قال لي زوجي .... لو اني متزوج...

[قصة وفاء]

بنات ودي افضفض
احس كثر مااكتم تعبت نفسيا
زعلت حتى على نفسي
متزوجه لي سنتين زوجي طيب ومايقصر باللي عنده
مرينا بظروف ماديه صعبه جدآ
كنت سند مع اني بنات من عائله مرفهه جدًا
وتعرفون بنات الفرق الحاصل
مشكلة زوجي انه عصبي واذا عصب يقط كلام قوي
اليوم قال لي جهزي سريري رتبت المكان كان بالسرير غبار تعمدت اخليه
حتى يحس ان بيتنا ماينصبر عليه إيجار وشعبي قديم
عصب علي وقال لي شكلي متزوج حيوان
الكلمه قويه قلت له أنا متربيه عدل واقدر ارد عليك بكلام اوسخ من كلامك
وناويه بنات اطنشه
مااقدر اشكي لاحد غيركم حتى الأخوات اللحين يعايرونك
ابي اخت عاقله تنصحني لوجه الله

 

[غـرامـي أنـت]

حبيبتي حركتك مالهاا داعي هو قالك جهزيه جهزيه

كان بامكانك توصلييين هالمعلوومه له بدون لا تخليين غباار

وبعدين يمكن وضعه المادي مايساعد !!!

 

[• JoJo •]

انتي بنفسك قلتيها ظروفه المادية صعبه ,, المفروض ما تتركين الغبار تقدرين بوقت الرضا تعتذرين منه وتبينين له انك زعلتي من كلمته لك

 

[reemo90]

انتي قلتيها من نفسك .. ( وضعكم المادي صعب ) !
اذكري الله و تحمليه وحاولي تفهمينه انه مثل ما انتي غلطتي وما نظفتي ماله حق يقولك هالكلمه !!

و ان شاء الله بيتغير وضعكم للأحسن
ما تضيق الا وتفرج

اما انك تخلين البيت مبهذل علشان يحس ويغير البيت هالشي غلط
بالعكس انتي تصعبين عليه و كأنك تتخلين عنه
تتوقعين انه مو حاس وما يبي بيت احسن بالعكس .. اكيد انه يبي يعيشك ببيت مرتب و حلو بس هوو اكيد مايقدر .. اصبرري عليه .. ناقشيه بالموضوع باللتي هي احسن .. وتفاهموا مع بعض
ابليس اكثر شي يستانس عليه انه يفرق بين زوجين ويزرع بينهم الكره والنفور ..
الله يوفقني ويوفقكم ان شاءالله​

 

[نفهمها صح]

الله
يهديج يارب
مزيد علي كل كلام البنات صبري وبكره تحلي

 

[رماد وظل]

الله يعينك

 

[أم توتو]

حبيبتي روحي راضيه مادام انه طيب بس الوضع المادي عنده مو ذاك الزود خلا ص تحمليه واي شي يبيه سويه اكسبيه والله يفتحها عليكم يارب

 

[جادل سبيع]

الله يرزقه ويغنيه ابفضله عمن سواه..
ويشرح صدره واييسر امره يااااااااااااااااااااااااارب..
وايسخره لج وايوفقج معاه..

 

[لياليـ]

اب اب
لعيونج

 

[love u 4 ever]

ماتضيق الا عند ربك فرجها حاولي انك ترضينه وتكسبين الاجر بكل شي ماراح يضيع اللي تسوينه كلش عند ربك مكتووب الله يفرجلنا ويفرجلك هونيها وتهون يابنت الحلال

 

[dectora 7elwa]

كله منج
فراش الريال تخلينه مغبر
النظافه مالها علاقه بمستوى البيت
يعني الحين الفلل اللي بالديره ما دشها الغبار
اكيد فيها والخدم تنظف وترد وراها
انتي الغلطانه

 

[الدائمة الطفولة]

حمدالله والشكر

احاول اشوف الرابط العجيب بين الوضع المادي والغبآر

مالقييت

لو بيتج من كرتون لازم يكون نظيف شدخل الوضع المـآدي

الله يفرج عليج ويرزقج ،، بس حآولي تسعدين نفسج وريلج حتى لو مستواكم المادي صعب

لو السعآدة بالفلوس جآن كلن اشترآهـآإ

اتمنى تكونين قنوعه ومايغرج المظآهر

= )

ورآضيي ريلجج ،، وحآولي تعدلين الوضع ،، بدال لاتخففين عليه قاعدة تضغطين عليه !!

