في شي يخليني افقد الذاكره؟؟؟

[غريبه بهالدنيا]

السلام عليكم

ودي مااتذكر الماضي وابدا صفحه يديده بحياتي
ودي انسى كل شي بحياتي صار
بناات والله قاعده اتعذب,, مو قادره انسى أبوي الله يرحمه, مو قادره انسى رفيجاتي,
داري, دفاتري

انا كبرت 10 سنين, بس كأني للحين عمري 15
للحين أتذكر اني كنت بروح 2 ثانوي
للحين اتذكر شلون كنت؟ كنا نجتمع 5 عالسفره
كنت أحس بالامان ماكنت اخاااااف

دايما اقارن حياتي قبل وبعد
ودي ارضى بالامر الواقع بس ماااااا اقدرررر
قبل ما انام اغمض عيوني واتخيل حياتي قبل, اتخيل صوت ابوي يلاعب اخوي
أتخيل امي تطبخ, انا ورا مكتبي أحضر درس باجر, كتبي, ,,,,,!
بس لما افتح عيوني مااسمع شي, ما اشوف شي!
اشوووف ظلااام
اشوف حيطان غريبه مو حيطان داري

ودي انسى الماااضي
هل في شي يخليني افقد الذاكره؟
العمر قاعد يمضي وبعدني اسيرة الماضي
مستعده انسى انا من اكون حتى ارتاااح من الماااضي
شسوي؟؟:0bee2e8d89:

 

[نور كوليكشن]

بالعكس الماي جميل ليش تنسينه
بس تحمي بنفسج مو كله سرحانه بالماضي
حاولي تشغلين نفسج اكثر واكثر
مبين انه عندج وقت فراغ
اشغلي روحج بأي هوايه
او زيارات او طلعي
والله يعينج

 

[ملآمح يوسفيه]

رد : في شي يخليني افقد الذاكره؟؟؟

اناا مو قادره انسى الوالد
كل يوم ابجي احسن من كثر بجي بصير فيني شي
وفي الناس غالين فقدتهم

بس شنو نسوي مالنا غير الصبر ودعاء

الله يصبرج يالغلا
هذا الدنيا لابد من الفراق

​

 

[ღ❤سـنــيـــڪـرز❤ღ]

رد : في شي يخليني افقد الذاكره؟؟؟

يااروحي الله يفرج همك حبيبتي

ماافي دواء ياااحبيبتي في دعااء وصبر


الاب نعمة عظيمة

حبيبتي لازم ترفهين شوي عن نفسك رووحي اقااربك اطبعي مع صديقااتك ملاهي

لاتنسين صلاتك هي سبب ان ربي يفرج عنج اللي تبين وبيخليك سعيدة

الله يخلي لي ابووي ويطوول لي بعمرة <<اامين

 

[أسيرة_أحزاني]

رد : في شي يخليني افقد الذاكره؟؟؟



حاسه فيج انا بعد احس مو قادره استوعب انه الدنيا على طول تغير ماتوقف على احد

 

[سمو الغلآ]

رد : في شي يخليني افقد الذاكره؟؟؟

يااربي يعيين...

هذي الدنيا بس حوالي لا تذكرين الاشياء اللي تحزنج

انا فقد غاااااااااالي ما اقول غيير عسى ربي يجمعنا بالجنه..

 

[غرور وايل]

حبيبتي انتي والله

هذا حال الدنيا وكلنا بهالطريق رايحين

الله يعين عليج بالاستغفار وتصدق


والله كريم

 

[بولندية]

في ناس كانو معاج بذيج الفترة و اكيد اذا شفتيهم الحين راح يذكرونج بذيج الفترة الحلوة

قعدي مع اهلج تقربي منهم اهلج للحين موجوين و ابوج الله يرحمه اكيد كان نفسج توفو امه و ابوه و الحين اهو الله يرحمه بعد عمر طويل ان شاءالله وحسن الخاتمة عيالج راح يذكرونج

احلى مرحلة بحياة الانسان الايام اللي عاشها مع اهله والله يعينا على هالدنيا

 

