في مطلقه تزوجت وخلت عيالها عند طليقها؟؟؟؟؟

[hopfull]

السلام عليكم


ابي اعرف وضع المطلقات وعندهم عيال شلون حياتهم والمطلقه شلون تعيش بدون ريل!!

ودي اسمع قصص مطلقات وعندهم عيال لما ياهم النصيب اللي تحسه اوكي وخلو عيالهم عند طليقهم شلون وضع العيال بعدين !!!!!!!!؟؟؟؟؟؟


بنات اتمنى تفيدوني



الموضوع حطيته بمشاكل اجتماعيه بعد بس ابي اكثر مشاركات

 

[كربون امها]

اعتبره ما عندها ذره امومه ولا مشاعر قلب قاسي فضلت وناسته علي عياله
شنذبهم هالمساكين لو انا افضل اعيش العمر كله بدون ريل وانحرم
من كل شي لاجل عيون عيالي فديتهم

 

[جلكسيه اس 3]

هلا حبيبتي انا مطلقه
و شنو يعني اشلون اعيش بدون ريال
ترا الزواج مو نهاية الدنيا حبيبتي
و لا الطلاق نهاية الدنيا
و حتى لو اتزوج ليش اخلي اعيالي عند ابوهم

اشدعوا اهوا الي راح ايبدل حفاظاتهم ولا يلبسهم و لا يوكلهم
بيخلونهم على الخدم
ثانب شي اعرف واحد كويتي متزوج سوريه
السوريه ماتدري عن اعيالها ابد و الزوجه الثانيه
ه اهي الي اتجابلهم
*

 

[صادقة بكلمتي]

والله حبيبتي انا لحمدلله مو مطلقه ولكن حبيت اشاركج الراي لان المطلقه انسانة ولها مشاعر اولا واخيرا والاخت اللي قالت ماعنها ذرة امومة حبيبتي قسيتي شويه عليهم يعني اكيد المشاعر تختلف من ام وام لكن مو معنى ان اللي اطلقت بدون ذنب وانهدم بيتها اللي ماكو وحدة تتمنى تنتهي حياتها الا القليل اكيد لان لكل قاعده شواذ لكن حقها كانسانة لها مشاعر واحاسيس انها تمارس حياتها الطبيعية اللي فقدتها يعني ان ياج نصيب وكنتي متاكدة انه اهو العوض عن الحياة السابقة واهو السعادة واستخرتي والله تمم عليج لا تهدين عيالج لابوهم ومرته الا ان ما كان عندج ام او اخت حرام و اهل الام يكونون احن شوية من اهل الابو على اليهال واكيد بعد لكل قاعدة شواذ يعني الاب اللي تزوج بعد الطلاق وعاش حياته ما تدرين شنو مرته الثانية شلون راح تتعامل مع عيالج مو مسؤوليتها فاكيد راح تتهاون بتربيتهم وممكن تظلمهم ان ما كانت تخاف الله فكل مطلقة ان حصلت زواج ثاني واحسنت الاختيار لا تظلم نفسها لكن بعدعيالها لا تهجرهم لا تهدهم بايد اي احد مو كفو لان ما احد بحس فيهم وبالمهم اكثر منها خاصة ان كانو صغار وبالاول والاخير 90 بالامية من نتائج الطلاق الخاسر الوحيد فيهم الابنااااااااااااااااااااااااااء للاسف علشان جذي رب العالمين حلل الطلاق لكن كان ابغض الحلال والله يوفق الجميع ويستر على جميع بنات المسلمين تقبلي مروري

 

[كويتية بروما]

اعتبره ما عندها ذره امومه ولا مشاعر قلب قاسي فضلت وناسته علي عياله
شنذبهم هالمساكين لو انا افضل اعيش العمر كله بدون ريل وانحرم
من كل شي لاجل عيون عيالي فديتهم

بدال ماتكتبين تعليق سخيييييييييييف عن الامهات اللي تطلقو وضاعت حياتهم قولي الحمدلله مو تشمتين بالناس
ترا انتي ماتعرفين شنو ظرووووووووووووف الناس والبيوت اسرار

والله منطق غريب الاب يطلق ويقط العيال عليج عاااااااااااااااااادي ويتزوج مره وعشر عااااااادي
لاهو قاسي القلب ولاهو اناني

