قاعدة اضيع روحي

[shouq_m]

السلام عليكم
شلونكم بنات شخباركم
بنات انا حاسه بشي ناقصني
انا عمري 20 سنة احس اني معنسه
انا بقولكم حجي ماقلته حتى حق اختي
انا عندي بنات خالتي 2
وحده اكبر مني بسنتين وقرب عرسها بعد اقل من شهر
والثانية اكبر مني بسنة توها ملجت
بنات انا افكر انه السنة الياية ان شاء الله اللي بيكون عندها بيبي واللي بتييني حامل
انفجرررررر من داخل
والله احبهم واتمنالهم كل خير وادعيلهم بصلاتي
وحتى بالعمره ادعيلهم كثر ماادعي حق روحي
والحين انا مع واحد ادري اللي اسوي غلط
وانا كل يوم اتحسف اني ويا
مو لانه موزين بالعكس اهوه كل شي يسويلي ايا كللل شييييييي
حتى مرضية حق الجامعه اهوه ييبلي لي عندي
حتى ريوق غدا كل شي ابي تحت ايدي
بس مشكلته انه مو كويتي وانا كاتبه موضوع قبل اذا ترضين تاخذين لبناني
اهوه ابو كويتي بس ماخذ جنسية امه ومتنازل عن الكويتية
بنات انا غلطت ويا وااااييييييييييييييييد
كل يوم اطلع معا
كللل يوووووووووم
وانا كارهه عمري على هالشي حتى ساعات اقول وانا يمه وين الله بوفقني وانا كل حرام قاعده اسويه؟
تقولولي سهله وخري عنه؟
راح ينتحر يمووووووت وانا موقاعده ابالغ
بتقولولي لا يهمج؟
مااقدر
انا احبه
ساعات افكر اذا رحت حق غيره وانا ادري ماراح اخذه اهلي مستحيل يرضون
شلون بعيش مع واحد ثاني؟
بيسوييلي نفسه؟
اللي خله ربعه كلهم عشاني؟
عشان بس يقعد معاي 24 ساعه؟
عبالكم ابالغ؟
اكلمه من اقعد من النوم
لين اروح الكليه واهوه معاي عالخط ادش المحاضره يصكه
بين المحاضرتين يدق
يقولي اشتقتلج
بنات والله ادري اللي اسوي غلط
بس اللي ابيه الحيل اني اعدل من روحي
ابي اوخر عنه بدون لا ااذيه
ابي اييب عيال
ابي اتزوووووج
مادري شسوي

 

[^روح غاليها^]

الله يهديج يارب ما اقدر اعلق​

 

[لمى الهاجري]

طيب خليه يسال عن الجنسية يمكن يقدر ياخذها دام ابو كويتي خليه يحاول

 

[سعوديه خقوقه]

الصراحه ومن دوووون زعل يا قلبي انتي ما تحبين اهلش لانش لو تحبينهم ما راح تاذين سمعت ابووك وانتي داخله وطالعه


وعندي احساس انه لعاب والله اعلم ...اهم شي يا قلبي لا تروحين معه شقه ولا مكان يختلي فيه بش لا تضيعين نفسك ومستقبل


كل الشباب كذا انا المسكين انا المظلوم لمن البنت تحبه وتتعاطف معه بعدين يقول اهلي خطبوا لي بنت عمي وانا احبك ويسوي مناح-ه بس عشان ما تفتح البنت سيرت الزواج ....الى حد ما يضيعون البنت ويضيعون شرفها ..


زوج اختي يشتغل دكتور يقول تقريبا في الاسبوع تجيبي 10 حالات زي كذا يا حامل بالحرام او ضاع شرفها ..

وطبعا الهيئه الله يخليها لنا تحل الموضوع بسكوت وغالبا تجبر الشاب انه يتزوج البنت ..

بس انتوا في الكويت ما عندك من يحل موضوعك اذا صار فيك شي ..لا تضيعين نفسك وتندمين اشد الندم ..


