في مطلقه تزوجت وخلت عيالها عند طليقها؟؟

[hopfull]

السلام عليكم


ابي اعرف وضع المطلقات وعندهم عيال شلون حياتهم والمطلقه شلون تعيش بدون ريل!!

ودي اسمع قصص مطلقات وعندهم عيال لما ياهم النصيب اللي تحسه اوكي وخلو عيالهم عند طليقهم شلون وضع العيال بعدين !!!!!!!!؟؟؟؟؟؟


بنات اتمنى تفيدوني:eh_s(10):

 

[hopfull]

بناااات وينكم

up up up up

 

[hopfull]

:eh_s(2):

 

[ياغفور اغفر لي]

اغلب المطلقات اللي اعرفهم عيالهم عندهم بحضانتهم

 

[-فلانة-]

والله يا حبيبتي اللي مروا علي كانوا يسوون المستحيييييييييييل عشان عيالهم يظلون بحضانتهم، حتى لو بغت تتزوج بعدين تحول حضانة عيالها على أمها علشان يكونون جدام عينها..
​

 

[ما كو اسم]

اخلي عيالي عند مرت الابو وانا اتزوج واستانس ............. لأ ثم لأ ثم لأ

 

[روح مغليهاM]

الاغلب تاخذ عيالها معها
او يكون عند امها وقريبين منها
بس وحده اعرفها تطلقت وبتحر زوجها رمت اولادها عند زوجها توهق فيهم مااعنده احد يهتم فيهم وربي ندم ويبغى يرجعها بس رفضت وتزوجت لووووول
وهو تزوج بعد ماتعذب بالاولاد وزوجته الجديده اهتمت بالعيال
وهذيك نسيت اعيالها وخلفت غيرهم
بجد قويه قلب هالحرمه

 

[بحر الرمال]

جرح

 

[hopfull]

بعد قلبي ماقصرتو بالردود

بس حتى المراه محتاجه احد يكون يمها

روح مغليها ابي اعرف العيال كرهو امهم اللي قطتهم!!!

*

 

[قموشه21]

انا اعرف.. الله يسلمج مرت اخوي .. قبل سنتين اخوي طلقها..

بسبب مشاكل بينهم.. واخوي بطبعه حنون راح خذا عياله ابـوو 7 اسنين و6 اسنين و3 اسنين عند مرته .. لان اهي راحت لاهلها ولاخذته..

المهم وداهم واهي رفضتهم تقول هذيلا من صلبك ومابي اشوف اشكالهم اتذكرني فيـك والله العظيم .. اخوي خذاهم ويابهم عندنا..

تمو سنه ونص عندنا اختي ادرسهم والخدامة تسبحهم ويوم وترك يطلعون ويتمشون.. بالنهاية .. ولدها الكبيــر يبجي ابي امي.. عقب ماقطتهم واعتنينا فيهم يبونهــا << مهما كان الام غيـر

وبعد هالسنتين اخوي ردها وكأن شيئا لم يكن..

بس تدرين شاللي تغير قبل اعيالها علي طبيعتهم يسولفون واي شي ابالهم يقولونه الحين غير.. تحسين يتصوخون عليج ويراقبونج ويعلمون امهم مادري الظروف غيرتهم ولا طبع امهم صار فيهم : )

 

[روح مغليهاM]

شوفي العيال صغار وعادي يرحون لهم بس هي ماتبين لابوهم انها مهتمه فيهم عشان ترحه لووووووول الحرمه تزوجت وللحين تعانده
المهم ان العيال عادي عندهم ماادري عن الي بقلبهم يكرهونها اولا لانهم مو كبار مرابس متعلقيين بزوجته ابوهم حيييييييل يحبوونهاوينادونها يمه بس شعورهم لامهم ماادري كيييف

وبالتوفيق

 

[عبالي حبيبي]

الي تترك عيالها هذي موام ولاتستحق هالكلمه

ولله العظيم

وين المعنى السامي للامومه تهدهم عشان تتزوج وتخلف مره ثانيه وتصير ام مثاليه لعيال ابوهم موجود

اماالعيال الاوليين بالطقاق

غريبه هالحريم

 

[ابي اصير ممثلة]

هههههههههههههههههههه خل اتزوج عشان اتطلق بصراحة

 

[sosowaty]

لا حول و لا قوة الا بالله حرااام و العيال شكو يتشتتون

و باجر كل من يتطنز عليهم

 

[مطلقه وأفتخر]

:eh_s(1):

 

[أم ميميتو]

اي اختي بعد ما تطلقت قطت عيالها على طليقها تقول انها ما تقدر تتحمل و تزوجت واحد ثاني و عيالها ما تشوفهم الا صدفه اخر مره شافتهم قبل عيد الاضحى

 

[hano0oda]

امبييييي منصجكم شلووون الام تقدر تستغنى عن عيالها هذي موو ام استغني عن عيااالي عشان رييييل ماادري شلون بيعيشني
لااحول ولا قوة الا بالله الله لا يبلانا

 

[++MesK++]

اي اعرف وحده عمرها 40 تطلقت و قطت عيالها السبعه على طليقها

اول ما تطلقت قالت انا بعيش حق عيالي و بس !!


و بعد ما مرت سنه على الطلاق قالت لاااااااااااااااااااااااا ماقدر اعيش بدون ريّل! باجر عيالي بيتزوجون و ماراح يفيدوني بشي!!


و قامت قطتهم و تزوجت واحد مطلق و عنده 6 بس عياله عند طليقته

و طبعا " اللي اعرفها هاذي الحين عيالها عايشين مع مرت ابوهم

محد يدري عن دراستهم و لا عيشتهم و حتى البنات تعلمو الطبخ لان ما عندهم خدامه !

 

[hopfull]

حياتي مشكورين على مشاركاتكم

ام ميميتو ليش ماتشوف عيالها الا بالمناسبات! ليش ماتقدر تشوفهم كل ماتبي! عالاقل مره بالاسبوع

بنات لاتظلمون الحريم اللي تزوجو ترا صعبه الوحده تعيش بروحها بدرن ريال
ماتدرون شنو ظروفهم

 

[رفيف الخير]

شوفي هالقصة توها جديدة وحقيقية زوج يكلم جاره سائق باص خصوصي لنقل الموظفات عشان يوصل زوجته الممرضة الي عندها بنات وحدة منهم بالثانوية والثانية بمتوسط وولد بالابتدائي وبعد فترة سائق الباص يطلق زوجته الي ماجاب منها عيال ويمر شهر وتتطلق الممرضة بعد سلسلة من المشاكل المفتعله مع زوجها ابو اولادها بعد مااستفزته بكلام وتندم ودخل خوالها واخوانها وعمامها عشان يردها وهي ما بذنها ماي تدرين ويش صار بعد يوم واحد من طلوعها من العده تزوجت من سواقها ورمت اولادها على ابوهم والعيال الحين لاليلهم ليل ولا نهارهم نهار الكل يشاور عليهم ويقول هذي الي امهم تزوجت من جارها وعى فكرة اهيه بالثلاثينات متزوجة صغيرة بس عفيه قلب الي ماحسب غير حساب وناسته