 

[جديده 1]

لاتزيدين الطين بله .. خلج ذراع ريلج اليمين ووساده راحته لا تزيدين الضغط عليه
على فكره كل ريال يشوف زوجته واقفه معاه و صابره والله تكبر بعينه و يزيد مقدارها عنده

 

[نشيج الروح]

أنتي غلطتي وتعمدتي تخلين الغبار وهو غلط بكلمته .... وإن شاء الله الوضع المادي يتحسن وتسكنون بمكان مناسب ... أنتي رضيتي فيه ورضيتي بوضعه لازم تتحملين النتايج .... المهم الحين تصافوا وسوي الي عليج وإن قال هالكلام مرة ثانية سواء كنتي غلطانة أو لا ابتسمي وقولي له الله يسامحك صدقيني راح يتندم

 

[neitfa]

الله يعين

 

[رحيل المرافيء]

انتي الغلطانة
ظروفه المادية صعبة شلون تبينه يطلعج ببيت ثاني منين يبوق يعني؟؟؟؟
جان رتبي ونظفتي له الفراش الريال تعبان ومهدود حيله وبيرتاح مناشبته على نومته بعد
حركتج مالها داعي
ودام انتي بنت عز ليش خذيتيه دام انه مو من مستواج وماتتحملين عيشته
هذا غلطج وتحملي نتيجة اختيارج
مو كل شوي تعايرينه
تبينه ابقي معاه ماتبينه رجعي بيت اهلج
مايصير بعد بيلاقيها منين ولامنين هذا ظروفه شيسوي يعني

 

[Tom ♥ Jerry]

,،


حبيبتي آنتي نفسج تعترفين انه الريال يمر بـ ظروف مآديه سيئه !
يعني كآفي الضغط الي عليه من الدنيا !
بعد انتي لا تخلين الضغط ضغطين ! خلج حكيمه
و صبري على ريلج .، و ساعديه دآم آنتي الله منعم عليج !

 

[انا لحبيبي .]

ما رح ازيد ع كلام البنات ، طيب وشو صار معك ان شاء الله خير؟ لانه الموضوع صرلو فتره

 

[ChocolateFlower]

الريال يكره يشوف مرته ما تهتم بل نظافه

 

[رمـــانـــه]

بصراحه انتي الغلطانه اول شي انتي وقفتي معاه برضاج وساندتيه ليش سويتي جذي؟ لانج تحبينه وواقفه وياه بالحلوه والمره ليش تسوين تصرف سخيف قالج مسحي الغبار ليش تتعمدين والواحد لمه يكون بينام وتعبانه يحب يكون المكان نظيف وهذا مكان راحته والشي الوحيد اللي الواحد يقدر يرتاح فيه تجرحين وتداوين توقفين معاه وتقثينه عشان الشقه شعبيه ومادري شنو؟ الله يصلحج يارب ومسكين منقث من الغبار وبينام وانتي تتعمدين ؟ لو انا منج مارد عليه واستحي على ويهي وما ارادد اسكت واحاول اني ازعل عالكلمه واحاول اخذ درس اني ما اتعمد اسوي شي يظايقه عشان لكل فعل ردة فعل وهذي ردة فعلها تحمليه لو يدري انج متعمده تدرين شنو بيقول وقتها؟ بيكرهج لانج ماتقدرينه ولا احترمتينه توقفين وياه وتصبرين على العيشه والماده واخر شي تحرينه براحته؟ انا اقول الله يهديج يارب واذا كلامي يجرح لاتاخذين عليه بس حبيت انصحج مثل اختي