قبلوني الداخلية بعد نطره سنه ونص شرايكم

[قوقوش89]

قوه بنات :eh_s(8):

قبلوني الداخلية شرايكم فيها وايد ناس كرهوني فيها يقولون اردى وزارة والمصيبه انهم يشتغلون

فيها وموراضين ينقلون احترت ناس تذم وناس تقول مافيها شي شرايكم انتوا


وصج زادوا المدنيين دبلوم محاسبه لهم زيادة؟ وجم المعاش

ومشكورين والله يوفق كل وحده ترد علي يااارب :eh_s(7):

 

[أميرة القادسية]

عاد تخصصج حلو ماتبين بنوك احسن من الداخليه بس دام النطره طويله وصارلج سنه ونص انا لو منج اقبل واسال شنو الادارات الزينه انا اعرف ناس يشتغلون فيها ومرتاحين بس سالي عن الدارات لان في ادارات كلش مو شي

 

[قوقوش89]

انا كلش مانفع حق البنوك ان دشيت بودرهم خخخخ اي والله سنه ونص مو شويه كان باقيلي يومين بالضبط واستخف زين تلاحقوا علي خخخخ ياريت احد يفيدني وين الادارات الزينه

ومشكووره حبيبتي عالرد الله يوفقج يارب:eh_s(17):

 

[om_dodo]

موفقه

 

[قوقوش89]

فديتج اجمعين يارب

 

[قوقوش89]

شدعوه بنات بس اطالعون الي تعرف ترد ماعليكم امر مافيها شي لي نصحنا بعض

 

[شقرديـه عالطل]

يامعوده اقبلي فيها لاتفلسين منها واطولين اكثر
وحمدي ربج
انا صارلي من ٢٠٠٩ ولا نزل اسمي ولامره الله كريم
وعالبركه القبول حبيبتي

 

[Čut!e Quèéи]

مبروووووووووووك القبول
انا اقول لا تسوين مثل ما سوا غيرج
يرفض الوزاره الي اقبلوه فيها ويرد ينطر سنين عشان يقبلونه مره ثانيه
الحين صار عندهم كادر وفي زيادات يايه حق المدنيين الي بالداخليه
روحي والله يوفقج واذا ماعجبج ساعتها دوري لج واسطه تطلبين نقبل
ولا انج ترفضين وتقعدين بالبيت جم شهر ولا سنه شوفي البنات الي بالتجمع
بعضهم رافضين والحين متحسفين ناطرين الوظيفه مناااااطر وخايفين مايقبلونهم
يبا والله ترى اهما مو ناطرينج اذا رفضتي يحطون 100 غيرج وينقعونج بالبيت
اقول لج كلام الصج عشان مصلحتج والله يا اختي

 

[قوقوش89]

يامعوده اقبلي فيها لاتفلسين منها واطولين اكثر
وحمدي ربج
انا صارلي من ٢٠٠٩ ولا نزل اسمي ولامره الله كريم
وعالبركه القبول حبيبتي

حبيبي شقرديه الله يبارك فيج ومشكوووره عالرد ويااااارب يااارب ينزل اسمج باسرع وقت :eh_s(17):

 

[قوقوش89]

مبروووووووووووك القبول
انا اقول لا تسوين مثل ما سوا غيرج
يرفض الوزاره الي اقبلوه فيها ويرد ينطر سنين عشان يقبلونه مره ثانيه
الحين صار عندهم كادر وفي زيادات يايه حق المدنيين الي بالداخليه
روحي والله يوفقج واذا ماعجبج ساعتها دوري لج واسطه تطلبين نقبل
ولا انج ترفضين وتقعدين بالبيت جم شهر ولا سنه شوفي البنات الي بالتجمع
بعضهم رافضين والحين متحسفين ناطرين الوظيفه مناااااطر وخايفين مايقبلونهم
يبا والله ترى اهما مو ناطرينج اذا رفضتي يحطون 100 غيرج وينقعونج بالبيت
اقول لج كلام الصج عشان مصلحتج والله يا اختي

حبيبي مشكوووووة وايد صاجه والله خوفج اقعد سنه ثانيه بالبيت لاماتحمل خلاص كافي صج طقت جبدي وانا محتاجه حق الوظيفه والله يبارك فيييج ويوفقج ياااارب ويفتحها بويهج وين ماتروحين قنعتيني :eh_s(7):


وياريت الي تعرف الادارات الزينة تقولي لاني ماعرف ولاشي :eh_s(11):

 

[بكتني الذكريات]

والله مادري عن الداخلية بس ماحبيت اطلع بدون شي

ياقلبي انتي سألي عن المكاان واستخيري والله يوفقج يارب

 

[قوقوش89]

حبيبتي شكرا عالمرور فديتج

بنات شرايكم بالمطار خوش مكان ولا موشي ؟

 

[Almasa_Alzarqa]

شوفي اختي انتي تروحين شئون الادارية وهناك يعطونج 3 ادارات تختارين وحده منهم ،،

مبروك القبول ،، وترى الداخلية وايد زينه الحمدلله صارلي 4 سنين ومرتاحه فيه ... في زين وشين في كل مكان..

