في وحده سامعه عن دوالي المهبل او عانت منها اثناء الحمل ؟

[Pissy Missy]

شلونكم بنات

انا حامل وبالشهر الثامن واحس بثقل و ألم...قاعده اكلم رفيجتي جان تقولي انه اهي كانت تعاني من نفس الشغله

وطلع عندها داولي بالمهبل

في وحده عندها فكرة عن هل موضوع ؟

 

[ملكه الحطب]

شنو يعني دوالي المهبل ؟؟

انا اللي اعرفه انه عادي الشد تحت انا قاعد يشد عندي ويعورني واذا تعبت ومااستحملت كلش اروح اخذ حبوب بوسكبان

 

[Pissy Missy]

انا اول مرة اسمع عنها

ودورت بالنت...طلع انهم دوالي نفس الي يطلعون بالريل و السبب ضغط الياهل و تقل الدورة الدموية بسبب السوائل الي تتكون بالجسم

ونسبب الم وانتفاخ بالمنطقه

 

[ناتشوو]

بس شنو الاعراض عندج خلتج تشكين بدوالي المهبل
كل حوامل الشهور الاخيرة
يحسون بالثقل والالم

 

[Pissy Missy]

انا ليلحين ما راجعت دكتورتي عشان اتأكد

احتمال تكون اعراض عادية من الحمل بس انا الي شككني اني احس بثقل مو طبيعي وعوار واذا وقفت فتره طويلة المنطقه تورم وايد

ف شكيت انه احتمال يكون دوالي بس ان شاء الله اتأكد اذا راجعت

 

[حبيبـــ أمي ـــتي]

أنا فيني من يوم لي خمس اشهر والحين بالسابع
رحت لدكتوره بالعرف وتقول دوالي من الثقل وتكون برى المهبل يعني الجلد نفسه يبرز من كثر الحركه وعطتني جل ثلاث مرات باليوم بس بسراحه مو مستمره عدل ريحت نفسي وعلى الله

 

[Dorur]

انا اعاني منه

من يوم ما انا بالشهر الخامس او السادس ماذكر
والحين انا بالتاسع ليلحين اعاني
المنطقة الحساسة متورمة وصاجة اتعب اذا وقفت وايد
وعطتني الدكتورة جل ونفس الشي مو وايد ملتزمة فيه بس قمت اريح نفسي اكثر
حتى اذا صليت وسجدت احس المنطقة بتنفجررررر من الضغط
اااااااه يارب تحتسبلنا هالتعب بميزاننا
الجنه تحت اقدام الامهات

وقالتلي وحدة ديربالج ترا وقت الولادة من الضغط تنفجر الاوعية !! ويخيطونج ومادري شنو!!
سالت دكتورتي قالت شهالخرابيط؟؟؟ اصلا اهيا اوردة مو اوعية وما تنفجر بس يمكن تنفتح (مادري شالفرق؟) واذا انفتحت احسن لج لان بيروح الالم - ولو كان شي بطريجنا واحنا نولدج انفتح راح نخيطه لج بس ماعليج السالفة ما تسوى!
لاني كنت خايفة وانا اسألها واقولها ان ابي اولد قيصرية مابي طبيعي

والله يهون علي وعليج

 

[مملوحة الوادي]

انا بس عنيت منه في فترة الحمل والحمد الله رح

 

[@الياسمين@]

انا عانيت منه بالحمل وكان بالشهر الثامن ، احس المنطقه الحساسه وبجهه وحده انتفاخ وقالتلي الدكتوره ان دوالي من الحمل
وعقب الولاده راح بس الالم اللي كنت احس فيه واايد ما اقدر امشي وايد
والحين انا حامل بالشهر الثالث واحس بنفس الالم بنفس المكان ،، احس انه تو الناس عالثقل ماادري من شنو ؟؟؟
اللي عندها فكره خل تفيدنا

 

[Pissy Missy]

مشكورين بنات على مشاركاتكم

انا راجعت وقالت لي دكتورتي انه عندي دوالي

بس قالت عادي ان شاء الله يروحون بعد الولادة وصراحة قمت احاتي قتلها اخاف يحوشني نزيف وقت الولاده قالت لا مو لهلدرجة

والتعب راح يكون عليها مو علي قالت لا تحاتين بس حاولي ترتاحين اكثر وماكو علاج غير الراحة

 

[Pissy Missy]

اي وقالت لي لاتفكرين بخياط تجميل لان ما راح اسويلج اذا معاج دوالي

عقب الولادة وبعد ما ترتاحين وان شاء الله اذا راحت الدوالي اسويلج تجميل

 

[سنا الفضة]

الله يعافيج انشالله .... احس بنفس الاعراض اللي قلتوها
والله يستر بروح اراجع و اتأكد....
منو دكتورتج ؟؟؟