- إنضم
- 18 يونيو 2009
- المشاركات
- 569
- مستوى التفاعل
- 0
- النقاط
- 0
قالـوا تـزوّج واكثـر الهـم ينـزاح
وتصير بعد العرس رايـق ومسـرور
تلقى السعـاده والوناسـه والاربـاح
بنت الحلال الهـا علـى راحتـك دور
صدقـت هالمفهـوم والقلـب مرتـاح
اهم شي (البنـت) والمهـر مقـدور
وقعدت اخطط كيف تحقيـق الاطمـاح
والعبد بـاذن الله منهـي ومـأ مـور
عند الشويّـب قمـت المّـح تلمّـاح
واقول يابويه تـرى العـرس مذكـور
القصد واضح مايبـي منـي ايضـاح
وانته خبير وعـارف ٍ كـل مستـور
قال انتبه فالعـرس ماتصلـح امـزاح
ان كنت صادق فـاجعل الهرج مقصور
زوجتك عنـدي جاهـزه والنكـد راح
ابو سعـد رجـال بالطيـب مشهـور
عنـده ابنيّـه خدهـا بــارق ٍ لا ح
كن القمر مـن نورهـا ياخـذ النـور
فيها الجمال وكـل مايعنـي اصـلاح
ماكنّها الا فـي حلاهـا مـن الحـور
اخـذت رايـه وانطلقنـا بمـسـراح
و سمعت منه الشور ياحـي هالشـور
جينا لبيتـه مـع تباشيـر الاصبـاح
بيت ٍ على فعـل المواجيـب معمـور
نبي نخطب اللـي لهـا سدنـا بـاح
ونبغا الاجابه من ابوها علـى الفـور
جتنا الاجابه تـم واعلنـت الافـراح
وانا من اول من عنا الوقـت مقهـور
والحظ عزّه قـام مـن بعـد ماطـا ح
وانا احسب انه يقضي العمر معثـور
هذي حقيقـه مابهـا كـذب وامـزاح
اثر الزواج يخلي الرجـل مسـرور!!
بما راق لي
