فيني عقدة نفسيه اسمها ( النفااس )

[دلع^_^]

ماطول عليكم بنات
انا بنفاسي يجيني أرق والله ما أنام الا ثلاث ساعات بسسس .. أحس راسي بينفجر
بس ماكو فايده .. مع ان الياهل مايكون عندي حزه الليل عند اختي ...وبنفاسي الأخير مع اني مسويه خياط تجميلي ونفاسي نفس أكل خواتي بس طلعت الاربعين كلش مو شي:eh_s(10):
أحس اني خربانه .. هل للأرق علاقه بالخراب ؟
تكفون ريحوني الي صار فيها نفس حالتي تقولي شلون تغلبت عليها

 

[شيــوخه]

الله يعينج بس لازم هلارق والاكتاب يروح منج

مو زين جذيه واضن الخراب من اتعب والنفسيه ماتحسين انج مرتاحه

 

[ريماا]

لله يقومج بالسلاامة ولله انا عندى كل شي يهووون جداام التربية والمعاابل ورا الطفل
فترة الفااس صج تتعب انا بس تحوشني كابة النفااس بس بولدى الاخير كاانت اهووون حيييل صابتني بس اول يومين طلعت فيهم من المستشفي بس ارق وماناام امم لا بس نومي تخربط روووحي الطبيب وشووفي يمكن عندة علاج للارق الان قلة النوم حيييل تاثر بالانسان سوا بحالة النفسية او الجسدية النوووم شي اساسي ولازم متوااصل بعد
وشووفي طول مانتي محاافظة علي نفسج انتي بتكونين زينة اهم شي تبعدين عن البارد وماتتركين نفسج علي جووع
ودايمااااااا توضي بمرة علي طووووووول ولاتنسين تستخدمين تحاميل طبية بكل شهر خامس يوم دورا

 

[@غشمرية@]

عادي حبيبتي كلنا جذي انا اول اسبوعين مانام وبالمستشفى كلششششش مانام ماعرف ليش يمكن من الهرمونات والتفكير بالمسؤولية الجديدة بس انتي حافظي على اذكار الصبح والليل واذكار النوم وشغلي القران وترتاحين ان شاء لله
اما الخراب ماله حل الا نفس ماكنتي تسوين بالنفاس سوي بالدورة حافظي على اللهوم والمردود وشاي الاعشاب والاشياء الدافية وتدفي عدل وانشالله تردين عروس

 

[wafa82]

الله يعييينج حبيبتي

 

[Fashion Falls]

ماجورة ان شالله والله يعينج

 

[lalaaa]

شوفي حبيبتي
أنا كنت نفسج واكثر كنت ابجي واشق اهدومي من النفسيه
وحاشتني حمى النفاس بغيت اموت
ودوني المستشفي ومنهاره ولما سوي لي تحليل طلع عندي نسبه الحديد زيرو
عطوني حديد بالدرب والله تقولين ما فيني شي ونمت نوم عميق مانمته من أسبوعين

 

[مرايــــــــم]

الحمــــــد للــــــــه عالسلامــــه

اهـم شـى اهتمـي بنفسـج ايـام الـدوره

واستخدمـى الكبـو (قشـر بصـل وكمــون ومـره وفلفـل هـوا )
استخدمـيه اخـر 3 ايـام من الدوره

وبايـام الدوره اشربي حليب وحطيه فوقه فلفل اسود

 

[ام زهقانه]

نصيحتي ثمنيه حييييييييييييل اقري كل يوم القران ثم الرقيه الشرعيه ادري بتقولين نفاس مايصير المس المصحف البس دسوس وامسكيه ليش تيتعدون عن القران

 

[زين ودلال]

الله يعينج بس كل يوم قبل لاتنامين شغلي قران

 

[كيوي كويتي]

لا حبيبتي مايجوز تمسكين القران شنو البسي دسوس وامسكيه حتى لو تقلبين صفحاته بعصا مايجووووز
اقري على نفسج وادعي واقري المعوذات
واسمعي قران يريح نفسيتج شوي ولاتحاتين

 

[عيون مها]

أنا معاج أنفاس لايومج هذا مايجني نوم ويوم مافكرت بها موضوع أمس نمت نومه حلوه

أظاهر الوحده فينا مفروض ماتبرمج عقلها وتحاتي النوم تترك تفكير وتفكر باللوك وطلعه

ويجيها نووووووووووووووووم

 

[شووقة]

انا مثلج الحين بنفاس ونفسيتي حيييييييل تعبانة احس بضيييقة موطبيعية
و ماكو نوم كلش
الله يكون بعونا

 

[Petite]

@@

الله يهون عليج يارب ويشفيج

 

[ورد الغرام]

ربي يشفيك انشاللة

 

[x.Lina.x]

الله يشافيج ياقلبي و يكتب لج الاجر

 

[ناتشوو]

الله ييسر امورج
والله عندي الكثير من النصايح بكرة اكتبها ع الراحة
بس الاكيد دكتورج اللي عمل التجميلي خرطي
او عالاقل ماتوفق بخياطج
اصلا التجميلي يصحح غلطات النفاس ان وجدت

 

[ReRez]

الله يسهل عليج و يريح بالج و يبعد عنج التعب والارق اللهم امييين

 

[الفدنه]

الله يهون عليج

 

[انا حبه للابد]

الله يقومج بالسلامة يا رب وعليج بالقران شغلي بالغرفة اللي اتنفسين فيها مع اذكار الصباح والمساء والله يشيل عنج الاكتئاب