في النفاس بدون طفلتها

[جِراحُ الغَرام]

انقل قصة قريبتي والالم يعتصرني
ثالث يوم العيد ... نزل عليها الماي فتوجهت الى مستشفى ..... للولاده ... لكن ما فيها طلق ولا هي مفتوحه غير سانتي واحد
قاموا عطوها تحميله ... خبرت امها انها مطوله ... وفجأه حمى عليها الطلق ... بس بعدها مو في وضع ولاده ... بدا ينزل نبض الجنين ... حطوا عليها اكسجين ... نبض الجنين ارتفع ... طلبت الدكتوره من الزوج ان يوقع على القيصريه ...
الزوج ما عنده خبره بالشغلات هذي ويسمع ان الدكاتره هابين بالقيصريه حق الفلوس ... راح سأل الاستشاري ...
الاستشاري قال تسوي قيصريه ... الزوج سأل : محتاجه اكيد ؟ يرد عليه الاستشاري : كيفك تبيها تولد طبيعي تبيها قيصريه كيفك ...
اتصل الزوج بأم زوجته يخبرها بكلامهم ... الام قالت خل ينقلونها مستشفى الولاده ( الصباح ) لا يبهدلونها ... بس سمعوا هالشي فصلوا عنها كل الاجهزه والاكسجين والمغذي ... وجطوها بالاسعاف التابعه لهم ... وهم بالطريج ... حمى الطلق عليها مره ثانيه ... كانت راح تموت ... ومو من الام ... لا صج كانت راح تموت ... وولدت بالاسعاف ... متخيلين ؟
طلعت البنوته بس محتاجين جهاز الشفط اللي يشفط الوصخ منها عشان تتنفس ... الجهاز مو راضي يشتغل ... يحاولون فيه مني مناك ... مو راضي يشتغل ... بس وصلت الاسعاف باب الطوارئ في مستشفى الولاده اشتغل الجهاز ... الدكتوره تركض تبي تسوي شي ... نادت الدكتور الثاني ... الدكتور الثاني عصبمن اللي شافه وقال لهم ليش يايبينها ؟ يايبين حاله ما فيها امل ؟
اي
ماتت
الطفله الصغيره ماتت ... ما تنفست من هوا هالدنيا ....
المستشفى دخلوا المريضه عندهم واعتنوا فيها ... اخوها دخل غرفتها وهي نايمه ... وقلبه مذبوح انها بدون طفلتها
الجده شالت الطفله دخلتها المغيسل ... شافوا ملاك صغير مسجى على الطاوله ... ابوها رفض يدخل ... لكن اصروا عليه يشوفها ...
دفنو الجسد البريء تحت التراب ... الناس تتهافت على مستشفى الولاده ... تعزي بد لا تبارك ...
موظفات المستشفى ... وحتى عاملات النظافه يواسون اهلها ..
كل هذا صار ثالث يوم عيد ...
طلعت من المستشفى وتوجهت لبيت امها لأنها بالنفاس ... لكنها بدون طفلتها ...
لأن طفلتها نامت تحت التراب ....
هالطفله تلاحقني بنومي من 3 ايام ... اشفو شعرها السود ... اشوف بياض ويهها ... لكن ما اشوف ملامحها ...
ماعرفت بالخبر الا قبل جم يوم بالصدفه ... صدفه ذبحتني ... صدفه كرهتني بغربتي ... قلبي مات منها
احس اني فقدت اي احساس ... فما بالكم بأمها ... ولا تلوموني ... لان اللي ماتت مو بعيده ...
هذي بنت اختي ... وكان ممكن اختي اللي تموت ... لكن ربي شاء ان هالطفله تروح ...
ربي لا اعتراض على قضاؤك ... لكن حرقة بقلبي ... من دريت بالخبر ما كلمت اختي ... اخاف اشوفها ابجي ... وانا مابي ازيدها ...
بنات ادعو لاختي ان ربي يمسح على قلبها وعلى قلب زوجها ...ويمسح على قلبي اللي تعبان من الغربه وهالخبر ذبحه

 

[*ماي الورد*]

اخي عورتي قلبي
الله يهون عليكم
و يعوض اختج خير

 

