السلام عليكم
حبيباتي الحوامل
عسى ربي يسهل علينا و عليكم اجمعين
أنا في الشهر التاسع في الاسبوع الـ 37 و الجنين فيه مشكلة صحية نخاف إنها تزيد فقالت لي الدكتورة أولدج بإذن الله على الاسبوع ال 38 لأن بهالوقت يكون الطفل مكتمل النمو بإذن الله
أمس رحت مراجعتي و بالسونار قالت لي الدكتورة إن البيبي وزنه 3 كيلو الحمدلله
و فحصتني و قالت لي عنق الرحم " تعيس" !! .. الصراحة اللي فهمته إنه مسكر و ما في مجال توسعني
و كتبت لي دخول يوم السبت بإذن الله الصبح يعطوني تحاميل كل 6 ساعات لمدة 18 ساعة و بعدها يعطوني طلق صناعي
الصراحة احس اني مترددة خصوصا إني ما لقيت أحد يأيد هالسالفة لا زوجي و لا أمي و لا رفيجاتي
بس أغلب الظن إني بروح و اتوكل على ربي بعد الاستخارة
بس ودي تقولون لي رايكم .. سمعتوا او مريتوا بتجربة إن عنق الرحم يكون مسكر و بعدها ينفتح ؟
أخاف إني أتعذب على الفاظي و آخر شي يسوون لي قيصرية
و سألت دكتورتي إذا آخذ ابرة الظهر قالت لي إي ، بس ما اعرف هل راح يعطوني اياها مع التحاميل ولا متى ما حسيت بعوار حيل ؟ و هل راح تسوي شغل - تخفف الالم حيل -
لأني سمعت إن الطلق الصناعي عذاب ؟!!
و هاليومين ..
ينفع إني امشي وايد و آكل اناناس و اشرب دارسين و هالسوالف قبل لا اروح ولا ماكو فايدة ؟
ياليت تطمنوني و تدعون لي و ربي يسهل علينا أجمعين يا ربي و يشرح صدورنا
و آسفة إذا طولت عليكم
.
التعديل الأخير:
