قدر الله وما شاء فعل

[ام مريووومة]

السلام عليكم بنات

شلونكم عساكم بخير


الله يهون عليكم يا حوامل ويتمم عليكم يااااارب

من كم يوم رحت المواساة ابي اطمن على البيبي انا توني داشة الثالث وكنت حيل مستانسة بالحمل وادش عند الدكتورة وكانت الصدمة الكبرى يا بنات قالتلي مااااااااكو نبض يعني البيبي ماااااااات:eh_s(11)::eh_s(11)::eh_s(11)::eh_s(11)::eh_s(11)::eh_s(11):


صدمة يا بنات الله لا يوريه حق احد فجأة وقف نبض البيبي ليش ما ادري بس اللي اقدر اقوله قدر الله وما شاء فعل وعساها خيرة بس نفسيتي وايد تعبانة وقاعدة الوم نفسي اقول يمكن ما اهتميت بنفسي برمضان ومرات وايد ما اتسحر يمكن اثر على البيبي و يمكن عين ما صلت على النبي بس الحمد الله على كل حال


المهم يا بنات انا رحت للدكتورة اميرة بهبهاني عشان اتأكد مرة ثانية واكدتلي نفس الكلام بس قلت لها اني ما ابي تنظيفات قالت ممكن اعطيج ابر وحبوب تنزل البيبي بس تنطرين لين كرمكم الله ينزل دم وسالتها اذا اخذ دارسين او اعشاب عشان تنزل الدم وينزل البيبي قالتلي لا تاخذين شي

انتو شرايكم بنات اللي عندهم خبرة هل اظل ناطرة من غير ما اخذ شي
ودي اخلص بسرعة لان تدرون البيبي مات يعني موزين يطول بجسمي

ابي نصايكم ودعواتكم

 

[Ԏỡґἰᾷ]

حبيبي ربي يعوضج
انا توني مجهضة !!
ورفيجتي صار معاها نفسج وما اجهدت نفسها كلش
حبيبتي هذا الي ربي كاتبه
وربي يرزقج بالذرية الصالحة
وانصحج سوي تنضيفات وتنفسي عدل
وان شاء الله الشهر الجاي تبشرينا بحمآلتج

 

[حرمه المصون]

الله يعوض عليج ويرزقج الذرية الصالحه

 

[shak!shoka]

سمعي كلام دكتورتج ولا تاخذين شي

اذا صج ميت راح ينزل بروحه


مو يمكن يكون في روح ما تدرين ؟

صبري و عطي نفسج فجه و اهوا ينزل بروحه


الله يعوضج

 

[Ԏỡґἰᾷ]

لا مو زين
تو وحدة من الاخوات بالمنتدى
قالت مابي تنظيفات وبغت تموت
اذا كان توه ابو شهر ينزل بروحة
بس انتي عندج مشيمة الحين
تسبب لج تسمم ودام ماكوا نبض خلاص
ربي يعوضج

 

[ام مريووومة]

الله يجزاكم خير يا بنات
صج انكم تنحطون على الجرح يبرى
عسى ربي يوفقكم ويسعدكم
الدكتورة قالتلي نقدر ننطر عليج شهر تقول اكيد راح ينزل عليج دم نطري والابر والحبوب تسوي نفس مفعول التنظيفات يعني راح تنظف الرحم
بس انا حدى مستعجلة ينزل البيبي خاصة بعد ما سويت 3 سونارات كلها اكدتلي ان البيبي مات

 

[souhaila]

الله يعوض عليج ويرزقج الذرية الصالحه

 

[ابدا يالغالي مانساك]

ربي يعوضج خير يابنت وذكري ربج وليش نفسيتج تعبانه هذا امر ربج والحمدلله لله مأخذ وله ماعطي وأمره بين الكاف والنون وهذي قدرته سبحانه مكتب الارواح تعوذي من الشيطان وبيعوضج بغيره ان شالله ولاتحطي ببالج تقولي مهتميت بنفسي ولا عين ماصلت هذا شي مكتوب من رب العباد وربي يوفقج ويرزقج

 

[*ماي الورد*]

نطري وحدة من الخوات اهنيه قالولها الييبي ميت و قبل لا تسوي تنظيفات سوت سونار و لا فيه نبض سبحان الله

 

[@ام يوسف@]

الله يعوضج يااارب

 

[××بنت الشيوخ××]

الله يعوضج يارب وان شاء الله خيرة لج

وماتدرين ةالله عسى ان تكرهو شيئا وهو خيرا لكم

 

[توكلت على الله 22]

الله يعوض عليج ويرزقج الذرية الصالحه

 

[زين ودلال]

الله يعوضج يااااارب

 

[جمالي خيالي]

في اشياء تقدرين تسوينها ماتضر

كثري من الانناس وعصير الانناس اذا ابيبي ميت راح ينزل

وشربي زنجبيل وسوائل دافيه .. ترا حتى الحامل تقدر تشرب زنجبيل

واذا تقدرين اخذي خروع او مسهل لان البطن اذا تحرك وصار اسهال مكرم السامع تزيد انقباضات الرحم

وربي يعوضج بالبيبي السليم عاجلا غير آجل

 

[ماحب اتدلع]

لا تتضايقين ياقلبي واحمدي ربج في ناس يوصلون لي الثامن وحتى التاسع وبالاخير البيبي يموت انتي من بدايتها اهون ويمديج تحملين مره ثانية ونطري يمكن ينزل دم ولو مانزل تأكدي من سونار ثاني يمكن في نبض بس مو مبين من وضعية البيبي والا شي ماتدرين

 

[حلوةودلوعة زوجي]

اللع يعوضج خير يارب وتبشرينا بحمالج قريب

 

[ام مريووومة]

الحمد الله على كل حال

مشكورين بنات الله يجزاكم كل خير وحق كل وحدة واستني ودعتلي وانشاءالله لكم بالمثل واكثر يارب

 

[auoma]

الله يعوضج خير

 

[مابين بعينكك]

الله يعوضج خير يارب ويمسح على قلبج

 

[ام الحلوااات]

اللــــــه يـــعـــوضـــــج حـــبـــيــبــتــــي
ويـرزقــــج الـــحــمــــل الـــشـــهـــــر الـــيـــاي بـــتـــــؤأأأم يـــارب​