قاعده يم ريلي وعيني على ريلها

[غلا-زوجي]

السلام عليكم ورحمة الله وبركاتة

لاتفهمون السالفه غلط ادري العنوان شدكم <----- ياانتي يالثقة

السالفه ومافيها .. كنت مع زوجي نتريق بالافنيوز بمطعم ميم فوق يم ستار بكس
جدامنا وحده مع زوجها ... الزوج كشيخ وحلو واهيا ملكة جمال تهبل الله يهنيهم
وين المشكله تهقون؟؟؟ وشنو اللي خلا عيوني على زوجها؟؟

من قعدو ما التفتت على زوجها ماتكلمه واهوا يطالعها بنظرة تكسر الخاطر واهي طاقته بالطوف
لعبت بأظافرها خلصت تطمشت عالرايح والللي راد خلصت جان تتكلم بالفون وتحط ايدها على حلجها عشان مايسمع :eh_s(10):
قلت حق ريلي شوفهم قالي يمكن متهاوشين يمكن زعلانه منه
انزين زعلانه ليش مخليته فرجه للناس؟؟
ليش تخزين اللي دار مدارج وماحطيتي عينج بعينه؟؟؟
ليش ماتلصقين فيه وتبتسمين له؟؟؟

يعني زعلانه ويايه تاكلين؟؟؟ شهالنفس
والله يابنات شكله يكسر الخااااااااااااطر
طلبو يابو اكلهم كلت وعضت الصحن ولا فكرت تلتفت عليه او تصب له جاي او تقرب يمه شي
ليش كل هذا؟؟؟ هذا ريلج بوعيالج؟؟

عاد شكلهم معاريس يهبلون اهي تخز بالناس واهوا يطالعها واحس عيونه تقول لها شوفيني انا هني:eh_s(2):

يا بنات بعضكم بيقول وانتي شكو او ليش رازة ويهج ..
انتو لو تشوفون الكسرة اللي شفتها ... والله تقهر

يا خوات خل نكبر شوي ... البعض وليس الكل عشان ماتاكلوني بقشوري...

زعلانه زعلي فبيتج
بيراضيج خلاص بلعي العافيه عن المصاخه غيرج يطقها بالطوف ترى واهي اللي تراضيه وجان زين نافع
قعدتو بمكان عام ماله داعي تخزين <---- طالعو منو يتكلم
قاعدين تاكلون ساعديه قربي الاكل يمه وكليه حطي الكلنكس يمه
ان طاحت عينج بعينه ابتسمي لوجه الله عالاقل


لاتتدلعون وااايد باجر بيحقرج ويمشي وانتي بتتمنين قلاص جاي معاه وماراح يفضالج
مو كل ريال يستحمل الدلع الماصخ
موكل ريال فيه طاقه عالمياعه
موكل ريال يهتم بمرته ويريقها برة
مو كل ريال يداريج

حافظي على زوجج وصوني بيتج

فديت زوجي اللي كان بيكفخني بالصحن لان عيني عليهم وناسيته هههههههههههههه


المايك لكم والله يهدي الجميع ويصلح حالهم

:eh_s(7):​

 

[زوجة عزيز]

ههههههههههههههههههههههههههههههههههههه مشكوووره حبيبتي انا اشوف مو حلوه يطلعون معا بعض واهم زعلانين

 

[reemaar]

من راقب الناس مات هما

ماتدرين شنو الظروف يمكن زعلانه وتتغللا!!!
مو شايفه مشكله كبيره أنا؟!

 

[أسيرة_أحزاني]

يا بنات بعضكم بيقول وانتي شكو او ليش رازة ويهج ..

انا اقول جذي بعد
ذكرتيني بلي نشوفهم بس خز بهالعالم ينرفزون والله

انتي ماتدرين شنو ظروفهم لو كل واحد شال هم نفسه ابركله
شدعوه الرياييل مقصرين من يقعد ماسك الفون والله لو شفتي هالموقف ماكتبتيه بس لانها مره لازم نسوي موضوع ونكبره

 

[رماد وظل]

الله يهدي الكل والجميع

مشكووره حبيبتي

 

[noynoy]

اي شوفي شمسوي عشان تسويله جذي
و مع اختي اللي فوق من راقب الناس مات هما
و ترا مو كل الريايل يحبون المره تصب لهم و تحط لهم و تساعدهم بالاكل بعظهم ما يحبون و منهم ريلي
انتي قاعد تشوفين من بره و ما تدرين شنو السالفه
امرج غريب

