قبل ان تسافر خدامتك..تفتشينها؟؟؟؟

[لميس]

بتسافر خدامتي نهاية الاسبوع وماني عارفة شلون اخليها تسافر بدون ان تأخذ شي من بيتنا !!!!!!!!!!!!!
ابي طريقتكم البوليسية اللي تستخدمونها قبل سفر خداماتكم:eh_s(13):
ارجوووكم الاهتمام بالموضوع...لاني حايسة حييييييييييييلل!

 

[فرحانه]

كان ودي افيدج
انا كان ودي افتش خدامتي قبل لا تسافر بس ما قدرت لانها كانت بترجع وحسيت ان فشله قاعده عندي 4 سنوات ومامنتها علي اعيالي ما قدرت افتشها ما فقدت شئ من اغراضي

 

[Moondance]

انا عندي طريقة دايما اسويها اذا بفتش
عادي قبل سفرها بيوم اوديها معاي بيت امي اوبيت وحدة من خواتي وازرق ارد البيت افتش الاكووالماكو واردلها مرة ثانية .. وعاااادي اذا اكتشفتي بلاوي حتى لو الخادمة ثقة هم تبوق ماكو فايدة ياربي ...
انا ماتعجبني سالفة التفتيش حدام الخادمة احس هالحركة تجرح مشاعر الخادم مهما يكون .. هذا انسان .. الا في حالةوحدة ..اني اطيح عليها بايقة من بلاوي وابي افشلها ممكن افتشها اشكرة

 

[ضحـاوي]

اذا انا ما فقدت شي من اغراضي ما افتشها واعل قلبي معاها

 

[كندية]

حبيبتي انا لما كان عندها خدامه امي من النوع حيل تستحي بس اتعرفين شنو سوت...ساعدتها اتحط اغراضها في الجناط على ابوي على شان الوزن..هذي طريقه ماتبين لها شيء...
بس اذا الخدامه جلبه لا والله افتشها ..خلي احد معاج..انا عمتي اخت ريلها كانت معاها...
امهم شيء اتخافيني اذا الخدامه جلبه يكون ماخذه شيء اتسوي سحر او شيء...

 

[ام مضاوي]

حاولي تشغلينها بشي
وشرط يطول
واحد يراقبها
وانتي اخذي راحتج في التفتيش

 

[ام السلمي]

اول وحدة لأ وبس والثانية قعدت شهر ورجعت المكتب والفلبينية صدناها مع الحبيب وفتشت اغراضها مالقيت شي وسفرناها

والحين عندي وحدة وانشا الله اتكمل سنتين وشوف شراح اصير ترا حتى لو اتفتشين اهيا راح اتبوق بطريقة ماتتوقعينها فالتفتيش تحصيل حاصل

 

[رشيقه]

صرفيها اي مكاان و فتشي اغراضها
مع ان بعضهم اتلاقينها محتاطه و مقفله على شغلها

 

[توت عنكبوت]

انا طريقتي غير صراحة فبل السفر بليلة اقول لها امشي نصفط ملابسك عشان الجنطة بابا يقول لازم تكون بالسيارة مثلا ونرتب جنطتها ونقفلها واتاكد ما كو شي والجنطة تبات بالسيارة ,

ودايما خداماتي اهما اللي ينادوني تعالي شوفي اغراضي.

 

[بدوية مزيونة]

انا ماافتشها بالمره

بس وحده اعرفها تسوي طريقه حلوه

تخلي الخدامه تزهب الجنطه قبل السفر بيوم وتقول لها بابا يبي يودي جنطه بالليل وتخليها تصعد الجنطه للسيارة عشان تتطمن

وعقب تروح هي وتفتشها بالسياره

 

[lamsety]

انا ماافتشها بالمره

بس وحده اعرفها تسوي طريقه حلوه

تخلي الخدامه تزهب الجنطه قبل السفر بيوم وتقول لها بابا يبي يودي جنطه بالليل وتخليها تصعد الجنطه للسيارة عشان تتطمن

وعقب تروح هي وتفتشها بالسياره ​

​

حلوه هالطريقه بس احيانا ماتنفع باي وقت لان ممكن اتكون طيارتها باليل

انا طريقي اوديها عند اهلي وارجع افتش جنطتها

الاحتياط واجب مهما كانت زينه​

 