بس حابه اذكر ايه جميله وتستحق التامل ..

(يَا أَيُّهَا الَّذِينَ آمَنُوا لَا تَتَّبِعُوا خُطُوَاتِ الشَّيْطَانِ وَمَنْ يَتَّبِعْ خُطُوَاتِ الشَّيْطَانِ فَإِنَّهُ يَأْمُرُ بِالْفَحْشَاءِ وَالْمُنْكَرِ وَلَوْلَا فَضْلُ اللَّهِ عَلَيْكُمْ وَرَحْمَتُهُ مَا زَكَى مِنْكُمْ مِنْ أَحَدٍ أَبَدًا وَلَكِنَّ اللَّهَ يُزَكِّي مَنْ يَشَاءُ وَاللَّهُ سَمِيعٌ عَلِيمٌ (21) سورة النور


واية ثانية

جميل جدا بتساعدك في موضوعك
وَاسْتَعِينُواْ بِالصَّبْرِ وَالصَّلاةِ وَإِنَّهَا لَكَبِيرَةٌ إِلاَّ عَلَى الْخَاشِعِينَ سورة البقرة اية 45

في اي امر انتي ناوية عليه استعيني بالصبر والصلاة


الله يهديك ويستر عليك دنيا واخره

 

[freaky cool]

الله يهديج وييسر امرج ويرزقج الزوج الصالح
احسن انج صغيرة
٢٠مو عنوسة

 

[فطوم 84]

اولا ٢٠ صغيره توج موعانس

ثانيا اهيا كلمه وحده. تقدملي
لمحي له انه تبينه زواج

وانه يجيب اهله خليه يجي يتزوجج. ماكو غير هالحل
انتي تحبينه واهو يحبج انا كذا مره قريت كلامج. اقنعي اهلج. مدامكم تحبون بعض ماظن فيها شي

واييييد حبوا وتزوجوا. انا معاج انتي فيج خير وحاسه بالذنب. تقولين وين الله يوفقني
صحيح ياالغاليه المعصيه تمنع الرزق

لاتخلين الله غاضب عليج

خل يتقدم واذا تقدم اقنعي اهلج. قولي مااتزوج غيره. قولي ابيه. لزمي علي رايج


واقنعي اهلج لازم الواحد يدافع عن الشخص اللي يبيه

وانا من كلامج احس انج متعلقه فيه. والله نصيحتي حل مشكلتكم الزواج

كلميه ولمحي انج مخطوبه شوفي ردة فعله خل يتحرك. وقولي له انج بتنخطبين علشان يتقدم لج شوفي ردة فعله يبيج زواج. ولا لا

والله يوفقج وييسر امورج اللهم امين

 

[ديانا سبنسر]

لبناني مرة و حدة لوخليجي قلنا ميخالف بس. لبناني والله صعبة تقنعينهم اخاف باجر لي ىقلتيلهم يحرمونجج من الموبايل والجامعة والطلعة ويقطونج على اول خاطب لوكان عمره ٧٠سنة. انا اقول انسيه واقطعي علاقتج فيه وتعلقي بواحد احلى منه اللي اهو ربج البداية صعبة بس انوي الحين مجتمعنا اللي مومن قبيلته او مذهبه صعبة يتزوجون وانتي خربتيها مرة وحدة لبناني صعبة ةحييييل يوافقون ماااحبطج بس اكلمج بالعقل والوااااقع

 

[بنت عطا 24]

الله يهديييج

فكري بعقلج وارجعي لربج ترا الشيطان مامات

 

[يا لباني]

الله يهديج ي قلبي ويثبتج
انتي ما حسيتي بتأنيب الضمير إلا وانتي فيج الخيـر وماتبين تعصين ربج
انا اقول مثل ما قالت اختي سعوديه