 

[pusy cat]

اب اب اب

 

[حنطاويه دلوعه]

اقول انا صارلي سنتين ياله طلع اسمي بالداخليه وطبعا رفضتها لانها ازبل وزاره مع احترامي وعقب ما رفضتها باسبوع قبلوني بالأوقاف .. نصيحه رفضيها واصلا انتي لج الاولويه وعلى ذمتي وايد من رفيجاتي رفضو وزاره وبأسبوع طلع اسمهم بمكان ثاني توكلي على الله ورفضي واللي يقولج زينه الداخليه لانها تعودت على مكانها صدقيني انا بنت خالتي قبلوها بالداخليه وماكانت تبي وليمن داومت وصارلها سنه تذم مكانها وبنفس الوقت تقولي دشي معاي الداخليه السالفه سالفة وناسه مو انها تمدح المكان ترى دوام الداخليه متعب حيل اللهم اني بلغت ,وانتي لانج سنه ونص ناطره فمستانسه بالوظيفه تركدي ورفضيها وراح يطلع اسمج بعد اسبوع

 

[امحــٌق وُليـٌف]

صرااااحه

اقبليهااااااااااااا وانتي مغممممضه غييرج مااحصلت له

وعلي فكرا ترا الوظاايف كل مالها تصير اصصعب


انا بيصك لي 3 سنيييين ولاترشيييح والله كررريم

 

[قوقوش89]

شوفي اختي انتي تروحين شئون الادارية وهناك يعطونج 3 ادارات تختارين وحده منهم ،،

مبروك القبول ،، وترى الداخلية وايد زينه الحمدلله صارلي 4 سنين ومرتاحه فيه ... في زين وشين في كل مكان..

الله يبارك فيج حياتي و ان شاءالله دوم مرتاحه يارب عدل كلامج :eh_s(17):

اب اب اب

فديتج والله :eh_s(17):

اقول انا صارلي سنتين ياله طلع اسمي بالداخليه وطبعا رفضتها لانها ازبل وزاره مع احترامي وعقب ما رفضتها باسبوع قبلوني بالأوقاف .. نصيحه رفضيها واصلا انتي لج الاولويه وعلى ذمتي وايد من رفيجاتي رفضو وزاره وبأسبوع طلع اسمهم بمكان ثاني توكلي على الله ورفضي واللي يقولج زينه الداخليه لانها تعودت على مكانها صدقيني انا بنت خالتي قبلوها بالداخليه وماكانت تبي وليمن داومت وصارلها سنه تذم مكانها وبنفس الوقت تقولي دشي معاي الداخليه السالفه سالفة وناسه مو انها تمدح المكان ترى دوام الداخليه متعب حيل اللهم اني بلغت ,وانتي لانج سنه ونص ناطره فمستانسه بالوظيفه تركدي ورفضيها وراح يطلع اسمج بعد اسبوع

انتي ماتدرين انا طلع اسمي مره بالشؤون ورفضتها لانه حطوا فيها مليون عيب اهلي الله يسامحهم شدعوه بيصرفون علي قعدت بالبيت 3 شهور وانا قبلها كنت ناطره سنه وشي لاتشوفين شصار فيني احباط واكتئاب مابعده اكتئاب بس امي الله يخليها لي اهيه الي هونت علي ومشكوره الله يوفقج يارب :eh_s(7):

بنات بليز الي عندها فكره عن طبيعة الشغل بالمطار والاماكن الزينه تقول

 

[قوقوش89]

صرااااحه

اقبليهااااااااااااا وانتي مغممممضه غييرج مااحصلت له

وعلي فكرا ترا الوظاايف كل مالها تصير اصصعب


انا بيصك لي 3 سنيييين ولاترشيييح والله كررريم

عدل كلامج حبيبتي ان شاءالله يااااااااااارب يطلع ترشيحج بالدفعه اليايه قولي امين

وبالمكان الي ترتاحين فيه يارب موفقه حبيبي :eh_s(7):

 

[pusy cat]

انا نفسج قابليني بالداخليه وخايفه

بستخير واشوف

انتي بعد استخيري والله يوفقنا انشالله

 

[قوقوش89]

امييين يارب ومبرووووك