



احسن كل خميس ويمعه رايحين البحرين ولا الخبر قراب علينا وناسه

 

[lolo77]

مشاركة: قدمتوا على المناطق اليديده ؟نصحوني

هاهاها
والله الخيران فكرنا فيها بس وايد بعيد

احنا يمكن نختار عريفجان (صباح الاحمد)
والله اعلم

 

[جكورة]

مشاركة: قدمتوا على المناطق اليديده ؟نصحوني

إحنا إن شاء الله ( صباح الأحمد ) عريفجان ... العوض وإلا القطيعه......

الكويت نفرها كلها بساعه الحمدلله أحسن من غيرنــــا ....

بعدين بأجر البيت جم سنه لحد ماتسكن المنطقه وتتوفر الخدمات بعدين أسكن فيهــــا..

 

[عذاري1976]

مشاركة: قدمتوا على المناطق اليديده ؟نصحوني

واله احترنا بس الي ما يبقص يروح يرقص مالنا الا هالمناطق علي انا لو عند الحدود عادي المهم بيت روحي قدمي والله يوفقنا جميعا
الا اذا لقيت كنز وشريتلي بيت داخل ماني مقدمه

 

[ام الكتكوته]

مشاركة: قدمتوا على المناطق اليديده ؟نصحوني

بنات حبيت اسألكم مدينة صباح اهي الي ورا ام الهيمان

يعني ماراح يحوشنا التلوث الي يحوش ام الهيمان

لان ان شاء الله انا بقدم فيها

 

[أغلى حبيبه]

مشاركة: قدمتوا على المناطق اليديده ؟نصحوني

إحنا إن شاء الله ( صباح الأحمد ) عريفجان

مدينه صباح مو ورا ام الهيمان

بين الصباحيه وام الهيمان

 

[طير الحب]

مشاركة: قدمتوا على المناطق اليديده ؟نصحوني

جابر الاحمد ويمكن سعد العبدالله