وَاسْتَعِينُواْ بِالصَّبْرِ وَالصَّلاةِ وَإِنَّهَا لَكَبِيرَةٌ إِلاَّ عَلَى الْخَاشِعِينَ سورة البقرة اية 45

^
تمعني بهالايـه عدل وركزي فيهآ وبتلقيـن اللي ينسيج إياه
وعليج بالدعاء ي روحي كل يوم ادعي ادعي ان الله يثبتج ويقويج وصدقيني راح تنسينه
وبالنسبه له هو انسي موضوعه اقرب بلوك وصدقيني ما راح يموت ولا راح ينتحر
لا راح يدور وحده غيرج والله كل الرياجيــل كلآب ملآعيـــن ما يهمهم الا نفسهم

وعلي قولة امي الرجآل ما يهمه الا نفسه ومتعته وبس

​

 

[الحلــوه]

حبيبتي انتي تبين السترر وتبين تستقرين مثل الي حواليييج ..وعاارفه ان هالشي ماراح يصير مع هالريال لان وراج عيال تفكرين فيهم بعدين !! ليشش تكابرين وتقولين م اقدر اخليييه ..بتقدرين اذا تبين واذا تحبينه بعدي عنه ..وصدقيني ربي ماراح يوفقج لاضليتي بهالطريق
خليييه لوجه الله وشوفي ربي شلون بيعوضج ماتدرين يمكن يجيج الي احسن واحسسن استغفري كل يوووم ودقيييقه وكل ثاانيه وربج ماينسى عبااده ..

 

[حشمه]

ليش مايسال اذا يقدر يرد ياخذ الجنسيه الكويتيه وذيك الساعه يخطبج

ومن الحين ابدي ابتعدي لين تعرفون شتبون اذا اخذ الجنسيه زين واذا لا

وخري وادعي ربج ينسيج اياه والله يرزقج بالخير ان شالله

 

[Môre N!Ce]

موضوع منتهي من سنة وشوي ..

 

[مطرر]

انتي انانيه تحبين نفسج ولاقدرتي اهلج حت البنات الي ملجو قلبج ولع غيره، هذا وانتي توج عمرج 20 !! لاحول ولاقوة الا بالله لو فرضا كبرتي وتاخر نصيبج شبتسوين بعد ؟؟

عمري 32 والحمدالله ماتاجرات اسوي الي تسوينه ولا ان شالله اتجرا، وعسى الله يهدينا . نصيحتي لج تزوجي الي تعرفينه لان حرام تروحين حق غيره انت ماتستاهلين ولان حلو انكم تسترون على بعض.

يمكن كلامي في شدة بس ميخالف هذا الصج.​

 

[тεķάηαн]

الموضوع من سنه 2011 :\
على العموم آلله يستر عليج

 

[رماس قلبي الماس]

ههههههههههههههههههههههههههههههههههههههههههههههههههههههههههههه البنت تزوجت وانتوا ليه الحين تتكلمون عنها الله يستر عليها وعلينا
?

 

[سعوديه خقوقه]

وا صدمتاه وانا متحمسه بقووووه


تلقون البنت قد خلفت وحنا هنا مشتطين



الله يستر على الجميع

ودي

 

[بقلبي انت]

انتي قلتيها بنفسج وين الله يوفقج وانتي تسوين حرام
عارفه من البدايه ان هالشي غلط ويغضب ربج اشلون تبين تتوفقين بحياتج وانتي تعصين خالقج
ماتخافين تجيج المنيه وانتي مع هالشخص او تسوين حادث لسمح الله وانتي معاه وتصير سيرتج علي كل لسان

انتي عارفه ان الحل بيدج كلمه منج تنهي كل شي بينكم لكنج مستانسه بالوضع وتوهمين نفسج ان ماعندج حل
من الاخر قطعي علاقتج مع هالشخص وتوبي لربج توبه نصوحه لاتقصين علي عمرج وان شاءالله ربي يوفقج
مع واحد صالح يرضي عليج ويحبج بالحلال وانتي بعدج صغيره 20 سنه اجل إلي عمرها 30 شتقول صارت عجوز
التوبه ياختي واسفه اذا شديت بالكلام والله احسبج مثل اختي الصغيره ولازم انورج