[قسي قلبك تعيش]

الله يعوضها وطور من طيور الجنه وهذا قضاء وقدر

 

[ريماا]

رد : في النفاس بدون طفلتها

وااااااااااااااااااااااااى قطعت قلبى لله يصبرها مااعلية ربج كريم ياخذ من عبدة ويعطى كل شى خيرة من رب العالمين
بالعكس كلمى اختج واسيها وقوليلها لله قال وبشر الصابرين سبحاانة وتعالى والحمدلله لله قومها لكم بالسلاامة والطفلة للى ماات هذى باجر ان شالله تكووون من الشافعين لها
وبتمر الاياام والجرح بيبرى ان شالله وبتجيب ان شالله عياال العمر جداامة ان شالله كل مرة ذكريها باهالشى وادعيلها لله يجبر على قلبها

 

[سموره 87]

الله يعوضها ان شالله

 

[خليفة العظماء]

انا حاسه فيها لأن صار هالشئ فيني بس الفرق أن ماتت ابطني
ماعليه شهر وبتتعدل نفسيتها بأذن الله وبتشفع لها بيوم القيام يارب
اشتري لها كتاب ديني اسمه تسليه لم فقد احبابه حلو حيل واسلامي فيه احاديث عن الرسول
وكاتبين ان الاطفال ميتين في جبل بالجنه وسيدنا ابراهيم عليه السلام عندهم
وان هالبنت بارض المحشر بتجيب ماي من تحت عرش الرحمن لأمها وابوها وتشربهم وماتدش الجنه الى واهيا ماسكه ايد امها وابوها
الله ياخذ ويعطي

 

[ELFAD3Ah]

رد : في النفاس بدون طفلتها

حبيبتي عظم الله اجركم الله انشالله يهون عليها ويثبتها ويعوضها وقوليلها لاتياس من رحمة رب العالمين يمكن هالشي صار في خير لها وربج مايسوي شي الا وراه حكمه الحمدالله على كل حال

 

[noo7a]

لاحول ولا قوه الا بالله
خالتي قبل جم يوم قالت لي نفس الحاله صارت حق بنت رفيجتها
و كانت بجرها
الله يعوضها خير و يصبر قلبها

 

[أميرة القصر]

رد : في النفاس بدون طفلتها

عظم الله أجركم
والله يعوض اختج وريلها بالذرية الصالحه ..

اللهم آمين

 

[noo7a]

اشتري لها كتاب ديني اسمه تسليه لم فقد احبابه حلو حيل واسلامي فيه احاديث عن الرسول
وكاتبين ان الاطفال ميتين في جبل بالجنه وسيدنا ابراهيم عليه السلام عندهم
وان هالبنت بارض المحشر بتجيب ماي من تحت عرش الرحمن لأمها وابوها وتشربهم وماتدش الجنه الى واهيا ماسكه ايد امها وابوها
الله ياخذ ويعطي

امبيييي صج

ياااااارب ياااااارب ايي هالوقت و اشوف ضناي الي ماشفته
كنت دايما اتساءل اذا الله كتب لي و دخلت الجنه راح اشوفه ؟ و اذا شفته راح يكون باي صوره ؟
يااااربي الله يكتب لي و اشوفه ابيي اشوفه

 

[خليفة العظماء]

امبيييي صج

ياااااارب ياااااارب ايي هالوقت و اشوف ضناي الي ماشفته
كنت دايما اتساءل اذا الله كتب لي و دخلت الجنه راح اشوفه ؟ و اذا شفته راح يكون باي صوره ؟
يااااربي الله يكتب لي و اشوفه ابيي اشوفه

اي صج وهذي احاديث صحيحه عن الرسول وفي دلائل بالقرأن
وكل هالحجي موجود بكتب قريتها

لاتتوقعين ان ربي بيخلينا ربي كريم ماراح يخلي عبده اذا الله كتب ودشينا الجنه بتلقين ولدج او بنتج ناطرتج عند باب الجنه ومو راضيه تدشها الى مع امها وابوها

