السلام عليكم
شلونكم بنات ؟ شخباركم ؟
مابي اطول عليكم .. بقولكم قصه رفيجتي حبيبتي وابي لها حل .. احس البنت بتروح من ايدي مادري شسوي
اهي رفيجتي من ايام المتوسط علاقتنا وايد قويه فتره الدراسه بعد تخرجنا من الثانويه كل وحده راحت كليه غير فنوعا ما افترقنا كان بينا اتصالات وطلعات بس مو نفس قبل بس هم ظلينا صديقات نثق ببعض ونطلب راي بعض بكل الامور
المهم رفيجتي عمرها وحياتها كلها ما عرفت كلمت ريال غريب كلش كلش .. حدها تكلم ولد عمها وقت الزواره وبالغصب بعد وبس
المهم اهي فتره الكليه تعرفت على بنات وكانوا وايد زينين واتوقع عن طريق وحده منهم تعرف على شاب .. بس الله خير كان خوش ريال معاها ما ضرها بولا شي .. بالعكس كان يخفف عنها ويساندها ويفرحها .. ظلت معاااه فتره 4 سنين .. وبعدها قال لها ابي اخطبج توافقين قالت اي لانها ما شافت منه الا كل خير .. واهو كلم اهله وتخيلوا قعد معاها قال لها جم تبين مهر اذا عطيتج هالكثر عادي .. وسالها وين ودها تسكن وقرر وين بروح شهر العسل وكل شي على اساس ان بس يرجع ابوه من السفر يخطبها .. البنت فرحت واهو كانت الدنيا مو شايلته من الوناسه بس فجاه وبدون سابق انذار
قالهااا انا مابي اتزوج @@
سالته عن السبب قال مشاكل بالعايله ومن هالكلام وخل ناجل الموضوع على ما تهدى المشاكل .. قالت اوكي صبرت البنت .. وبهالفتره انا كنت واقفه معاها اصبرها ورفيجاتها اللي بالكليه نفس الشي .. كانو وايد زينين وكانت ما تفارقهم كله معاهم اصلا قمت اغاار منهم من كثر ما يحبونها وتحبهم بس مو هذي المشكله
اللي صار بعدها هم قالها خلاص كلمت اهلي وجذي وتالي رد قالها امي مادري شفيها مطنقره علي .. البنت قالت له يا ولد الحلال الزواج مو بالغصب اذا انت ما تبي قول خل انا اشوف نصيبي .. طبعا صارت قصه وفلم وبجا وظل يدور عند بيتهم ايام وتخيلووو انه يوم ظل واقف عند بابهم يبجي لما نام بالسياره
عقبها شافته وتهاوشت معااه هوشه كبيره اهي كانت شاكه ان قاعد يلعب فيها
عقب الهوشه سافرت البنت وكان يدز لها مسجات ما ترد عليه ولما ردت من السفر اول ما وصلت البيت بدلت وخذت سيارتها وطلعت كان عندها مشوار وقالت لي رديت البيت وفضيت اكلمه عدل .. بس حبيبتي بعد عمري سوي حادث
حادث قوي حييييييل والله يوم شفتها بغيت اموت كانت بين الحيا والموت والله اصابتها كانت خطيره والدكتور قايل اي حركه غلط يا تموت يا تدش بغيبوبه او تنشل .. وتخيلوا واهي بالوضع لما دخلت عليها قالت لي دقي قوليله اهو كان يدق علي وانا ما رديت قوليله اني ابيه
انا بجيت بجي يومها اهي بالحاله وتفكر فيه
دقيت قلت له انا رفيجه فلانه تخيلوا شنو رد علي ؟؟؟ .... قالي فلانه منوووو @@ انا انصدمت تالي قلت له منو عصبت عليه نرفزني قلت له اهي سوت حادث وبالعنايه والله اعلم بحالها وقالت لي ادق اقولك ومن هالكلام والله كان يرد علي ببرود ولا جنه هامه استغربت اهو كان يحبها يموت عليها من كثر ما يحبها الكل كان يغااار ليش الحين يسوي جذي
وعقبها تخيلوا البنت شهرين بالمستشفى ما فكر يسال عنها كلش
ما اطول عليكم المهم صارت احداث وايد عقبهااا .. بس بالنهايه .. اهو قل اهتمامه واااايد وصار ما يدق ولا يسال ولا شي اهي هني طلبت منه ان يفترقون لانه ماله داعي يتعلقون ببعض اكثر واهو جذي واهو وافق
بكل بروووووود
المهم غير جذي مع الوقت رفيجاتها اللي كانت معاهم حيييل ما قاموا يسالون عنها ولا يدقون واذا شبكت ما تلقاهم .. ولما صارت صحتها احسن وقدرت تطلع من البيت وتداوم بالكليه
صاروا يتنحشون منهااا تدق تبي تعرف وينهم عشان تروح لهم ما يردون عليها .. يطلعون ما يقولون لهاا .. وحتى اذا قعدت معاهم لما تسولف ما يردون عليها يغيرون السالفه او يسولفون مع بعض ولا جنه في وحده قاعده تتكلم .. كانت تشكيلي منهم .. وظلت على هالحاله كورس كامل وتالي تخرجوا
وعقبها قطعوها فجاه كلهم مع بعض ما تدري ليش تدق عليهم وتدز مسجات لما تقول بس ما يردون وراحت حق وحده البيت البنت تخيلوا طردتها قالت لهااا لو سمحتي طلعي من غير مطروود وما راح اقولج انا شفيني
الصراحه البنت انهارت وااااااايد .. حب حياتها انتهى ورفيجاتها اللي كانوا مثل خواتها راحواا
واايد كاسره خاطري السالفه صارلها سنتين واهي للحين تدق علي تبجي بالليل وبجي من قلب وتشهق .. تقول انا شفيني ليش جذي يسوون فيني
ليش محد يبيني ولا احد يوقف معاي مع اني وقفت مع الكل وتحملت الكل .. انا احاول اهديها بس ماكو فايده
البنت نفسيتها صفرررر .. وايد تعبانه .. قلت يمكن تتوظف تتغير نفسيتها وتتعرف على ناس غير بس حتى بعد الوظيفه نفس الشي ..
قبل كانت 24 ساعه لابسه وكاشخه ومكياج والضحكه ما تفارقها وعمرها ما قالت ملل .. الحين صايره ما تلبس شي كله عبايه او قميص اسود وجنز وما تحب تدش السوق وحتى اذا شرت شي ما تلبسه كله تعبانه ومالها خلق احد .. ومسكينه كل ما تحاول تتعرف على ناس يصدمونها .. والكل يحاول يستغلها .. تقولي وايد شباب احس انهم معجبين فيني بس يبوني حق الحرااام وانا مابي حرام ليش ما يفكرون بالحلال ليش محد يتزوجني .. تعبت وين ما تروح تتضايق
انا حاولت اطلعها من اللي اهيا فيه بس مو قادره عفيه ساعدوني والله حالتها واايد مو زينه .. واهلها الله يسامحهم ما يساعدونها بولا شي قلت لها كملي دراستج عشان يمكن تنسى وتلهى بالدراسه بس اهلها ما يساعدون يحطون لها الف عذر
والله رفيجتي احسها صارت وايد جامده اهي ما كانت جذي .. وبنفس الوقت بس احد يقولها شي تبجي على طووول حالتها النفسيه مو مضبوطه
ساااعدوني بلييييييييز شسوي ؟؟