 

[خالتي قموش]

20 سنه مو عانس
تركي عنج العلاقه
نصيبج بييج لبيتج
كل شي بوقته حلو
لا تخافين ما راح ينتحر
بيروح يتعرف على غيرج
واذا يبي يتزوج
امه بتخطب له
اذا يبيبج خل يدق بابج
اذا عرفو اهلج
بيفقدون ثقتهم فيج
لا تضيعين وقتج

 

[خالتي قموش]

هههههههههههههههههههههههههههههههه ردي متاخر
هههههههههههه

 

[zqertya]

اول شي انتي مو عانس لاحقه على الزواج وهمومه عيل انا شقول عمري 27 والحمدالله عمري ماقلت عن نفسي عانس لان مؤمنه بالله وواثقه ان نصيبي ما يه للحين اول شي الولد هذا دامه 24 ساعه جدامج ومخلي ربعه اسمحيلي هذا مو ريال ياحلو الريال لي صارت عنده حياته الخاصه اشدعوه مازهق 24 مجابلج حتى لو يحبج مو معناته يكون بويهج 24 ساعه اتوقع كل شي يسووويه عشان مصلحه وعشان تحبينه وهو عارف شلون يلعبها صح وانتي توج صغيره وبلا عانس ومادري شنو واذا تبين تتزوجين والله يوفقج ثقي بالله وانتو علاقتكم مستحيله ليش تامه معاه لاتقولين ابوه كويتي وصار لبناني حجي فاضي لان الكويتي من ينولد بشهادة الميلاد ينكتب كويتي وعقبها جواز وبطاقه مدنيه واذا على قولته اسقط الجنسيه الكويتيه واخذ الللبنانيه اشلون اخذها وهو وامه عايشين طول عمرهم بالكويت مو لازم يعيش بلبنان عشان ياخذ الجنسيه اللبنانيه وبعدين انتي شايفه بعينج جنسية ابوه ولا بطاقته قوليله ابي اشوفها وابي اتاكد ان ابوك كويتي لان كلامه مايدخل العقل لاتسمحين له يلعب فيج

وحابه ارد على احد الخوات اللي تقول احنا ماعندنا احد يحل مشاكلنا بلا احنا عندنا المباحث الجنائيه تحل المشاكل بسرية تامه من غير فضايح بس مايدخلون على احد من غير اذن ويزوجونهم غصب مجرد انه شافوهم مع بعض احنا عندنا المباحث بس لازم البنت تشتكي وصاحبة الموضوع ماتبي حل من هالنوع لانه مو ماذيها هي مو عارفة شتسوي محتاره يعني ماله داعي تبلغ عن الصبي لانه بنظرها يحبها مو قاعد يقص عليها عرفتي

وعندنا المخفر يحل هم هالامور اذا شافوا البنت و الصبي بوضعيه مخله بالاداب بالشارع يعني يودونهم المخفر وهناك عاد يخيرونهم طبعا وقتها الاهل يكونون موجودين اذا البنت اشتكت والولد رفض يتزوجها ينسجن واذا وافق يتزوجون وممكن ماتسوي البنت قضيه وعادي يوقعون على تعهد ويمشون اثنينهم

احنا عندنا قانون وحل حق هالمشاكل بس البنات مايعرفون يتصرفون وهالموضوع اكبر مثال تبي تتزوج وتحب لبناني وماتدري شتسوي ؟؟ اهي مو عارفه شنو تبي
عندج حلين يا انج تتزوجين اللبناني ؟؟؟؟؟ يا انج تهدينه وتتزوجين غيره دام حاسه انج عانس ؟؟ وبس ماله داعي تكتبين اكثر من موضوع قعدي فكري شنو تبين وقرري ؟