في دوام ولا لأ؟

[ميلان]

السلام عليكم//...//

شلونكم ياحلوين ؟؟!!

بغيت استفسر ، باجر عندي بس محاضرتين الساعه 11 والساعه 12،30

ويقولون بيسكرون الطرق يعني نداوم ولا لأ؟؟

لان روحتي وردتي للبيت مع البـــــــاص!!

فشوروا علي يالغاليات؟؟​

 

[Kadin Cligin]

في دوام رسمي

وبيحسبون الغياب

بس الدكاتره قاموا يعتذرون عشان الزحمه

اهم صح بيسكرون طرق بس في طرق ثانيه تروحين منها بس بيصير حييييييييييييييل زحمه

اذا روحتج وردتج مع الباص يعني من 7 لي 2 وانتي بس عندج محاضرتين غيبي اذا ماكان عندج غيابات واجد

وترى الطرق بتتسكر من 11 ونص لين 1ونص

 

[زينن ع زين]

اي صح تو واصلني مسج من أدارة الاعلام الأمني

ان بيسكرون الطرق من 11:30 لي 1:30

و الله حتى انا ما ادري شنو وضعنا باجر <<< محاطرتي باجر الساعه 1 :>

 

[ميلان]

المشكله انا محتاجه الغيابات لبعدين<<*-*

بس شسوي شكلي بداوم ،، والله يعين!!

مشكوووره حبيبتي ،، ما قصرتي

 

[الغدق]

إذا دكاترتج شديدين بالغياب داومي
وحلو دوامج بالباص
يعني الطريج راح يكون مفتوح بروحتج وبردتج
المشكلة انا عندي بس امتحان الساعه 2
وشكله بطلع من البيت الساعة 10 عشان ابوي
يمديه يقطني ويرد قبل لا يسكرونه