في بنات يحملون واهم ياكلون حبوب منع الحمل ؟ انقذوووني

[*Crafty-girl*]

السلام عليكم شلونكم خواتي


انا اكل حبوب منع الحمل cilest صارلي 3 اشهر ملتزمه فيهم بس مرات اتأخر عن موعد الحبه 3 ساعات او 4 ساعات او 5 ساعات وما اتذكر انه مر يوم ونسيت اكل الحبه موقادره اتذكر اني نسيت بس متأكده عمري ماطوفت ولا حبه !!

انا الحين باقيلي 3 ايام واخلص الشريط وانطر الدوره بس بنات فيني لووووووووعه مثل نساتي فبنتي بضبط لوووعه وكله برجع وانتو بكرامه صارلي 5 اياااام تعببببت وصدري صاير مثل الصخرره يعوورني اخر مره عورني بنفاسي لمن كنت ارضع بنتي وعقبها وقفت رضاعه طبيعيه وراح وتوا رجعلي صارله جم يوم شسووووي هل معقوله حااامل؟ وشسوي عشان اعرف ؟ انا خايفه اكمل على الحبوب واكون حامل ويأثر عالجنين لاسمح الله ابي طريقه اعرف فيها الحين شلون ؟

وسوري عالإطاله

 

[ام شووووق]

حللي قبل اي شي

وجارتنا حملت وهي تاخذ حبوب

 

[(أم نونو)]

اعرف وحدة حامل وكانت تاخذ حبوب فحللي منزلي يبين وبعدين من الافظل تروحين مستشفى تشوفين سبة الترجيع

 

[بولندية]

اللي اعرفه اذا الوحدة نست حبة تحمل بس بحالتج ما ادري حللي و ارتاحي من المحاتاة

 

[*Crafty-girl*]

مشكورين عالردود .. عادي اسوي تحليل وليلحين ماياني موعد الدوره ؟

 

[.،:"$الـعـوبــــة$":،.]

عادي لاتوسوسين ،،
انا قبل من كثر خوفي لااكون حامل إتأخر علي الدورة ، واروح احلل اطلع مو حامل بنفس اليوم تنزل علي الدورة وربي ،،
انتي تعوذي من ابليس ، وانطري لما يطوف موعد الدورة وبعدها حللي ،،
وترى فيه حريم يحملون وهم ياكلون حبوب ، وفيه حريم يحملون وهم مركبين لولب ،
وحتى لو حامل احمدي ربك ،، ربي كتب لك الحمل ويمكن هالولد والا البنت ربي يطرح فيهم بركة اكثر من باقي عيالك ،
عادي ( وعسى ان تكرهوا شيئا وهو خيرا لكم )،
وموفقة يالغلا ،:eh_s(7):​

 

[Queenleo]

اي تصير
رفيجتي حملت واهيااا تاخذ الحبووب
حتى انصدمت ماتوووقعت يصير هالشيء
رووحي الصيدليه ووشترري جهاز الفحص

 

[ترجمة احساس]

ما ادري للرفع

 

[*Crafty-girl*]

مشكوووره حبيبتي العوووبه بالعكس انا مومعترضه بالعكس بطير من الفرحه لو حامل انا متشوقه احمل من الحين بس لأني ناوي بأذن الله احج هالسنه فا بأجلها حق عقب الحج .. انتي اتقولين كملي على الحبوب انا خايفه اكمل واكون حامل وتسبب شي بالجنين عشان جذي ابي اعرف اقدر اسوي تحليل اليوم وموعد الدوره بعد يومين

 

[صمــت_ALsHfaaH]

والله مادري

بس اتمنى البنات يفيدونج

 

[*Crafty-girl*]

يسلموووووو عالرد بنااات فديتكم

يعني عادي احلل قبل موعد الدوره ؟ واحلل تحليل شنو ؟ صيدليه وله هرموني وله تحليل عادي؟ وتعتقدون يبين وله تو الناس ؟!!!

 

[الدلال]

اذا الحبه يوميا تاخذينها ما اظن تحملين

الا اذا رجعتي ولا صار معاج اسهال وانتي بكرامه بعدها

او كنتي تاخذين مضاد حيوي معاها يقلل مفعوولها

واللوعه احتمال من الحبوب والدوره مقربه تسبب هالشي

 

[غارقة بأحزانها]

هلا والله
حبيبتي كل شي جايز بس انا اتوقع ان لخبطة هرمون
لان في بعض الناس اجسامهم حساسة
التحليل الحين مايبين
لان ما طاف موعد الدورة
حاولي توقتين منبه حق موعد الحبة
لان اذا كل يوم تاخذينها بوقت غير تلخبط الهرمون وهم بعد الطريقة اللي انتي قاعدة تستخدمينهم فيها
يعني الحين الطريقة اللي قاعدين الدكاترة يعتمدونها
ان اذا خلصتي الحبوب يوم السبت مثلا
السبت الياي تبدين بالحبوب الجديدة
والله يطمن قلبج

 

[لولوة الكويتية]

اي عادي واااايد الي يحملونه واهم يأكلون حبوب اشتري اختبار الحمل المنزلي من الصيدليه وتاكدي والله يكون بعونك

 

[*Crafty-girl*]

انا اكل حبوب وقايه لانه فيني حساسيه بخشمي وتوني كليتهم بس هالشهر والوقايه تعتبر نفس المضاد عدل؟ لانها حمايه !!!

وواسوي تحليل شنو بضبط لأني قبل موعد الدوره؟

 

[*Crafty-girl*]

اسوي تحليل شنو بنات يبين اذا حامل او لا قبل موعد الدوره بيومين

 

[.،:"$الـعـوبــــة$":،.]

يسلموووووو عالرد بنااات فديتكم

يعني عادي احلل قبل موعد الدوره ؟ واحلل تحليل شنو ؟ صيدليه وله هرموني وله تحليل عادي؟ وتعتقدون يبين وله تو الناس ؟!!!

دام الدورة باقي عليها يومين سوي تحليل هرموني اضمن ،،
وبشرينا عاد ؟:d​

 

[نوني الحلوه]

على حسب قوة الحبوب

 

[زوجة عزيز]

للاسف ماعندي خبره ان شاء الله البنات يفيدونج

 

[Cute mama]

حبيبتي سوي تحليل بالبيت اخذيه من الصيدليه انا بحمالي الاول بين معاي بالتحليل اني حامل قبل الدوره بيومين وبحمالي الثاني قبل الدوره بيوم كان تحليل منزلي العادي مو الهرموني
بس هم لاتحاتين وايد لانه حبوب منع الحمل اصلا تسوي لوعه انا خذيتها مره ووقفتها سوتلي لوعه وارق وكآبه لوعت جبدي
والله يكتب اللي فيه الخير ان شالله
​