فيني ضيقة مو طبيعية والله سامحوني بس ادش وافضفض لكم محتاجتكم والله العظيم

[strawberryq8]

قوة بنات

شخباركم



انا حالتي حالة وسالفتي سالفة
والحمدلله على كل حال


انا عندي ضعف في التبويض

والشهر اللي طاف مع الابر 12يوم وبعدين الابرة التفجيرية
يعني13 يوم اخذ ابر
صار هرمون البروجسترون 26
حييييييييل مرتفع وحلوة نسبته

بس الحمدلله على كل حال
ماصار حمل


وهالشهر
خذيت الابر اسبوع وبعدين الابرة التفجيرية

وطلعت البروجسترون4ونص:0bee2e8d89:


تخيلو؟؟؟؟؟؟؟؟؟


والله حتى انا كنت مستغربة من نفسي


انني ما كنت احس بالم بخواصري لما كنت اخذ الابر

لان الشهر اللي قبله لما خذيت12 ابرة
كنت احس بالم بخواصري


بس هالشهر ما حسيت بشي

المهم
قبل اخر ابرة بيوم
رحت حق الدكتورة وكانت حجم البويضات
15 و16
وحدة عاليمين
ووحدة عاليسار

وقالتلي اليوم اخر ابرة

وباجر ابرة تفجيرية

هذه الدكتورة هبه
مساعدة الدكتورة عالية الفضلي
كانت د-عالية رايحة الحج

المهم انا استغربت منها
لان الشهر اللي قبله

الدكتورة لما شافت حجمهم جذي
قالتلي
راح ازيدلج الابر عشان يوصلون فوق ال20

المهم

خذيت اخر ابرة
والابرة التفجيرية

وحددتلي موعد تحليل البروجسترون
وطلع4ونص بس

وهرمون الحليب عندي شوية مرتفع

مع انه الحمدلله على طوووووووول كان طبيعي
وما فيني شي

بس هالشهر ارتفع



الحمدلله على كل حال




بس بنات


انا صارلي يومين
احس بتعب وارهاق وضيق تنفس
وضييييييييييييييييييييييييقة

ودي افتح صدري واتنفس

ماادري شفيني


ادعولي ان الله يشرح صدري

والله يابنات
ساعات ارفع ايدي لله وابجي

اللهم اشرح صدري
واموت من البجي


وبس اسرح

اروح عالم ثااااااااااااااااااااااني



والله اسفة انني ضايقتكم بكلامي

\بس جد ماادري شنو اسوي


اغير دكتورتي

اروح حق فوزية القطان؟؟؟؟؟؟؟؟؟؟؟


انا ودي اسوي هالشي


بس قلت الدورة الياية اخر مرة عند د-عالية
والي وراه ان شا الله باروح حق فوزية القطان


شرايكم؟؟؟؟؟؟؟؟؟؟؟؟؟؟؟


وسامحوني اذا ضايقتكم
بس والله والله ووالله مالي احد غيركم من بعد الله
افضفض له


ادعولي ان الله يشرح صدري​

 

[Dloool_q8]

حبيبتي والله ياريت ما تزعلين من كلامي

اول شي مادامج مو ملهيه نفسج ودايم تفكرين بالحمال راح يقل هرمون الحمل عندج لهي نفسج باي شي

ثاني شي عاليه الفضلي ما يمدحونها واايد روحي حق فوزيه القطان وصلي استخاره

بس اهم شي النفسيه ولا تفكرين لا تفكرين لا تفكرين

واي شي تبينه اانا حاضره

والله يرزقنا بالذريه الصالحه قريييب يارب

 

[strawberryq8]

مشكورة حبيبتي

عاد تصدقين
هالشهر
كنت ماافكر اصلا بالحمال
والله كنت لاهية
وكانت فترة امتحانات عندي

وكنت بالعكس مستانسة

بس اذكر مرة قبل لا اخذ ابرة من الابر
تضايقت من موقف


وحتى عقب فكرت قلت اخاف هالشي اهوا اللي اثر علي

وكان موقف مو حلو

ومشكورة على مرورج ياقلبي

 

[¤§ زيتونة §¤]