[ســكره ورديه]

أنا يوميا اتذكر ابوي
انا يوميا اسرح باحلام اليقظه منفذي الوحيد احلم لو ابوي معي ويوم عرسي هو اللي يزفني لعريسي
دايم اقول الله لو اتزوج ويجيني اطفال ابوي كيف كان يحبهم اكثر مني؟؟

لاشعوريا ابتسم والدمعه تنزل

الحين بس انا وامي يعني 2 بس قبل 3 وش حلاتنا

مريت بمواقف انا لو اذكرها يمكن تقولين يالله يااني بخير



كل شي في حياتي تغير كل شي وموكلام عشان اخفف عليك

لا والله

حبيبتي انا عانيت وعانيت بشده لااخ ويسند ضعفتي ولا خال ولا عم الامن بعيد لبعيد


ابوي مات وانا 12 سنه

والحين داخله 22 يعني مدت معاناتنا سوا

كل هذا بحلوه ومره عشته هذي حياتي انا مافي شي بيخليني اغيرها او اعيشها مره ثانيه


تدري اش كانت مشكلتي واللي هي مشكلتك الحين

الوقت الحلو نبيه نحس ان مستحيل في شي يعوضه نبيه يرجع ونعيشه مرتين وثلاث ومليون

اش ممكن نسوي خلاص نقفل حياتنا ولانعطي لوقتنا فرصه انا نعيش وقت وحياه حلوه مع اللي حوالينا الحين مع اللي يحبونا

الشي الوحيد اللي انتي تدينين له بذاك الوقت كل ماتذكرتيه هي الابتسامه

حبيبتي
بيروح عمرك وانتي حبيسه للماضي

عمرك وحاضرك عيشيه ابنيه عشان ذكرياتك لـ بكره

انا حاسه فيك لان كثثثثثثثثثثثثثثثثير تشابهين حالتي بكل اللي ذكرتيه

اللي راح راح
بمرارته القاسيه وحلاوته

عيشي يومك لاتخلين عمرك يروح تكفين

هي صعبه علي وعليك وعلي اي وحده في حالتنا

قضى رب الكون اكبر مني ومنك

اشغلي نفسك باي شي انتي تحبينه

انتي ماوضحتي وضعك كيف عندك اخوات اخوان اش صار بالضبط

بس مثل ماذكرت لك في ناس يحبونك عيشي معهم حياتك

ولاتنسين الماضي

بالعكس اذا تذكرتي الشي الشين تعلمي منه والزين افرحي انك عشتيه

الكلام اللي جالسه اقوله لك ماطبقته بيوم وليله جلست فتره اقنعت نفسي لانه صعبه هالعيشه والله صعبه

والحمد لله تغلبت عليها


واكيد انتي راح تقدرين

 

[brettey]

رد : في شي يخليني افقد الذاكره؟؟؟

الله يلوم الي يلومج الابو غالي والله غالي
هذا انا كل يوم ابجي على ابوي الله يرحمه لان مافي ريال بطيبته وحنانه خصوصا انا كنت حيل متعلقه فيه لدرجه كنت اقول لو يصير فيه شي بنتحر ايام المراهقه وانهرت يوم حاشته الجلطه وكانوا يهياوني لوفاته عشان ما انصدم بس ماكنت اقتنع وعقبها طاب وارتحت وفجاه توفى باول يوم رمضان 2008
اشلون تصبرت مادري اعترف انهرت وظليت فتره طويله نفسيتي تعبانه وياست من الدنيا
والى الان احاول امشي حياتي بس قاعده ادعي له وعسى الله يتقبل
هذا امر الله ولازم نرضى ولا نعترض
حبيبتي اشغلي نفسج بدراستج وصلي وادعي واستغفري
عسى الله يشرح صدرج ويسعدج ويوفقج
والله حاسه فيج حاسه فيج

 

[غريبه بهالدنيا]

