في الاسبوع38 والجنين مانزل بالحوض

[شوكلاتة سويسرية]

السلام عليكم


انا بالاسبوع 38 و5 ايام وكشفت عند الدكتورة اليوم وقالتلي الجنين راسة تحت لكنة مانزل بالحوض الى الحين
وعنق الرحم مو متوسع ولا حتى نص سانتي:eh_s(11):
لاحول ولا قوة الا بالله
رغم انها كانت كاتبتلي على حبوب الخروع واستخدمتهم ومافادوا
وشربت منقوع الزعتر حوالي 4 ايام ورى بعض
وشربت عصير اناناس
ومشيت
وتبخرت بمرة وقشور بصل وكمون
ودهنت بطني اكثر من مرة بزيت زيتون صاخن فية حبه سودا ونقعت عقبة رجليني بماي حار ومافاد
واشرب حليب بالزنجبيل كل يوم
وشربت خلطة لمدة اسبوعين اسمها بالنت رحمة من ربي نزلت على كل مولدة
ذي نفعت مع كل العالم الا انا
بس ربي ما اراد الى الحين
المشكلة انها قالتلي اذا مانزل الجنين للحوض خلال 12 يوم لنهاية التاسع قصدها ،نولدك قيصرية:eh_s(11):
من عندها طريقة غير المشي تنزل الجنين للحوض وتفتح الرحم؟والله بدعي لها

 

[FJ style]

حبيبتي شفيج مكبرة الموضوع
انتي بجرية ؟؟؟
دكتورتج تتفلسف
عااااادي عطي البيبي فرصة ينزل براحته
لا تحاتين
اذا اكتمل وربج اراد له ينزل الرحم بروحه بيتقلص ويزه لي تحت
دكتورتج شكلها مشتهية القيصرية عشان الخردة

نطري شوي ياما عدينا التاسع وعقبها غصبن عليه طلع يعني ان ما طلع من تحت بيطلع من الخشم مثلاً
صبري حبيبتي وضعج عادي

 

[شوكلاتة سويسرية]

حبيبتي شفيج مكبرة الموضوع
انتي بجرية ؟؟؟
دكتورتج تتفلسف
عااااادي عطي البيبي فرصة ينزل براحته
لا تحاتين
اذا اكتمل وربج اراد له ينزل الرحم بروحه بيتقلص ويزه لي تحت
دكتورتج شكلها مشتهية القيصرية عشان الخردة

نطري شوي ياما عدينا التاسع وعقبها غصبن عليه طلع يعني ان ما طلع من تحت بيطلع من الخشم مثلاً
صبري حبيبتي وضعج عادي

الله يطمنج ويريح قلبج يارب

 

[ام فطوووم]

حبيبتي اشفيها دكتورتج الحمدلله والشكر جنج انه ابجري جذي سووا فيني
رحت العدان سوولي توسعه وطلق صناعي وولدت الحمدلله
ولا كنت داشه العاشر
تو الناس عليج ولاتخافين كل شي بييد ربج

 

[شوكلاتة سويسرية]

حبيبتي اشفيها دكتورتج الحمدلله والشكر جنج انه ابجري جذي سووا فيني
رحت العدان سوولي توسعه وطلق صناعي وولدت الحمدلله
ولا كنت داشه العاشر
تو الناس عليج ولاتخافين كل شي بييد ربج

يعني عادي يصير يسوون طلق صناعي وهو مانزل بالحوض؟؟

جان زين ميخالف طلق صناعي ولا قيصرية لاسمح الله:yaaaaaarb:

 

[لورا 22]

اول شي الله يهون عليج وعندج اسبووع ليش مستعجله انا كملت التاسع ولدت عقبه ب ٣ ايام
وانتي قلتيها المشي مالج حل غيييير المشي امشي كثر ماتقدرين

 

[ام فواازي]

الحمدالله والشكر بالذمه منو دكتورتج الخربوطيه هذه؟علىاي اساس تحكم قيصريه بس اذا طوفتي شهرج عادي انا بجري باقي اقل من اسبوع واخلص العاشر لاحظي قلت العاشر مو التاسع وماجتني ولاده ولا تبطل الرحم وقالت دكتورتي لازم اولدج اليوم واحتمال قيصريه تركتها ورحت العدان وجبت ولدي طبيعي انتي بجر تو الناس عليج البجر معروفه تاكل شهرها وبعدين البيبي ماينزل بالحوض كلش لين وقت الولاده لكن الراس يصير عند الحوض مستعد للخروج والله يسهل عليج

 

[ليه الجفآ]

الله يهون عليج

حبيبتي .. بقولج شغله ..

المشي هو اللي ينزل الجنين في الحوض ..

كل يوم امشي اقل شي ساعه

وخلال المشي مره او مرتين .. راح تحسين انه نزل بالحووووض ..

وبعدين الشرب الخروع والشغلات هذي ترا مايصير تشربينهم الا لما تجيج علامات الولاده ..


انتي الحين امشي .. لان المفروض تمشين من دشيتي التاسع ..

امشي ساااعه

وردي لنا خبررر ياحلوه ..