حبيبتي

عسى الله يفرج همج
ويرزقج الذرية الصالحة ويفرح قلبج اللهم امين

عادي حبيبتي كلنا نمر بهالشي بين فترة وفترة ومو شرط الحمال والعلاج اهمة السبب لا ... ساعات تلاقين الواحد نغلق من روحه ومو عارف ليش اصلا اهو متضايق

يعني حالات الضيج متنوعة



و الظاهر حبيبتي التفكير اهو اللي مخليج جذي متضايقة ومتكدرة وهالشي غلط ترى التفكير يشل المخ ويجعل الانسان يااااااااااااائس جدا

لا حبيبتي لا تستلمين للحزن والضيج توكلي على الله واستغفري ربج وادعيه بكل صلاة وبالليل خصوصا ناجي ربج الكريم وما يقصر

يوخر عنج الضيج وييسر امورج
اللهم امين



قلبي معاج وحاسة بضيقتج كبيرة فعلااااااااااااااااااا

حبيبتي ربي يوفقج ويريح قلبج

 

[ή ő 0 и Ч *]

يارب يرزقج بالذريه الصالحه اللي تفرح قلبج ..

 

[$$كويتية$$]

انا اقول زيادة على البنات كثر ماتقدرين اقري صورة البقرة وان شاء الله اتينا بالبشاارة الحلوة

والله يشرح صدرج ويرزقج بالضنا الصااالح

 

[strawberryq8]

يا بعد عيني انتو

لا خلا ولا عدم

 

[غلاي غير]

تعوذي من الشيطان وهذا رزق الله كاتبه شوفي متى مالج الا تدعين وتستغفرين وتصدقين وان شاء الله بيرزقج


نصيحه غيري عاليه لعبت بوحده اعرفها وعطتها امال ومسكينه ما حملت ارتفع هرمون الحليب وتكيس وبلاوي ونصحتها تروح للدكتور منصورالعرف بالجهراء وماشاء الله عنده 3 والفال لج

بس لا تفكرين واجد مو زين

 

[Dloool_q8]

يا قلبي حطي فبالج ان هالشي يمكن يصير يمكن ما يصير يمكن بعلاج يمكن بدون علاج

اانا مابي احبطج ولا شي بس ربج موجود وهالشي اختبار لنا وان الله مع الصابرين

 

[strawberryq8]

يا قلبي انتو


كل وحدة وين تعالج

انا لاحظت ان بنات وااااااااااااايد يعالجون عند فوزية القطان صح؟

 

[روعة خيال]

يا قلبي انتي عساه هالضيجة تروح منج اللهم امين

حياتي انا قبل لا ابدي علاج في اول زواجي كنت مفكرة اروح لدكتورة عالية بس قالتلي خالتي انحاااااااااااااااشي منها كلش مو زينة و تعصب و تهاوش انا مابي جذي انا ابي اروح حق دكتورة ارتاح لها

بعدين احترت وين اروح جان اروح للدكتورة ماجدة كميخ و بديت علاجات و لمن سويت الابرة التفجيرية ماصار حمل بعدها بشهر حملت حمال طبيعي ولله الحمد

عندي حماتي طولت ما حملت جنه صارلها سنةو 7 شهور المهم راحت للدكتورة فوزية القطان على طول ثاني شهر حملت و يابت بنووووتة

ادري هذرت وايد بس كل اللي اقوله غيري دكتورتج شوفي و لا تنسين الاستغفاااار لان اولا و اخيرا الحمال من رب العالمين

اذا بغيتي اي شي انا موجودة

بعطيج نكتة ع السريع
يقولج في قزم عطس جان يطق راسه بالارض
لوووووووووووووووووووووووول:dddds:

اخاف تكون مليغة:tomato2:

 

[lailalaila]

ا بعد عمري عسى ربي يشرح صدرج و يسر امرج و يرزقج الذريه الصالحه والله بجيتيني يالغاليه

 

[$غــ(ز)ــل$]

حبيبتي انتي لاتتضاااااااايقين
والله يلوم اللي يلوومج
لان سالفة الحمل بالنسبه لنا حييييييل حساسه
بس الحمدالله على كل حال
هذا ابتلاء من ربنا
والله سبحانه اذا أحب العبد ابتلاه