رد : رد: في شي يخليني افقد الذاكره؟؟؟

أنا يوميا اتذكر ابوي
انا يوميا اسرح باحلام اليقظه منفذي الوحيد احلم لو ابوي معي ويوم عرسي هو اللي يزفني لعريسي
دايم اقول الله لو اتزوج ويجيني اطفال ابوي كيف كان يحبهم اكثر مني؟؟

لاشعوريا ابتسم والدمعه تنزل

الحين بس انا وامي يعني 2 بس قبل 3 وش حلاتنا

مريت بمواقف انا لو اذكرها يمكن تقولين يالله يااني بخير



كل شي في حياتي تغير كل شي وموكلام عشان اخفف عليك

لا والله

حبيبتي انا عانيت وعانيت بشده لااخ ويسند ضعفتي ولا خال ولا عم الامن بعيد لبعيد


ابوي مات وانا 12 سنه

والحين داخله 22 يعني مدت معاناتنا سوا

كل هذا بحلوه ومره عشته هذي حياتي انا مافي شي بيخليني اغيرها او اعيشها مره ثانيه


تدري اش كانت مشكلتي واللي هي مشكلتك الحين

الوقت الحلو نبيه نحس ان مستحيل في شي يعوضه نبيه يرجع ونعيشه مرتين وثلاث ومليون

اش ممكن نسوي خلاص نقفل حياتنا ولانعطي لوقتنا فرصه انا نعيش وقت وحياه حلوه مع اللي حوالينا الحين مع اللي يحبونا

الشي الوحيد اللي انتي تدينين له بذاك الوقت كل ماتذكرتيه هي الابتسامه

حبيبتي
بيروح عمرك وانتي حبيسه للماضي

عمرك وحاضرك عيشيه ابنيه عشان ذكرياتك لـ بكره

انا حاسه فيك لان كثثثثثثثثثثثثثثثثير تشابهين حالتي بكل اللي ذكرتيه

اللي راح راح
بمرارته القاسيه وحلاوته

عيشي يومك لاتخلين عمرك يروح تكفين

هي صعبه علي وعليك وعلي اي وحده في حالتنا

قضى رب الكون اكبر مني ومنك

اشغلي نفسك باي شي انتي تحبينه

انتي ماوضحتي وضعك كيف عندك اخوات اخوان اش صار بالضبط

بس مثل ماذكرت لك في ناس يحبونك عيشي معهم حياتك

ولاتنسين الماضي

بالعكس اذا تذكرتي الشي الشين تعلمي منه والزين افرحي انك عشتيه

الكلام اللي جالسه اقوله لك ماطبقته بيوم وليله جلست فتره اقنعت نفسي لانه صعبه هالعيشه والله صعبه

والحمد لله تغلبت عليها


واكيد انتي راح تقدرين

ياعمري دموعي اربع اربع من قريت ردج
الحال من بعضه :friends:

صحيح اللي راح راح, بس انا بعدني مو مصدقه
احس اني اختنق كل ماذكرته, كل يوم احلم فيه

مااقدر اشكي لاحد همي لو شكيت لأمي يمكن تتعب اكثر
ولو شكيت لأخوي يمكن اكسر قلبه اكثر
والله احيانا استنى الليل حتى اروح داري وانتظرهم ينامون واقعد ابجي
ادري البجى مارح يرده, بس ان بجيت ارتاااح وانام من التعب

الماضي كان حلو, كنت في احلام ورديه, بريئه, فجأه كبرت وشفت بلاوي هالدنيا
والله احيانا احسد العيال الصغار لانهم مايدرون عن شي, ولا عندهم هالمسؤوليه اللي عندي وعايشين مستانسين بحضن اهلهم!!

انا بعيييييده وااايد الكل تخلى عنا, القريب صار غريب

مااقدر اشرح اكثر من جذي :ssssso:
انشاءالله بحاول اشغل نفسي بأي شي
والحمدلله انه في هالمنتدى

 

[بولندية]

تصدقين مادري ليش اروح و ارد على موضوعج !!