بس الام حراااااااااااااااااااااام تتزوج وماعندها امومه ولا انسانيه ومجرمه وماتخاف الله وقاسيه ودور وناستها
لانها مطلقه لازم تعيش مدلوله ولا لها حق بزوج وحياه وناسه وراحه وظهر بالهدنيا اخاف امها وابوها دايمين لها
ولا اخوها ومرته يبونها ولا اختها ونسيبها يبيها لا ضاقت فيها الدنيا وبعد ماتكبر هالعيال الولد بيركض ورا مرته والبنت ورا هالريل وهي تطقق راسها بالطوف صح
والعيال ضاعو وتدمرت حياتهم من تطلقو الزوجين


والله انا اقول تجارب البنات ماتفيدج لان كل وحده لها ظروفها وتختلف من بيت لي بيت
المهم صلي استخاره ون شاء الله الله يجدم اللي فيه الخير

 

[كربون امها]

من قالج اني قاعدة اتشمت البنت اسالت وانا جاوبت وجه نظري
والحمدالله احنا بديره ما بعدها ديره كافله حق المطلقه والله حلوه اعيش بهني وعيالي الفقاره عايشين بهم عبالج فرقه الام سهل عليهم مدري يتعشون ولا ينطقون ولا ينامون بدون غطا
جربت حظه مره وحدة واعرفت نصيبه له الاجر عند صاحب الاجر ربي مايترك عبده تعبان واللي قالت ماعندها مشاعر عندها مشاعر اكيد بس مشاعرها تكبر ومحبه عياله تزود اذا صبرت وتحملت وايد اشوف تركو عيالهم خمسه وسته شوفي عيالهم شلون حالتهم لاحول ولاقوه الا بالله المغتصب واللي تتنطق عند مرت الاب واللي واللي ومانخلص كله عشان مافي ام مجابلتهم ودايره بالهم عليهم بس اللي عندها احد يراعيهم بالتوفيق يارب

 

[Hello_kitty]

اللي اعرفه المطلقه تتزوج اذا لقت واحد زين وبيعوضها وشاريها وشاري اعيالها معاها يعني شو المانع تعيش مع ريلها

واعيالها عندها ؟؟هذولي اعايلها امانه عندها صغار محتاجين لها شنو يعني ريال؟؟اهي ما تقدر تعيش بدون ريال

بس هالأطفال عادي يعيشون بدون ام؟؟ما تقدر تستغني عن ريال وتقدر تستغني عن اعيالها حشاشه يوفها؟؟

شنو راحه البال والسعاده واعيالي مادري عنهم وين ينامون شنو ياكلون شنو يلبسون؟؟يمكن يبجون متأذين محتاجين شي ولا احد عندهم؟؟ بتتخلى عنهم وهم بعز حاجتهم لها ولحنانها ورعايتها وباجر لي كبروا بعيد عنها وعن حضنها تبي تطالبهم يقومون فيه بصفه انها امهم؟؟امهم اللي ربتهم اللي قامت فيهم اللي ما ضحت فيهم عشان ريال ولا عشان غيره تتزوج اذا الريال يبيها ويبي اعيالها معاها واللي ما يبي اعيالها اهي المفروض بعد ما تبيه

الريال عزوتها؟ والله لاريال ولا الف ريال بيدوم العيال اذا ربتهم وعطتهم من حنانها وعاطفته وربتهم عدل بيشيلونها هذولي سندها وعزوتها والنعمه اللي المفروض ما تتخلى عنها واجرها عند الله ما يضيع..والحمدلله محد بهالديره عليه قاصر كل من عايش بخير ونعمه والمطلقه يمكن لها حقوق اكثر من ماكانت متزوجه حق السكن والنفقه ونفقه خادم وعندها معاشها وسيارتها يعني مو ميته من اليوع ولقمتها وعيشتها على الريال عشان نقول مضطره تتزوج وتهد اعيالها


الله لا يحرمنا من عاطفه الأمومه ولا تقسي قلوبنا على اعيالنا ياااااارب

 

[FUSHIA-GIRL]

والله لا هو عيب ولا هو حرام
يمكن المطلقه ظروفها ماتسمح انها تعيش عيالها عندها
يمكن وضعهم عند ابوهم احسن لهم ومافيها شى هذا ابوهم اهيا ماقطتهم عند شخص غريب !!
ومافيها شى اذا دورت نصيبها عيالها واهلها مو دايمين لها بس احنا مجتمعنا مع الاسف يجرم المراة اذا عاشت حياتها ويطالبها انها تضحي بكل شى وهذا غلط بحدود المعقول .

