قاعدة حلبية بهالمناطق!

[^مرايم^]

السلام عليكم بنوتات ..
شلونكم ؟
الله يعافيكم أبي أدخل ولدي قاعدة حلبية الصبح بأحد هالمناطق:
العديلية أو الخالدية أو النزهة أو الروضة أو كيفان أو الفيحا
أبي رقم تلفون أو عنوان ..
ضروري ضروري ضروري
يعطيكم العافيه

 

[الفاتنة]

يلا حتى انا ناطرة

 

[^مرايم^]

ناطرين

 

[كويتية صغيرة]

اختى بس حبيت افيدك
ماكو بهالمناطق اللي ذكرتيها فرع للقاعدة الحلبية
كان بالسابق فرع بالقادسية و سكروه
حاليا
في منطقة العاصمة لايوجد سوى فرع واحد هو في منطقة حولي اعتقد في مدرسة القطوف بحولي
و هذا رقمهم اخذته من الجريدة
9299501

و باقي الأفرع في بمناطق جنوب السرة - صباح السالم - بيان القرين الأندلس الجهرا .....ز الخ ...... يعنى كلها مناطق بعيدة بالنسبة للعاصمة اقرب شي حولي

 

[^مرايم^]

الله يجزاج كل خير ..

بعيدة وايد المناطق..

شكلي برجع على نادي عالمي الممتع بالروضة .. يدرسون عربي بس لهم كتاب خاص!

اللي يبي رقمهم يواصلني عالخاااص ..

 

[عدسات ملونة]

بيادر السلام في القادسية

 

[الفاتنة]

مشكورة وكثر الله خيرج يا كويتيه صغيرة

 

[اسوووم]

أبي رقم القاعدة الحلبية بالقرين

 

[* ورود *]

شنو فايدتها ؟

 

[^مرايم^]

ورود ..
تعليم لغة عربية من الصفر.. طبعاً للأطفال ..
مستوى عالي و حلو قبل الروضه ..

 

[برونزيه شقرا]

الله يابكم
ابي رقم اللي بجنووووووووووووب السره بليززززز

 

[اشراقة الحياة]

دزيتلج على الخاص..............

 

[نورالقمر24]

بتات ابي رقم الي بقرين عفيه عل خاص

 

[Q.8.h]

بنات شوفو هالموضوع

مراكز تحفيظ القرآن بهعضها عندهم قواعد اللغة العربيه وهي شبيهة بالقاعده الحلبيه الطفل ثلاث كورسات يتعلم الحروف ويتعلم يقراها وبعدها يهجون معاه الآيات ( مو كل المراكز بعضها )

http://www.q8yat.net/showthread.php?t=205012

حبيت اطرحه للفائدة

 

[^مرايم^]

تسلمون يالغاليات .. على الافاده ..

لكن القاعده الحلبيه مو بس قراءة .. كتابه

 

[موزة جمال]

انا بعد ابي رقم القاعدة الحلبية الي بجنوب السرة ممكن وشكرا

 

[angle girl]

الله يعافيكم رقم تلفون القاعدة الحلبية الى في السلام في جنوب السرة ؟؟

 

[أسولة]

أبي أسأل شنو بالضبط القاعدة الحلبية آنا ولدي بالصف الثالث ومايعرف يقرا ولا يكتب بس يشوف وينقل وعدم نطق بعض الحروف وخاصة القرآن ما يقولة عدل ولي حفظ ينسى بسرعة هلى تفيد وليدى
وإذا عندكم ارقام بمنطقة صباح السالم أو القرين تفيدني وشلون أسعارهم؟؟

 

[Om 3o0o0omar]

لو سمحتواا ابي اعرف شنو يعني قاعده حلبيه؟؟

 

[ام الغالين]

الي بالقادسيه للاسف سكروها وراحو حولي ،،،، بس في بيادر السلام ما ادري عنها اشوف واسأل