قاعده واحاتي تجهيز بعد النفاس تعالو بنات فيدوني

[-PinK_RoSe-]

السلام عليكم بنات شلونكم عساكم بخير طبعا انا من دشيت الشهور الاخيره بالحمل وانا افكر شلون برد لشقتي وبسوي نيولوك وخاصتن انا من تزوجت ريلي ماقعدنا مع بعض وايد حملت هني وسافر يكمل دراسته وشقتنا مومعدله والمطبخ كلش ماجهزو لي ياه يصفر مافيه مواعين الا طقم واحد ويلوع الجبد ف الحين تجمع علي بدال الهم همين الشي الاول ابي اجهز مطبخي من الالف الي الياء من اطقم صحون الي طقم جدور الي طقم قفاش وطقم مطاطير حليب وجاي وطقم قهوه وسكانات وفناجين وصواني غير البايركسات للفرن وللكيك ناويه اشتري الصحون والاكواب و الجدور من ايكيا تنصحوني فيهم وابي مكان ثاني اشتري منه بواقي المطبخ وين اروح وجم اخصص ميزانيه لتجهيز المطبخ ؟؟؟



الشي الثاني يبيلي تجهيز ملابس يديده من عبي طلعه الي جم نعال وجنطه وجم دراعه لنزلتي لخالتي وبيجامات وقمصان نوم ونفانيف بارده للعصاري يعن ابي اجهز من اول لان ماحس اني عشت فتره اني عروس علطول حملت اللي عندهم خبره بتجهيز بعد النفاس جم قطيتو لازم احسب حسابي



الشي الثالث ابي لي رديت اكون اعرف اطبخ عشيات سهله وتملي عين ريلي لان انا ميح بالطبخ دايم اتوهق بالعشا تقترحون علي كتاب معين او شي ودي اسوي لي ملف عشيات واحطه عندي عشان لي صار حزه الحزه ما اتوهق

 

[لذه السكر]

صباح الخير

دام انتو 2 لا تشترين وتكودين مواعين
اخذيلج طقم واحد كافي واخذي طقم جدور انصحج روحي تروفاليو بعدها ايكيا واثنينهم يم بعض
الميزانيه على حسب انتي ومشتراج الجدور في الغالي والرخيص

واذا تعبانه مولازم الحين نطري بعد ماتولدين الحين خلصي الاشياء المهمه

بالنسبه للعشيات اخذي الملف اللي فيه اوراق شفافه وطبعي طبخات النت متروووس وحطيه بالمطبخ واذا متوهقه كلش كلش اخذي من الثلاجات بالجمعيه شاورما و عرايس وهالسوالف تسهل عليج وااايد


بالنسبه لتجهيز ملابسج اذا انتي من النوع اللي تطلعين وايد وتروحين وتردين اخذي جم شغله خفيفه لاول الايام تالي عقب النفاس كملي اغراضج السوق موجود

انا اذا نوعج بيتوتي وما تطلعين اتوقع يبيلج بحدود 500 انا حطيت 300 وماكفت مع ان ماكنت ابي شغلات وايد وانتي حسبي الصالون واذا بتصبغين وبتعالجين شعرج

 

[لذه السكر]

بالنسبه لي احسن جدوور هذيل

 

[جوزائيه مغروره]

حبيبتي المفروض تكونين مجهزه المطبخ مع تجهيز عرسج

لا تزعلين بس صدمتيني

المهم عندج الميره والمعلم اذا ميزانيتج عاديه ولا تكثرين واهم شي اخذي طقم قهوه وجاي مع سماطهم علشان اذا احد صعد عندج

وعاللبس جهزي مع تجهيز الولاده

والطبخ خلي امج او اي احد كبير يعلمج شغلات خفيفه لانه حلات العشى خفيف مو دسم

 

[أأأميرة الورد]

الله يعينج


بس لازم الحين تجهزين قبل ولادتج علشان تكونين مرتبه شغلج عدل وماتتوهقين بعد نفاسج بيبي وشغل وتجهيز

ايكيا حلوووو حيل حق المطبخ

واللبس جهزي من الحين اللي قلتي عنهم

 

[مذهلة2013]

المفروض من البدايه تجهزين بيتج
اما على المواعين ترافاليو اينن بضاعته
ولاتشترين كتب بالانستغرام كل شي فيه

 

[-PinK_RoSe-]

مشكورين بنات علي الردود انا ماجهزته لان ماقعدت بشقتي اصلن يومين بشهر اقعد يادوب و اختي لذه السكر الجدور هذيلا شكلهم حلو من وين ؟؟ وانتظر ردود اكثر خواتي

 

[شربـــات لـــوز]

عندج المشايخ الي يم البيرق مواعينهم روووعه وايكيا حلوو بعدد
والملابس بالنفاس جهزي بس لا تكثرين نصيحه

 

[ريتاج_90]

المواعين خليهم ورا طلعتج مٍـٍْ♡̨̐ـِْْنْ الاربعين
وبالاربعين جهزي مثلا ست دراريع و ٣ بدلات وخلي وحدة لطلعتج مٍـٍْ♡̨̐ـِْْنْ الاربعين
واشتري ڵــچ قمصان بِــ̯͡سّ نوعي يعني اخذي مٍـٍْ♡̨̐ـِْْنْ كل نوع اثنين
وبجايم ست او خمس بعدين روحي معاه واشتري
والعبايات على حسب يعني لاتكثرين لان بعدين بتشترين

 

[مشتطـه]

حبيبتي ليش شايله هم المطبخ تقولون ميح طباخ
يعني جدر كبير وصغير

و قفاش وشوك اللي يجون مع بعض

و مقلى ومطارتين و استكانات كافي وبايركس واحد

هذا مبدئيا بعدين عاد كل شهر اشتري شي

كلش مايكلف

 

[fofo90]

اخذيلج حق المطبخ
من كل شي طقم واحد يكفي
حقج وحق ريلج واايز محلات
تبيع مواعين وخصوصا الاسواق
الشعبيه
وبعد النفاس تقدرين تفصلين عبي
يديده وتشترين قمصان نووم
وبسس وتغيرين شكلج اكييد

 

[elzain^kella]

الجدور اللي بالصورة موجودين بالمبرور بسوق السالمية الأحمر بره .. والله يسهل عليج