قالوا طبيعي ...وانا ماصدقت

[حبة جالكسي]

بسم اللة الرحمن الرحيم
السلام عليكم
مشكلتي ان ولدي عمره 10شهور ورجلينه متقوسة وخاصة القدم
وديتة الرازي وقال مافية شى وماتطمنت
وديته الفروانية وهم قال مافية شي طبيعي التقوس اللي عندة
4سنوات ويخف عندة التقوس
وهاذا موجود في علم العظام يخف بعد وقت
منو عند ولدها هالمشكلة .............وتحسن ؟؟
ابوة يقول الاطباء قالوا عادي خلاص
وانا مو مرتاحة .....ساعدوني اول مرة اشوف طفل جذية
قلبي ماكلني علية

 

[سيلينا]

اخاف نقص فيتامين د

اذا اهو بنت اختي كانت ارجولها مقوسه وكانت اكبر من ولدج بظرف 6 شهور ما فيها الا العافيه
بس الدكاتره قالوا لاختي عرضيها للشمس وكانت كل يوم تخليها تلعب بره مو شرط الشمس تكون عليها لو بالظل والحين
مااافيها الا العافيه

بس مدام قالوا مافيه الا العافيه لا توسوسين ان شاء الله مافيه الا العافيه الله يخليه لج ويحفظه

 

[GaLbI t7aWaL]

امبلا انا بنت خالتي كاانت جذي

واللحين ما شاء الله عمرها ٥ سنين

حتى كانت لمن تبدل البامبرز وانتي بكرامه

البنت تفوووشح بشكل غير طبيعي من تقوس ريووولها

بس والله ما شاء الله اللحين شحلاتها ما فيها الا العافيه

 

[أمواج البحر]

واحد من عيالي التوينز كان جذي

والتقوس وااااضح والكل كان يقولي ترى ريله مقوسه

حتى ريل اختي دكتور قالي نفس الكلمه

بس انا قلت بنطره يكبر يشوي عشان ابتدي معاه العلاج

بس سبحان الله على عمر سنه ونص تقريبا اختفى التقوس

وصارت ريوله عاديه

 

[KOKO_284I]

حبوبه وديه لدكتور ياسر مستشفى السيف كلمه روعه شويه عليه وراح يطمن بالج عليه

بس تره كل اليهال لمه ينولدون بالاشهر الاولى اتكون ريولهم مقوسه ما اتيي مستقيمه وبعدين اتعدل

 

[al7our]

كلامهم صح ونفس الكلام اللي قالووه حق ولدي مع الكبر و الطول يتعدل التقوس لا تحاتين

 

[AVE.NJ]

هذي احنا دايما نوسوس حتى لو يقولون لنا شنو
بعد شنو نسوي
الله يعينا ويعينج
وديه اختصاصي اخر مره

 

[حبة جالكسي]

مشكورين لاخلا ولاعدم
انا اعرضه الشمس شهر كامل وانا ع هالحالة
واحسة مانفعتة .......................ودي اجرب زيت الحوت
ادهنة واعرضة الشمس سمعت انة احسن لة وشر رايكم اجربة

 

[q8 knosha]

انا ولدي ريوله مو سيده بس شي بسيط يعني مقوسه
يوم قلت حق حماتي قالتلي عادي اهيا بنتها عمرها 5سنين
تقول بنتي كانت تمشي وريولها مقوسه يتعدل بعدين والحين بنتها مافيها شي ريولها سييده

 

[Australia girl]

انا نفس المشكله بنتي من ناحية القدم احسها مقوسه وعمرها 13 شهر يقولون البسها الشوز مقلوب ويكون طبي

 

[ام وحش]

وديه عند دكتور محمد سعيد بالسالميه على طول راح يسويله تحليل فتامين د والكالسيوم اذا طبيعي الحمدالله واذا مو طبيعي بيعطيج العلاج المناسب انا بنتي كانت جديه والحمدالله والشكر تعدلت بس لا تخليه التحاليل اضمن طريقه

 

[حبة جالكسي]

وين اللقاء الشوزززززززززززززززززززز الطبي عفية بنات

 

[حبة جالكسي]

انا نفس المشكله بنتي من ناحية القدم احسها مقوسه وعمرها 13 شهر يقولون البسها الشوز مقلوب ويكون طبي

وين احصل الشوز

 

[Australia girl]

ماعندي فكره والله انا باستراليا حاليا وقعد ادورلها مادري اذا في بالكويت بس هالحجي سمعته من وحده هني قالت انه ريلها كانت عويه القدم وامها لبستها الشوز مقلوب وكان صلب الشوز يعني مو الخام وتقول تعدلوا اقدامها لانها انصحتني اسوي جذي لبنتي بما انها مشت مبجر حول 9 شهور ماشالله

 

[بتبوتااا]

عااااادي بنت اختي جذي والحمدلله تعدلت وااايد جذي لاتحاتين اي ونسيت اهي راجعت شكثر مستشفيات وقالو لها نطري لما تكبر تتعدل وفعلاا

 

[فتون777]

لاتخافين بنت اختي 11 شهر وزي ولدك صارت كليوم تعرضها للشمس في العصر تطلعها تلعب وشوفي الحين عمرها سنه وشهر والحمدلله

 

[om MaRyooM]

ودي لدكتور بالخاص عشان تطمنين زيادة

وكل مارحتي مبجر واهو صغير أفضل ..

انا بنتي كانو شاكين عندها ضعف ووديتها د. خالد السعيد بعيادة دار البراء وقالي بالفحص بالايد الحمدلله مافيها شي
وطلبلها سونار عشان يتاكد
ووصفلها قطارة فيتامين دال





وانشالله مافيه الا العافية

 

[حبة جالكسي]

طيب وش رايكم بزيت الحوت منو جربته

 

[مألوفة]

حبيبتى عادى انا من كنت اصغيرة كنت جذى ودتنى امي الطبيب قال لها توصل سنه ونص اترد طبيعية لا تحاتين ترى عادى وهم ولدى كان جذي والحين طبيعيوريوله تعدلت ولا فيه الا العافية ما شاء الله

 

[مألوفة]

اي نسيت ما قلت لج وهم ولدي وديته دكتور اطفال بالمواساة وشافه وقالي ما فيه شي لا كبر شوية يرد طبيعي وصح كلامه رد عادي