وهالاطفال تحت عرش الرحمن يوم القياه يقولون للله نبي نسقي ابوينا ,, وياخذون الماي من تحت العرش ويشربون امهم وابوهم
شفتي شلون هالضنا بيفيدج بالأخره
فايدته بتكون احسن منه لو كان عايش ,, الحمدلله يارب بس اهم شئ لاتسخطين من ربج وحتسبي الاجر
وقولي اللهم اجرني في مصيبتي وخلفني خيرا منها



قال تعالى:{الّذين إذا أصابتهم مصيبة قالوا انّا لله وانّا إليه لراجعون* أولئك عليهم صلوات من رّبهم ورحمة، وأولئك هم المهتدون}البقر

 

[أم وهابي]

حبيتى الله يعوضها خير ويسمح على قلبها

بس ضرورى تحطين اسم المستشفى

صج اللى صار قضاء وقدر ولا اغتراض على امر الله بس بالموضوع اهمال من المستشفى

حطى الاسم خلى البنات ياخذون حذرهم

 

[داناو]

الله يصبرها
هذا ربي كتبه لها ولازم تحمد الله عالمصيبه
ولا تياس وتنهار
الله يعينكم

 

[noo7a]

اي صج وهذي احاديث صحيحه عن الرسول وفي دلائل بالقرأن
وكل هالحجي موجود بكتب قريتها

لاتتوقعين ان ربي بيخلينا ربي كريم ماراح يخلي عبده اذا الله كتب ودشينا الجنه بتلقين ولدج او بنتج ناطرتج عند باب الجنه ومو راضيه تدشها الى مع امها وابوها

وهالاطفال تحت عرش الرحمن يوم القياه يقولون للله نبي نسقي ابوينا ,, وياخذون الماي من تحت العرش ويشربون امهم وابوهم
شفتي شلون هالضنا بيفيدج بالأخره
فايدته بتكون احسن منه لو كان عايش ,, الحمدلله يارب بس اهم شئ لاتسخطين من ربج وحتسبي الاجر
وقولي اللهم اجرني في مصيبتي وخلفني خيرا منها



قال تعالى:{الّذين إذا أصابتهم مصيبة قالوا انّا لله وانّا إليه لراجعون* أولئك عليهم صلوات من رّبهم ورحمة، وأولئك هم المهتدون}البقر

اللهم اجرني في مصيبتي وخلفني خيرا منها
اللهم اجرني في مصيبتي وخلفني خيرا منها
اللهم اجرني في مصيبتي وخلفني خيرا منها

حبيتج لانج فرحتي قلبي
الله يرزقج من اوسع ابوابه
و يعوضج خير يارب

 

[خليفة العظماء]

اللهم اجرني في مصيبتي وخلفني خيرا منها
اللهم اجرني في مصيبتي وخلفني خيرا منها
اللهم اجرني في مصيبتي وخلفني خيرا منها

حبيتج لانج فرحتي قلبي
الله يرزقج من اوسع ابوابه
و يعوضج خير يارب

اميييين يارب يرزقني ويرزقج ويعوضنا كل خير يارب ويرزق كل محرومه ياااااارب
:friends:
وانا بعد حبيتج ورتحت لج
:fun:

عسا المحبا تدوم

 

[sara81]

الله يعوضها خير و يصبر قلبها

 

[ام اميره]

عسى ربي يعطيها ويرزقها يااااااااااارب ويعووضها بالاحسن منه وانشاءالله خيره لها والله سبحاانه اذا حب عبد ابتلاه والله يحبها ويبيها اتقرب منه وانشاءالله ربي يرزقها بتووووام يااااااااااااااااااااااااارب واسال الله العظيم انه يمسح على قلبها وعلى قلب اهلها يااااارب

 

[Miss_Tiger79]

رد : في النفاس بدون طفلتها

عظم الله اجركم

والله يعوضها خير ان شاءلله

ويصبر قلبها يا رب

 

[ام - وهابي]

لا حول ولا قوه الا بالله
عورتي قلبي والله
عظم الله اجركم وربي يعوضها انشالله

 

[فوز فواز]

لاحول ولا قوة الا بالله العلي العظيم الله يعوضها ان شاء الله
الله كريم