في قرار وزاري يمنع المعلمه من انها تلبس بنطلون؟؟

[هااجر الهاجري]

السلام عليكم رحمه الله وبركاته

سؤال : في قرار وزاري يمنع المدرسه من انها تلبس بنطلون داخل المدرسه؟؟:nocommint:
وهل يحق للناظر تتدخل في لبس المعلمات ..؟؟وتطلب منهم يلبسون تنانير؟؟ او تعطيهم لفت نظر <<

ادري سؤال غريب شوي .... وادري الوزير تلبس بنطلون ... بس قلت يمكن يكون في قرار من هالنوع :eh_s(12)::eh_s(12)::eh_s(12):



لان وحده من بنات خالي صار لها موقف .... واستغربت خصوصا انها بمبارك الكبير يعني الوضع اتوقع عادي هناك!!!!!

 

[قلبي ابيض]

ذكرتيني بأبلة ولدي تلبس قصير مشير وهيلاهوب مشبك

اب لعيونج

 

[^ليلاس^]

مادري اذا فيه قرار

بس الناظره تقيم المدرسة على لبسها وكل ناظره على كيفها في ناظرات عادي البنطرونات وحتى الليغنز وفي ناظرات لا

 

[مريومة87]

اهو على حسب الناظرة اهي اللي تقرر
اذا عادي ولا لآ

 

[زيـטּ عَبْس]

مافي قرار وزاري بالشي هذا

بس في بعض الإدارات متشدده من هالناحية خاصة مدارس الاولاد

والبنات بعد في ناظرات تمنع لبس البنطلونات


احنا ناظرتنا عادي نلبس بنطلون بس بشرط التوب يكون طويل لي الركبة

 

[هااجر الهاجري]

بنات ... الله يعافيكم وضحوا اكثر


باي حق الناظره تعطي قرار مو نازل من الوزاره ؟؟

 

[شـ ShOoNa ـونـا]

شــوفي يـا قلبي الوزاره معطيـه النـاظره الحق انــها تمنع لبـس البنـطلون اذا و احط عليها مليون خط .

اذا شــافت ان المدرسـات قاعدين يـلبـسوونه مع بـلوزات قصيره و ضيجـه و مرتـصيــن فيه رص ..
اهني من حقــها تمنــع بــس .

بس اهو قـراار ان المدرسه ما تلبس بنـطلون مــــــــــافي

 

[ضحـاوي]

مافي قرار من الوزاره

لكن من حقها الناظره تمنع لبس البنطلون ,,

يعني الناظره لها الحق تطلع اي قرار تشوفه في مصلحة العمل وتعممه ولازم الكل يلتزم فيه

مع اني اشوف البنطلون استر بواااااايد من اشياء ثانيه

 

[هااجر الهاجري]

مشكوين يابنات ماقصرتوا
ومشكوره ياضحاوي <<< ناظره المنتدى

 

[ام عفاف الكويت]

نفس ماقالت ضحاوي
ناظرتنا احنا ياريت على البنطلون
حتى على الشباصه الكبيره قالت خففوها

 

[شوقي لديرتي]

في قرار من الوزارة يمنع لبس البنطلون أكيد الكلام هذا.
بس الامر يختلف من مدرسة لثانية حسب الادارة.
أنا أعرف مدرسة ردتها الناظرة للبيت عشان تبدل البنطلون
بس يا بنات صراحة في مدرسات over صراحة تستحين تطالعين فيها بنطلون ضيق شوي وينشق والبلوزة قصيرة ما تلومين الناظرة فيها أما اذا كان محتشم و قميص طويل ما أظن في مشكلة
وسلامتكم :bye22:

 

[AbRo0oH Q8]

عادي مدرستنا.. يلبوسن قصير .. شوي تحت ركبة ..
بس البنطلوووووووووووووون ممنــــــــــــــــــــــــــــــــــــــــــوع لو ان شاء الله فوقه بالطو واصل .. لجوتيج