شوفي اختي اول شي عشان تروح الضيقه اللي فيج
خليييييج دايم تقرين البقره وارقي نفسج وشربي ماي مقري
وحاولي تجربين اشياء طبييعيه تنشط المبايض مثل الاعشااب .. والخ

وبعدين غيري دكتورتج..يمكن الله سبحانه موكاتبلج الرزق معاها
او مثل ماقلتي اذا تبين تقعدين هالشهر بس معاها واذ ماصار حمل غيريهاا

والله يسهل اموررج ياارب
ويكتبلج الحمل ياارب ويرزقج الذريه الصالحه عاجلا غير آجل

 

[-Bello-]

اول شي ليش متضايقه انتي توج عرووسه .. الوحده ماتخاف على عمرها ولا تبلش اعالج الا من بعد سنتين من زواجها لانه اذا ماصار حمل قبل هالفتره شي طبيعي عادي لين ياخذ جسمه وهرموناتج على جسم ريلج حبيبتي انتي طولي بالج .. تبين حل لمشكلتج؟؟

اخذيها من اخت .. وقفي المراجعات ولاتراجعين اب ولا مكان حلو؟
اول ماتييج الدوره شربي مرميه جاي ومراميه حيلج فيه وهم شربي حليب وحلبه كثري وايد كل ماضاق خلقج شربي واحد منهم واكلي انانااس وعصير اناناس طبيعي ..واستمري عليهم لي يوم 14 و 15 و16 خل يصير الجماع قبله لايصير كلش الا اب هالايام عشان تهيأين نفسج ومبايضج حق هالايام ومايتعبون حلو؟؟ صار الحمل اب هالشهر كان بها ماصار نطري الشهر اللي بعده .. خلي هالاشياء عاده تعودين نفسج عليهم كلها منشطات طبيعيه حق الرحم ومامنها ضرر باذن الله .. اما الادويه كل ماتاخذينهم قاعده اتعب مبايضج واتقلل الاستجابه حق العلاج واهي المفروض ماتعطيج تفجير لما كان حجمهم 15 و 16 لانه مامنها فايده حجمهم صغير وايد الحين وكلي امرج لله وانتي مافيج شي يمنع الحمل واقتنعي اب هالشي حبيبتي انتي بس ريحي مخج وحاولي تستانسين مع ريلج ابهالفتره لين ربكم يكتبلكم الياهل وكل شي خيره من ربج صدقيني.. والله مايضيعلج تعب انشاء الله

 

[ظالمني]

ياقلبي والله حاسه فيج تعوذي من ابليس ولاتفكرين بالحمال لان التفكيير بيلعب بهرموناتج والله يرزقج امين

 

[strawberryq8]

كل وحدة فيكم
ودي ابوسها والمها من قلبي


ما قصرتو
عسا الله
لا يحرمني منكم يا خواتي اللي ما ولدتهم امي



عساني ماانحرم منكم

ومشكورين على الدعاء

ابشركم
الحمدلله
الضيقة راحت
وارتحت اللحين


الله اسجاب دعائكم


عسا ربي يحفظكم من كل شر
ويرزقنا الذرية الصالحة يارب

اشكر كل وحدة كتبتلي رد
وكل وحدة كتبت من قلبها كلمات اثرت فيني وريحتني


مشكوووووووووووووووووووورين الف مرة مشكورين

 

[توست و زبده]

الله يشرح صدرج حبيبتي و يرزقج من اوسع ابوااابه يا رب

 

[eng.q8]

يارب يرزقج بالذريه الصالحه اللي تفرح قلبج

 

[حياتي الكويت]

الله يشرح صدرج اللهم أمين وأختى ترى الأبر تسوى الحالة هذى وأنا كنت أعالج عند عالية الفضلى مع بنت أخوى والله أنها مصت دمى بالشهر ثلاث مرات مراجعة نتفتنى بس عزمة وتكلت على الله ورحت لمحسن طلبه في العيادات الخارجية في السلام والله يبنات أنه خوش دكتور روحيله والله يسرلج أمروج أنشالله

 

[Dloool_q8]

حياتي والله اذا لج رزق بتاخذينه بتاخذينه خلج ريلاااااكس