قالب الدجاج بالتوست والكريمة

[أم حيدر]

دجاج بالتوست والكريمة

المقادير :

1. عدد واحد دجاجة مسلوقة بالبهارات ومنتفة .
2. عدد 1 فلفل اخضر بارد مقطع شرايح ضعيفة
3. عدد 1 راس بصل مقطع شرايح ضعيفة
4. عدد 1 قوطي مشروم شرايح
5. عدد واحد بطاطة متوسطة الحجم مقطعة شرايح مدورة ومقلية بزيت غزير
6. عدد 1 كريما حمرا الحين صارت زرقا
7. قلاص صغير جبن مراعي او اي جبن قلاصات انتو تحبونه
8.بهارات كاري + فلفل بودر احمر بارد (بابريكا) + شوية ملح

الطريقة :

- يحمس البصل الى ان يشقر ثم يضاف المشروم والفلفل الخضر وتحمسينهم جيدا بعدين تضيفين الدجاج المنتف وتحمسين عدل وتحطين بهاراتج (رقم8) وتحمسين لحد ما يتحمر الدجاج
- بعدين ياحبيبتي تضيفين علبة الكريما ونص قلاص الجبن والبطاط المقلي وتخلطينهم مع بعض وتخلينهم على نار واطية لحد ما تنشف الصلصة.
- خلال هالوقت تييبين جيس توست احمر وتقصين اطراف التوست يعني يصير التوست مربعات وتجيبين البايركس تحطين طبقة توست وتدهنين الطبقة من الداخل بهالخلطة ( 1/2 جبن قلاصات + قفشتين كبار مايونيز + فلفل اسود + ملح + 1/2 كوب جبنة موزوريلا) استعملي نص كمية هالخلطة
- بعدين حطي خلطة الدجاج اللي سويتيها ، وصفي فوقها طبقة توست مدهونة بعد من الداخل بالخلطة.

على وجه التوست من بره ، حطي جبنة موزوريلا بحيث تغطي التوست ورشي بقسماط و 6 شرايح زبدة خفيييفة بس علشان يتحمر الويه .

ودخلو القالب الفرن 20 دقيقة على درجة 160

اكلو وادعولي وادعوا حق امي الله يشافيها.

 

[[]نهاوند[]]

انا غرامي هالسوالف توست ودجاج وبطاط ومازرولا :eh_s(6):

تسلم ايدج على هالوصفه الحلوه

الله يشافي الوالده ويعافيها ويقومها لكم بالسلامه ان شاءالله ​

 

[أم حيدر]

بنت الطنايا ... لا يطوفج عجييييييييييييييييييييب راح تدمنين عليه

وتابعي مشاركاتي دايما بتلاقين طبخات تحبينها انشالله.

ومشكورة على دعائج

 

[قطوف]

 

[ضحكة الدنيا]

تسلم ايدينج حبوبه
وماننحرم من جديدك

 

[جارة القمر]

اكلو وادعولي وادعوا حق امي الله يشافيها.


الله يشفيه يارب


ومشكووووووره

 

[أم حيدر]

مشكوريييين بنات عالمرور وانشالله انزلكم طبخات جديدة

 

[rzaan77]

مشكوره اختى

 

[كويتيه مذهله 87]

تسلم ايدج حبيبتي

 

[أم جوري]

مبين عليه خوش طبق يا ام حيدر ... احب هالسوالف
مشكورة ...

 

[bnt q8 in usa]

تسلم ايدج والله يشفي امج

 

[had one]

تسلم هالايادي الحلوة

 

[ورده بنفسجيه]

تسلم ايدج وااااااااااااااااااااااااااايد حلوه

 

[أم حيدر]

هاد ون + طشه ورشه بالعاااااااااااااافية

ونطروا طبخاتي الياية

 

[ombader84]

thank you

 

[جورية كويتية]

تـســلـم ايـــدج حـبيبتــي
والله يشافي امج ان شاء الله:eh_s(17): :eh_s(17): :eh_s(17): ​

 

[أم حيدر]

ام بدر - جورية كويتية تسلمون حبيباتي

 

[أمواج البحر]

تسلمين هالأيادي ام دوري

بسويه و اقولج النتيجه

 

[الغاااده]

يعطيج العافيه روعه يا قلبى

 

[بنت الحزن]

تسلم ايدينج