[عنايد]

أفتشهاااا وجنه العيد

 

[الفرحه السجينه]

بحياتنا ما فتشنا الخدم مع انهم جلبات ويخوفون ومروا علينا خدم يخرعون بس امي مو من النوع اللي يفتش مع اني احن عليها

بس الحين عندنا اندونيسيه وشاكة فيها استغفرالله .... اهي مرافجة خدامة بيت حمولتي اندونيسيه بعد وهذيك باقت فلوسي وفلوس مرت اخوي وفلوس اختي و باقت بوك خدامتنا الهنديه وتخانقوا اشكرررره ندري انها بواااااقه واحسها خربت خدامة اهلي و اخوي ضاعت ساعته الماركة واختي انباق تلفونها فما ادري اهي اللي بايقتهم ولا خدامة حمولتي لما جتنا ( اهي تنام عند اهلي اذا حمولتي سافروا وكنت عند اهلي عشان ما تقعد بالبيت بروحها ) .. عشان جذي ودي نفتش خدامة اهلي قبل تسافر


بس الطريقه انج تاخذينها جمعيه ولا سوق وخلي احد يفتش اغراضها ...بس المشكله انها تاخذ احتياطاتها قبل السفر وتقفل عالاغراض ودج تفتشين الخدامة بشكل دوري حتى لو ما تسافر

 

[قهوووه]

انا ودى افتشها بس مو عارفه شلوووون عندى احساس انه ماخذه شي

 

[بناتي حبيباتي]

تدرين اختي وين لقت اغراضها ؟!

قبل سفرت خدامتها فتشت اغراضها من وراها وما لقت شي بس ما اقتنعت جان تلمس ملابسها ولقت كل ذهبها محشى داخل خبانة دراريعها

يعني مقصره الدراعه وحاشيه مكان التقصير كل الذهب بشكل مرتب ومخيطته عدل

وبالمخفر كلت طق محترم هههههههه مسكييييينه

 

[قهوووه]

بناتى حبيباتي

تخرع خدامتكم يمه منهم شلون يفكروووون

زين شنو خدامتكم ؟

 

[دلع روز]

عادي ارسليها لمكان بعيد مثلا جمعيه وفتشي اغراضها زين ويكون قبل سفرها بجم ساعه ولاتخبرينها موعد سفرتها متى عشان ماتحطاط
واذا ردت خليها تدخل الحمام وتاخذ شور وعطيها كل شي جديد وخذي القديم يمكن تكون خاشه فيه شي وقوليلها يله على المطار
واعرف وحده تشيل اغراض شغلاتها الجديده عندها واذا جاء موعد سفرتها تاخذ القديم وتجيبلها الجديد وتجلس ترتب معها وسيده على المطار

 

[مليت من الغربة]

حبيبتي اول تفتشينها بطريقتك الخاصة..بعدين تقولين لها عن موعد السفر
و خذيها السوق قبل اذا بتشتري شي....بعدين خبريها بس لا تعطينها مجال اكثر من 24 ساعة و تكونين مفتحة عيونك

 

[داريني]

انا عندي طريقة دايما اسويها اذا بفتش
عادي قبل سفرها بيوم اوديها معاي بيت امي اوبيت وحدة من خواتي وازرق ارد البيت افتش الاكووالماكو واردلها مرة ثانية .. وعاااادي اذا اكتشفتي بلاوي حتى لو الخادمة ثقة هم تبوق ماكو فايدة ياربي ...
انا ماتعجبني سالفة التفتيش حدام الخادمة احس هالحركة تجرح مشاعر الخادم مهما يكون .. هذا انسان .. الا في حالةوحدة ..اني اطيح عليها بايقة من بلاوي وابي افشلها ممكن افتشها اشكرة

نفس الحركه اسويها
بس اذا كنت فاقده شغله

 

[الام المحبه]

المهم حبيبتي
اهي بترجع ولا لأ ؟
وممكن تودينها لبيت اهللك وانتي ترجعين البيت وتفتشين غرفتها