 

[Al-RoRo77]

وعليكم السلام ورحمة الله وبركاته
ههههه وانتي صاجه وبصراحه انا قبل لمن نطلع انا وريلي ونزعل من بعض بنفس الوقت يكسر بالموضوع ويكلمني يحاول يغير جو رغم انه يكسر خاطري كنت ارد عليه بنفسيه ولمن نرد البيت اندم لأن حرام يكون مطلعني علشان نستانس ونغير جو وانا يعني حساسه زياده عن اللزوم هههه اكرها بالطلعه معاي بس الحين الحمدالله غيرت هالطبع واخرتها امس بالسينما قلبت عليه علشان موضوع بينا هههه وراضاني وانا اوخر جان اقول لنفسي لا اخربها طول الوقت كنا مستانسين جان ارضى وردينا مستانسين الحمدالله قاع اوخر عن هالطبع p:

 

[هذا مزاجي]

الله يهدي الجميييع :eh_s(8):

 

[لمعة سراب]

ماتدرين شنو ظروفهم

يا مشاكل يامغصوبه عليه ماندري ،،!

الحمدلله على كل حال

 

[saratee]

وااااي صج ما تحمد ربها ع النعمه بس اضن الخطا منه دام زعلانه يخليها لين ترضي شكو يطلعها الله يعينه عليها معاريس وجذيه بعد جم سنه شيسوون

 

[مارشميلو..]

سوري لاتزعلين من كلامي
بس انتي ماتدرين شنو ظروفها وليش سوت كذا
ثاني شي هم احرار محد له شغل شلون يتعاملون ويا بعض سواء برا البيت او داخله
وبعدين استغربت يوم تقولين مدام زعلانه منه ليش طالعه تاكل
كيفها المره تسوي اللي تبي

 

[نعوومه الطيوبه]

صاجه ميه بالميه:eh_s(15):...بس ممكن منغره بجمالها وتدرى هو يحبها ويموت عليها لهالسبب عاطيتا طاف

 

[kuwaitya_zoGaa]

عادي شالمشكله زعلانه وتتغلا يحق لها
والرياييل مايفيد معاهم الا جذية دامها عروس خل تدلل
وبرايي دامهم ماسوو شي يفشل او يخدش الحياء اهمه احرار

 

[جمالي خيالي]

ويمكن في طاوله ثالثه عينهم عليج ومراقبين خزج للطاوله الأولى ويتحلطمون عليج شلون مخليه ريلها وطايحتله خز بهالمعاريس

سوري على هالكلمه بس حركتج موحلوه ومافيها من اللباقه ذره انج تشغلين عمرج بالناس وانتي طالعه تستانسين مع ريلج

ابي افهم شغله وحده !! انتي شعلييييييييييييييج شايله هموم الناس ولا الريال المنكسر شاكيلج الحال ؟؟؟

*

 

[مألوفة]

شفتي شلون اهوا يطالعها مسكين

ليش نقول مسكين اكو ريياييل جذى لازم يصير فيهم عشان يدلعونا مو كله احنا مدلعينهم اهي مو مهتمة منه مخليته اهوا اللي مهتم زين اتسوي فيه خليها لا تعطيه ويه احسن

 

[شيماء المطيري]

معاج حق اللي تزعل يا تقعد ببيتها أو تبلع الزعل وطاف الله يهديهم----تحياتي عزيزتي

 

[Freakya]

ما شاء الله عليج حللتيهم عدل تصدقين

طايحة فيهم خز و مخلية ريلج =)

مثل ما قالوا البنات ما تدرين شنو ظروفهم و بعدين ايها و ريلها ينيازون ..

 

[انصاريه قمره]

ما تدرين شنو ظروفهم ويمكن ريلهااا مسوي بلوه زين تسوي واهي ادرى بريلهاا والرياييل ما تمشي معاهم الا هالنوعيه سألي مجرب

 

[الريم اللعوب]

هواشفيكم عالمره اكلتوها بقشروها والله ماسوت شي
الي ماعنده رد زين الافضل يحتفض فيه حق نفسه

 

[جادل سبيع]

مايندرى شنو بين الناس يمكن جارحها جرح اكبير ..........
الله ايهني كل حبيب بحبيبه ولا يفرقهم ياااااااااااااااااااااااااااااااااارب..
تقبلي مروري..