قبل لاتجهزين شنطة البيبي

[فديت حمودي 2010]

السلام عليكم ورحمة الله وبركاته
احلى صباح لاحلى كروشات اخباركم
ابدخل في موضوعي عل طول انصح كل وحده تجهز شنطة الولاده ترش عطر على ملابسها وملابس النونو ولاتخلين عطر عندك الا ورشي منه خاصه عطور ابو الشباب لانها مركزه مره والاهم خلي معك عطر في الشنطه ولا طلعتي من الولا ده رشي على نفسك منه فهذا باذن الله راح يمنعك من الشششمم انتي ومولودك طوال فترة الاربعين حتى لو تشمين عود وبخور مراح ياثر فيك وهذا كله عن تجربه وماعليك من اللي يقولون راح ياثر والله يسهل على كل كروشه حملها وولادتها


ملاحظه لا زم ترشين العطر بعد ولادتك مباشره مو بعد ساعه ولا يوم ويجيك الشمم وتدعون علي والله يهون على كل وحده الحمل والولاده يارب



منقوووووووووووووووووول

 

[really cat]

غريبه السالفه الصراحه

شلون بعد الولاده وأخاف انه العطر الى ارشه بعد الولاده اهو يسبب لى المشكله

 

[بيرلا ستور]

مممممممم
شي غريب

 

[ساشا]

عطر + جرح



تكفا لاحد يسويها ...
انا وانا اقرا قلبت جبدي ..

اختي صاحبة النقل مو تطبقين على عمرج
الاجسام مختلفة ويمكن صاحبة الموضوع الاصلي
لها تجربة وحدة وصدفت ...

الله المستعان ... يقوم الكل بالسلامة باذنه الواحد الاحد

 

[حلا vip]

لا حبيبتي اصلا كلامها صح وهالشي ماله شغل اذا الوحده غير جسمه عن الثانيه شكووو اصلا انا بالذات ماعندي مناعه من اي شي وبسرعه اتأثر وبولادتي وانا عمليه لاخياطه بسيطه تحت ولا شي عملييييه اول ماطلعت من غرفة العمليات شممتني امي عطر وعطرت بنتي والحمدلله بنفاسي انواع العطورات والبخورات اشمها وما اثرت على الجرح نهائيا الحمدلله واختي ماشاءالله عندها ثمانيه وامي تسوي لها نفس الطريقه وبنات خوالي وعماتي واهلنا كلهم جذي الحمدلله ولاوحده تأثرت بشي لا اهي ولا النونو اصلا حتى الدكتوره تقول انها تسوي جذي بس مثل ماقالتلكم لازم اول ماتطلع من غرفة الولاده مو تطولون بعدييين تشمون وبس انا أأيد كلامها ومشكوره يعطيج الف عافيه

 

[كنوز78]

يما اخاف الصراحه

 

[بسك كذب]

مساء الخير ياحلوات,انا راح اقول لكم تجربتي مع الشمم بما اني بجري سويت قيصريه وكان على
ايام عيد رمضان يعني تخيلوا انواع العطورات الرجاليه والنسائيه تعرفون اشلون بغيت امووووووت من صج شيء موو
طبيعي , تكفون اي وحده على وشك ولاده لا تهمل نفسها على طول ترش من العطورات وعلى مسؤوليتي ماراح تتحسف
والله قاعده أقول لكم عن تجربه
والله يهون عليكم وعلي انشالله بما اني على وشك ولاده بعد..........

 

[Laymo0ona]

شنو الشمم؟؟
انا ولدت قيصري ومادري عن هالسالفه عادي العطور ماكنت ادري انها تسبب التهاب او اي شي

 

[يا حبيبي يارب]

ازيدكم من الشعر بيت خالاتي اذا حسو بالولاده قربت يعني بسبوحهم حق روحه المستشفى تكب رشوش على شعرها يقولون يقطع الشمم نهائي انا بولادتي ماسويتها لاني مااحبه خير شر بس سالفه العطر بطبقها ان شاء الله

 

[عذوق]