 

[Turquoiseya]

ابوي ما يقدر الا على امي!
الناظرة ما تقدر تعترض عل لبس الوزيرة وتحط حرتها علينا احنا المدرسات!
هذي الوزيرة تلبس بنطلون وبلوزة قصيرة ماشوف نسرات المدارس اعترضوا على لبسها لانهم جبناء، فيهم استعراض قوة خلهم يواجهون الوزيرة براسها ويعترضون على لبسها، عشان تنقفهم من الوزارة بكبرها
بس يحطون حرتهم فينا احنا المدرسات لان تقاريرنا بادينهم
الحمدالله ناظرتي اتحب الكشخة وما تمنعنا من لبس البناطيل ولا لبس البلايز القصيرة بشرط ما تكون مرصرصة الابلة
اصلا تنفتح نفسيتها اذا شافت الابلة زقرتية ومرتبة وتلبس الوان زاهية وحلوة وناعمة
وبعدين انا ماني فاهمة سالفة البلوزة الطويلة لي الركب! جني لابسة زي باكستانية! بالله اذا ما لقيت بالسوق بلوزة طويلة تناسب ذوقي! يعني انحرم من لبس البنطلون؟
استغفر الله000 والله احتريت من السالفة

 

[Om_3aYSha]

ما فيه قرار بس الرئيس المباشر في العمل المديرة ولها الحق انها تمنع البنطلون أو لا ، بعدين فيه مدرسات لبسهم بفشل بنطلونات حدها ضيقة

 

[(كويتيه عسل)]

كل ناظرة وستايلها

ناظرتي الحين ستايلها كلاسيك وتحب اللبس الرزه والكلاسيكي

وما تواااااااطن الابلات اللي يلبسون ترينق تقول الترينق للنادي والشاليه مو للدوام

الصراحه زين تسوي فيهم لووووووووووول :krkrkr: معاها حق شكلهم يفشل

فيه ترينق شكله بيجابه جنه الابله نايمه فيه وقاعده الصبح مغسله ويها ومداومه فيه

 

[طموحه بزياده]

مابي مابي


اخاف بكره اتلبسنا عبي لالالالالالا


مع االعلم ا لبس الطلعه عبايه لووووووووووووول

 

[brettey]

اي وحده تصير لي عشتوا ناظرتهم مانعتهم من البنطلون واهي تدرس بمدرسه بالقرين تبع محافظه مبارك الكبير
انزين البنطلون استر خصوصا حق السلالم وحلو لما يكون معاه التوب او القميص الطويل يكون حيل ساتر

 

[ساندريلا]

مافي قرار وزاري بس اهو يندرج تحت بند الاحتشام في اللبس
وفي ناظرات يشوفون ان البنطلون مو محتشم مع ان انا اشوف العكس

 

[ورود و أزاهير]

والله شوفي هو صح إن لبس المعلمة حرية شخصية ، ، ، ،


لكن المعلمة قدوة في كل شيء ومحط أنظااار التلاميذ فصعب إن يروها خارج ما اعتادوا عليه سواء ، ، ، ،



في اللبس ، ، ، أوالمكياج ، ، ، أوالأسلوب ، ، ،



وان كان البنطلون في زيه وشكله المقبووول لا علاقة له في المنع لكن تركه قد يفتح المجال إلى حد قد يصعب إيقافه لاحقا ، ، ،


منعت إحدى المديرات في إحدى السنوات وضع الحمره (الروج) الفاقع (فوشي أو أحمر ) أثناء الدوام وقالت إن لها الحرية في تحديد اللبس في مدرسة هي تديرها :eh_s(16):

 

[أم عبدالرحمن 2]

بعد جبدي هالناظرات

اذكر من كنت طالبة وناظراتنا يمنعون البناطيل

وعقبال الدوامات كلها

ويطبق اللبس المحتشم بالكويت