 

[كربون امها]

يعني العيال مو دايمين والريل دايم

اللهم صلي على محمد وال محمد معلومه يديده

 

[فديت سالم]

والله قعدت ابجي
تكفيين لاتخلين عيالج تكفيييين اخذيهم معاج والا اقعدي عندهم

 

[فديت سالم]

انا من جبت بنتي الكبيره وانا ما اتحمل ابعد عنها يووم والله لو يدخلوني الطبيب تنويم ابجي بكي اشتاق لها واحاتيهاا حييييييل والله ماحسيت بهالاحساس الا من جبتهاا وقدرت احساس امي وكل ام ،، اذا انتي تسألين عشانج انتي تكفين لاتخلينهم بيفقدونج وبيدورونج والله بيحسوون بالنقص اكتبلج ودموعي اربع اربع احس كأني اتكلم عن عيالي تكفيين لا تخلينهم

 

[someone like u]

بلييييييييييز لاتخليينهم :eh_s(2): .. الرياييل مايعرفون يتعاملون مع الصغار اكيد بيخليهم مع امه او الشغالات :eh_s(2)::eh_s(2):
اعرف وحده خلت عيالها عند ريلها .. ابسط المشاكل اللي صادتهم انهم ضعااااف في الدراسه :eh_s(4): طبعا هذي ولا شي بالنسبه لمشاكلهم
وفي الاخير انا ماعرف مشكلتج ... ومماقدر اقولج او انصحج لان في بعض الحالات الام ماتستاهل تخلي العيال عندها :eh_s(4):

 

[فديت سالم]

والله اعرف وحده تزوجت وخلت بناتها الثنتين اقسم بالله جدهم ام للام ماتمشي وخواتها متزوجات وخذاهم ابوهم وجدتهم ام ابوهم ماتبيهم تقوول ماسر الكلب عشان يسر ولده قصدها عن امهم تكرومون عن الكلاب ومرت الابو نفسيه حييل وتكره الكبيره من البنتين حيييل لانها نسخة امها بالوجه وتقول انهم كله هواش مع ولدها اللي اهوو اخوهم واهما كلهم صغار الكبيره عمرها الحين ٦ سنوات والثانيه ٥ سنواتتكفين فكري بكره الابوو مايدري عنهم والجدات يقوولون ربيناكم وخلصنا نربي عيالكم وكلن قط هالينتين
تكفين فكري ببكره فكري

 

[أنا أخت أخوي]

عندنا بالسعوديه العيال يخيرون مابين امهم وابوهم والاغلب الام تاخذ عيالها والمحظوظه الموظفه لانها بتحط لها بيت بروحها وتاخذ معها عيالها ولمن يجيها النصيب مرة ثانية وتشوف انه مناسب وبيعوضها وين المشكله خليها تتزوج وتعيش حياتها -عيالها مصيرهم بيكبرون ويخلونها وكل واحد مع مرته -وهي تقعد تقابل الجدران والوحده -والله لو عندها عشر وعندها بيت اشوف انها تاخذ عيالها وتلمهم بحضنها وتتزوج وتمتع عمرها ليش يعني الرجال الاول ماراح يتزوج هم بدون شي يدورون المعذّره والرياجيل مالهم امان حرام تضيع عمرها عشانه

 

[آجمل نسآء آلدنيآ]

والله مادري شقولج .. بس شلون الام يهدااا لها بال
ولا تغمض لها عين واهيا مو عند عيالهااا

..

مجرد التفكيررر بالموضوع يعوور القلب

 

[elzain^kella]

mara7 etahanna el om w e3yal'ha mo eb 7athenha o ta7at 3ainha

 

[fruity]

حبيبتي باختصار كل وحده ظروفها تختلف لا تلخبطين نفسج باراء الناس انا مريت بهالتجربه وما شاورت احد لا بطلاقي ولا بزواجي الثاني لانها بالنهايه حياتي انا اللي بتعب وانا اللي برتاح محد بيحس فيج بس اهم شي الاختيار يكون صحيح والعيال ما يكونون صغار وايد يعني انا لما تزوجت عيالي كبار اصغر واحد ابتداءي وحمدالله بيني وبين ابوهم بالبدايه ما تقبلو الوضع بس لما عرفو زوجي وحبوه كل الامور تمام استخيري والله يوفقج