لااا


مو زين ترشين عطووور لما تحسين بالولاده ولا تقربين شي اسمه عطر او بخور

لان العطر يسكر الرحم مووو زين الدكاتره كله يقولون جذي ديرو بالكم

وبالنسبه لشمم ماشاءالله الطب تطور وقامو يعطون مضاد للام بعد الولاده من الشمم والروائح

وخلي غرشه ماي فيها مر عند راسج تشمينه دايم وربي بيحفظج

 

[(أم نونو)]

انا اذكر في بنتي ندمت اني ما شميت عطر بعد الولادة لاني صج تعذبت من عوار الجرح كل ما شميت عطر قعدة ابجي من العوار

نصيحه حتى حريم اول كانوا قبل ليطهرون الولد يشممونه ريح


وربي يسهل عليكم حوامل ويرزقني بالذريه الصالحه

 

[qswa]

اسمحيلي صاحبة الموضوع ماصدقج ​

 

[بحرينيه كوول21]

امممم شنو يعني الشم؟يعني شنو بتشمون اذا ماشميتو العطر؟

 

[حلا vip]

ههههههههههههههه الشمم مو ان احنا نشم شي انا اقولج الشمم يعني تشمين عطر او بخور ويلتهب الجرح اللي فيج على طول واحنا نقول لازم بعد الولاده نشم عطر على طول علشان بعدين نتعود ومانتأثر بالعطورات وتسبب لنا شمم. هاااا الحين فهمتي. // وبالنسبه للي تقول حق صاحبه الموضوع مااصدقج يعني بسألج سؤال : شقصدج يعني اهيا مثلا تبي تضر بنات الناس مثلا ليش يعني هي ماجبرت احد واللي موعاجبها مومجبوره وشوفي ردودنا عليها كلنا جربنا اللي قالت عليه وترى جذي انتي قاعده تسببين كره ومشاكل وتشوهين سمعة المسكينه بالمنتدى واهيا ماكان قصدها الا النصيه وانا اقول موبس انتي جذي فيه شكثر يحاولون يشوهون المواضيع واحنا مانبي مشاكل كلنا خوات ونحب هالمنتدى ومانرضى على بعض.

 

[نور وضي القمر]

مشكوررررررررررره

 

[ملاك ^ الحب]

توني ادري بسالفه الشمم

اذكر اول ماولدت طبعا عمليه امي كانت راشع بالغرفه عطر بس هذا الي اذكره يمكن اهي تعرف هالشي او يمكن صار صدفه عالعموم الواحد يجرب انشالله اذا حملت بجرب وانا اموووووووووووووووت عالعطور

 

[بحرينيه كوول21]

مشكوره حبيبتي على التوضيح>>ماتدري بالدنيا الاخت خخخخ

 

[كميثره]

شنو يعني شمم ؟؟؟

 

[بخـــارى]

مشكوره عالنصيحه حبوبه

 

[باربي لكويت]

فعلا مرت اخوي كانت في كل ولاداتها تاخذ معاها عطر للمستشفى بس تولد علطول تعطر وتشم عطر تقول عشان مايصكها شمم والله ثم والله انها بالنفاسها مشالله تبارك الرحمن ماجنها توها والده تسولف وتضحك وتقوم وتقعد وتحرك ولاجنها ولدت مشالله تبارك الرحمن عيني عليها بارده وانا انشالله ناويه لمن اولد اسوي نفسها وهمن عن تجربه شخصيه انا كنت بعد عمليتي اللي سويت فيها ازاله انبوب اتعطر واعطر فراشي بكلونيا مخلطه واتبخر وكل شوي ارش على روحي عطر ولاكان في بالي سالفه ان بيلتهب الجرح وكلهم كانو يهاوشوني ويقولون لي بيلتهب جرحج بس ماكنت اسمع منهم والحمدلله جرحي التأم بسرعه ولا التهب ولاشي اربع ايام بس وفكيت لخياط مشالله تبارك الرحمن كانت عمليه منظار ثلاث جروح بس صغار كل جرح 3 غرز او غرزتين الظاهر ولا صار فيني شيء بفضل الله ورحمته ..