بس وين رفيجاتج ؟؟

 

[غريبه بهالدنيا]

رد : في شي يخليني افقد الذاكره؟؟؟

نور كوليكشن

ملآمح يوسفيه

سنيكرز

اسيرة احزاني

سمو الغلا

غرور وايل

بولنديه

سكره ورديه

brettey

مشكووووووره حبايبي والله لا يحرمكم من غالي يارب:hjy5jewf::hjy5jewf:
​

 

[~LiBrA~]

رد : في شي يخليني افقد الذاكره؟؟؟

كلنا اسيرين الماضي سواء كان حلو او مر مانقدر ننسى

كلنا نبي نفقد الذاكرة عشان ننسى الاشياء الحلوة الي راحت والاشياء الالمرة الي مانقدر ننساها وللحين عايشين فيها


الحل بس اني اشغل نفسي بأي شي

دراسه صديقات انترنت طلعات وناسه الخ الخ

بس القعده بروحج فاضيه راح اتذكرج وتخليج تفكرين بالماضي


والله يكون بعونج وعون الجميع

 

[مس كوكا]

ما في احد ما يشتاق للماضي

ومحد ينسا الايام الحلوه

 

[غريبه بهالدنيا]

رد : في شي يخليني افقد الذاكره؟؟؟

كلنا اسيرين الماضي سواء كان حلو او مر مانقدر ننسى

كلنا نبي نفقد الذاكرة عشان ننسى الاشياء الحلوة الي راحت والاشياء الالمرة الي مانقدر ننساها وللحين عايشين فيها


الحل بس اني اشغل نفسي بأي شي

دراسه صديقات انترنت طلعات وناسه الخ الخ

بس القعده بروحج فاضيه راح اتذكرج وتخليج تفكرين بالماضي


والله يكون بعونج وعون الجميع

يا قلبي مشكووره
اي والله دايما اتمنى افقد الذاكره وانسى حياتي قبل وانسى ابوي وانسى المعاناه اللي عشناها
انا يمكن أكتأبت زياده لان عندي عطله بالدوام
بس احس نفسي فاضيه او لما اكون بروحي يمر علي شريط حيااتي لحظه بلحظه
اتذكرها بتفاصيلها
لازم ادور على شي يشغلي وقت فراغي غير الدوام

 

[غريبه بهالدنيا]

رد : رد: في شي يخليني افقد الذاكره؟؟؟

تصدقين مادري ليش اروح و ارد على موضوعج !!

بس وين رفيجاتج ؟؟

حياتي بولنديه
انا عايشه برا الكويت
رفيجات الطفوله ورفيجات الدراسه كلهم بالكويت
وهني ما قدرت ومستحيل اقدر اكون صداقات:bbbiu:

خلاص انتو صرتو رفيجاتي:hjy5jewf:​

 

[.. رؤى ..]

كل اللي اقدر اقوله لج : روحي العمــرى ..
وقولي ربج حبيبج اللي كل من بالدنيا فاني واهو الباقي هالكلام وقعدي على سيادتج وأشكيله
واذا على الصديقات أنــا وبنات المنتدى كلهم راح نكون لج صديقات أهل وكل اللي تبينه ..
وشوفي شنو هوايتج وأشتركي بنادي ينميها لج .. أو رقصي اذا تعرفين ترقصين والله ثم والله التعبير الحركي يريح وااااايد وايد ..


الله يرزقج أيام حلوه من حيث ماتحتسبن
واللهم أجرها بمصيبتها وأخلفها خيرا منــها ..






أختج : رؤى

 

[~LiBrA~]

رد : في شي يخليني افقد الذاكره؟؟؟

اي حبيبتي لازم تكونين شاغله نفسج 24ساعه لما تحطين راسج على المخده

وأقل شي جابلي اللابتوب واقري مواضيع حلوه نكت اي شي مشاكل

والله انا بس ينقطع اشتراك النت اصير مينونه سيده اروح ادفع والهى فيه وانسى مشاكلي


انتي دايما خلج بقسم المشاكل وشوفي البلاوي الي تصير مع البنات وراح تحمدين ربج مليون مرة لان مصيبتج اهون

 

[Petite]

موضوع عوّر قلبي حتى بالردود اللي فيه !

لي عوده ..