في حلات الطوارئ اشلون تتصرفون؟

[زهر الرمان]

هاي بنوتات شخباركم؟



من يومين صار موقف اهو اللي خلاني اكتب الموضوع اللي اهو انه امي استمرضت وتعبت ولازم اتروح المستشفى
الحجي على ال 1 او 2 بليل راحت مع واحد من اخواني وحطولها ادرب


السؤال:

لو كان اخوي مسافر مثلا او شي وانا اللي بوديها الطبيب اشلووون؟
شلبس؟ شسوي لانة حزة الحززة تتوهقين وانا كنت حاطة كريم على ويهي يعني لازم اغسل ويهي بعد:eh_s(1):



في احد صارله موقف طارئ بليل شلون تصرف؟ شنو لبست؟ المتحجبات اسهل حجابج وعباتج وخلصنا
بس اللي مو متحجبة شلون؟

يمكن افكاري متلخبطة بس الموقف كان اشوي صعب الله لا يوريك اياه انشاءالله وادعولها الله يشفيها ويقومها بالسلامة

 

[العين الكحيله]

الله يشافي امج وتردلكم بالسلامه

وان شالله تلبسين نفنوف العرس عن قريب يااارب


ـــــــــــ

<< مارمريت بهالموقف

واكيد المتحجبه اسهل لان على
طول عبايه والملفع

بس مومتحجبه جنز او شي على السريع

 

[Miss.6Mo7]

الله يشآفي اميمتج يآرب ويقومهـآ بالسلامـه يآآآرب .. "
شلون اتصرف / أدق سيارتي سلف وأخذ امي اذا محد بالبيت غيري انا وهي !
أما شلبس بحكم إني متحجبه ألبس عبآيه وملفع .. ولو مو متحجبه أي شي عآدي !

 

[خليج***]

الله يقوم امج بالسلامة..

حبوبة لبسي لبس عادي..
اذا متجبة لبسي عباية عادية..
واذا مو متحبة لبسي لبس معقول..

اما الكريم اذا مكياج يفضل انج تمسحينه لو عالسريع..

اما الحالة المرضية اذا كانت صعبة دقي عالاسعاف ممكن ادقين على 777 ويحولونج على الاسعاف..
واذا حالتها المرضية بسيطة وديها بسيارتج واذا ماعندج سيارة طلبي تكسي..

 

[[[ عيون جابر ]]]

ما مريت بجذي مواقف بس بما اني متحجبه فعلطول ألأبس عبايتي وحجابي وادق السياره سلف وانطلق

 

[زهر الرمان]

تسلمون ياقلبي ماقصرتوا كلكم وانشاءالله محد يمر بهالموقف يارب

 

[منانا]

المتحجبة طبعا تلبس عبااية وملفع او بنطروون وبلوووزه مع ان العبااية اريح خصوصا اني مره رحت المستشفى واضطروا ينومووني وكنت لابسه جيينز كلش ما كاان مرييح طول الوقت كنت مبطله السحاب وانا منسدحه هههه فالعبااية اريح بالنسبة للي ممكن تتنوم او تناام مع احد مريض واستر طبعا وحتى لو مو متحجبه ممكن تخلين عندج عبااية اكيد تحتاجيينها بعزا الله لا يقوول او مستشفى
وشعرج عاادي لمييه واذا حاطة مكيااج اووفر رادة من برا او عزيمة حاولي تخففيينه حتى لو ما تمسحينه كله لو بالسياارة

والله يشفى مرضاانا ومرضى المسلميين يارب

 

[Miss 7o7o]

الله يشافي امج ولا يحرمكم منها

عادي ياه اني ادق على الاسعاف لانهم اسرع مني بالسواقه وخاصة انا راح اكون حيل متوتره وخايفة وتعبانه اما اذا انا اضطريت اني اوديها اقط علي عباة اساسا ما راح اهتم اذا كنت حطه كريم والا لا؟ والا لابسه متناسق والا لا ؟الي يهم اني اوصل امي الطبيب
تقبلي مروري يا الغاليه

 

[De3La^85]

عادي البس جيبزي المفضل و اي تي شيرت او بدي او قميص مو معقوله كبتج يخلا من هالسوالف
انا عندي جم بلوزه كادتهم حق الطلعات السريعه جمعيه مستشفى اي مكان مالي خلق ابدله واكشخ له
واذا كنتي حاطه كريم عادي غسلي ويج وطلعي