قدرتي تغيرين طبع زوجج ولا رفعتي راية الاستسلام....!!

[افراحي]

.

السلام عليكم ورحمة الله وبركاته


بنات ودي اسألكم سؤال وطبعا للمتزوجات وحزب الطماشة تفضلوا استفيدوا...

المهم بنات بما انج من بيئة وزوجج المصون من بيئة اكيييييييد انصدمتي بطبع معين او ممكن اطباع وحبيتي انج تغيرين هالطبع..

السؤال شنو هالطبع اللي مضايقج وهل قدرتي تغيرينه ولا لا؟؟

انا في بداية زواجي كان زوجي جدااااا عصبي شقول يعني ناااااار بسرعه يووووولع..والله العظيم كنت راح اتطلق بسبة هالطبع وياليت يعصب على شي يسوى لا على اسباب جدااا سخيفة وانا طبعي هااااادية وفيني برووووود بس مو لدرجة الخبالة لا طبعي هادي وكلامي هادي وما احب الصوت العالي..سبحان الله تزوجت بانسان عكسي تماما..بس الحمدلله عقب سنه من زواجنا قدرت اغير هالطبع والله العظيم حتى امه انصدمت تقول شنو سويتي بولدي؟؟!!

انا ما اقول راحت العصبية بس صار هادي بنسبة 70 بالمية ..الحمدلله يارب شي اهون من شي :denya:

يالله بنات فضفضوا بشوف قدراتكم وانا ادري ان في رياجيل اعوذ بالله يمكن ابليس يغير طبعه وهو ماغير طبعه..!!

اترك لكم الماااااايك​

 

[monmon12]

اممممممممم

انا أشوف غلط انج تحاولين تغيرين طبع ريلج
لنا راح يحس نفسه مقيد ومحكوور

وهذا سبب ليش الشباب يقولون لا يحوووشك زوااج

خليها مع الوقت
لنا دوام الحال من المحال

وفي ظروف معينه موجوده تروح يتغيير

 

[جروح الحب]

مو متزوجه

 

[شيخه الحلى]

والله انا احاول اغير طبع التدخين عنده
عشان دينه اولا وعشان صحته ثانيا وعشاني انا ثالثا
صارلي 5 سنوات أحاول ومستمره بمحاولاتي بدون يأس
راح اظل معاه واساعده انه يقطع تدخين لي نهايه عمري معاه

 

[ام الدرر]

له سلبيات موعيوب
واعتقدت اني ممكن اغيره
لكن وبكل اسف :denya:
بو طبيع مايجوز عن طبعه​

 

[افراحي]

اممممممممم

انا أشوف غلط انج تحاولين تغيرين طبع ريلج
لنا راح يحس نفسه مقيد ومحكوور

وهذا سبب ليش الشباب يقولون لا يحوووشك زوااج

خليها مع الوقت
لنا دوام الحال من المحال

وفي ظروف معينه موجوده تروح يتغيير

حبيبتي انا اقصد الطبع السيء الطبع اللي يخليج متضايقة بس الطبع الحلووو لا طبعا ليش اغيريه؟؟!!
ومشكورة على المرور​

 

[افراحي]

والله انا احاول اغير طبع التدخين عنده
عشان دينه اولا وعشان صحته ثانيا وعشاني انا ثالثا
صارلي 5 سنوات أحاول ومستمره بمحاولاتي بدون يأس
راح اظل معاه واساعده انه يقطع تدخين لي نهايه عمري معاه

انشالله يا قلبي يقطع هالعادة والله يعينج ويسهل عليج ولادتج​

 

[افراحي]

له سلبيات موعيوب
واعتقدت اني ممكن اغيره
لكن وبكل اسف :denya:
بو طبيع مايجوز عن طبعه​

مشكورة حبيبتي للمرور بس نبي نعرف شنو هالسلبيات يمكن نعطيج نصايح عشان تصلحين العيوب اللي فيه..​

 

[monmon12]

حتى السلبي يتغير بس يبيلي صبر ووقت

وبدون حنه ولا فرض
والا الريال راح يهج
ايهم الريياييل جذي يحسون ان الزوجه حاكرته ماسكته فكثر ما تقدرين حاولي تخلينه يشوفج شريكه له مو سجان يبي يغيره سواء سلبي او ايجابي

ودوام الحال من المحال

 

[شقرديه كيوت]

رد : قدرتي تغيرين طبع زوجج ولا رفعتي راية الاستسلام....!!

زوجي ما كان ياكل لحم بس عقب الزواج قام ياكل حتى اهله انصدموا -- وبشخصيته مادري احس ماقدرت اغير شي

 

[mjoariam]

رد : قدرتي تغيرين طبع زوجج ولا رفعتي راية الاستسلام....!!

حزب الطماشه
اب
اب
بس شلون غيرتي من طبع زوجج (العصبيه )؟

 

[افراحي]

.


هلا حزب الطماشة مانستغني عنكم فدييييييتكم

انا اقولج شلون قبل اذا عصب علي انا اعصب وبالنهاية يوصل صراخنا الشارع..شسويت..؟؟ اذا عصب اسكت ولا اتكلم ولاكلمه وعقب شوي شوي خفف عصبيته لانه الانسان يعصب اذا اللي قدامه عصب بس اذا كان الطرف الثاني هادي وساكت يصير هو بعد هادي مو معقولة يعصب على نفسه..وبعدين بينت له اني متضايقة من عصبيته وان كل شي بالتفاهم والهدوء يصير..الحمدلله تجاوب معاي..وانا احس ان الانسان يصير نفس طبع الشخص اللي عايش معاه يعني لاني هاديه اتوقع انه اكتسب هالشي مني..