..​

 

[حب1985]

ليش تبين شي غير المشي
عاد توني كنت بقول لج امشي بس عاد مو تتعبين نفسج لا امشي بشكل متوسط ومده ثلث ساعة او نص ساعة باليوم

 

[شوكلاتة سويسرية]

الله يجزاكم خير وماقصرتوا


والله امشي وينهد حيلي بعد بس مو قاعده اشوف نتيجه كلش من المشي


سؤال/ في حال لو لاسمح الله خلصت الوحدة التاسع يحطون لها طلق صناعي والبيبي مانزل بالحوض ولا لا

 

[ام الحلوااات]

اللــــه يـــهــــووون عــــلــــيـــج ويـــقـــــومــــج بـــاالـــســـلامــــه

 

[<miss botamba>]

امشي واكلي تمر

ووحده قالت احبوا

 

[المها الابيض]

اذا انتي بجريه عادي حبيبتي ماينزل بالحوض
وكثري مشي
والله يسهل امورج وتولدين بالسلامه ولاده طبيعيه يسيره
وسهله

 

[أم عزيـز]

شنو هالخرابيط ؟؟
انا الياهل بكل حمالي الياهل ما ينزل بالحوض الا حزة الولاده
ايني طلق عادي الحمدالله ووقت الولاده ربي يسهل وينزل البيبي بالحوض
وايد بنات جذي وقت الولادة ينزل البيبي بالحوض

انا انصحج اذا الدكتوره جذي تتفلسف غيريها روحي حق روبينا اللي بالسيف او امل عبدالعزيز في السلام
اهم مولديني ويدرون البيبي راسه لي الحين مو بالحوض
لكنهم ما خرعوني بالقيصريه كلش قالولي ان شاء الله وقت الولاده ينزل بالحوض
تره حتى اذا مافيج طلق وكتبولج طلق صناعي نفس الشي حزتها راح ينزل الحوض

هذا الكلام عن تجربه شخصيه حبيبتي

الله يتمم عليج ويسهل ولادتج

 

[FJ style]

لا تحاتين
والطلق الصناعي يحفزون فيه الولادة
عفية ممكن نعرف دكتورتج عشان ننصحج

عموما اذا ما ياج طلق بيعطونج تحاميل ويوسعون من تحت واخر محاولة يبطون الماي وبجذي يحما الطلق

 

[نوفلتي]

انا يوم في بجري نفس الشي مانزل الا يوم جريب الولاده وتأخرت انا بعد عن موعدي ب 4 ايام والحمدلله التساهيل من رب العالمين ومالج الا المشي انا طلعت عيني من كثر المشي وماولدت الا بالطلق الصناعي وهالمره قلت مب ماشيه خخخخخخخ اتعب روحي على الفاضي

 

[دنيا جديدة]

سمعي هذا كامل
http://ar.islamway.net/lesson/62973?ref=search
اللهم صل وسلم وبارك ع نبينا محمد
من لزم الا ستغفار جعل الله لة مع كل ضيق مخرج ورزقه من حيث لا يحتسب
اكلي تمر وامشي وعليج بالدعاء ويارب ولادتج طبيعي
الله يسهل عليج

 

[ام فطوووم]

هلا حياتي انه كملت العاشر لي ١٠ ايام
وكانوا الخاص كلهم ايقولون لي قيصريه ليش مادش بالحوض
ريلي قالي يمكن يبون فلوسجزروحي الحكومه شوفيهم شيقولون اخذي التشخيص عدل منهم بعدها شوفي وين تولدين
فعلا رحت الحكومه العدان الدكتوره كانت عندها هالحاله عاديه وقالتلي شنو يعني
تدخلين اي وقت وانحطلج طلق صناعي واتسويلج توسعه وانزل راس البيبي بالحوض
بس شوي راح تاخذين وقت بس مع ابره الظهر ماراح اتحسين بشي
المهم فعلا سوولي دخول وبعدها حطولي الطلق الصناعي وقالولي متى مابغيتي الابره نادينا
المهم وحطوها لي
تقريبا دخلت ٩ ونص الصبح
ولدت ١٢ و٢٥ دقيقه الفير
تبين الصراحه الولاده مع العدان اتينن
بس عيبهم الجناح
وفرقها عن الخاص ان الخاص خذيت فيها ابره نمت قعدت والا صارلي ساعه من والده ومخيطيني واهلي يمي
اما ابره الظهر كل شي اتشوفين
بس ماتحسين بشي
لاتخافين من شي وولا ايقصون عليج دكاتره الخاص
مثل ماسووها فيني
منتي خسرانه روحي الحكومه شوفي شنو ايقولون لج وبعدها اختاري وين تولدين
وديري بالج لايرتفع الضغط عندج
ولازم ايسوون للبيبي تخطيط كانوا ايسوولي كل يوم وترك تخطيط للبيبي
والخاص ولاهمني قيصريه قيصريه
واي شي تبينه اختي مايردج الا السانج
واحنا خوات ومافيها احراج


وصج بغيت اعطيج هالخلطه عجييييييبه للولاده
من بعد الله سبحانه

حليب حطيه عالنار وحطي فيه
عودين دارسين صغار
حلبه
زنجبيل بودر
زعفران
هيل ناعم
وهيله وحده عدله


وانشالله يومين وتولدين نفسي
قولي امين

 

[yes or no]

انا بجري مانزل الراس بالحوض الا وقت الولاده
بس انا يوم بافي يوم واخلص تاسع طلبت طلق
صنااااعي .. وسلمت عمري
لاني مفتوحه ٢ سانتي من دشيت شهري

وجبته طبيعي الحمدالله

بس انتي امشي علي تراااب البحرررر
له فاااايده

 

[شوكلاتة سويسرية]

الله يجزاكم خير ماقصرتوا صج وسعتوا صدري وطمنتوني الله يبشركم بالخير.
باخذ بكل النصايح ان شالله